| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. মোগ্গল্লানসুত্তৰণ্ণনা
4. Moggallānasuttavaṇṇanā
৮২৬. উদ্ধচ্চপকতিকাতি ৰিক্খিত্তসভাৰা, ৰিব্ভন্তচিত্তাতি অত্থো। অনৰট্ঠিততায ৰিপ্ফন্দিতচিত্ততায ৰিপ্ফন্দমানচিত্তা। তুচ্ছতায নল়ো ৰিযাতি নল়ো, মানো, উগ্গতো নল়ো এতেসন্তি উন্নল়াতি আহ – ‘‘উন্নল়াতি…পে॰… ৰুত্তং হোতী’’তি। চপলাতি চাপল্যতা নাম লোলভাৰো। মুরাতি খরৰচনা, ফরুসৰচনাতি অত্থো। ৰিকিণ্ণৰাচা নাম সম্ফপ্পলাপিনোতি ৰুত্তং ‘‘অসংযতৰচনা’’তিআদি। পটিপত্তিধম্মে পমুট্ঠা ৰিনট্ঠা পটিৰিনট্ঠা সতি এতেসন্তি মুট্ঠসতীতি আহ – ‘‘নট্ঠস্সতিনো’’তি। উব্ভন্তচিত্তাতি সমাধিনো অভাৰেন উদ্ধচ্চেনেৰ উপরূপরি ভন্তচিত্তা। পাকতিন্দ্রিযা অভাৰিতকাযতায গামদারকা ৰিয পকতিভূতইন্দ্রিযা। নেমো ৰুচ্চতি ভূমিযা বদ্ধভাৰনিমিত্তপদেসো, গম্ভীরো নেমো এতস্সাতি গম্ভীরনেমো। সুট্ঠু নিখাতোতিআদি তস্স পাদস্স সুপ্পতিট্ঠিতভাৰদস্সনং।
826.Uddhaccapakatikāti vikkhittasabhāvā, vibbhantacittāti attho. Anavaṭṭhitatāya vipphanditacittatāya vipphandamānacittā. Tucchatāya naḷo viyāti naḷo, māno, uggato naḷo etesanti unnaḷāti āha – ‘‘unnaḷāti…pe… vuttaṃ hotī’’ti. Capalāti cāpalyatā nāma lolabhāvo. Murāti kharavacanā, pharusavacanāti attho. Vikiṇṇavācā nāma samphappalāpinoti vuttaṃ ‘‘asaṃyatavacanā’’tiādi. Paṭipattidhamme pamuṭṭhā vinaṭṭhā paṭivinaṭṭhā sati etesanti muṭṭhasatīti āha – ‘‘naṭṭhassatino’’ti. Ubbhantacittāti samādhino abhāvena uddhacceneva uparūpari bhantacittā. Pākatindriyā abhāvitakāyatāya gāmadārakā viya pakatibhūtaindriyā. Nemo vuccati bhūmiyā baddhabhāvanimittapadeso, gambhīro nemo etassāti gambhīranemo. Suṭṭhu nikhātotiādi tassa pādassa suppatiṭṭhitabhāvadassanaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. মোগ্গল্লানসুত্তং • 4. Moggallānasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. মোগ্গল্লানসুত্তৰণ্ণনা • 4. Moggallānasuttavaṇṇanā
