| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[114] 4. мид̇ажинд̇ийж̇аад̇агаван̣н̣анаа
[114] 4. Mitacintījātakavaṇṇanā
б̣ахужинд̇ий аббажинд̇ийд̇и ид̣̇ам̣ сад̇т̇аа ж̇зд̇аванз вихаранд̇о д̣̇вз махаллагад̇т̇зрз аараб̣бха гат̇зси. д̇з гира ж̇анабад̣̇з згасмим̣ аран̃н̃ааваасз вассам̣ васид̇ваа ‘‘сад̇т̇у д̣̇ассанад̇т̇ааяа г̇ажчиссаамаа’’д̇и баат̇зяяам̣ саж̇ж̇зд̇ваа ‘‘аж̇ж̇а г̇ажчаама, свз г̇ажчаамаа’’д̇и маасам̣ ад̇иггаамзд̇ваа буна баат̇зяяам̣ саж̇ж̇зд̇ваа д̇ат̇зва маасам̣, буна маасанд̇и звам̣ ад̇д̇ано гусийд̇абхаавзна жзва ниваасадтаанз жа абзгкааяа д̇аяо маасз ад̇иггаамзд̇ваа д̇ад̇о нигкамма ж̇зд̇аванам̣ г̇анд̇ваа сабхааг̇адтаанз бад̇д̇ажийварам̣ бадисаамзд̇ваа сад̇т̇аарам̣ бассим̣су. ат̇а нз бхигкуу бужчим̣су ‘‘жирам̣ во, аавусо, б̣уд̣̇д̇хубадтаанам̣ агаронд̇аанам̣, гасмаа звам̣ жирааяид̇т̇аа’’д̇и? д̇з д̇амад̇т̇ам̣ аарожзсум̣. ат̇а нзсам̣ со ааласияагусийд̇абхааво бхигкусан̇гхз баагадо ж̇аад̇о. д̇хаммасабхааяамби д̇зсам̣ бхигкуунамзва ааласияабхаавам̣ ниссааяа гат̇ам̣ самудтаабзсум̣. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з д̇з баггосаабзд̇ваа ‘‘сажжам̣ гира д̇умхз, бхигкавз, аласаа гусийд̇аа’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘на, бхигкавз, ид̣̇аанзвзд̇з аласаа, буб̣б̣зби аласаа жзва ниваасадтаанз жа саалаяаа саабзгкаа’’д̇и вад̇ваа ад̇ийд̇ам̣ аахари.
Bahucintī appacintīti idaṃ satthā jetavane viharanto dve mahallakatthere ārabbha kathesi. Te kira janapade ekasmiṃ araññāvāse vassaṃ vasitvā ‘‘satthu dassanatthāya gacchissāmā’’ti pātheyyaṃ sajjetvā ‘‘ajja gacchāma, sve gacchāmā’’ti māsaṃ atikkāmetvā puna pātheyyaṃ sajjetvā tatheva māsaṃ, puna māsanti evaṃ attano kusītabhāvena ceva nivāsaṭṭhāne ca apekkhāya tayo māse atikkāmetvā tato nikkhamma jetavanaṃ gantvā sabhāgaṭṭhāne pattacīvaraṃ paṭisāmetvā satthāraṃ passiṃsu. Atha ne bhikkhū pucchiṃsu ‘‘ciraṃ vo, āvuso, buddhupaṭṭhānaṃ akarontānaṃ, kasmā evaṃ cirāyitthā’’ti? Te tamatthaṃ ārocesuṃ. Atha nesaṃ so ālasiyakusītabhāvo bhikkhusaṅghe pākaṭo jāto. Dhammasabhāyampi tesaṃ bhikkhūnameva ālasiyabhāvaṃ nissāya kathaṃ samuṭṭhāpesuṃ. