| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[473] 10. мид̇д̇аамид̇д̇аж̇аад̇агаван̣н̣анаа
[473] 10. Mittāmittajātakavaṇṇanā
гаани гаммаанийд̇и ид̣̇ам̣ сад̇т̇аа ж̇зд̇аванз вихаранд̇о госаларан̃н̃о ад̇т̇ажарагам̣ амажжам̣ аараб̣бха гат̇зси. со гира ран̃н̃о б̣ахуубагааро ахоси. ат̇асса рааж̇аа ад̇ирзгасаммаанам̣ гаарзси. авасзсаа нам̣ асахамаанаа ‘‘д̣̇зва, асуго наама амажжо д̇умхаагам̣ анад̇т̇агаараго’’д̇и барибхинд̣̇им̣су. рааж̇аа д̇ам̣ бариг̇г̇ан̣ханд̇о гин̃жи д̣̇осам̣ ад̣̇исваа ‘‘ахам̣ имасса гин̃жи д̣̇осам̣ на бассаами, гат̇ам̣ ну ко саггаа маяаа имасса мид̇д̇абхаавам̣ ваа амид̇д̇абхаавам̣ ваа ж̇аанид̇у’’нд̇и жинд̇зд̇ваа ‘‘имам̣ бан̃хам̣ табзд̇ваа д̇ат̇ааг̇ад̇ам̣ ан̃н̃о ж̇аанид̇ум̣ на сагкиссад̇и, г̇анд̇ваа бужчиссаамий’’д̇и бхуд̇д̇абаад̇араасо сад̇т̇аарам̣ убасан̇гамид̇ваа ‘‘бханд̇з, гат̇ам̣ ну ко саггаа бурисзна ад̇д̇ано мид̇д̇абхаавам̣ ваа амид̇д̇абхаавам̣ ваа ж̇аанид̇у’’нд̇и бужчи. ат̇а нам̣ сад̇т̇аа ‘‘буб̣б̣зби махаарааж̇а, бан̣д̣ид̇аа имам̣ бан̃хам̣ жинд̇зд̇ваа бан̣д̣ид̇з бужчид̇ваа д̇зхи гат̇ид̇авасзна н̃ад̇ваа амид̇д̇з важ̇ж̇зд̇ваа мид̇д̇з сзвим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Kāni kammānīti idaṃ satthā jetavane viharanto kosalarañño atthacarakaṃ amaccaṃ ārabbha kathesi. So kira rañño bahūpakāro ahosi. Athassa rājā atirekasammānaṃ kāresi. Avasesā naṃ asahamānā ‘‘deva, asuko nāma amacco tumhākaṃ anatthakārako’’ti paribhindiṃsu. Rājā taṃ pariggaṇhanto kiñci dosaṃ adisvā ‘‘ahaṃ imassa kiñci dosaṃ na passāmi, kathaṃ nu kho sakkā mayā imassa mittabhāvaṃ vā amittabhāvaṃ vā jānitu’’nti cintetvā ‘‘imaṃ pañhaṃ ṭhapetvā tathāgataṃ añño jānituṃ na sakkhissati, gantvā pucchissāmī’’ti bhuttapātarāso satthāraṃ upasaṅkamitvā ‘‘bhante, kathaṃ nu kho sakkā purisena attano mittabhāvaṃ vā amittabhāvaṃ vā jānitu’’nti pucchi. Atha naṃ satthā ‘‘pubbepi mahārāja, paṇḍitā imaṃ pañhaṃ cintetvā paṇḍite pucchitvā tehi kathitavasena ñatvā amitte vajjetvā mitte seviṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса ад̇т̇ад̇хаммаанусаасаго амажжо ахоси. д̇ад̣̇аа б̣аараан̣асиран̃н̃о згам̣ ад̇т̇ажарагам̣ амажжам̣ сзсаа барибхинд̣̇им̣су. рааж̇аа д̇асса д̣̇осам̣ абассанд̇о ‘‘гат̇ам̣ ну ко саггаа мид̇д̇ам̣ ваа амид̇д̇ам̣ ваа н̃аад̇у’’нд̇и махаасад̇д̇ам̣ бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto tassa atthadhammānusāsako amacco ahosi. Tadā bārāṇasirañño ekaṃ atthacarakaṃ amaccaṃ sesā paribhindiṃsu. Rājā tassa dosaṃ apassanto ‘‘kathaṃ nu kho sakkā mittaṃ vā amittaṃ vā ñātu’’nti mahāsattaṃ pucchanto paṭhamaṃ gāthamāha –
121.
