| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. မိတ္တသုတ္တဝဏ္ဏနာ
3. Mittasuttavaṇṇanā
၅၃. သဟ အတ္ထေန ဝတ္တတီတိ သတ္ထော, ဘဏ္ဍမူလံ ဂဟေတ္ဝာ ဝာဏိဇ္ဇဝသေန ဒေသန္တရာဒီသု ဝိစရဏကဇနသမူဟော။ တေနာဟ ‘‘သဒ္ဓိံစရော’’တိ, သဟစရဏကောတိ အတ္ထော။ မိတ္တန္တိ သိနေဟယောဂေန မိတ္တကိစ္စယုတ္တံ ။ ဣဓာဓိပ္ပေတပ္ပကာရံ ဒသ္သေတုံ ‘‘ရောဂေ ဥပ္ပန္နေ’’တိအာဒိ ဝုတ္တံ။ တထာရူပေတိ ဇိဂုစ္ဆနီယေ, ဒုတ္တိကိစ္ဆေ ဝာ။ ယထာ အသဏ္ဌိတာနံ သဏ္ဌာပနဝသေန ပဝသတော ပုရိသသ္သ ဘောဂဗ္ယသနေ နာထတာ, ဧဝံ ပုတ္တသိနေဟဝသေန ပုတ္တသ္သ မာတုယာ အန္တောဂေဟေ နာထတာတိ ဝုတ္တံ ‘‘မာတာ မိတ္တံ သကေ ဃရေ’’တိ။ အတ္ထဇာတသ္သာတိ ဥပဋ္ဌိတပယောဇနသ္သာတိ အတ္ထောတိ အာဟ ‘‘ဥပ္ပန္နကိစ္စသ္သာ’’တိ။ သမ္ပရာယဟိတန္တိ သမ္ပရာယေ ဟိတာဝဟံ။
53. Saha atthena vattatīti sattho, bhaṇḍamūlaṃ gahetvā vāṇijjavasena desantarādīsu vicaraṇakajanasamūho. Tenāha ‘‘saddhiṃcaro’’ti, sahacaraṇakoti attho. Mittanti sinehayogena mittakiccayuttaṃ . Idhādhippetappakāraṃ dassetuṃ ‘‘roge uppanne’’tiādi vuttaṃ. Tathārūpeti jigucchanīye, duttikicche vā. Yathā asaṇṭhitānaṃ saṇṭhāpanavasena pavasato purisassa bhogabyasane nāthatā, evaṃ puttasinehavasena puttassa mātuyā antogehe nāthatāti vuttaṃ ‘‘mātā mittaṃ sake ghare’’ti. Atthajātassāti upaṭṭhitapayojanassāti atthoti āha ‘‘uppannakiccassā’’ti. Samparāyahitanti samparāye hitāvahaṃ.
မိတ္တသုတ္တဝဏ္ဏနာ နိဋ္ဌိတာ။
Mittasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. မိတ္တသုတ္တံ • 3. Mittasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. မိတ္တသုတ္တဝဏ္ဏနာ • 3. Mittasuttavaṇṇanā
