| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[369] 9. мид̇д̇авинд̣̇агаж̇аад̇агаван̣н̣анаа
[369] 9. Mittavindakajātakavaṇṇanā
гяаахам̣ д̣̇зваанамагаранд̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇уб̣б̣ажабхигкум̣ аараб̣бха гат̇зси. вад̇т̇у махаамид̇д̇авинд̣̇агаж̇аад̇агз (ж̇аа. 1.5.100 аад̣̇аяо) аави бхависсад̇и. аяам̣ бана мид̇д̇авинд̣̇аго самуд̣̇д̣̇з кид̇д̇о ад̇рижчо худ̇ваа бурад̇о г̇анд̇ваа нзраяигасад̇д̇аанам̣ бажжанадтаанам̣ уссад̣̇анираяам̣ д̣̇исваа ‘‘згам̣ наг̇ара’’нд̇и сан̃н̃ааяа бависид̇ваа куражаггам̣ ассаад̣̇зси. д̇ад̣̇аа б̣од̇хисад̇д̇о д̣̇звабуд̇д̇о худ̇ваа уссад̣̇анираяажааригам̣ жарад̇и. со д̇ам̣ д̣̇исваа бужчанд̇о батамам̣ г̇аат̇амааха –
Kyāhaṃdevānamakaranti idaṃ satthā jetavane viharanto ekaṃ dubbacabhikkhuṃ ārabbha kathesi. Vatthu mahāmittavindakajātake (jā. 1.5.100 ādayo) āvi bhavissati. Ayaṃ pana mittavindako samudde khitto atriccho hutvā purato gantvā nerayikasattānaṃ paccanaṭṭhānaṃ ussadanirayaṃ disvā ‘‘ekaṃ nagara’’nti saññāya pavisitvā khuracakkaṃ assādesi. Tadā bodhisatto devaputto hutvā ussadanirayacārikaṃ carati. So taṃ disvā pucchanto paṭhamaṃ gāthamāha –
100.
100.
‘‘гяаахам̣ д̣̇зваанамагарам̣, гим̣ баабам̣ багад̇ам̣ маяаа;
‘‘Kyāhaṃ devānamakaraṃ, kiṃ pāpaṃ pakataṃ mayā;
яам̣ мз сирасмим̣ охажжа, жаггам̣ бхамад̇и мад̇т̇агз’’д̇и.
Yaṃ me sirasmiṃ ohacca, cakkaṃ bhamati matthake’’ti.
д̇ад̇т̇а гяаахам̣ д̣̇зваанамагаранд̇и саами д̣̇звабуд̇д̇а, гим̣ наама ахам̣ д̣̇зваанам̣ агарим̣, гим̣ мам̣ д̣̇зваа бот̇знд̇ийд̇и. гим̣ баабам̣ багад̇ам̣ маяаад̇и д̣̇угкамаханд̇ад̇ааяа взд̣̇анааббад̇д̇о ад̇д̇анаа гад̇ам̣ баабам̣ асаллагкзнд̇о звамааха. яам̣ мзд̇и язна баабзна мама сирасмим̣ охажжа оханид̇ваа ид̣̇ам̣ куражаггам̣ мама мад̇т̇агз бхамад̇и, д̇ам̣ гим̣ наамаад̇и?
Tattha kyāhaṃ devānamakaranti sāmi devaputta, kiṃ nāma ahaṃ devānaṃ akariṃ, kiṃ maṃ devā pothentīti. Kiṃ pāpaṃ pakataṃ mayāti dukkhamahantatāya vedanāppatto attanā kataṃ pāpaṃ asallakkhento evamāha. Yaṃ meti yena pāpena mama sirasmiṃ ohacca ohanitvā idaṃ khuracakkaṃ mama matthake bhamati, taṃ kiṃ nāmāti?
д̇ам̣ суд̇ваа б̣од̇хисад̇д̇о д̣̇уд̇ияам̣ г̇аат̇амааха –
Taṃ sutvā bodhisatto dutiyaṃ gāthamāha –
101.
101.
‘‘ад̇иггамма раман̣агам̣, сад̣̇аамад̇д̇ан̃жа д̣̇уубхагам̣;
‘‘Atikkamma ramaṇakaṃ, sadāmattañca dūbhakaṃ;
б̣рахмад̇д̇аран̃жа баасаад̣̇ам̣, гзнад̇т̇зна ид̇хааг̇ад̇о’’д̇и.
Brahmattarañca pāsādaṃ, kenatthena idhāgato’’ti.
д̇ад̇т̇а раман̣аганд̇и палигабаасаад̣̇ам̣. сад̣̇аамад̇д̇анд̇и раж̇ад̇абаасаад̣̇ам̣. д̣̇уубхаганд̇и ман̣ибаасаад̣̇ам̣. б̣рахмад̇д̇аран̃жа баасаад̣̇анд̇и суван̣н̣абаасаад̣̇ан̃жа. гзнад̇т̇знаад̇и д̇вам̣ зд̇зсу раман̣агаад̣̇ийсу жад̇ассо адта сол̣аса д̣̇вад̇д̇им̣саад̇и зд̇аа д̣̇звад̇хийд̇аро бахааяа д̇з баасаад̣̇з ад̇иггамид̇ваа гзна гааран̣зна ид̇ха ааг̇ад̇од̇и.
