| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
15. могхарааж̇амаан̣авабужчаанид̣̇д̣̇зсо
15. Mogharājamāṇavapucchāniddeso
85.
85.
д̣̇ваахам̣ саггам̣ абужчиссам̣, [ижжааяасмаа могхарааж̇аа]
Dvāhaṃsakkaṃ apucchissaṃ, [iccāyasmā mogharājā]
на мз б̣яаагааси жагкумаа;
Na me byākāsi cakkhumā;
яаавад̇ад̇ияан̃жа д̣̇звийси 1, б̣яаагарод̇ийд̇и мз суд̇ам̣.
Yāvatatiyañca devīsi2, byākarotīti me sutaṃ.
д̣̇ваахам̣ саггам̣ абужчиссанд̇и со б̣раахман̣о д̣̇вигкад̇д̇ум̣ б̣уд̣̇д̇хам̣ бхаг̇аванд̇ам̣ бан̃хам̣ абужчи. д̇асса бхаг̇аваа бан̃хам̣ будто на б̣яаагааси – ‘‘д̇ад̣̇анд̇араа 3 имасса б̣раахман̣асса инд̣̇рияабарибааго бхависсад̇ий’’д̇и. сагганд̇и сагго. бхаг̇аваа сагяагулаа баб̣б̣аж̇ид̇од̇иби сагго. ат̇а ваа, ад̣дхо махад̣̇д̇хано д̇ханаваад̇иби сагго. д̇ассимаани д̇ханаани, сзяяат̇ид̣̇ам̣ – сад̣̇д̇хаад̇ханам̣ сийлад̇ханам̣ хирид̇ханам̣ од̇д̇аббад̇ханам̣ суд̇ад̇ханам̣ жааг̇ад̇ханам̣ бан̃н̃аад̇ханам̣ сад̇ибадтаанад̇ханам̣ саммаббад̇хаанад̇ханам̣ ид̣̇д̇хибаад̣̇ад̇ханам̣ инд̣̇рияад̇ханам̣ б̣алад̇ханам̣ б̣ож̇жхан̇г̇ад̇ханам̣ маг̇г̇ад̇ханам̣ палад̇ханам̣ ниб̣б̣аанад̇ханам̣. имзхи анзгавид̇хзхи д̇ханарад̇анзхи ад̣дхо махад̣̇д̇хано д̇ханаваад̇иби сагго. ат̇а ваа, сагго баху висавий аламад̇д̇о сууро вийро вигганд̇о абхийруу ажчамбхий ануд̇раасий абалааяий бахийнабхаяабхзраво виг̇ад̇аломахам̣сод̇иби сагго. д̣̇ваахам̣ саггам̣ абужчиссанд̇и д̣̇ваахам̣ саггам̣ абужчиссам̣ аяаажиссам̣ аж̇жхзсиссам̣ басаад̣̇аяиссанд̇и – д̣̇ваахам̣ саггам̣ абужчиссам̣.
Dvāhaṃ sakkaṃ apucchissanti so brāhmaṇo dvikkhattuṃ buddhaṃ bhagavantaṃ pañhaṃ apucchi. Tassa bhagavā pañhaṃ puṭṭho na byākāsi – ‘‘tadantarā 4 imassa brāhmaṇassa indriyaparipāko bhavissatī’’ti. Sakkanti sakko. Bhagavā sakyakulā pabbajitotipi sakko. Atha vā, aḍḍho mahaddhano dhanavātipi sakko. Tassimāni dhanāni, seyyathidaṃ – saddhādhanaṃ sīladhanaṃ hiridhanaṃ ottappadhanaṃ sutadhanaṃ cāgadhanaṃ paññādhanaṃ satipaṭṭhānadhanaṃ sammappadhānadhanaṃ iddhipādadhanaṃ indriyadhanaṃ baladhanaṃ bojjhaṅgadhanaṃ maggadhanaṃ phaladhanaṃ nibbānadhanaṃ. Imehi anekavidhehi dhanaratanehi aḍḍho mahaddhano dhanavātipi sakko. Atha vā, sakko pahu visavī alamatto sūro vīro vikkanto abhīrū acchambhī anutrāsī apalāyī pahīnabhayabheravo vigatalomahaṃsotipi sakko. Dvāhaṃ sakkaṃ apucchissanti dvāhaṃ sakkaṃ apucchissaṃ ayācissaṃ ajjhesissaṃ pasādayissanti – dvāhaṃ sakkaṃ apucchissaṃ.