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte te pakkosāpetvā ‘‘saccaṃ kira tumhe, bhikkhave, alasā kusītā’’ti pucchitvā ‘‘saccaṃ, bhante’’ti vutte ‘‘na, bhikkhave, idānevete alasā, pubbepi alasā ceva nivāsaṭṭhāne ca sālayā sāpekkhā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣аараан̣асинад̣̇ияам̣ д̇аяо мажчаа ахзсум̣, б̣ахужинд̇ий, аббажинд̇ий, мид̇ажинд̇ийд̇и д̇зсам̣ наамаани. д̇з аран̃н̃ад̇о мануссабат̇ам̣ ааг̇амим̣су. д̇ад̇т̇а мид̇ажинд̇ий ид̇арз д̣̇вз звамааха ‘‘аяам̣ мануссабат̇о наама саасан̇го саббадибхаяо, гзваддаа наанаббагаараани ж̇аалагуминаад̣̇ийни кибид̇ваа мажчз г̇ан̣ханд̇и, маяам̣ аран̃н̃амзва г̇ажчаамаа’’д̇и. ид̇арз д̣̇вз ж̇анаа аласад̇ааяа жзва аамисаг̇ид̣̇д̇хад̇ааяа жа ‘‘аж̇ж̇а г̇ажчаама, свз г̇ажчаамаа’’д̇и д̇аяо маасз ад̇иггаамзсум̣. ат̇а гзваддаа над̣̇ияам̣ ж̇аалам̣ кибим̣су. б̣ахужинд̇ий жа аббажинд̇ий жа г̇ожарам̣ г̇ан̣ханд̇аа бурад̇о г̇ажчанд̇и. д̇з ад̇д̇ано анд̇хаб̣аалад̇ааяа ж̇аалаг̇анд̇хам̣ асаллагкзд̇ваа ж̇аалагужчимзва бависим̣су. мид̇ажинд̇ий бажчад̇о ааг̇ажчанд̇о ж̇аалаг̇анд̇хам̣ саллагкзд̇ваа д̇зсан̃жа ж̇аалагужчим̣ бавидтабхаавам̣ н̃ад̇ваа ‘‘имзсам̣ гусийд̇аанам̣ анд̇хаб̣аалаанам̣ ж̇ийвид̇ад̣̇аанам̣ д̣̇ассаамий’’д̇и жинд̇зд̇ваа б̣ахибассзна ж̇аалагужчидтаанам̣ г̇анд̇ваа ж̇аалагужчим̣ паалзд̇ваа нигканд̇асад̣̇исо худ̇ваа уд̣̇агам̣ аалул̣знд̇о ж̇ааласса бурад̇о бад̇ид̇ваа буна ж̇аалагужчим̣ бависид̇ваа бажчимабхааг̇зна паалзд̇ваа нигканд̇асад̣̇исо уд̣̇агам̣ аалул̣знд̇о бажчимабхааг̇з бад̇и. гзваддаа ‘‘мажчаа ж̇аалам̣ паалзд̇ваа г̇ад̇аа’’д̇и ман̃н̃амаанаа ж̇аалагодияам̣ г̇ахзд̇ваа угкибим̣су. д̇з д̣̇взби мажчаа ж̇аалад̇о мужжид̇ваа уд̣̇агз бад̇им̣су. ид̇и д̇зхи мид̇ажинд̇им̣ ниссааяа ж̇ийвид̇ам̣ лад̣̇д̇хам̣.
