| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. мог̇г̇аллаанасуд̇д̇ам̣
7. Moggallānasuttaṃ
416. ат̇а ко важчаг̇од̇д̇о бариб̣б̣ааж̇аго язнааяасмаа махаамог̇г̇аллаано д̇знубасан̇гами; убасан̇гамид̇ваа ааяасмад̇аа махаамог̇г̇аллаанзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко важчаг̇од̇д̇о бариб̣б̣ааж̇аго ааяасманд̇ам̣ махаамог̇г̇аллаанам̣ зд̇ад̣̇авожа –
416. Atha kho vacchagotto paribbājako yenāyasmā mahāmoggallāno tenupasaṅkami; upasaṅkamitvā āyasmatā mahāmoggallānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vacchagotto paribbājako āyasmantaṃ mahāmoggallānaṃ etadavoca –
‘‘гим̣ ну ко, бхо мог̇г̇аллаана, сассад̇о лого’’д̇и? ‘‘аб̣яаагад̇ам̣ ко зд̇ам̣, важча, бхаг̇авад̇аа – ‘сассад̇о лого’’’д̇и. ‘‘гим̣ бана, бхо мог̇г̇аллаана, асассад̇о лого’’д̇и? ‘‘зд̇амби ко, важча, аб̣яаагад̇ам̣ бхаг̇авад̇аа – ‘асассад̇о лого’’’д̇и. ‘‘гим̣ ну ко, бхо мог̇г̇аллаана, анд̇аваа лого’’д̇и? ‘‘аб̣яаагад̇ам̣ ко зд̇ам̣, важча, бхаг̇авад̇аа – ‘анд̇аваа лого’’’д̇и. ‘‘гим̣ бана, бхо мог̇г̇аллаана, ананд̇аваа лого’’д̇и? ‘‘зд̇амби ко, важча, аб̣яаагад̇ам̣ бхаг̇авад̇аа – ‘ананд̇аваа лого’’’д̇и. ‘‘гим̣ ну ко, бхо мог̇г̇аллаана, д̇ам̣ ж̇ийвам̣ д̇ам̣ сарийра’’нд̇и? ‘‘аб̣яаагад̇ам̣ ко зд̇ам̣, важча, бхаг̇авад̇аа – ‘д̇ам̣ ж̇ийвам̣ д̇ам̣ сарийра’’’нд̇и. ‘‘гим̣ бана, бхо мог̇г̇аллаана, ан̃н̃ам̣ ж̇ийвам̣ ан̃н̃ам̣ сарийра’’нд̇и? ‘‘зд̇амби ко, важча, аб̣яаагад̇ам̣ бхаг̇авад̇аа – ‘ан̃н̃ам̣ ж̇ийвам̣ ан̃н̃ам̣ сарийра’’’нд̇и. ‘‘гим̣ ну ко, бхо мог̇г̇аллаана, ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, важча, бхаг̇авад̇аа – ‘ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ бана, бхо мог̇г̇аллаана, на ход̇и д̇ат̇ааг̇ад̇о барам̣ маран̣аа’’д̇и? ‘‘зд̇амби ко, важча, аб̣яаагад̇ам̣ бхаг̇авад̇аа – ‘на ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ ну ко, бхо мог̇г̇аллаана, ход̇и жа на жа ход̇и д̇ат̇ааг̇ад̇о барам̣ маран̣аа’’д̇и? ‘‘аб̣яаагад̇ам̣ ко зд̇ам̣, важча, бхаг̇авад̇аа – ‘ход̇и жа на жа ход̇и д̇ат̇ааг̇ад̇о барам̣ маран̣аа’’’д̇и. ‘‘гим̣ бана, бхо мог̇г̇аллаана, нзва ход̇и на на ход̇и д̇ат̇ааг̇ад̇о барам̣ маран̣аа’’д̇и? ‘‘зд̇амби ко, важча, аб̣яаагад̇ам̣ бхаг̇авад̇аа – ‘нзва ход̇и на на ход̇и д̇ат̇ааг̇ад̇о барам̣ маран̣аа’’’д̇и.
