| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
6. мид̇д̇аагаал̣ийт̇зрийг̇аат̇ааван̣н̣анаа
6. Mittākāḷītherīgāthāvaṇṇanā
сад̣̇д̇хааяа баб̣б̣аж̇ид̇ваанаад̇иаад̣̇игаа мид̇д̇аагаал̣ияаа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий имасмим̣ б̣уд̣̇д̇хуббаад̣̇з гурурадтз гаммаасад̇хамманиг̇амз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇аа махаасад̇ибадтаанад̣̇зсанааяа бадилад̣̇д̇хасад̣̇д̇хаа бхигкунийсу баб̣б̣аж̇ид̇ваа сад̇д̇а сам̣важчараани лаабхасаггаараг̇ид̣̇д̇хигаа худ̇ваа саман̣ад̇хаммам̣ гаронд̇ий д̇ад̇т̇а д̇ад̇т̇а вижарид̇ваа абарабхааг̇з яонисо уммуж̇ж̇анд̇ий сам̣взг̇аж̇аад̇аа худ̇ваа вибассанам̣ бадтабзд̇ваа на жирассзва саха бадисамбхид̣̇аахи арахад̇д̇ам̣ бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Saddhāyapabbajitvānātiādikā mittākāḷiyā theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī imasmiṃ buddhuppāde kururaṭṭhe kammāsadhammanigame brāhmaṇakule nibbattitvā viññutaṃ pattā mahāsatipaṭṭhānadesanāya paṭiladdhasaddhā bhikkhunīsu pabbajitvā satta saṃvaccharāni lābhasakkāragiddhikā hutvā samaṇadhammaṃ karontī tattha tattha vicaritvā aparabhāge yoniso ummujjantī saṃvegajātā hutvā vipassanaṃ paṭṭhapetvā na cirasseva saha paṭisambhidāhi arahattaṃ patvā attano paṭipattiṃ paccavekkhitvā udānavasena –
92.
92.
‘‘сад̣̇д̇хааяа баб̣б̣аж̇ид̇ваана, аг̇аарасмаанаг̇аарияам̣;
‘‘Saddhāya pabbajitvāna, agārasmānagāriyaṃ;
вижарим̣хам̣ д̇зна д̇зна, лаабхасаггаарауссугаа.
Vicariṃhaṃ tena tena, lābhasakkāraussukā.
93.
93.
‘‘рин̃жид̇ваа барамам̣ ад̇т̇ам̣, хийнамад̇т̇ам̣ асзвихам̣;
‘‘Riñcitvā paramaṃ atthaṃ, hīnamatthaṃ asevihaṃ;
гилзсаанам̣ васам̣ г̇анд̇ваа, сааман̃н̃ад̇т̇ам̣ на б̣уж̇жхихам̣.
Kilesānaṃ vasaṃ gantvā, sāmaññatthaṃ na bujjhihaṃ.
94.
94.
‘‘д̇ассаа мз аху сам̣взг̇о, нисиннааяа вихаарагз;
‘‘Tassā me ahu saṃvego, nisinnāya vihārake;
уммаг̇г̇абадибаннаамхи, д̇ан̣хааяа васамааг̇ад̇аа.
Ummaggapaṭipannāmhi, taṇhāya vasamāgatā.
95.
95.
‘‘аббагам̣ ж̇ийвид̇ам̣ маяхам̣, ж̇араа б̣яаад̇хи жа мад̣̇д̣̇ад̇и;
‘‘Appakaṃ jīvitaṃ mayhaṃ, jarā byādhi ca maddati;
бурааяам̣ бхиж̇ж̇ад̇и гааяо, на мз гаало бамаж̇ж̇ид̇ум̣.
Purāyaṃ bhijjati kāyo, na me kālo pamajjituṃ.
96.
96.