ижжааяасмаа могхарааж̇аад̇и. ижжаад̇и бад̣̇асанд̇хи…бз… ааяасмаад̇и бияаважанам̣…бз… могхарааж̇аад̇и д̇асса б̣раахман̣асса наамам̣…бз… абхилаабод̇и – ижжааяасмаа могхарааж̇аа.
Iccāyasmā mogharājāti. Iccāti padasandhi…pe… āyasmāti piyavacanaṃ…pe… mogharājāti tassa brāhmaṇassa nāmaṃ…pe… abhilāpoti – iccāyasmā mogharājā.
на мз б̣яаагааси жагкумаад̇и. на мз б̣яаагаасийд̇и на мз б̣яаагааси на аажигки на д̣̇зсзси на бан̃н̃абзси на бадтабзси на вивари на вибхаж̇и на уд̇д̇аанийагааси на багаасзси. жагкумаад̇и бхаг̇аваа бан̃жахи жагкуухи жагкумаа – мам̣сажагкунааби жагкумаа, д̣̇иб̣б̣ажагкунааби 5 жагкумаа, бан̃н̃аажагкунааби жагкумаа, б̣уд̣̇д̇хажагкунааби жагкумаа, саманд̇ажагкунааби жагкумаа.
Na me byākāsi cakkhumāti. Na me byākāsīti na me byākāsi na ācikkhi na desesi na paññapesi na paṭṭhapesi na vivari na vibhaji na uttānīakāsi na pakāsesi. Cakkhumāti bhagavā pañcahi cakkhūhi cakkhumā – maṃsacakkhunāpi cakkhumā, dibbacakkhunāpi 6 cakkhumā, paññācakkhunāpi cakkhumā, buddhacakkhunāpi cakkhumā, samantacakkhunāpi cakkhumā.
гат̇ам̣ бхаг̇аваа мам̣сажагкунааби жагкумаа? мам̣сажагкумхи бхаг̇авад̇о бан̃жа ван̣н̣аа сам̣виж̇ж̇анд̇и – нийло жа ван̣н̣о, бийд̇аго жа ван̣н̣о, лохид̇аго жа ван̣н̣о, ган̣хо жа ван̣н̣о, од̣̇аад̇о жа ван̣н̣о. яад̇т̇а жа агкиломаани бад̇идтид̇аани д̇ам̣ нийлам̣ ход̇и сунийлам̣ баасаад̣̇игам̣ д̣̇ассанзяяам̣ умаабубпасамаанам̣ 7. д̇асса барад̇о бийд̇агам̣ ход̇и субийд̇агам̣ суван̣н̣аван̣н̣ам̣ баасаад̣̇игам̣ д̣̇ассанзяяам̣ ган̣игаарабубпасамаанам̣. убхад̇о жа агкигуудаани бхаг̇авад̇о лохид̇агаани хонд̇и сулохид̇агаани баасаад̣̇игаани д̣̇ассанзяяаани инд̣̇аг̇обагасамаанаани. маж̇жхз ган̣хам̣ ход̇и суган̣хам̣ алуукам̣ синид̣̇д̇хам̣ баасаад̣̇игам̣ д̣̇ассанзяяам̣ ад̣̇д̣̇ааридтагасамаанам̣ 8. д̇асса барад̇о од̣̇аад̇ам̣ ход̇и суод̣̇аад̇ам̣ сзд̇ам̣ бан̣д̣арам̣ баасаад̣̇игам̣ д̣̇ассанзяяам̣ осад̇хид̇аарагасамаанам̣. д̇зна бхаг̇аваа баагад̇игзна мам̣сажагкунаа ад̇д̇абхаавабарияаабаннзна буримасужарид̇агаммаабхиниб̣б̣ад̇д̇зна саманд̇аа яож̇анам̣ бассад̇и д̣̇иваа жзва рад̇д̇ин̃жа . яад̣̇аа хи жад̇уран̇г̇асаманнааг̇ад̇о анд̇хагааро ход̇и суурияо жа ад̇т̇ан̇г̇ад̇о 9 ход̇и; гаал̣абагко жа убосат̇о ход̇и, д̇иб̣б̣о жа ванасан̣д̣о ход̇и, махаа жа гаал̣амзгхо 10 аб̣бхудтид̇о ход̇и. зваруубз жад̇уран̇г̇асаманнааг̇ад̇з анд̇хагаарз саманд̇аа яож̇анам̣ бассад̇и. над̇т̇и со гуддо ваа гаваадам̣ ваа баагааро ваа баб̣б̣ад̇о ваа г̇ажчо ваа лад̇аа ваа ааваран̣ам̣ руубаанам̣ д̣̇ассанааяа. згам̣ жз д̇илапалам̣ нимид̇д̇ам̣ гад̇ваа д̇илаваахз багкибзяяа, д̇ам̣язва д̇илапалам̣ уд̣̇д̇харзяяа. звам̣ барисуд̣̇д̇хам̣ бхаг̇авад̇о баагад̇игам̣ мам̣сажагку. звам̣ бхаг̇аваа мам̣сажагкунааби жагкумаа.