121.
‘‘гаани гаммаани губ̣б̣аанам̣, гат̇ам̣ вин̃н̃уу бараггамз;
‘‘Kāni kammāni kubbānaṃ, kathaṃ viññū parakkame;
амид̇д̇ам̣ ж̇аанзяяа мзд̇хаавий, д̣̇исваа суд̇ваа жа бан̣д̣ид̇о’’д̇и.
Amittaṃ jāneyya medhāvī, disvā sutvā ca paṇḍito’’ti.
д̇ассад̇т̇о – гаани гаммаани гаронд̇ам̣ мзд̇хаавий бан̣д̣ид̇о бурисо жагкунаа д̣̇исваа ваа сод̇зна суд̇ваа ваа ‘‘аяам̣ маяхам̣ амид̇д̇о’’д̇и ж̇аанзяяа, д̇асса ж̇аананад̇т̇ааяа гат̇ам̣ вин̃н̃уу бараггамзяяаад̇и.
Tassattho – kāni kammāni karontaṃ medhāvī paṇḍito puriso cakkhunā disvā vā sotena sutvā vā ‘‘ayaṃ mayhaṃ amitto’’ti jāneyya, tassa jānanatthāya kathaṃ viññū parakkameyyāti.
ат̇асса амид̇д̇алагкан̣ам̣ гат̇знд̇о ааха –
Athassa amittalakkhaṇaṃ kathento āha –
122.
122.
‘‘на нам̣ умхаяад̇з д̣̇исваа, на жа нам̣ бадинанд̣̇ад̇и;
‘‘Na naṃ umhayate disvā, na ca naṃ paṭinandati;
жагкууни жасса на д̣̇ад̣̇аад̇и, бадиломан̃жа вад̇д̇ад̇и.
Cakkhūni cassa na dadāti, paṭilomañca vattati.
123.
123.
‘‘амид̇д̇з д̇асса бхаж̇ад̇и, мид̇д̇з д̇асса на сзвад̇и;
‘‘Amitte tassa bhajati, mitte tassa na sevati;
ван̣н̣агаамз ниваарзд̇и, аггосанд̇з басам̣сад̇и.
Vaṇṇakāme nivāreti, akkosante pasaṃsati.
124.
124.
‘‘г̇уяхан̃жа д̇асса нагкаад̇и, д̇асса г̇уяхам̣ на г̇уухад̇и;
‘‘Guyhañca tassa nakkhāti, tassa guyhaṃ na gūhati;
гаммам̣ д̇асса на ван̣н̣зд̇и, бан̃н̃асса наббасам̣сад̇и.
Kammaṃ tassa na vaṇṇeti, paññassa nappasaṃsati.
125.
125.
‘‘абхавз нанд̣̇ад̇и д̇асса, бхавз д̇асса на нанд̣̇ад̇и;
‘‘Abhave nandati tassa, bhave tassa na nandati;
ажчзрам̣ бхож̇анам̣ лад̣̇д̇хаа, д̇асса нуббаж̇ж̇ад̇з сад̇и;
Accheraṃ bhojanaṃ laddhā, tassa nuppajjate sati;
д̇ад̇о нам̣ наанугамбад̇и, ахо соби лабхзяяид̇о.
Tato naṃ nānukampati, aho sopi labheyyito.
126.
126.
‘‘ижжзд̇з сол̣асаагаараа, амид̇д̇асмим̣ бад̇идтид̇аа;
‘‘Iccete soḷasākārā, amittasmiṃ patiṭṭhitā;
язхи амид̇д̇ам̣ ж̇аанзяяа, д̣̇исваа суд̇ваа жа бан̣д̣ид̇о’’д̇и.
Yehi amittaṃ jāneyya, disvā sutvā ca paṇḍito’’ti.
махаасад̇д̇о имаа бан̃жа г̇аат̇аа вад̇ваана буна –
Mahāsatto imā pañca gāthā vatvāna puna –
127.
127.
‘‘гаани гаммаани губ̣б̣аанам̣, гат̇ам̣ вин̃н̃уу бараггамз;
‘‘Kāni kammāni kubbānaṃ, kathaṃ viññū parakkame;
мид̇д̇ам̣ ж̇аанзяяа мзд̇хаавий, д̣̇исваа суд̇ваа жа бан̣д̣ид̇о’’д̇и. –
Mittaṃ jāneyya medhāvī, disvā sutvā ca paṇḍito’’ti. –
имааяа г̇аат̇ааяа мид̇д̇алагкан̣ам̣ будто сзсаг̇аат̇аа абхааси –
Imāya gāthāya mittalakkhaṇaṃ puṭṭho sesagāthā abhāsi –
128.
128.
‘‘бавуд̇т̇ам̣ д̇асса сарад̇и, ааг̇ад̇ам̣ абхинанд̣̇ад̇и;
‘‘Pavutthaṃ tassa sarati, āgataṃ abhinandati;
д̇ад̇о гзлааяид̇о ход̇и, ваажааяа бадинанд̣̇ад̇и.
Tato kelāyito hoti, vācāya paṭinandati.
129.
129.
‘‘мид̇д̇з д̇ассзва бхаж̇ад̇и, амид̇д̇з д̇асса на сзвад̇и;
‘‘Mitte tasseva bhajati, amitte tassa na sevati;
аггосанд̇з ниваарзд̇и, ван̣н̣агаамз басам̣сад̇и.
Akkosante nivāreti, vaṇṇakāme pasaṃsati.
130.
130.
‘‘г̇уяхан̃жа д̇асса агкаад̇и, д̇асса г̇уяхан̃жа г̇уухад̇и;
‘‘Guyhañca tassa akkhāti, tassa guyhañca gūhati;
гамман̃жа д̇асса ван̣н̣зд̇и, бан̃н̃ам̣ д̇асса басам̣сад̇и.
Kammañca tassa vaṇṇeti, paññaṃ tassa pasaṃsati.
131.
131.
‘‘бхавз жа нанд̣̇ад̇и д̇асса, абхавз д̇асса на нанд̣̇ад̇и;
‘‘Bhave ca nandati tassa, abhave tassa na nandati;
ажчзрам̣ бхож̇анам̣ лад̣̇д̇хаа, д̇асса уббаж̇ж̇ад̇з сад̇и;
Accheraṃ bhojanaṃ laddhā, tassa uppajjate sati;
д̇ад̇о нам̣ анугамбад̇и, ахо соби лабхзяяид̇о.
Tato naṃ anukampati, aho sopi labheyyito.
132.
132.
‘‘ижжзд̇з сол̣асаагаараа, мид̇д̇асмим̣ суббад̇идтид̇аа;
‘‘Iccete soḷasākārā, mittasmiṃ suppatiṭṭhitā;
язхи мид̇д̇ан̃жа ж̇аанзяяа, д̣̇исваа суд̇ваа жа бан̣д̣ид̇о’’д̇и.
Yehi mittañca jāneyya, disvā sutvā ca paṇḍito’’ti.
д̇ад̇т̇а на нам̣ умхаяад̇з д̣̇исваад̇и д̇ам̣ мид̇д̇ам̣ мид̇д̇абад̇ируубаго д̣̇исваа сид̇ам̣ на гарод̇и, бахадтаагаарам̣ на д̣̇ассзд̇и. на жа нам̣ бадинанд̣̇ад̇ийд̇и д̇асса гат̇ам̣ баг̇г̇ан̣ханд̇о на бадинанд̣̇ад̇и на д̇уссад̇и. жагкууни жасса на д̣̇ад̣̇аад̇ийд̇и ологзнд̇ам̣ на ологзд̇и. бадиломан̃жаад̇и д̇асса гат̇ам̣ бадибпарад̇и бадисад̇д̇у ход̇и. ван̣н̣агаамзд̇и д̇асса ван̣н̣ам̣ бхан̣анд̇з. нагкаад̇ийд̇и ад̇д̇ано г̇уяхам̣ д̇асса на аажигкад̇и. гаммам̣ д̇ассаад̇и д̇зна гад̇агаммам̣ на ван̣н̣аяад̇и. бан̃н̃ассаад̇и асса бан̃н̃ам̣ наббасам̣сад̇и, н̃аан̣асамбад̣̇ам̣ на басам̣сад̇и. абхавзд̇и авад̣дхияам̣. д̇асса нуббаж̇ж̇ад̇з сад̇ийд̇и д̇асса мид̇д̇абад̇ируубагасса ‘‘мама мид̇д̇ассаби ид̇о д̣̇ассаамий’’д̇и сад̇и на уббаж̇ж̇ад̇и. наанугамбад̇ийд̇и муд̣̇ужид̇д̇зна на жинд̇зд̇и. лабхзяяид̇од̇и лабхзяяа ид̇о. аагаараад̇и гааран̣аани. бавуд̇т̇анд̇и вид̣̇зсаг̇ад̇ам̣ . гзлааяид̇од̇и гзлааяад̇и мамааяад̇и бад̇т̇зд̇и бихзд̇и ижчад̇ийд̇и ад̇т̇о. ваажааяаад̇и мад̇хураважанзна д̇ам̣ самуд̣̇аажаранд̇о бадинанд̣̇ад̇и д̇уссад̇и. сзсам̣ вуд̇д̇абадибагканаязна взд̣̇ид̇аб̣б̣ам̣. рааж̇аа махаасад̇д̇асса гат̇ааяа ад̇д̇амано худ̇ваа д̇асса маханд̇ам̣ яасам̣ ад̣̇ааси.