‘‘Kiṃ nu kho, bho moggallāna, sassato loko’’ti? ‘‘Abyākataṃ kho etaṃ, vaccha, bhagavatā – ‘sassato loko’’’ti. ‘‘Kiṃ pana, bho moggallāna, asassato loko’’ti? ‘‘Etampi kho, vaccha, abyākataṃ bhagavatā – ‘asassato loko’’’ti. ‘‘Kiṃ nu kho, bho moggallāna, antavā loko’’ti? ‘‘Abyākataṃ kho etaṃ, vaccha, bhagavatā – ‘antavā loko’’’ti. ‘‘Kiṃ pana, bho moggallāna, anantavā loko’’ti? ‘‘Etampi kho, vaccha, abyākataṃ bhagavatā – ‘anantavā loko’’’ti. ‘‘Kiṃ nu kho, bho moggallāna, taṃ jīvaṃ taṃ sarīra’’nti? ‘‘Abyākataṃ kho etaṃ, vaccha, bhagavatā – ‘taṃ jīvaṃ taṃ sarīra’’’nti. ‘‘Kiṃ pana, bho moggallāna, aññaṃ jīvaṃ aññaṃ sarīra’’nti? ‘‘Etampi kho, vaccha, abyākataṃ bhagavatā – ‘aññaṃ jīvaṃ aññaṃ sarīra’’’nti. ‘‘Kiṃ nu kho, bho moggallāna, hoti tathāgato paraṃ maraṇā’’ti? ‘‘Abyākataṃ kho etaṃ, vaccha, bhagavatā – ‘hoti tathāgato paraṃ maraṇā’’’ti. ‘‘Kiṃ pana, bho moggallāna, na hoti tathāgato paraṃ maraṇā’’ti? ‘‘Etampi kho, vaccha, abyākataṃ bhagavatā – ‘na hoti tathāgato paraṃ maraṇā’’’ti. ‘‘Kiṃ nu kho, bho moggallāna, hoti ca na ca hoti tathāgato paraṃ maraṇā’’ti? ‘‘Abyākataṃ kho etaṃ, vaccha, bhagavatā – ‘hoti ca na ca hoti tathāgato paraṃ maraṇā’’’ti. ‘‘Kiṃ pana, bho moggallāna, neva hoti na na hoti tathāgato paraṃ maraṇā’’ti? ‘‘Etampi kho, vaccha, abyākataṃ bhagavatā – ‘neva hoti na na hoti tathāgato paraṃ maraṇā’’’ti.
‘‘го ну ко, бхо мог̇г̇аллаана, хзд̇у го бажжаяо, язна ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ будтаанам̣ звам̣ взяяаагаран̣ам̣ ход̇и – сассад̇о логод̇и ваа, асассад̇о логод̇и ваа, анд̇аваа логод̇и ваа, ананд̇аваа логод̇и ваа, д̇ам̣ ж̇ийвам̣ д̇ам̣ сарийранд̇и ваа, ан̃н̃ам̣ ж̇ийвам̣ ан̃н̃ам̣ сарийранд̇и ваа, ход̇и д̇ат̇ааг̇ад̇о барам̣ маран̣аад̇и ваа, на ход̇и д̇ат̇ааг̇ад̇о барам̣ маран̣аад̇и ваа, ход̇и жа на жа ход̇и д̇ат̇ааг̇ад̇о барам̣ маран̣аад̇и ваа, нзва ход̇и на на ход̇и д̇ат̇ааг̇ад̇о барам̣ маран̣аад̇и ваа? го бана, бхо мог̇г̇аллаана, хзд̇у го бажжаяо, язна саман̣асса г̇од̇амасса звам̣ будтасса на звам̣ взяяаагаран̣ам̣ ход̇и – сассад̇о логод̇иби, асассад̇о логод̇иби, анд̇аваа логод̇иби, ананд̇аваа логод̇иби, д̇ам̣ ж̇ийвам̣ д̇ам̣ сарийранд̇иби, ан̃н̃ам̣ ж̇ийвам̣ ан̃н̃ам̣ сарийранд̇иби, ход̇и д̇ат̇ааг̇ад̇о барам̣ маран̣аад̇иби, на ход̇и д̇ат̇ааг̇ад̇о барам̣ маран̣аад̇иби, ход̇и жа на жа ход̇и д̇ат̇ааг̇ад̇о барам̣ маран̣аад̇иби, нзва ход̇и на на ход̇и д̇ат̇ааг̇ад̇о барам̣ маран̣аад̇ибий’’д̇и?
