| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. மித்தஸுத்தங்
6. Mittasuttaṃ
1096. ‘‘யே ஹி கேசி, பி⁴க்க²வே, அனுகம்பெய்யாத², யே ச ஸோதப்³ப³ங் மஞ்ஞெய்யுங் – மித்தா வா அமச்சா வா ஞாதீ வா ஸாலோஹிதா வா – தே வோ, பி⁴க்க²வே, சதுன்னங் அரியஸச்சானங் யதா²பூ⁴தங் அபி⁴ஸமயாய ஸமாத³பேதப்³பா³ நிவேஸேதப்³பா³ பதிட்டா²பேதப்³பா³.
1096. ‘‘Ye hi keci, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te vo, bhikkhave, catunnaṃ ariyasaccānaṃ yathābhūtaṃ abhisamayāya samādapetabbā nivesetabbā patiṭṭhāpetabbā.
‘‘கதமேஸங் சதுன்னங்? து³க்க²ஸ்ஸ அரியஸச்சஸ்ஸ, து³க்க²ஸமுத³யஸ்ஸ அரியஸச்சஸ்ஸ, து³க்க²னிரோத⁴ஸ்ஸ அரியஸச்சஸ்ஸ, து³க்க²னிரோத⁴கா³மினியா படிபதா³ய அரியஸச்சஸ்ஸ. யே ஹி கேசி, பி⁴க்க²வே, அனுகம்பெய்யாத², யே ச ஸோதப்³ப³ங் மஞ்ஞெய்யுங் – மித்தா வா அமச்சா வா ஞாதீ வா ஸாலோஹிதா வா தே வோ, பி⁴க்க²வே, இமேஸங் சதுன்னங் அரியஸச்சானங் யதா²பூ⁴தங் அபி⁴ஸமயாய ஸமாத³பேதப்³பா³ நிவேஸேதப்³பா³ பதிட்டா²பேதப்³பா³.
‘‘Katamesaṃ catunnaṃ? Dukkhassa ariyasaccassa, dukkhasamudayassa ariyasaccassa, dukkhanirodhassa ariyasaccassa, dukkhanirodhagāminiyā paṭipadāya ariyasaccassa. Ye hi keci, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā te vo, bhikkhave, imesaṃ catunnaṃ ariyasaccānaṃ yathābhūtaṃ abhisamayāya samādapetabbā nivesetabbā patiṭṭhāpetabbā.
‘‘தஸ்மாதிஹ, பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. ச²ட்ட²ங்.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Chaṭṭhaṃ.
