| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
3. මිත්‌තසුත්‌තං
3. Mittasuttaṃ
67. ‘‘‘සො වත, භික්‌ඛවෙ, භික්‌ඛු පාපමිත්‌තො පාපසහායො පාපසම්‌පවඞ්‌කො, පාපමිත්‌තෙ 1 සෙවමානො භජමානො පයිරුපාසමානො, තෙසඤ්‌ච දිට්‌ඨානුගතිං ආපජ්‌ජමානො ආභිසමාචාරිකං ධම්‌මං පරිපූරෙස්‌සතී’ති නෙතං ඨානං විජ්‌ජති. ‘ආභිසමාචාරිකං ධම්‌මං අපරිපූරෙත්‌වා සෙඛං ධම්‌මං පරිපූරෙස්‌සතී’ති නෙතං ඨානං විජ්‌ජති. ‘සෙඛං ධම්‌මං අපරිපූරෙත්‌වා සීලානි පරිපූරෙස්‌සතී’ති නෙතං ඨානං විජ්‌ජති. ‘සීලානි අපරිපූරෙත්‌වා කාමරාගං වා රූපරාගං වා අරූපරාගං වා පජහිස්‌සතී’ති නෙතං ඨානං විජ්‌ජති.
67. ‘‘‘So vata, bhikkhave, bhikkhu pāpamitto pāpasahāyo pāpasampavaṅko, pāpamitte 2 sevamāno bhajamāno payirupāsamāno, tesañca diṭṭhānugatiṃ āpajjamāno ābhisamācārikaṃ dhammaṃ paripūressatī’ti netaṃ ṭhānaṃ vijjati. ‘Ābhisamācārikaṃ dhammaṃ aparipūretvā sekhaṃ dhammaṃ paripūressatī’ti netaṃ ṭhānaṃ vijjati. ‘Sekhaṃ dhammaṃ aparipūretvā sīlāni paripūressatī’ti netaṃ ṭhānaṃ vijjati. ‘Sīlāni aparipūretvā kāmarāgaṃ vā rūparāgaṃ vā arūparāgaṃ vā pajahissatī’ti netaṃ ṭhānaṃ vijjati.
‘‘‘සො වත, භික්‌ඛවෙ, භික්‌ඛු කල්‍යාණමිත්‌තො කල්‍යාණසහායො කල්‍යාණසම්‌පවඞ්‌කො, කල්‍යාණමිත්‌තෙ සෙවමානො භජමානො පයිරුපාසමානො, තෙසඤ්‌ච දිට්‌ඨානුගතිං ආපජ්‌ජමානො ආභිසමාචාරිකං ධම්‌මං පරිපූරෙස්‌සතී’ති ඨානමෙතං විජ්‌ජති. ‘ආභිසමාචාරිකං ධම්‌මං පරිපූරෙත්‌වා සෙඛං ධම්‌මං පරිපූරෙස්‌සතී’ති ඨානමෙතං විජ්‌ජති. ‘සෙඛං ධම්‌මං පරිපූරෙත්‌වා සීලානි පරිපූරෙස්‌සතී’ති ඨානමෙතං විජ්‌ජති. ‘සීලානි පරිපූරෙත්‌වා කාමරාගං වා රූපරාගං වා අරූපරාගං වා පජහිස්‌සතී’ති ඨානමෙතං විජ්‌ජතී’’ති. තතියං.
‘‘‘So vata, bhikkhave, bhikkhu kalyāṇamitto kalyāṇasahāyo kalyāṇasampavaṅko, kalyāṇamitte sevamāno bhajamāno payirupāsamāno, tesañca diṭṭhānugatiṃ āpajjamāno ābhisamācārikaṃ dhammaṃ paripūressatī’ti ṭhānametaṃ vijjati. ‘Ābhisamācārikaṃ dhammaṃ paripūretvā sekhaṃ dhammaṃ paripūressatī’ti ṭhānametaṃ vijjati. ‘Sekhaṃ dhammaṃ paripūretvā sīlāni paripūressatī’ti ṭhānametaṃ vijjati. ‘Sīlāni paripūretvā kāmarāgaṃ vā rūparāgaṃ vā arūparāgaṃ vā pajahissatī’ti ṭhānametaṃ vijjatī’’ti. Tatiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1-3. අනාගාමිඵලසුත්‌තාදිවණ්‌ණනා • 1-3. Anāgāmiphalasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-3. අනාගාමිඵලසුත්‌තාදිවණ්‌ණනා • 1-3. Anāgāmiphalasuttādivaṇṇanā