‘‘Ko nu kho, bho moggallāna, hetu ko paccayo, yena aññatitthiyānaṃ paribbājakānaṃ evaṃ puṭṭhānaṃ evaṃ veyyākaraṇaṃ hoti – sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vā? Ko pana, bho moggallāna, hetu ko paccayo, yena samaṇassa gotamassa evaṃ puṭṭhassa na evaṃ veyyākaraṇaṃ hoti – sassato lokotipi, asassato lokotipi, antavā lokotipi, anantavā lokotipi, taṃ jīvaṃ taṃ sarīrantipi, aññaṃ jīvaṃ aññaṃ sarīrantipi, hoti tathāgato paraṃ maraṇātipi, na hoti tathāgato paraṃ maraṇātipi, hoti ca na ca hoti tathāgato paraṃ maraṇātipi, neva hoti na na hoti tathāgato paraṃ maraṇātipī’’ti?
‘‘ан̃н̃ад̇ид̇т̇ияаа ко, важча, бариб̣б̣ааж̇агаа жагкум̣ ‘зд̇ам̣ мама, зсохамасми, зсо мз ад̇д̇аа’д̇и саманубассанд̇и…бз… ж̇ивхам̣ ‘зд̇ам̣ мама, зсохамасми, зсо мз ад̇д̇аа’д̇и саманубассанд̇и…бз… манам̣ ‘зд̇ам̣ мама, зсохамасми, зсо мз ад̇д̇аа’д̇и саманубассанд̇и. д̇асмаа ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ будтаанам̣ звам̣ взяяаагаран̣ам̣ ход̇и – сассад̇о логод̇и ваа…бз… нзва ход̇и на на ход̇и д̇ат̇ааг̇ад̇о барам̣ маран̣аад̇и ваа. д̇ат̇ааг̇ад̇о жа ко, важча, арахам̣ саммаасамб̣уд̣̇д̇хо жагкум̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и…бз… ж̇ивхам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и…бз… манам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. д̇асмаа д̇ат̇ааг̇ад̇асса звам̣ будтасса на звам̣ взяяаагаран̣ам̣ ход̇и – сассад̇о логод̇иби…бз… нзва ход̇и на на ход̇и д̇ат̇ааг̇ад̇о барам̣ маран̣аад̇ибий’’д̇и.
‘‘Aññatitthiyā kho, vaccha, paribbājakā cakkhuṃ ‘etaṃ mama, esohamasmi, eso me attā’ti samanupassanti…pe… jivhaṃ ‘etaṃ mama, esohamasmi, eso me attā’ti samanupassanti…pe… manaṃ ‘etaṃ mama, esohamasmi, eso me attā’ti samanupassanti. Tasmā aññatitthiyānaṃ paribbājakānaṃ evaṃ puṭṭhānaṃ evaṃ veyyākaraṇaṃ hoti – sassato lokoti vā…pe… neva hoti na na hoti tathāgato paraṃ maraṇāti vā. Tathāgato ca kho, vaccha, arahaṃ sammāsambuddho cakkhuṃ ‘netaṃ mama, nesohamasmi, na meso attā’ti samanupassati…pe… jivhaṃ ‘netaṃ mama, nesohamasmi, na meso attā’ti samanupassati…pe… manaṃ ‘netaṃ mama, nesohamasmi, na meso attā’ti samanupassati. Tasmā tathāgatassa evaṃ puṭṭhassa na evaṃ veyyākaraṇaṃ hoti – sassato lokotipi…pe… neva hoti na na hoti tathāgato paraṃ maraṇātipī’’ti.
ат̇а ко важчаг̇од̇д̇о бариб̣б̣ааж̇аго удтааяаасанаа язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко важчаг̇од̇д̇о бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘гим̣ ну ко, бхо г̇од̇ама, сассад̇о лого’’д̇и? аб̣яаагад̇ам̣ ко зд̇ам̣, важча, маяаа – ‘сассад̇о лого’д̇и…бз…. ‘‘гим̣ бана, бхо г̇од̇ама, нзва ход̇и на на ход̇и д̇ат̇ааг̇ад̇о барам̣ маран̣аа’’д̇и? ‘‘зд̇амби ко, важча, аб̣яаагад̇ам̣ маяаа – ‘нзва ход̇и на на ход̇и д̇ат̇ааг̇ад̇о барам̣ маран̣аа’’’д̇и.
