| Library / Tipiṭaka / திபிடக • Tipiṭaka / ஜாதக-அட்ட²கதா² • Jātaka-aṭṭhakathā |
[104] 4. மித்தவிந்த³கஜாதகவண்ணனா
[104] 4. Mittavindakajātakavaṇṇanā
சதுப்³பி⁴ அட்ட²ஜ்ஜ²க³மாதி இத³ங் ஸத்தா² ஜேதவனே விஹரந்தோ ஏகங் து³ப்³ப³சபி⁴க்கு²ங் ஆரப்³ப⁴ கதே²ஸி. வத்து² ஹெட்டா² மித்தவிந்த³கஜாதகே வுத்தனயேன வித்தா²ரேதப்³ப³ங். இத³ங் பன ஜாதகங் கஸ்ஸபபு³த்³த⁴காலிகங். தஸ்மிஞ்ஹி காலே உரசக்கங் உக்கி²பித்வா நிரயே பச்சமானோ ஏகோ நேரயிகஸத்தோ ‘‘ப⁴ந்தே, கிங் நு கோ² பாபகம்மங் அகாஸி’’ந்தி போ³தி⁴ஸத்தங் புச்சி². போ³தி⁴ஸத்தோ ‘‘தயா இத³ஞ்சித³ஞ்ச பாபகம்மங் கத’’ந்தி வத்வா இமங் கா³த²மாஹ –
Catubbhi aṭṭhajjhagamāti idaṃ satthā jetavane viharanto ekaṃ dubbacabhikkhuṃ ārabbha kathesi. Vatthu heṭṭhā mittavindakajātake vuttanayena vitthāretabbaṃ. Idaṃ pana jātakaṃ kassapabuddhakālikaṃ. Tasmiñhi kāle uracakkaṃ ukkhipitvā niraye paccamāno eko nerayikasatto ‘‘bhante, kiṃ nu kho pāpakammaṃ akāsi’’nti bodhisattaṃ pucchi. Bodhisatto ‘‘tayā idañcidañca pāpakammaṃ kata’’nti vatvā imaṃ gāthamāha –
104.
104.
‘‘சதுப்³பி⁴ அட்ட²ஜ்ஜ²க³மா, அட்டா²ஹிபி ச ஸோளஸ;
‘‘Catubbhi aṭṭhajjhagamā, aṭṭhāhipi ca soḷasa;
ஸோளஸாஹி ச பா³த்திங்ஸ, அத்ரிச்ச²ங் சக்கமாஸதோ³;
Soḷasāhi ca bāttiṃsa, atricchaṃ cakkamāsado;
இச்சா²ஹதஸ்ஸ போஸஸ்ஸ, சக்கங் ப⁴மதி மத்த²கே’’தி.
Icchāhatassa posassa, cakkaṃ bhamati matthake’’ti.
தத்த² சதுப்³பி⁴ அட்ட²ஜ்ஜ²க³மாதி ஸமுத்³த³ந்தரே சதஸ்ஸோ விமானபேதியோ லபி⁴த்வா தாஹி அஸந்துட்டோ² அத்ரிச்ச²தாய பரதோ க³ந்த்வா அபரா அட்ட² அதி⁴க³தோஸீதி அத்தோ². ஸேஸபத³த்³வயேபி ஏஸேவ நயோ. அத்ரிச்ச²ங் சக்கமாஸதோ³தி ஏவங் ஸகலாபே⁴ன அஸந்துட்டோ² அத்ர அத்ர இச்ச²ந்தோ பரதோ பரதோ லாப⁴ங் பத்தெ²ந்தோ இதா³னி சக்கமாஸதோ³ இத³ங் உரசக்கங் பத்தோஸி. தஸ்ஸ தே ஏவங் இச்சா²ஹதஸ்ஸ போஸஸ்ஸ தண்ஹாய ஹதஸ்ஸ உபஹதஸ்ஸ தவ சக்கங் ப⁴மதி மத்த²கே. பாஸாணசக்கங், அயசக்கந்தி இமேஸு த்³வீஸு கு²ரதா⁴ரங் அயசக்கங் தஸ்ஸ மத்த²கே புனப்புனங் பதனவஸேன ப⁴மந்தங் தி³ஸ்வா ஏவமாஹ. வத்வா ச பன அத்தனோ தே³வலோகமேவ க³தோ. ஸோபி நேரயிகஸத்தோ அத்தனோ பாபே கீ²ணே யதா²கம்மங் க³தோ.
Tattha catubbhi aṭṭhajjhagamāti samuddantare catasso vimānapetiyo labhitvā tāhi asantuṭṭho atricchatāya parato gantvā aparā aṭṭha adhigatosīti attho. Sesapadadvayepi eseva nayo. Atricchaṃ cakkamāsadoti evaṃ sakalābhena asantuṭṭho atra atra icchanto parato parato lābhaṃ patthento idāni cakkamāsado idaṃ uracakkaṃ pattosi. Tassa te evaṃ icchāhatassa posassa taṇhāya hatassa upahatassa tava cakkaṃ bhamati matthake. Pāsāṇacakkaṃ, ayacakkanti imesu dvīsu khuradhāraṃ ayacakkaṃ tassa matthake punappunaṃ patanavasena bhamantaṃ disvā evamāha. Vatvā ca pana attano devalokameva gato. Sopi nerayikasatto attano pāpe khīṇe yathākammaṃ gato.
ஸத்தா² இமங் த⁴ம்மதே³ஸனங் ஆஹரித்வா ஜாதகங் ஸமோதா⁴னேஸி – ‘‘ததா³ மித்தவிந்த³கோ து³ப்³ப³சபி⁴க்கு² அஹோஸி, தே³வபுத்தோ பன அஹமேவ அஹோஸி’’ந்தி.
Satthā imaṃ dhammadesanaṃ āharitvā jātakaṃ samodhānesi – ‘‘tadā mittavindako dubbacabhikkhu ahosi, devaputto pana ahameva ahosi’’nti.
மித்தவிந்த³கஜாதகவண்ணனா சதுத்தா².
Mittavindakajātakavaṇṇanā catutthā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / ஜாதகபாளி • Jātakapāḷi / 104. மித்தவிந்த³கஜாதகங் • 104. Mittavindakajātakaṃ
