| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੮. ਮਿਞ੍ਜવਟਂਸਕਿਯਤ੍ਥੇਰਅਪਦਾਨਂ
8. Miñjavaṭaṃsakiyattheraapadānaṃ
੩੯.
39.
‘‘ਨਿਬ੍ਬੁਤੇ ਲੋਕਨਾਥਮ੍ਹਿ, ਸਿਖਿਮ੍ਹਿ વਦਤਂ વਰੇ।
‘‘Nibbute lokanāthamhi, sikhimhi vadataṃ vare;
વਟਂਸਕੇਹਿ ਆਕਿਣ੍ਣਂ, ਬੋਧਿਪੂਜਂ ਅਕਾਸਹਂ॥
Vaṭaṃsakehi ākiṇṇaṃ, bodhipūjaṃ akāsahaṃ.
੪੦.
40.
‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਪੂਜਮਕਰਿਂ ਤਦਾ।
‘‘Ekattiṃse ito kappe, yaṃ pūjamakariṃ tadā;
ਦੁਗ੍ਗਤਿਂ ਨਾਭਿਜਾਨਾਮਿ, ਬੋਧਿਪੂਜਾਯਿਦਂ ਫਲਂ॥
Duggatiṃ nābhijānāmi, bodhipūjāyidaṃ phalaṃ.
੪੧.
41.
‘‘ਇਤੋ ਛਬ੍ਬੀਸਤਿਕਪ੍ਪੇ, ਅਹੁਂ ਮੇਘਬ੍ਭਨਾਮਕੋ।
‘‘Ito chabbīsatikappe, ahuṃ meghabbhanāmako;
ਸਤ੍ਤਰਤਨਸਮ੍ਪਨ੍ਨੋ, ਚਕ੍ਕવਤ੍ਤੀ ਮਹਬ੍ਬਲੋ॥
Sattaratanasampanno, cakkavattī mahabbalo.
੪੨.
42.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਮਿਞ੍ਜવਟਂਸਕਿਯੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā miñjavaṭaṃsakiyo thero imā gāthāyo abhāsitthāti.
ਮਿਞ੍ਜવਟਂਸਕਿਯਤ੍ਥੇਰਸ੍ਸਾਪਦਾਨਂ ਅਟ੍ਠਮਂ।
Miñjavaṭaṃsakiyattherassāpadānaṃ aṭṭhamaṃ.
