| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
३. मित्तसुत्तवण्णना
3. Mittasuttavaṇṇanā
५३. ततिये सत्थोति सद्धिंचरो, जङ्घसत्थो वा सकटसत्थो वा। मित्तन्ति रोगे उप्पन्ने पाटङ्किया वा अञ्ञेन वा यानेन हरित्वा खेमन्तसम्पापनेन मित्तं। सके घरेति अत्तनो गेहे । तथारूपे रोगे जाते पुत्तभरियादयो जिगुच्छन्ति, माता पन असुचिम्पि चन्दनं विय मञ्ञति। तस्मा सा सके घरे मित्तं। सहायो अत्थजातस्साति उप्पन्नकिच्चस्स यो तं किच्चं वहति नित्थरति, सो किच्चेसु सह अयनभावेन सहायो मित्तं, सुरापानादिसहाया पन न मित्ता। सम्परायिकन्ति सम्परायहितं। ततियं।
53. Tatiye satthoti saddhiṃcaro, jaṅghasattho vā sakaṭasattho vā. Mittanti roge uppanne pāṭaṅkiyā vā aññena vā yānena haritvā khemantasampāpanena mittaṃ. Sake ghareti attano gehe . Tathārūpe roge jāte puttabhariyādayo jigucchanti, mātā pana asucimpi candanaṃ viya maññati. Tasmā sā sake ghare mittaṃ. Sahāyo atthajātassāti uppannakiccassa yo taṃ kiccaṃ vahati nittharati, so kiccesu saha ayanabhāvena sahāyo mittaṃ, surāpānādisahāyā pana na mittā. Samparāyikanti samparāyahitaṃ. Tatiyaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ३. मित्तसुत्तं • 3. Mittasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ३. मित्तसुत्तवण्णना • 3. Mittasuttavaṇṇanā
