| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൧൦. മോഗ്ഗല്ലാനസുത്തവണ്ണനാ
10. Moggallānasuttavaṇṇanā
൨൧൮. പച്ചവേക്ഖതീതി തേസം അരിയാനം ചിത്തം അത്തനോ ഞാണചക്ഖുനാ പതി അവേക്ഖതി പച്ചവേക്ഖതി. പബ്ബതസ്സാതി ഇസിഗിലിപബ്ബതസ്സ. ദുക്ഖപാരം ഗതന്തി വട്ടദുക്ഖസ്സ പാരം പരിയന്തം ഗതം . സബ്ബഗുണസമ്പന്നന്തി സബ്ബേഹി ബുദ്ധഗുണേഹി ച സാവകഗുണേഹി ച പരിപുണ്ണം. അനേകാകാരസമ്പന്നന്തി രൂപഘോസലൂഖധമ്മപ്പമാണികാനം സത്താനം തേഹി തേഹി ആകാരേഹി സബ്ബേസഞ്ച അനേകേഹി അനന്താപരിമേയ്യേഹി പസീദിതബ്ബാകാരേഹി സമന്നാഗതം. തേ പന ആകാരാ യസ്മാ അനഞ്ഞസാധാരണാ ബുദ്ധഗുണാ ഏവ, തസ്മാ ആഹ ‘‘അനേകേഹി ഗുണേഹി സമന്നാഗത’’ന്തി.
218.Paccavekkhatīti tesaṃ ariyānaṃ cittaṃ attano ñāṇacakkhunā pati avekkhati paccavekkhati. Pabbatassāti isigilipabbatassa. Dukkhapāraṃ gatanti vaṭṭadukkhassa pāraṃ pariyantaṃ gataṃ . Sabbaguṇasampannanti sabbehi buddhaguṇehi ca sāvakaguṇehi ca paripuṇṇaṃ. Anekākārasampannanti rūpaghosalūkhadhammappamāṇikānaṃ sattānaṃ tehi tehi ākārehi sabbesañca anekehi anantāparimeyyehi pasīditabbākārehi samannāgataṃ. Te pana ākārā yasmā anaññasādhāraṇā buddhaguṇā eva, tasmā āha ‘‘anekehi guṇehi samannāgata’’nti.
മോഗ്ഗല്ലാനസുത്തവണ്ണനാ നിട്ഠിതാ.
Moggallānasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. മോഗ്ഗല്ലാനസുത്തം • 10. Moggallānasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൦. മോഗ്ഗല്ലാനസുത്തവണ്ണനാ • 10. Moggallānasuttavaṇṇanā