Kathaṃ bhagavā maṃsacakkhunāpi cakkhumā? Maṃsacakkhumhi bhagavato pañca vaṇṇā saṃvijjanti – nīlo ca vaṇṇo, pītako ca vaṇṇo, lohitako ca vaṇṇo, kaṇho ca vaṇṇo, odāto ca vaṇṇo. Yattha ca akkhilomāni patiṭṭhitāni taṃ nīlaṃ hoti sunīlaṃ pāsādikaṃ dassaneyyaṃ umāpupphasamānaṃ 11. Tassa parato pītakaṃ hoti supītakaṃ suvaṇṇavaṇṇaṃ pāsādikaṃ dassaneyyaṃ kaṇikārapupphasamānaṃ. Ubhato ca akkhikūṭāni bhagavato lohitakāni honti sulohitakāni pāsādikāni dassaneyyāni indagopakasamānāni. Majjhe kaṇhaṃ hoti sukaṇhaṃ alūkhaṃ siniddhaṃ pāsādikaṃ dassaneyyaṃ addāriṭṭhakasamānaṃ 12. Tassa parato odātaṃ hoti suodātaṃ setaṃ paṇḍaraṃ pāsādikaṃ dassaneyyaṃ osadhitārakasamānaṃ. Tena bhagavā pākatikena maṃsacakkhunā attabhāvapariyāpannena purimasucaritakammābhinibbattena samantā yojanaṃ passati divā ceva rattiñca . Yadā hi caturaṅgasamannāgato andhakāro hoti sūriyo ca atthaṅgato 13 hoti; kāḷapakkho ca uposatho hoti, tibbo ca vanasaṇḍo hoti, mahā ca kāḷamegho 14 abbhuṭṭhito hoti. Evarūpe caturaṅgasamannāgate andhakāre samantā yojanaṃ passati. Natthi so kuṭṭo vā kavāṭaṃ vā pākāro vā pabbato vā gaccho vā latā vā āvaraṇaṃ rūpānaṃ dassanāya. Ekaṃ ce tilaphalaṃ nimittaṃ katvā tilavāhe pakkhipeyya, taṃyeva tilaphalaṃ uddhareyya. Evaṃ parisuddhaṃ bhagavato pākatikaṃ maṃsacakkhu. Evaṃ bhagavā maṃsacakkhunāpi cakkhumā.
гат̇ам̣ бхаг̇аваа д̣̇иб̣б̣зна жагкунааби жагкумаа? бхаг̇аваа д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з; суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и – ‘‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа; имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и. ааган̇камаано жа бхаг̇аваа згамби логад̇хаад̇ум̣ бассзяяа, д̣̇взби логад̇хаад̇уяо бассзяяа, д̇иссоби логад̇хаад̇уяо бассзяяа, жад̇ассоби логад̇хаад̇уяо бассзяяа, бан̃жаби логад̇хаад̇уяо бассзяяа, д̣̇асаби логад̇хаад̇уяо бассзяяа, вийсамби логад̇хаад̇уяо бассзяяа, д̇им̣самби логад̇хаад̇уяо бассзяяа, жад̇д̇аалийсамби логад̇хаад̇уяо бассзяяа, бан̃н̃аасамби логад̇хаад̇уяо бассзяяа, сад̇амби логад̇хаад̇уяо бассзяяа, сахассимби жуул̣анигам̣ логад̇хаад̇ум̣ бассзяяа, д̣̇висахассимби маж̇жхимигам̣ логад̇хаад̇ум̣ бассзяяа, д̇исахассимби логад̇хаад̇ум̣ бассзяяа, махаасахассимби 15 логад̇хаад̇ум̣ бассзяяа, яаавад̇агам̣ ваа 16 бана ааган̇кзяяа д̇аавад̇агам̣ бассзяяа. звам̣ барисуд̣̇д̇хам̣ бхаг̇авад̇о д̣̇иб̣б̣ажагку. звам̣ бхаг̇аваа д̣̇иб̣б̣зна жагкунааби жагкумаа.
