| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. মিত্তসুত্তং
8. Mittasuttaṃ
৪১৪. ‘‘যে , ভিক্খৰে, অনুকম্পেয্যাথ, যে চ খো সোতব্বং মঞ্ঞেয্যুং মিত্তা ৰা অমচ্চা ৰা ঞাতী ৰা সালোহিতা ৰা, তে ৰো, ভিক্খৰে, চতুন্নং সতিপট্ঠানানং ভাৰনায সমাদপেতব্বা নিৰেসেতব্বা পতিট্ঠাপেতব্বা।
414. ‘‘Ye , bhikkhave, anukampeyyātha, ye ca kho sotabbaṃ maññeyyuṃ mittā vā amaccā vā ñātī vā sālohitā vā, te vo, bhikkhave, catunnaṃ satipaṭṭhānānaṃ bhāvanāya samādapetabbā nivesetabbā patiṭṭhāpetabbā.
‘‘কতমেসং, চতুন্নং? ইধ, ভিক্খৰে, ভিক্খু কাযে কাযানুপস্সী ৰিহরতি আতাপী সম্পজানো সতিমা, ৰিনেয্য লোকে অভিজ্ঝাদোমনস্সং; ৰেদনাসু…পে॰… চিত্তে…পে॰… ধম্মেসু ধম্মানুপস্সী ৰিহরতি আতাপী সম্পজানো সতিমা, ৰিনেয্য লোকে অভিজ্ঝাদোমনস্সং। যে, ভিক্খৰে, অনুকম্পেয্যাথ, যে চ সোতব্বং মঞ্ঞেয্যুং মিত্তা ৰা অমচ্চা ৰা ঞাতী ৰা সালোহিতা ৰা, তে ৰো, ভিক্খৰে, ইমেসং চতুন্নং সতিপট্ঠানানং ভাৰনায সমাদপেতব্বা নিৰেসেতব্বা পতিট্ঠাপেতব্বা’’তি। অট্ঠমং।
‘‘Katamesaṃ, catunnaṃ? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Ye, bhikkhave, anukampeyyātha, ye ca sotabbaṃ maññeyyuṃ mittā vā amaccā vā ñātī vā sālohitā vā, te vo, bhikkhave, imesaṃ catunnaṃ satipaṭṭhānānaṃ bhāvanāya samādapetabbā nivesetabbā patiṭṭhāpetabbā’’ti. Aṭṭhamaṃ.