Tattha ramaṇakanti phalikapāsādaṃ. Sadāmattanti rajatapāsādaṃ. Dūbhakanti maṇipāsādaṃ. Brahmattarañca pāsādanti suvaṇṇapāsādañca. Kenatthenāti tvaṃ etesu ramaṇakādīsu catasso aṭṭha soḷasa dvattiṃsāti etā devadhītaro pahāya te pāsāde atikkamitvā kena kāraṇena idha āgatoti.
д̇ад̇о мид̇д̇авинд̣̇аго д̇ад̇ияам̣ г̇аат̇амааха –
Tato mittavindako tatiyaṃ gāthamāha –
102.
102.
‘‘ид̇о б̣ахуд̇араа бхог̇аа, ад̇ра ман̃н̃з бхависсарз;
‘‘Ito bahutarā bhogā, atra maññe bhavissare;
ид̇и зд̇ааяа сан̃н̃ааяа, басса мам̣ б̣яасанам̣ г̇ад̇а’’нд̇и.
Iti etāya saññāya, passa maṃ byasanaṃ gata’’nti.
д̇ад̇т̇а ид̇о б̣ахуд̇араад̇и имзсу жад̇уусу баасаад̣̇зсу бхог̇зхи ад̇ирзгад̇араа бхависсанд̇и.
Tattha ito bahutarāti imesu catūsu pāsādesu bhogehi atirekatarā bhavissanti.
д̇ад̇о б̣од̇хисад̇д̇о сзсаг̇аат̇аа абхааси –
Tato bodhisatto sesagāthā abhāsi –
103.
103.
‘‘жад̇уб̣бхи адтаж̇жхаг̇амаа, адтаахиби жа сол̣аса;
‘‘Catubbhi aṭṭhajjhagamā, aṭṭhāhipi ca soḷasa;
сол̣асаахи жа б̣аад̇д̇им̣са, ад̇рижчам̣ жаггамаасад̣̇о;
Soḷasāhi ca bāttiṃsa, atricchaṃ cakkamāsado;
ижчаахад̇асса босасса, жаггам̣ бхамад̇и мад̇т̇агз.
Icchāhatassa posassa, cakkaṃ bhamati matthake.
104.
104.
‘‘убаривисаалаа д̣̇уббуураа, ижчаа висадаг̇ааминий;
‘‘Uparivisālā duppūrā, icchā visaṭagāminī;
яз жа д̇ам̣ ануг̇иж̇жханд̇и, д̇з хонд̇и жаггад̇хаарино’’д̇и.
Ye ca taṃ anugijjhanti, te honti cakkadhārino’’ti.
д̇ад̇т̇а убаривисаалаад̇и мид̇д̇авинд̣̇ага д̇ан̣хаа наамзсаа аасзвияамаанаа убаривисаалаа ход̇и бад̇т̇адаа, махаасамуд̣̇д̣̇о вияа д̣̇уббуураа, руубаад̣̇ийсу аарамман̣зсу д̇ам̣ д̇ам̣ аарамман̣ам̣ ижчамаанааяа ижчааяа бад̇т̇адааяа висадаг̇ааминий, д̇асмаа яз бурисаа д̇ам̣ зваруубам̣ д̇ан̣хам̣ ануг̇иж̇жханд̇и, бунаббунам̣ г̇ид̣̇д̇хаа худ̇ваа г̇ан̣ханд̇и. д̇з хонд̇и жаггад̇хааринод̇и д̇з зд̇ам̣ куражаггам̣ д̇хаарзнд̇ийд̇и вад̣̇ад̇и.
Tattha uparivisālāti mittavindaka taṇhā nāmesā āseviyamānā uparivisālā hoti patthaṭā, mahāsamuddo viya duppūrā, rūpādīsu ārammaṇesu taṃ taṃ ārammaṇaṃ icchamānāya icchāya patthaṭāya visaṭagāminī, tasmā ye purisā taṃ evarūpaṃ taṇhaṃ anugijjhanti, punappunaṃ giddhā hutvā gaṇhanti. Te honti cakkadhārinoti te etaṃ khuracakkaṃ dhārentīti vadati.
мид̇д̇авинд̣̇агам̣ бана гат̇знд̇амзва нибисамаанам̣ д̇ам̣ куражаггам̣ бхасси, д̇зна со буна гат̇зд̇ум̣ наасагки. д̣̇звабуд̇д̇о ад̇д̇ано д̣̇звадтаанамзва г̇ад̇о.
Mittavindakaṃ pana kathentameva nipisamānaṃ taṃ khuracakkaṃ bhassi, tena so puna kathetuṃ nāsakkhi. Devaputto attano devaṭṭhānameva gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа мид̇д̇авинд̣̇аго д̣̇уб̣б̣ажабхигку ахоси, д̣̇звабуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā mittavindako dubbacabhikkhu ahosi, devaputto pana ahameva ahosi’’nti.
мид̇д̇авинд̣̇агаж̇аад̇агаван̣н̣анаа навамаа.
Mittavindakajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 369. мид̇д̇авинд̣̇агаж̇аад̇агам̣ • 369. Mittavindakajātakaṃ