Kathaṃ bhagavā dibbena cakkhunāpi cakkhumā? Bhagavā dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe; sugate duggate yathākammūpage satte pajānāti – ‘‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannā’’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti. Ākaṅkhamāno ca bhagavā ekampi lokadhātuṃ passeyya, dvepi lokadhātuyo passeyya, tissopi lokadhātuyo passeyya, catassopi lokadhātuyo passeyya, pañcapi lokadhātuyo passeyya, dasapi lokadhātuyo passeyya, vīsampi lokadhātuyo passeyya, tiṃsampi lokadhātuyo passeyya, cattālīsampi lokadhātuyo passeyya, paññāsampi lokadhātuyo passeyya, satampi lokadhātuyo passeyya, sahassimpi cūḷanikaṃ lokadhātuṃ passeyya, dvisahassimpi majjhimikaṃ lokadhātuṃ passeyya, tisahassimpi lokadhātuṃ passeyya, mahāsahassimpi 17 lokadhātuṃ passeyya, yāvatakaṃ vā 18 pana ākaṅkheyya tāvatakaṃ passeyya. Evaṃ parisuddhaṃ bhagavato dibbacakkhu. Evaṃ bhagavā dibbena cakkhunāpi cakkhumā.
гат̇ам̣ бхаг̇аваа бан̃н̃аажагкунааби жагкумаа? бхаг̇аваа махаабан̃н̃о бут̇убан̃н̃о ж̇аванабан̃н̃о хаасабан̃н̃о д̇игкабан̃н̃о ниб̣б̣зд̇хигабан̃н̃о бан̃н̃аабабхзд̣̇агусало бабхиннан̃аан̣о ад̇хиг̇ад̇абадисамбхид̣̇аббад̇д̇о жад̇увзсаараж̇ж̇аббад̇д̇о д̣̇асаб̣алад̇хаарий бурисаасабхо бурисасийхо бурисанааг̇о бурисааж̇ан̃н̃о бурисад̇хораяхо ананд̇ан̃аан̣о ананд̇ад̇зж̇о ананд̇аяасо ад̣дхо махад̣̇д̇хано д̇ханаваа нзд̇аа винзд̇аа анунзд̇аа бан̃н̃аабзд̇аа ниж̇жхаабзд̇аа бзгкзд̇аа басаад̣̇зд̇аа. со хи бхаг̇аваа ануббаннасса маг̇г̇асса уббаад̣̇зд̇аа асан̃ж̇аад̇асса маг̇г̇асса сан̃ж̇анзд̇аа анагкаад̇асса маг̇г̇асса агкаад̇аа, маг̇г̇ан̃н̃уу маг̇г̇авид̣̇уу маг̇г̇аговид̣̇о маг̇г̇аануг̇аа жа бана зд̇арахи саавагаа вихаранд̇и бажчаа саманнааг̇ад̇аа.
Kathaṃ bhagavā paññācakkhunāpi cakkhumā? Bhagavā mahāpañño puthupañño javanapañño hāsapañño tikkhapañño nibbedhikapañño paññāpabhedakusalo pabhinnañāṇo adhigatapaṭisambhidappatto catuvesārajjappatto dasabaladhārī purisāsabho purisasīho purisanāgo purisājañño purisadhorayho anantañāṇo anantatejo anantayaso aḍḍho mahaddhano dhanavā netā vinetā anunetā paññāpetā nijjhāpetā pekkhetā pasādetā. So hi bhagavā anuppannassa maggassa uppādetā asañjātassa maggassa sañjanetā anakkhātassa maggassa akkhātā, maggaññū maggavidū maggakovido maggānugā ca pana etarahi sāvakā viharanti pacchā samannāgatā.