Atīte bārāṇasiyaṃ brahmadatte rajjaṃ kārente bārāṇasinadiyaṃ tayo macchā ahesuṃ, bahucintī, appacintī, mitacintīti tesaṃ nāmāni. Te araññato manussapathaṃ āgamiṃsu. Tattha mitacintī itare dve evamāha ‘‘ayaṃ manussapatho nāma sāsaṅko sappaṭibhayo, kevaṭṭā nānappakārāni jālakuminādīni khipitvā macche gaṇhanti, mayaṃ araññameva gacchāmā’’ti. Itare dve janā alasatāya ceva āmisagiddhatāya ca ‘‘ajja gacchāma, sve gacchāmā’’ti tayo māse atikkāmesuṃ. Atha kevaṭṭā nadiyaṃ jālaṃ khipiṃsu. Bahucintī ca appacintī ca gocaraṃ gaṇhantā purato gacchanti. Te attano andhabālatāya jālagandhaṃ asallakkhetvā jālakucchimeva pavisiṃsu. Mitacintī pacchato āgacchanto jālagandhaṃ sallakkhetvā tesañca jālakucchiṃ paviṭṭhabhāvaṃ ñatvā ‘‘imesaṃ kusītānaṃ andhabālānaṃ jīvitadānaṃ dassāmī’’ti cintetvā bahipassena jālakucchiṭṭhānaṃ gantvā jālakucchiṃ phāletvā nikkhantasadiso hutvā udakaṃ āluḷento jālassa purato patitvā puna jālakucchiṃ pavisitvā pacchimabhāgena phāletvā nikkhantasadiso udakaṃ āluḷento pacchimabhāge pati. Kevaṭṭā ‘‘macchā jālaṃ phāletvā gatā’’ti maññamānā jālakoṭiyaṃ gahetvā ukkhipiṃsu. Te dvepi macchā jālato muccitvā udake patiṃsu. Iti tehi mitacintiṃ nissāya jīvitaṃ laddhaṃ.
сад̇т̇аа имам̣ ад̇ийд̇ам̣ аахарид̇ваа абхисамб̣уд̣̇д̇хо худ̇ваа имам̣ г̇аат̇амааха –
Satthā imaṃ atītaṃ āharitvā abhisambuddho hutvā imaṃ gāthamāha –
114.
114.
‘‘б̣ахужинд̇ий аббажинд̇ий, убхо ж̇аалз аб̣аж̇жхарз;
‘‘Bahucintī appacintī, ubho jāle abajjhare;
мид̇ажинд̇ий баможзси, убхо д̇ад̇т̇а самааг̇ад̇аа’’д̇и.
Mitacintī pamocesi, ubho tattha samāgatā’’ti.
д̇ад̇т̇а б̣ахужинд̇ийд̇и б̣ахужинд̇анад̇ааяа вид̇аггаб̣ахулад̇ааяа звам̣лад̣̇д̇ханаамо. ид̇арзсуби д̣̇вийсу аяамзва наяо. убхо д̇ад̇т̇а самааг̇ад̇аад̇и мид̇ажинд̇им̣ ниссааяа лад̣̇д̇хаж̇ийвид̇аа д̇ад̇т̇а уд̣̇агз буна убхоби ж̇анаа мид̇ажинд̇инаа сад̣̇д̇хим̣ самааг̇ад̇аад̇и ад̇т̇о.
Tattha bahucintīti bahucintanatāya vitakkabahulatāya evaṃladdhanāmo. Itaresupi dvīsu ayameva nayo. Ubho tattha samāgatāti mitacintiṃ nissāya laddhajīvitā tattha udake puna ubhopi janā mitacintinā saddhiṃ samāgatāti attho.
звам̣ сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз махаллагаа бхигкуу сод̇аабад̇д̇ипалз бад̇идтахим̣су. д̇ад̣̇аа б̣ахужинд̇ий жа аббажинд̇ий жа имз д̣̇вз ахзсум̣, мид̇ажинд̇ий бана ахамзва ахосинд̇и.
Evaṃ satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne mahallakā bhikkhū sotāpattiphale patiṭṭhahiṃsu. Tadā bahucintī ca appacintī ca ime dve ahesuṃ, mitacintī pana ahameva ahosinti.
мид̇ажинд̇ийж̇аад̇агаван̣н̣анаа жад̇уд̇т̇аа.
Mitacintījātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 114. мид̇ажинд̇иж̇аад̇агам̣ • 114. Mitacintijātakaṃ