Atha kho vacchagotto paribbājako uṭṭhāyāsanā yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vacchagotto paribbājako bhagavantaṃ etadavoca – ‘‘kiṃ nu kho, bho gotama, sassato loko’’ti? Abyākataṃ kho etaṃ, vaccha, mayā – ‘sassato loko’ti…pe…. ‘‘Kiṃ pana, bho gotama, neva hoti na na hoti tathāgato paraṃ maraṇā’’ti? ‘‘Etampi kho, vaccha, abyākataṃ mayā – ‘neva hoti na na hoti tathāgato paraṃ maraṇā’’’ti.
‘‘го ну ко, бхо г̇од̇ама, хзд̇у го бажжаяо, язна ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ будтаанам̣ звам̣ взяяаагаран̣ам̣ ход̇и – ‘сассад̇о лого’д̇и ваа…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ваа? го бана, бхо г̇од̇ама, хзд̇у го бажжаяо, язна бход̇о г̇од̇амасса звам̣ будтасса на звам̣ взяяаагаран̣ам̣ ход̇и – ‘сассад̇о лого’д̇иби…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇ибий’’д̇и?
‘‘Ko nu kho, bho gotama, hetu ko paccayo, yena aññatitthiyānaṃ paribbājakānaṃ evaṃ puṭṭhānaṃ evaṃ veyyākaraṇaṃ hoti – ‘sassato loko’ti vā…pe… ‘neva hoti na na hoti tathāgato paraṃ maraṇā’ti vā? Ko pana, bho gotama, hetu ko paccayo, yena bhoto gotamassa evaṃ puṭṭhassa na evaṃ veyyākaraṇaṃ hoti – ‘sassato loko’tipi…pe… ‘neva hoti na na hoti tathāgato paraṃ maraṇā’tipī’’ti?
‘‘ан̃н̃ад̇ид̇т̇ияаа ко, важча, бариб̣б̣ааж̇агаа жагкум̣ ‘зд̇ам̣ мама, зсохамасми , зсо мз ад̇д̇аа’д̇и саманубассанд̇и…бз… ж̇ивхам̣ ‘зд̇ам̣ мама, зсохамасми, зсо мз ад̇д̇аа’д̇и саманубассанд̇и…бз… манам̣ ‘зд̇ам̣ мама, зсохамасми, зсо мз ад̇д̇аа’д̇и саманубассанд̇и. д̇асмаа ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ будтаанам̣ звам̣ взяяаагаран̣ам̣ ход̇и – ‘сассад̇о лого’д̇и ваа…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ваа. д̇ат̇ааг̇ад̇о жа ко, важча, арахам̣ саммаасамб̣уд̣̇д̇хо жагкум̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и…бз… ж̇ивхам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и…бз… манам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. д̇асмаа д̇ат̇ааг̇ад̇асса звам̣ будтасса на звам̣ взяяаагаран̣ам̣ ход̇и – ‘сассад̇о лого’д̇иби, ‘асассад̇о лого’д̇иби, ‘анд̇аваа лого’д̇иби, ‘ананд̇аваа лого’д̇иби, ‘д̇ам̣ ж̇ийвам̣ д̇ам̣ сарийра’нд̇иби, ‘ан̃н̃ам̣ ж̇ийвам̣ ан̃н̃ам̣ сарийра’нд̇иби, ‘ход̇и д̇ат̇ааг̇ад̇о барам̣ маран̣аа’д̇иби, ‘на ход̇и д̇ат̇ааг̇ад̇о барам̣ маран̣аа’д̇иби, ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇иби, ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇ибий’’д̇и.