со хи бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий 19 д̇ат̇ааг̇ад̇о. над̇т̇и д̇асса бхаг̇авад̇о ан̃н̃аад̇ам̣ ад̣̇идтам̣ авид̣̇ид̇ам̣ асажчигад̇ам̣ апассид̇ам̣ 20 бан̃н̃ааяа. ад̇ийд̇ам̣ анааг̇ад̇ам̣ бажжуббаннам̣ 21 убаад̣̇ааяа саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇ам̣ ааг̇ажчанд̇и. яам̣ гин̃жи нзяяам̣ наама ад̇т̇и ж̇аанид̇аб̣б̣ам̣ 22 ад̇д̇ад̇т̇о ваа барад̇т̇о ваа убхаяад̇т̇о ваа д̣̇идтад̇хаммиго ваа ад̇т̇о самбарааяиго ваа ад̇т̇о уд̇д̇аано ваа ад̇т̇о г̇амбхийро ваа ад̇т̇о г̇уул̣хо ваа ад̇т̇о бадижчанно ваа ад̇т̇о нзяяо ваа ад̇т̇о нийд̇о ваа ад̇т̇о анаваж̇ж̇о ваа ад̇т̇о ниггилзсо ваа ад̇т̇о вод̣̇аано ваа ад̇т̇о барамад̇т̇о ваа 23, саб̣б̣ам̣ д̇ам̣ анд̇о б̣уд̣̇д̇хан̃аан̣з баривад̇д̇ад̇и.
So hi bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī 24 tathāgato. Natthi tassa bhagavato aññātaṃ adiṭṭhaṃ aviditaṃ asacchikataṃ aphassitaṃ 25 paññāya. Atītaṃ anāgataṃ paccuppannaṃ 26 upādāya sabbe dhammā sabbākārena buddhassa bhagavato ñāṇamukhe āpāthaṃ āgacchanti. Yaṃ kiñci neyyaṃ nāma atthi jānitabbaṃ 27 attattho vā parattho vā ubhayattho vā diṭṭhadhammiko vā attho samparāyiko vā attho uttāno vā attho gambhīro vā attho gūḷho vā attho paṭicchanno vā attho neyyo vā attho nīto vā attho anavajjo vā attho nikkileso vā attho vodāno vā attho paramattho vā 28, sabbaṃ taṃ anto buddhañāṇe parivattati.
саб̣б̣ам̣ гааяагаммам̣ б̣уд̣̇д̇хасса бхаг̇авад̇о н̃аан̣аанубаривад̇д̇и, саб̣б̣ам̣ важийгаммам̣ н̃аан̣аанубаривад̇д̇и, саб̣б̣ам̣ маногаммам̣ н̃аан̣аанубаривад̇д̇и. ад̇ийд̇з б̣уд̣̇д̇хасса бхаг̇авад̇о аббадихад̇ам̣ н̃аан̣ам̣, анааг̇ад̇з аббадихад̇ам̣ н̃аан̣ам̣, бажжуббаннз аббадихад̇ам̣ н̃аан̣ам̣, яаавад̇агам̣ нзяяам̣ д̇аавад̇агам̣ н̃аан̣ам̣, яаавад̇агам̣ н̃аан̣ам̣ д̇аавад̇агам̣ нзяяам̣. нзяяабарияанд̇игам̣ н̃аан̣ам̣, н̃аан̣абарияанд̇игам̣ нзяяам̣, нзяяам̣ ад̇иггамид̇ваа н̃аан̣ам̣ наббавад̇д̇ад̇и, н̃аан̣ам̣ ад̇иггамид̇ваа нзяяабат̇о над̇т̇и. ан̃н̃аман̃н̃абарияанд̇адтааяино д̇з д̇хаммаа. яат̇аа д̣̇виннам̣ самуг̇г̇абадалаанам̣ саммаапусид̇аанам̣ хздтимам̣ самуг̇г̇абадалам̣ убаримам̣ наад̇ивад̇д̇ад̇и, убаримам̣ самуг̇г̇абадалам̣ хздтимам̣ наад̇ивад̇д̇ад̇и, ан̃н̃аман̃н̃абарияанд̇адтааяино; звамзва б̣уд̣̇д̇хасса бхаг̇авад̇о нзяяан̃жа н̃аан̣ан̃жа ан̃н̃аман̃н̃абарияанд̇адтааяино. яаавад̇агам̣ нзяяам̣ д̇аавад̇агам̣ н̃аан̣ам̣, яаавад̇агам̣ н̃аан̣ам̣ д̇аавад̇агам̣ нзяяам̣, нзяяабарияанд̇игам̣ н̃аан̣ам̣, н̃аан̣абарияанд̇игам̣ нзяяам̣. нзяяам̣ ад̇иггамид̇ваа н̃аан̣ам̣ наббавад̇д̇ад̇и, н̃аан̣ам̣ ад̇иггамид̇ваа нзяяабат̇о над̇т̇и. ан̃н̃аман̃н̃абарияанд̇адтааяино д̇з д̇хаммаа.
