| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. மொக்³க³ல்லானஸுத்தவண்ணனா
4. Moggallānasuttavaṇṇanā
826. சதுத்தே² உத்³த⁴தாதி உத்³த⁴ச்சபகதிகா விப்ப²ந்த³மானசித்தா. உத்³த⁴ச்சேன ஹி ஏகாரம்மணே சித்தங் விப்ப²ந்த³தி த⁴ஜயட்டி²யங் வாதேன பஹதத⁴ஜோ விய. உன்னளாதி உக்³க³தனளா, உட்டி²ததுச்ச²மானாதி வுத்தங் ஹோதி. சபலாதி பத்தசீவரமண்ட³னாதி³சாபல்லேன யுத்தா. முக²ராதி முக²க²ரா, க²ரவசனாதி வுத்தங் ஹோதி. விகிண்ணவாசாதி அஸங்யதவசனா தி³வஸம்பி நிரத்த²கவசனப்பலாபினோ. முட்ட²ஸ்ஸதீதி நட்ட²ஸ்ஸதினோ. அஸம்பஜானாதி பஞ்ஞாரஹிதா. அஸமாஹிதாதி உபசாரப்பனாஸமாதி⁴விரஹிதா. ப⁴ந்தசித்தாதி உப்³ப⁴ந்தசித்தா ஸமாதி⁴விரஹேன லத்³தோ⁴காஸேன உத்³த⁴ச்சேன . பாகதிந்த்³ரியாதி அஸங்வுதிந்த்³ரியா. இத்³தா⁴பி⁴ஸங்கா²ரந்தி ஆபோகஸிணங் ஸமாபஜ்ஜித்வா வுட்டா²ய பாஸாத³பதிட்டி²தங் பத²விபா⁴க³ங் ‘‘உத³க’’ந்தி அதி⁴ட்டா²ய, உத³கபிட்டே² டி²தபாஸாத³ங் வேஹாஸங் அப்³பு⁴க்³க³ந்த்வா அங்கு³ட்ட²கேன பஹரி. க³ம்பீ⁴ரனேமோதி க³ம்பீ⁴ரஆவாடோ, க³ம்பீ⁴ரபூ⁴மிபா⁴க³ங் அனுபவிட்டோ²தி அத்தோ² . ஸுனிகா²தோதி ஸுட்டு² நிகா²தோ, கொட்டெத்வா ஸுட்டு² ட²பிதோ. இத⁴ அபி⁴ஞ்ஞாபாத³கித்³தி⁴ கதி²தா.
826. Catutthe uddhatāti uddhaccapakatikā vipphandamānacittā. Uddhaccena hi ekārammaṇe cittaṃ vipphandati dhajayaṭṭhiyaṃ vātena pahatadhajo viya. Unnaḷāti uggatanaḷā, uṭṭhitatucchamānāti vuttaṃ hoti. Capalāti pattacīvaramaṇḍanādicāpallena yuttā. Mukharāti mukhakharā, kharavacanāti vuttaṃ hoti. Vikiṇṇavācāti asaṃyatavacanā divasampi niratthakavacanappalāpino. Muṭṭhassatīti naṭṭhassatino. Asampajānāti paññārahitā. Asamāhitāti upacārappanāsamādhivirahitā. Bhantacittāti ubbhantacittā samādhivirahena laddhokāsena uddhaccena . Pākatindriyāti asaṃvutindriyā. Iddhābhisaṅkhāranti āpokasiṇaṃ samāpajjitvā vuṭṭhāya pāsādapatiṭṭhitaṃ pathavibhāgaṃ ‘‘udaka’’nti adhiṭṭhāya, udakapiṭṭhe ṭhitapāsādaṃ vehāsaṃ abbhuggantvā aṅguṭṭhakena pahari. Gambhīranemoti gambhīraāvāṭo, gambhīrabhūmibhāgaṃ anupaviṭṭhoti attho . Sunikhātoti suṭṭhu nikhāto, koṭṭetvā suṭṭhu ṭhapito. Idha abhiññāpādakiddhi kathitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. மொக்³க³ல்லானஸுத்தங் • 4. Moggallānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. மொக்³க³ல்லானஸுத்தவண்ணனா • 4. Moggallānasuttavaṇṇanā