‘‘Aññatitthiyā kho, vaccha, paribbājakā cakkhuṃ ‘etaṃ mama, esohamasmi , eso me attā’ti samanupassanti…pe… jivhaṃ ‘etaṃ mama, esohamasmi, eso me attā’ti samanupassanti…pe… manaṃ ‘etaṃ mama, esohamasmi, eso me attā’ti samanupassanti. Tasmā aññatitthiyānaṃ paribbājakānaṃ evaṃ puṭṭhānaṃ evaṃ veyyākaraṇaṃ hoti – ‘sassato loko’ti vā…pe… ‘neva hoti na na hoti tathāgato paraṃ maraṇā’ti vā. Tathāgato ca kho, vaccha, arahaṃ sammāsambuddho cakkhuṃ ‘netaṃ mama, nesohamasmi, na meso attā’ti samanupassati…pe… jivhaṃ ‘netaṃ mama, nesohamasmi, na meso attā’ti samanupassati…pe… manaṃ ‘netaṃ mama, nesohamasmi, na meso attā’ti samanupassati. Tasmā tathāgatassa evaṃ puṭṭhassa na evaṃ veyyākaraṇaṃ hoti – ‘sassato loko’tipi, ‘asassato loko’tipi, ‘antavā loko’tipi, ‘anantavā loko’tipi, ‘taṃ jīvaṃ taṃ sarīra’ntipi, ‘aññaṃ jīvaṃ aññaṃ sarīra’ntipi, ‘hoti tathāgato paraṃ maraṇā’tipi, ‘na hoti tathāgato paraṃ maraṇā’tipi, ‘hoti ca na ca hoti tathāgato paraṃ maraṇā’tipi, ‘neva hoti na na hoti tathāgato paraṃ maraṇā’tipī’’ti.
‘‘ажчарияам̣, бхо г̇од̇ама, аб̣бхуд̇ам̣, бхо г̇од̇ама! яад̇ра хи наама сад̇т̇у жа 1 саавагасса жа ад̇т̇зна ад̇т̇о б̣яан̃ж̇анзна б̣яан̃ж̇анам̣ сам̣санд̣̇иссад̇и самзссад̇и на вирод̇хаяиссад̇и, яад̣̇ид̣̇ам̣ аг̇г̇абад̣̇асмим̣. ид̣̇аанаахам̣, бхо г̇од̇ама, саман̣ам̣ махаамог̇г̇аллаанам̣ убасан̇гамид̇ваа зд̇амад̇т̇ам̣ абужчим̣. саман̣оби мз мог̇г̇аллаано зд̇зхи бад̣̇зхи зд̇зхи б̣яан̃ж̇анзхи д̇амад̇т̇ам̣ б̣яаагааси, сзяяат̇ааби бхавам̣ г̇од̇амо. ажчарияам̣, бхо г̇од̇ама, аб̣бхуд̇ам̣, бхо г̇од̇ама ! яад̇ра хи наама сад̇т̇у жа саавагасса жа ад̇т̇зна ад̇т̇о б̣яан̃ж̇анзна б̣яан̃ж̇анам̣ сам̣санд̣̇иссад̇и самзссад̇и на вирод̇хаяиссад̇и, яад̣̇ид̣̇ам̣ аг̇г̇абад̣̇асми’’нд̇и. сад̇д̇амам̣.
‘‘Acchariyaṃ, bho gotama, abbhutaṃ, bho gotama! Yatra hi nāma satthu ca 2 sāvakassa ca atthena attho byañjanena byañjanaṃ saṃsandissati samessati na virodhayissati, yadidaṃ aggapadasmiṃ. Idānāhaṃ, bho gotama, samaṇaṃ mahāmoggallānaṃ upasaṅkamitvā etamatthaṃ apucchiṃ. Samaṇopi me moggallāno etehi padehi etehi byañjanehi tamatthaṃ byākāsi, seyyathāpi bhavaṃ gotamo. Acchariyaṃ, bho gotama, abbhutaṃ, bho gotama ! Yatra hi nāma satthu ca sāvakassa ca atthena attho byañjanena byañjanaṃ saṃsandissati samessati na virodhayissati, yadidaṃ aggapadasmi’’nti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-8. батамасаарибуд̇д̇агодтигасуд̇д̇аад̣̇иван̣н̣анаа • 3-8. Paṭhamasāriputtakoṭṭhikasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-8. батамасаарибуд̇д̇агодтигасуд̇д̇аад̣̇иван̣н̣анаа • 3-8. Paṭhamasāriputtakoṭṭhikasuttādivaṇṇanā