Sabbaṃ kāyakammaṃ buddhassa bhagavato ñāṇānuparivatti, sabbaṃ vacīkammaṃ ñāṇānuparivatti, sabbaṃ manokammaṃ ñāṇānuparivatti. Atīte buddhassa bhagavato appaṭihataṃ ñāṇaṃ, anāgate appaṭihataṃ ñāṇaṃ, paccuppanne appaṭihataṃ ñāṇaṃ, yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ. Neyyapariyantikaṃ ñāṇaṃ, ñāṇapariyantikaṃ neyyaṃ, neyyaṃ atikkamitvā ñāṇaṃ nappavattati, ñāṇaṃ atikkamitvā neyyapatho natthi. Aññamaññapariyantaṭṭhāyino te dhammā. Yathā dvinnaṃ samuggapaṭalānaṃ sammāphusitānaṃ heṭṭhimaṃ samuggapaṭalaṃ uparimaṃ nātivattati, uparimaṃ samuggapaṭalaṃ heṭṭhimaṃ nātivattati, aññamaññapariyantaṭṭhāyino; evameva buddhassa bhagavato neyyañca ñāṇañca aññamaññapariyantaṭṭhāyino. Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ, neyyapariyantikaṃ ñāṇaṃ, ñāṇapariyantikaṃ neyyaṃ. Neyyaṃ atikkamitvā ñāṇaṃ nappavattati, ñāṇaṃ atikkamitvā neyyapatho natthi. Aññamaññapariyantaṭṭhāyino te dhammā.
саб̣б̣ад̇хаммзсу б̣уд̣̇д̇хасса бхаг̇авад̇о н̃аан̣ам̣ бавад̇д̇ад̇и. саб̣б̣з д̇хаммаа б̣уд̣̇д̇хасса бхаг̇авад̇о ааваж̇ж̇анабадиб̣ад̣̇д̇хаа ааган̇кабадиб̣ад̣̇д̇хаа манасигаарабадиб̣ад̣̇д̇хаа жид̇д̇уббаад̣̇абадиб̣ад̣̇д̇хаа. саб̣б̣асад̇д̇зсу б̣уд̣̇д̇хасса бхаг̇авад̇о н̃аан̣ам̣ бавад̇д̇ад̇и. саб̣б̣зсан̃жа сад̇д̇аанам̣ бхаг̇аваа аасаяам̣ ж̇аанаад̇и, анусаяам̣ ж̇аанаад̇и, жарид̇ам̣ ж̇аанаад̇и, ад̇химуд̇д̇им̣ ж̇аанаад̇и, аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз бхаб̣б̣аабхаб̣б̣з сад̇д̇з ж̇аанаад̇и. сад̣̇зваго лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа анд̇об̣уд̣̇д̇хан̃аан̣з баривад̇д̇ад̇и.
Sabbadhammesu buddhassa bhagavato ñāṇaṃ pavattati. Sabbe dhammā buddhassa bhagavato āvajjanapaṭibaddhā ākaṅkhapaṭibaddhā manasikārapaṭibaddhā cittuppādapaṭibaddhā. Sabbasattesu buddhassa bhagavato ñāṇaṃ pavattati. Sabbesañca sattānaṃ bhagavā āsayaṃ jānāti, anusayaṃ jānāti, caritaṃ jānāti, adhimuttiṃ jānāti, apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte jānāti. Sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati.
