| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ
4. Moggallānasuttavaṇṇanā
੮੨੬. ਉਦ੍ਧਚ੍ਚਪਕਤਿਕਾਤਿ વਿਕ੍ਖਿਤ੍ਤਸਭਾવਾ, વਿਬ੍ਭਨ੍ਤਚਿਤ੍ਤਾਤਿ ਅਤ੍ਥੋ। ਅਨવਟ੍ਠਿਤਤਾਯ વਿਪ੍ਫਨ੍ਦਿਤਚਿਤ੍ਤਤਾਯ વਿਪ੍ਫਨ੍ਦਮਾਨਚਿਤ੍ਤਾ। ਤੁਚ੍ਛਤਾਯ ਨਲ਼ੋ વਿਯਾਤਿ ਨਲ਼ੋ, ਮਾਨੋ, ਉਗ੍ਗਤੋ ਨਲ਼ੋ ਏਤੇਸਨ੍ਤਿ ਉਨ੍ਨਲ਼ਾਤਿ ਆਹ – ‘‘ਉਨ੍ਨਲ਼ਾਤਿ…ਪੇ॰… વੁਤ੍ਤਂ ਹੋਤੀ’’ਤਿ। ਚਪਲਾਤਿ ਚਾਪਲ੍ਯਤਾ ਨਾਮ ਲੋਲਭਾવੋ। ਮੁਰਾਤਿ ਖਰવਚਨਾ, ਫਰੁਸવਚਨਾਤਿ ਅਤ੍ਥੋ। વਿਕਿਣ੍ਣવਾਚਾ ਨਾਮ ਸਮ੍ਫਪ੍ਪਲਾਪਿਨੋਤਿ વੁਤ੍ਤਂ ‘‘ਅਸਂਯਤવਚਨਾ’’ਤਿਆਦਿ। ਪਟਿਪਤ੍ਤਿਧਮ੍ਮੇ ਪਮੁਟ੍ਠਾ વਿਨਟ੍ਠਾ ਪਟਿવਿਨਟ੍ਠਾ ਸਤਿ ਏਤੇਸਨ੍ਤਿ ਮੁਟ੍ਠਸਤੀਤਿ ਆਹ – ‘‘ਨਟ੍ਠਸ੍ਸਤਿਨੋ’’ਤਿ। ਉਬ੍ਭਨ੍ਤਚਿਤ੍ਤਾਤਿ ਸਮਾਧਿਨੋ ਅਭਾવੇਨ ਉਦ੍ਧਚ੍ਚੇਨੇવ ਉਪਰੂਪਰਿ ਭਨ੍ਤਚਿਤ੍ਤਾ। ਪਾਕਤਿਨ੍ਦ੍ਰਿਯਾ ਅਭਾવਿਤਕਾਯਤਾਯ ਗਾਮਦਾਰਕਾ વਿਯ ਪਕਤਿਭੂਤਇਨ੍ਦ੍ਰਿਯਾ। ਨੇਮੋ વੁਚ੍ਚਤਿ ਭੂਮਿਯਾ ਬਦ੍ਧਭਾવਨਿਮਿਤ੍ਤਪਦੇਸੋ, ਗਮ੍ਭੀਰੋ ਨੇਮੋ ਏਤਸ੍ਸਾਤਿ ਗਮ੍ਭੀਰਨੇਮੋ। ਸੁਟ੍ਠੁ ਨਿਖਾਤੋਤਿਆਦਿ ਤਸ੍ਸ ਪਾਦਸ੍ਸ ਸੁਪ੍ਪਤਿਟ੍ਠਿਤਭਾવਦਸ੍ਸਨਂ।
826.Uddhaccapakatikāti vikkhittasabhāvā, vibbhantacittāti attho. Anavaṭṭhitatāya vipphanditacittatāya vipphandamānacittā. Tucchatāya naḷo viyāti naḷo, māno, uggato naḷo etesanti unnaḷāti āha – ‘‘unnaḷāti…pe… vuttaṃ hotī’’ti. Capalāti cāpalyatā nāma lolabhāvo. Murāti kharavacanā, pharusavacanāti attho. Vikiṇṇavācā nāma samphappalāpinoti vuttaṃ ‘‘asaṃyatavacanā’’tiādi. Paṭipattidhamme pamuṭṭhā vinaṭṭhā paṭivinaṭṭhā sati etesanti muṭṭhasatīti āha – ‘‘naṭṭhassatino’’ti. Ubbhantacittāti samādhino abhāvena uddhacceneva uparūpari bhantacittā. Pākatindriyā abhāvitakāyatāya gāmadārakā viya pakatibhūtaindriyā. Nemo vuccati bhūmiyā baddhabhāvanimittapadeso, gambhīro nemo etassāti gambhīranemo. Suṭṭhu nikhātotiādi tassa pādassa suppatiṭṭhitabhāvadassanaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਮੋਗ੍ਗਲ੍ਲਾਨਸੁਤ੍ਤਂ • 4. Moggallānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ • 4. Moggallānasuttavaṇṇanā