Tattha na naṃ umhayate disvāti taṃ mittaṃ mittapatirūpako disvā sitaṃ na karoti, pahaṭṭhākāraṃ na dasseti. Na ca naṃ paṭinandatīti tassa kathaṃ paggaṇhanto na paṭinandati na tussati. Cakkhūni cassa na dadātīti olokentaṃ na oloketi. Paṭilomañcāti tassa kathaṃ paṭippharati paṭisattu hoti. Vaṇṇakāmeti tassa vaṇṇaṃ bhaṇante. Nakkhātīti attano guyhaṃ tassa na ācikkhati. Kammaṃ tassāti tena katakammaṃ na vaṇṇayati. Paññassāti assa paññaṃ nappasaṃsati, ñāṇasampadaṃ na pasaṃsati. Abhaveti avaḍḍhiyaṃ. Tassa nuppajjate satīti tassa mittapatirūpakassa ‘‘mama mittassapi ito dassāmī’’ti sati na uppajjati. Nānukampatīti muducittena na cinteti. Labheyyitoti labheyya ito. Ākārāti kāraṇāni. Pavutthanti videsagataṃ . Kelāyitoti kelāyati mamāyati pattheti piheti icchatīti attho. Vācāyāti madhuravacanena taṃ samudācaranto paṭinandati tussati. Sesaṃ vuttapaṭipakkhanayena veditabbaṃ. Rājā mahāsattassa kathāya attamano hutvā tassa mahantaṃ yasaṃ adāsi.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, махаарааж̇а, буб̣б̣збзса бан̃хо самудтахи, бан̣д̣ид̇аава нам̣ гат̇аяим̣су, имзхи д̣̇вад̇д̇им̣сааяа аагаарзхи мид̇д̇аамид̇д̇о ж̇аанид̇аб̣б̣о’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ, mahārāja, pubbepesa pañho samuṭṭhahi, paṇḍitāva naṃ kathayiṃsu, imehi dvattiṃsāya ākārehi mittāmitto jānitabbo’’ti vatvā jātakaṃ samodhānesi – ‘‘tadā rājā ānando ahosi, paṇḍitāmacco pana ahameva ahosi’’nti.
мид̇д̇аамид̇д̇аж̇аад̇агаван̣н̣анаа д̣̇асамаа.
Mittāmittajātakavaṇṇanā dasamā.
ж̇аад̇агуд̣̇д̣̇аанам̣ –
Jātakuddānaṃ –
гун̣аалам̣ бхад̣̇д̣̇асаалан̃жа, самуд̣̇д̣̇аваан̣иж̇а бан̣д̣ид̇ам̣;
Kuṇālaṃ bhaddasālañca, samuddavāṇija paṇḍitaṃ;
ж̇анасанд̇хам̣ махааган̣хам̣, госияам̣ сириманд̇агам̣.
Janasandhaṃ mahākaṇhaṃ, kosiyaṃ sirimantakaṃ.
бад̣̇умам̣ мид̇д̇аамид̇д̇ан̃жа, ижжзд̇з д̣̇аса ж̇аад̇агз;
Padumaṃ mittāmittañca, iccete dasa jātake;
сан̇г̇ааяим̣су махаат̇зраа, д̣̇ваад̣̇асамхи нибаад̇агз.
Saṅgāyiṃsu mahātherā, dvādasamhi nipātake.
д̣̇ваад̣̇асаганибаад̇аван̣н̣анаа нидтид̇аа.
Dvādasakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 473. мид̇д̇аамид̇д̇аж̇аад̇агам̣ • 473. Mittāmittajātakaṃ