яат̇аа яз гзжи мажчагажчабаа анд̇амасо д̇имид̇имин̇г̇алам̣ 29 убаад̣̇ааяа анд̇омахаасамуд̣̇д̣̇з баривад̇д̇анд̇и, звамзва сад̣̇зваго лого самаараго лого саб̣рахмаго лого сассаман̣аб̣раахман̣ий баж̇аа сад̣̇звамануссаа анд̇об̣уд̣̇д̇хан̃аан̣з баривад̇д̇ад̇и. яат̇аа яз гзжи багкий анд̇амасо г̇арул̣ам̣ взнад̇зяяам̣ убаад̣̇ааяа аагаасасса бад̣̇зсз баривад̇д̇анд̇и, звамзва язби д̇з саарибуд̇д̇асамаа бан̃н̃ааяа саманнааг̇ад̇аа д̇зби б̣уд̣̇д̇хан̃аан̣асса бад̣̇зсз баривад̇д̇анд̇и; б̣уд̣̇д̇хан̃аан̣ам̣ д̣̇звамануссаанам̣ бан̃н̃ам̣ парид̇ваа абхибхавид̇ваа д̇идтад̇и.
Yathā ye keci macchakacchapā antamaso timitimiṅgalaṃ 30 upādāya antomahāsamudde parivattanti, evameva sadevako loko samārako loko sabrahmako loko sassamaṇabrāhmaṇī pajā sadevamanussā antobuddhañāṇe parivattati. Yathā ye keci pakkhī antamaso garuḷaṃ venateyyaṃ upādāya ākāsassa padese parivattanti, evameva yepi te sāriputtasamā paññāya samannāgatā tepi buddhañāṇassa padese parivattanti; buddhañāṇaṃ devamanussānaṃ paññaṃ pharitvā abhibhavitvā tiṭṭhati.
язби д̇з кад̇д̇ияабан̣д̣ид̇аа б̣раахман̣абан̣д̣ид̇аа г̇ахабад̇ибан̣д̣ид̇аа саман̣абан̣д̣ид̇аа нибун̣аа гад̇абараббаваад̣̇аа ваалавзд̇хируубаа вобхинд̣̇анд̇аа 31 ман̃н̃з жаранд̇и бан̃н̃ааг̇ад̇зна д̣̇идтиг̇ад̇аани, д̇з бан̃хз абхисан̇карид̇ваа абхисан̇карид̇ваа д̇ат̇ааг̇ад̇ам̣ убасан̇гамид̇ваа бужчанд̇и г̇уул̣хаани жа бадижчаннаани. гат̇ид̇аа висаж̇ж̇ид̇аа жа д̇з бан̃хаа бхаг̇авад̇аа 32 хонд̇и нид̣̇д̣̇идтагааран̣аа. убагкид̇д̇агаа жа д̇з бхаг̇авад̇о самбаж̇ж̇анд̇и. ат̇а ко бхаг̇аваава д̇ад̇т̇а ад̇ирожад̇и – яад̣̇ид̣̇ам̣ бан̃н̃ааяаад̇и. звам̣ бхаг̇аваа бан̃н̃аажагкунааби жагкумаа.
Yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā 33 maññe caranti paññāgatena diṭṭhigatāni, te pañhe abhisaṅkharitvā abhisaṅkharitvā tathāgataṃ upasaṅkamitvā pucchanti gūḷhāni ca paṭicchannāni. Kathitā visajjitā ca te pañhā bhagavatā 34 honti niddiṭṭhakāraṇā. Upakkhittakā ca te bhagavato sampajjanti. Atha kho bhagavāva tattha atirocati – yadidaṃ paññāyāti. Evaṃ bhagavā paññācakkhunāpi cakkhumā.
