Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya

    ၃. မိတ္တသုတ္တံ

    3. Mittasuttaṃ

    ၆၇. ‘‘‘သော ဝတ, ဘိက္ခဝေ, ဘိက္ခု ပာပမိတ္တော ပာပသဟာယော ပာပသမ္ပဝင္ကော, ပာပမိတ္တေ 1 သေဝမာနော ဘဇမာနော ပယိရုပာသမာနော, တေသဉ္စ ဒိဋ္ဌာနုဂတိံ အာပဇ္ဇမာနော အာဘိသမာစာရိကံ ဓမ္မံ ပရိပူရေသ္သတီ’တိ နေတံ ဌာနံ ဝိဇ္ဇတိ။ ‘အာဘိသမာစာရိကံ ဓမ္မံ အပရိပူရေတ္ဝာ သေခံ ဓမ္မံ ပရိပူရေသ္သတီ’တိ နေတံ ဌာနံ ဝိဇ္ဇတိ။ ‘သေခံ ဓမ္မံ အပရိပူရေတ္ဝာ သီလာနိ ပရိပူရေသ္သတီ’တိ နေတံ ဌာနံ ဝိဇ္ဇတိ။ ‘သီလာနိ အပရိပူရေတ္ဝာ ကာမရာဂံ ဝာ ရူပရာဂံ ဝာ အရူပရာဂံ ဝာ ပဇဟိသ္သတီ’တိ နေတံ ဌာနံ ဝိဇ္ဇတိ။

    67. ‘‘‘So vata, bhikkhave, bhikkhu pāpamitto pāpasahāyo pāpasampavaṅko, pāpamitte 2 sevamāno bhajamāno payirupāsamāno, tesañca diṭṭhānugatiṃ āpajjamāno ābhisamācārikaṃ dhammaṃ paripūressatī’ti netaṃ ṭhānaṃ vijjati. ‘Ābhisamācārikaṃ dhammaṃ aparipūretvā sekhaṃ dhammaṃ paripūressatī’ti netaṃ ṭhānaṃ vijjati. ‘Sekhaṃ dhammaṃ aparipūretvā sīlāni paripūressatī’ti netaṃ ṭhānaṃ vijjati. ‘Sīlāni aparipūretvā kāmarāgaṃ vā rūparāgaṃ vā arūparāgaṃ vā pajahissatī’ti netaṃ ṭhānaṃ vijjati.

    ‘‘‘သော ဝတ, ဘိက္ခဝေ, ဘိက္ခု ကလ္ယာဏမိတ္တော ကလ္ယာဏသဟာယော ကလ္ယာဏသမ္ပဝင္ကော, ကလ္ယာဏမိတ္တေ သေဝမာနော ဘဇမာနော ပယိရုပာသမာနော, တေသဉ္စ ဒိဋ္ဌာနုဂတိံ အာပဇ္ဇမာနော အာဘိသမာစာရိကံ ဓမ္မံ ပရိပူရေသ္သတီ’တိ ဌာနမေတံ ဝိဇ္ဇတိ။ ‘အာဘိသမာစာရိကံ ဓမ္မံ ပရိပူရေတ္ဝာ သေခံ ဓမ္မံ ပရိပူရေသ္သတီ’တိ ဌာနမေတံ ဝိဇ္ဇတိ။ ‘သေခံ ဓမ္မံ ပရိပူရေတ္ဝာ သီလာနိ ပရိပူရေသ္သတီ’တိ ဌာနမေတံ ဝိဇ္ဇတိ။ ‘သီလာနိ ပရိပူရေတ္ဝာ ကာမရာဂံ ဝာ ရူပရာဂံ ဝာ အရူပရာဂံ ဝာ ပဇဟိသ္သတီ’တိ ဌာနမေတံ ဝိဇ္ဇတီ’’တိ။ တတိယံ။

    ‘‘‘So vata, bhikkhave, bhikkhu kalyāṇamitto kalyāṇasahāyo kalyāṇasampavaṅko, kalyāṇamitte sevamāno bhajamāno payirupāsamāno, tesañca diṭṭhānugatiṃ āpajjamāno ābhisamācārikaṃ dhammaṃ paripūressatī’ti ṭhānametaṃ vijjati. ‘Ābhisamācārikaṃ dhammaṃ paripūretvā sekhaṃ dhammaṃ paripūressatī’ti ṭhānametaṃ vijjati. ‘Sekhaṃ dhammaṃ paripūretvā sīlāni paripūressatī’ti ṭhānametaṃ vijjati. ‘Sīlāni paripūretvā kāmarāgaṃ vā rūparāgaṃ vā arūparāgaṃ vā pajahissatī’ti ṭhānametaṃ vijjatī’’ti. Tatiyaṃ.




    Next: ၄. သင္ဂဏိကာရာမသုတ္တံ • 4. Saṅgaṇikārāmasuttaṃ




    Footnotes:
    1. ပာပကေ မိတ္တေ (က.)
    2. pāpake mitte (ka.)



    Related texts:



    အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁-၃. အနာဂာမိဖလသုတ္တာဒိဝဏ္ဏနာ • 1-3. Anāgāmiphalasuttādivaṇṇanā

    ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၃. အနာဂာမိဖလသုတ္တာဒိဝဏ္ဏနာ • 1-3. Anāgāmiphalasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact