| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៣. មិត្តសុត្តវណ្ណនា
3. Mittasuttavaṇṇanā
៥៣. តតិយេ សត្ថោតិ សទ្ធិំចរោ, ជង្ឃសត្ថោ វា សកដសត្ថោ វា។ មិត្តន្តិ រោគេ ឧប្បន្នេ បាដង្កិយា វា អញ្ញេន វា យានេន ហរិត្វា ខេមន្តសម្បាបនេន មិត្តំ។ សកេ ឃរេតិ អត្តនោ គេហេ ។ តថារូបេ រោគេ ជាតេ បុត្តភរិយាទយោ ជិគុច្ឆន្តិ, មាតា បន អសុចិម្បិ ចន្ទនំ វិយ មញ្ញតិ។ តស្មា សា សកេ ឃរេ មិត្តំ។ សហាយោ អត្ថជាតស្សាតិ ឧប្បន្នកិច្ចស្ស យោ តំ កិច្ចំ វហតិ និត្ថរតិ, សោ កិច្ចេសុ សហ អយនភាវេន សហាយោ មិត្តំ, សុរាបានាទិសហាយា បន ន មិត្តា។ សម្បរាយិកន្តិ សម្បរាយហិតំ។ តតិយំ។
53. Tatiye satthoti saddhiṃcaro, jaṅghasattho vā sakaṭasattho vā. Mittanti roge uppanne pāṭaṅkiyā vā aññena vā yānena haritvā khemantasampāpanena mittaṃ. Sake ghareti attano gehe . Tathārūpe roge jāte puttabhariyādayo jigucchanti, mātā pana asucimpi candanaṃ viya maññati. Tasmā sā sake ghare mittaṃ. Sahāyo atthajātassāti uppannakiccassa yo taṃ kiccaṃ vahati nittharati, so kiccesu saha ayanabhāvena sahāyo mittaṃ, surāpānādisahāyā pana na mittā. Samparāyikanti samparāyahitaṃ. Tatiyaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. មិត្តសុត្តំ • 3. Mittasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៣. មិត្តសុត្តវណ្ណនា • 3. Mittasuttavaṇṇanā
