Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya

    ༣. མིཏྟསུཏྟཾ

    3. Mittasuttaṃ

    ༦༧. ‘‘‘སོ ཝཏ, བྷིཀྑཝེ, བྷིཀྑུ པཱཔམིཏྟོ པཱཔསཧཱཡོ པཱཔསམྤཝངྐོ, པཱཔམིཏྟེ 1 སེཝམཱནོ བྷཛམཱནོ པཡིརུཔཱསམཱནོ, ཏེསཉྩ དིཊྛཱནུགཏིཾ ཨཱཔཛྫམཱནོ ཨཱབྷིསམཱཙཱརིཀཾ དྷམྨཾ པརིཔཱུརེསྶཏཱི’ཏི ནེཏཾ ཋཱནཾ ཝིཛྫཏི། ‘ཨཱབྷིསམཱཙཱརིཀཾ དྷམྨཾ ཨཔརིཔཱུརེཏྭཱ སེཁཾ དྷམྨཾ པརིཔཱུརེསྶཏཱི’ཏི ནེཏཾ ཋཱནཾ ཝིཛྫཏི། ‘སེཁཾ དྷམྨཾ ཨཔརིཔཱུརེཏྭཱ སཱིལཱནི པརིཔཱུརེསྶཏཱི’ཏི ནེཏཾ ཋཱནཾ ཝིཛྫཏི། ‘སཱིལཱནི ཨཔརིཔཱུརེཏྭཱ ཀཱམརཱགཾ ཝཱ རཱུཔརཱགཾ ཝཱ ཨརཱུཔརཱགཾ ཝཱ པཛཧིསྶཏཱི’ཏི ནེཏཾ ཋཱནཾ ཝིཛྫཏི།

    67. ‘‘‘So vata, bhikkhave, bhikkhu pāpamitto pāpasahāyo pāpasampavaṅko, pāpamitte 2 sevamāno bhajamāno payirupāsamāno, tesañca diṭṭhānugatiṃ āpajjamāno ābhisamācārikaṃ dhammaṃ paripūressatī’ti netaṃ ṭhānaṃ vijjati. ‘Ābhisamācārikaṃ dhammaṃ aparipūretvā sekhaṃ dhammaṃ paripūressatī’ti netaṃ ṭhānaṃ vijjati. ‘Sekhaṃ dhammaṃ aparipūretvā sīlāni paripūressatī’ti netaṃ ṭhānaṃ vijjati. ‘Sīlāni aparipūretvā kāmarāgaṃ vā rūparāgaṃ vā arūparāgaṃ vā pajahissatī’ti netaṃ ṭhānaṃ vijjati.

    ‘‘‘སོ ཝཏ, བྷིཀྑཝེ, བྷིཀྑུ ཀལྱཱཎམིཏྟོ ཀལྱཱཎསཧཱཡོ ཀལྱཱཎསམྤཝངྐོ, ཀལྱཱཎམིཏྟེ སེཝམཱནོ བྷཛམཱནོ པཡིརུཔཱསམཱནོ, ཏེསཉྩ དིཊྛཱནུགཏིཾ ཨཱཔཛྫམཱནོ ཨཱབྷིསམཱཙཱརིཀཾ དྷམྨཾ པརིཔཱུརེསྶཏཱི’ཏི ཋཱནམེཏཾ ཝིཛྫཏི། ‘ཨཱབྷིསམཱཙཱརིཀཾ དྷམྨཾ པརིཔཱུརེཏྭཱ སེཁཾ དྷམྨཾ པརིཔཱུརེསྶཏཱི’ཏི ཋཱནམེཏཾ ཝིཛྫཏི། ‘སེཁཾ དྷམྨཾ པརིཔཱུརེཏྭཱ སཱིལཱནི པརིཔཱུརེསྶཏཱི’ཏི ཋཱནམེཏཾ ཝིཛྫཏི། ‘སཱིལཱནི པརིཔཱུརེཏྭཱ ཀཱམརཱགཾ ཝཱ རཱུཔརཱགཾ ཝཱ ཨརཱུཔརཱགཾ ཝཱ པཛཧིསྶཏཱི’ཏི ཋཱནམེཏཾ ཝིཛྫཏཱི’’ཏི། ཏཏིཡཾ།

    ‘‘‘So vata, bhikkhave, bhikkhu kalyāṇamitto kalyāṇasahāyo kalyāṇasampavaṅko, kalyāṇamitte sevamāno bhajamāno payirupāsamāno, tesañca diṭṭhānugatiṃ āpajjamāno ābhisamācārikaṃ dhammaṃ paripūressatī’ti ṭhānametaṃ vijjati. ‘Ābhisamācārikaṃ dhammaṃ paripūretvā sekhaṃ dhammaṃ paripūressatī’ti ṭhānametaṃ vijjati. ‘Sekhaṃ dhammaṃ paripūretvā sīlāni paripūressatī’ti ṭhānametaṃ vijjati. ‘Sīlāni paripūretvā kāmarāgaṃ vā rūparāgaṃ vā arūparāgaṃ vā pajahissatī’ti ṭhānametaṃ vijjatī’’ti. Tatiyaṃ.




    Next: ༤. སངྒཎིཀཱརཱམསུཏྟཾ • 4. Saṅgaṇikārāmasuttaṃ




    Footnotes:
    1. པཱཔཀེ མིཏྟེ (ཀ॰)
    2. pāpake mitte (ka.)



    Related texts:



    ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡-༣. ཨནཱགཱམིཕལསུཏྟཱདིཝཎྞནཱ • 1-3. Anāgāmiphalasuttādivaṇṇanā

    ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༣. ཨནཱགཱམིཕལསུཏྟཱདིཝཎྞནཱ • 1-3. Anāgāmiphalasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact