| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๐. โมคฺคลฺลานสุตฺตวณฺณนา
10. Moggallānasuttavaṇṇanā
๒๑๘. ปจฺจเวกฺขตีติ เตสํ อริยานํ จิตฺตํ อตฺตโน ญาณจกฺขุนา ปติ อเวกฺขติ ปจฺจเวกฺขติฯ ปพฺพตสฺสาติ อิสิคิลิปพฺพตสฺสฯ ทุกฺขปารํ คตนฺติ วฎฺฎทุกฺขสฺส ปารํ ปริยนฺตํ คตํ ฯ สพฺพคุณสมฺปนฺนนฺติ สเพฺพหิ พุทฺธคุเณหิ จ สาวกคุเณหิ จ ปริปุณฺณํฯ อเนกาการสมฺปนฺนนฺติ รูปโฆสลูขธมฺมปฺปมาณิกานํ สตฺตานํ เตหิ เตหิ อากาเรหิ สเพฺพสญฺจ อเนเกหิ อนนฺตาปริเมเยฺยหิ ปสีทิตพฺพากาเรหิ สมนฺนาคตํฯ เต ปน อาการา ยสฺมา อนญฺญสาธารณา พุทฺธคุณา เอว, ตสฺมา อาห ‘‘อเนเกหิ คุเณหิ สมนฺนาคต’’นฺติฯ
218.Paccavekkhatīti tesaṃ ariyānaṃ cittaṃ attano ñāṇacakkhunā pati avekkhati paccavekkhati. Pabbatassāti isigilipabbatassa. Dukkhapāraṃ gatanti vaṭṭadukkhassa pāraṃ pariyantaṃ gataṃ . Sabbaguṇasampannanti sabbehi buddhaguṇehi ca sāvakaguṇehi ca paripuṇṇaṃ. Anekākārasampannanti rūpaghosalūkhadhammappamāṇikānaṃ sattānaṃ tehi tehi ākārehi sabbesañca anekehi anantāparimeyyehi pasīditabbākārehi samannāgataṃ. Te pana ākārā yasmā anaññasādhāraṇā buddhaguṇā eva, tasmā āha ‘‘anekehi guṇehi samannāgata’’nti.
โมคฺคลฺลานสุตฺตวณฺณนา นิฎฺฐิตาฯ
Moggallānasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. โมคฺคลฺลานสุตฺตํ • 10. Moggallānasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๐. โมคฺคลฺลานสุตฺตวณฺณนา • 10. Moggallānasuttavaṇṇanā
