| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. மித்தஸுத்தவண்ணனா
3. Mittasuttavaṇṇanā
53. ததியே ஸத்தோ²தி ஸத்³தி⁴ங்சரோ, ஜங்க⁴ஸத்தோ² வா ஸகடஸத்தோ² வா. மித்தந்தி ரோகே³ உப்பன்னே பாடங்கியா வா அஞ்ஞேன வா யானேன ஹரித்வா கே²மந்தஸம்பாபனேன மித்தங். ஸகே க⁴ரேதி அத்தனோ கே³ஹே . ததா²ரூபே ரோகே³ ஜாதே புத்தப⁴ரியாத³யோ ஜிகு³ச்ச²ந்தி, மாதா பன அஸுசிம்பி சந்த³னங் விய மஞ்ஞதி. தஸ்மா ஸா ஸகே க⁴ரே மித்தங். ஸஹாயோ அத்த²ஜாதஸ்ஸாதி உப்பன்னகிச்சஸ்ஸ யோ தங் கிச்சங் வஹதி நித்த²ரதி, ஸோ கிச்சேஸு ஸஹ அயனபா⁴வேன ஸஹாயோ மித்தங், ஸுராபானாதி³ஸஹாயா பன ந மித்தா. ஸம்பராயிகந்தி ஸம்பராயஹிதங். ததியங்.
53. Tatiye satthoti saddhiṃcaro, jaṅghasattho vā sakaṭasattho vā. Mittanti roge uppanne pāṭaṅkiyā vā aññena vā yānena haritvā khemantasampāpanena mittaṃ. Sake ghareti attano gehe . Tathārūpe roge jāte puttabhariyādayo jigucchanti, mātā pana asucimpi candanaṃ viya maññati. Tasmā sā sake ghare mittaṃ. Sahāyo atthajātassāti uppannakiccassa yo taṃ kiccaṃ vahati nittharati, so kiccesu saha ayanabhāvena sahāyo mittaṃ, surāpānādisahāyā pana na mittā. Samparāyikanti samparāyahitaṃ. Tatiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. மித்தஸுத்தங் • 3. Mittasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. மித்தஸுத்தவண்ணனா • 3. Mittasuttavaṇṇanā