‘‘яат̇аабхууд̇амавзгканд̇ий, канд̇хаанам̣ уд̣̇аяаб̣б̣аяам̣;
‘‘Yathābhūtamavekkhantī, khandhānaṃ udayabbayaṃ;
вимуд̇д̇ажид̇д̇аа удтаасим̣, гад̇ам̣ б̣уд̣̇д̇хасса саасана’’нд̇и. – имаа г̇аат̇аа абхааси;
Vimuttacittā uṭṭhāsiṃ, kataṃ buddhassa sāsana’’nti. – imā gāthā abhāsi;
д̇ад̇т̇а вижарим̣хам̣ д̇зна д̇зна, лаабхасаггаарауссугаад̇и лаабхз жа саггаарз жа уссугаа яуд̇д̇аббаяуд̇д̇аа худ̇ваа д̇зна д̇зна б̣аахусажжад̇хаммагат̇аад̣̇инаа лаабхуббаад̣̇ахзд̇унаа вижарим̣ ахам̣.
Tattha vicariṃhaṃ tena tena, lābhasakkāraussukāti lābhe ca sakkāre ca ussukā yuttappayuttā hutvā tena tena bāhusaccadhammakathādinā lābhuppādahetunā vicariṃ ahaṃ.
рин̃жид̇ваа барамам̣ ад̇т̇анд̇и жхаанавибассанаамаг̇г̇апалаад̣̇им̣ уд̇д̇амам̣ ад̇т̇ам̣ ж̇ахид̇ваа чад̣д̣зд̇ваа. хийнамад̇т̇ам̣ асзвиханд̇и жад̇убажжаяасан̇каад̇ааамисабхаавад̇о хийнам̣ лаамагам̣ ад̇т̇ам̣ аяонисо бариязсанааяа бадисзвим̣ ахам̣. гилзсаанам̣ васам̣ г̇анд̇ваад̇и маанамад̣̇ад̇ан̣хаад̣̇ийнам̣ гилзсаанам̣ васам̣ убаг̇анд̇ваа сааман̃н̃ад̇т̇ам̣ саман̣агижжам̣ на б̣уж̇жхим̣ на ж̇ааним̣ ахам̣.
Riñcitvā paramaṃ atthanti jhānavipassanāmaggaphalādiṃ uttamaṃ atthaṃ jahitvā chaḍḍetvā. Hīnamatthaṃ asevihanti catupaccayasaṅkhātaāmisabhāvato hīnaṃ lāmakaṃ atthaṃ ayoniso pariyesanāya paṭiseviṃ ahaṃ. Kilesānaṃ vasaṃ gantvāti mānamadataṇhādīnaṃ kilesānaṃ vasaṃ upagantvā sāmaññatthaṃ samaṇakiccaṃ na bujjhiṃ na jāniṃ ahaṃ.
нисиннааяа вихаарагзд̇и мама васанагаоварагз нисиннааяа аху сам̣взг̇о. гат̇анд̇и жз, ааха ‘‘уммаг̇г̇абадибаннаамхий’’д̇и. д̇ад̇т̇а уммаг̇г̇абадибаннаамхийд̇и яаавад̣̇зва анубаад̣̇ааяа бариниб̣б̣аанад̇т̇амид̣̇ам̣ саасанам̣, д̇ад̇т̇а саасанз баб̣б̣аж̇ид̇ваа гаммадтаанам̣ аманасигаронд̇ий д̇асса уммаг̇г̇абадибаннаа амхийд̇и. д̇ан̣хааяа васамааг̇ад̇аад̇и бажжаяуббаад̣̇анад̇ан̣хааяа васам̣ убаг̇ад̇аа.
Nisinnāyavihāraketi mama vasanakaovarake nisinnāya ahu saṃvego. Kathanti ce, āha ‘‘ummaggapaṭipannāmhī’’ti. Tattha ummaggapaṭipannāmhīti yāvadeva anupādāya parinibbānatthamidaṃ sāsanaṃ, tattha sāsane pabbajitvā kammaṭṭhānaṃ amanasikarontī tassa ummaggapaṭipannā amhīti. Taṇhāya vasamāgatāti paccayuppādanataṇhāya vasaṃ upagatā.
аббагам̣ ж̇ийвид̇ам̣ маяханд̇и барижчиннагаалаа важ̇ж̇ид̇ад̇о б̣ахуубад̣̇д̣̇авад̇о жа мама ж̇ийвид̇ам̣ аббагам̣ барид̇д̇ам̣ лахугам̣. ж̇араа б̣яаад̇хи жа мад̣̇д̣̇ад̇ийд̇и д̇ан̃жа саманд̇ад̇о аабад̇ид̇ваа ниббот̇знд̇аа баб̣б̣ад̇аа вияа ж̇араа б̣яаад̇хи жа мад̣̇д̣̇ад̇и ниммат̇ад̇и. ‘‘мад̣̇д̣̇арз’’д̇иби баато. бурааяам̣ бхиж̇ж̇ад̇и гааяод̇и аяам̣ гааяо бхиж̇ж̇ад̇и бураа. яасмаа д̇асса згам̣сиго бхзд̣̇о, д̇асмаа на мз гаало бамаж̇ж̇ид̇ум̣ аяам̣ гаало адтагкан̣аваж̇ж̇ид̇о навамо кан̣о, со бамаж̇ж̇ид̇ум̣ на яуд̇д̇од̇и д̇ассаахум̣ сам̣взг̇од̇и яож̇анаа.
Appakaṃ jīvitaṃ mayhanti paricchinnakālā vajjitato bahūpaddavato ca mama jīvitaṃ appakaṃ parittaṃ lahukaṃ. Jarā byādhi ca maddatīti tañca samantato āpatitvā nippothentā pabbatā viya jarā byādhi ca maddati nimmathati. ‘‘Maddare’’tipi pāṭho. Purāyaṃ bhijjati kāyoti ayaṃ kāyo bhijjati purā. Yasmā tassa ekaṃsiko bhedo, tasmā na me kālo pamajjituṃ ayaṃ kālo aṭṭhakkhaṇavajjito navamo khaṇo, so pamajjituṃ na yuttoti tassāhuṃ saṃvegoti yojanā.
яат̇аабхууд̇амавзгканд̇ийд̇и звам̣ ж̇аад̇асам̣взг̇аа вибассанам̣ бадтабзд̇ваа анижжаад̣̇иманасигаарзна яат̇аабхууд̇амавзгканд̇ий. гим̣ авзгканд̇ийд̇и ааха ‘‘канд̇хаанам̣ уд̣̇аяаб̣б̣аяа’’нд̇и. ‘‘авиж̇ж̇аасамуд̣̇аяаа руубасамуд̣̇аяо’’д̇иаад̣̇инаа (бади. ма. 1.50) самабан̃н̃аасаббабхзд̣̇аанам̣ бан̃жаннам̣ убаад̣̇аанагканд̇хаанам̣ уббаад̣̇анирод̇хан̃жа уд̣̇аяаб̣б̣аяаанубассанааяа авзгканд̇ий вибассанам̣ уссуггаабзд̇ваа маг̇г̇абадибаадияаа саб̣б̣асо гилзсзхи жа бхавзхи жа вимуд̇д̇ажид̇д̇аа удтаасим̣, убхад̇о удтаанзна маг̇г̇зна бхавад̇д̇аяад̇о жаад̇и вудтид̇аа ахосим̣. сзсам̣ вуд̇д̇анаяамзва.
Yathābhūtamavekkhantīti evaṃ jātasaṃvegā vipassanaṃ paṭṭhapetvā aniccādimanasikārena yathābhūtamavekkhantī. Kiṃ avekkhantīti āha ‘‘khandhānaṃ udayabbaya’’nti. ‘‘Avijjāsamudayā rūpasamudayo’’tiādinā (paṭi. ma. 1.50) samapaññāsappabhedānaṃ pañcannaṃ upādānakkhandhānaṃ uppādanirodhañca udayabbayānupassanāya avekkhantī vipassanaṃ ussukkāpetvā maggapaṭipāṭiyā sabbaso kilesehi ca bhavehi ca vimuttacittā uṭṭhāsiṃ, ubhato uṭṭhānena maggena bhavattayato cāti vuṭṭhitā ahosiṃ. Sesaṃ vuttanayameva.
мид̇д̇аагаал̣ийт̇зрийг̇аат̇ааван̣н̣анаа нидтид̇аа.
Mittākāḷītherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 6. мид̇д̇аагаал̣ийт̇зрийг̇аат̇аа • 6. Mittākāḷītherīgāthā