гат̇ам̣ бхаг̇аваа б̣уд̣̇д̇хажагкунааби жагкумаа? бхаг̇аваа б̣уд̣̇д̇хажагкунаа логам̣ вологзнд̇о 35 ад̣̇д̣̇аса сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз аббзгажжз баралогаваж̇ж̇абхаяад̣̇ассаавино 36 вихаранд̇з. сзяяат̇ааби наама уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇онимуг̇г̇абосийни 37, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани самод̣̇агам̣ тид̇аани, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаа ажжуг̇г̇амма д̇идтанд̇и анубалид̇д̇аани уд̣̇агзна; звамзвам̣ бхаг̇аваа б̣уд̣̇д̇хажагкунаа логам̣ вологзнд̇о ад̣̇д̣̇аса сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз аббзгажжз баралогаваж̇ж̇абхаяад̣̇ассаавино вихаранд̇з. ж̇аанаад̇и бхаг̇аваа – ‘‘аяам̣ буг̇г̇ало рааг̇ажарид̇о, аяам̣ д̣̇осажарид̇о, аяам̣ мохажарид̇о, аяам̣ вид̇аггажарид̇о, аяам̣ сад̣̇д̇хаажарид̇о, аяам̣ н̃аан̣ажарид̇о’’д̇и. рааг̇ажарид̇асса бхаг̇аваа буг̇г̇аласса асубхагат̇ам̣ гат̇зд̇и; д̣̇осажарид̇асса бхаг̇аваа буг̇г̇аласса мзд̇д̇аабхааванам̣ аажигкад̇и; мохажарид̇асса бхаг̇аваа буг̇г̇аласса уд̣̇д̣̇зсз барибужчааяа гаалзна д̇хаммассаванз гаалзна д̇хаммасаагажчааяа г̇арусам̣ваасз нивзсзд̇и; вид̇аггажарид̇асса бхаг̇аваа буг̇г̇аласса аанаабаанассад̇им̣ аажигкад̇и; сад̣̇д̇хаажарид̇асса бхаг̇аваа буг̇г̇аласса басаад̣̇анийяам̣ нимид̇д̇ам̣ аажигкад̇и б̣уд̣̇д̇хасуб̣од̇хим̣ 38 д̇хаммасуд̇хаммад̇ам̣ сан̇гхасуббадибад̇д̇им̣ сийлаани жа; ад̇д̇ано н̃аан̣ажарид̇асса бхаг̇аваа буг̇г̇аласса вибассанаанимид̇д̇ам̣ аажигкад̇и анижжаагаарам̣ д̣̇угкаагаарам̣ анад̇д̇аагаарам̣.
Kathaṃ bhagavā buddhacakkhunāpi cakkhumā? Bhagavā buddhacakkhunā lokaṃ volokento 39 addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino 40 viharante. Seyyathāpi nāma uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni antonimuggaposīni 41, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni samodakaṃ ṭhitāni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakā accuggamma tiṭṭhanti anupalittāni udakena; evamevaṃ bhagavā buddhacakkhunā lokaṃ volokento addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino viharante. Jānāti bhagavā – ‘‘ayaṃ puggalo rāgacarito, ayaṃ dosacarito, ayaṃ mohacarito, ayaṃ vitakkacarito, ayaṃ saddhācarito, ayaṃ ñāṇacarito’’ti. Rāgacaritassa bhagavā puggalassa asubhakathaṃ katheti; dosacaritassa bhagavā puggalassa mettābhāvanaṃ ācikkhati; mohacaritassa bhagavā puggalassa uddese paripucchāya kālena dhammassavane kālena dhammasākacchāya garusaṃvāse niveseti; vitakkacaritassa bhagavā puggalassa ānāpānassatiṃ ācikkhati; saddhācaritassa bhagavā puggalassa pasādanīyaṃ nimittaṃ ācikkhati buddhasubodhiṃ 42 dhammasudhammataṃ saṅghasuppaṭipattiṃ sīlāni ca; attano ñāṇacaritassa bhagavā puggalassa vipassanānimittaṃ ācikkhati aniccākāraṃ dukkhākāraṃ anattākāraṃ.
‘‘сзлз яат̇аа баб̣б̣ад̇амуд̣̇д̇ханидтид̇о, яат̇ааби бассз ж̇анад̇ам̣ саманд̇ад̇о;
‘‘Sele yathā pabbatamuddhaniṭṭhito, yathāpi passe janataṃ samantato;
д̇ат̇уубамам̣ д̇хаммамаяам̣ сумзд̇ха, баасаад̣̇амааруяха саманд̇ажагку;
Tathūpamaṃ dhammamayaṃ sumedha, pāsādamāruyha samantacakkhu;
согаавад̇ин̣н̣ам̣ 43 ж̇анад̇амабзд̇асого, авзгкассу ж̇аад̇иж̇араабхибхууд̇а’’нд̇и.
Sokāvatiṇṇaṃ 44 janatamapetasoko, avekkhassu jātijarābhibhūta’’nti.
звам̣ бхаг̇аваа б̣уд̣̇д̇хажагкунааби жагкумаа.
Evaṃ bhagavā buddhacakkhunāpi cakkhumā.
гат̇ам̣ бхаг̇аваа саманд̇ажагкунааби жагкумаа? саманд̇ажагку вужжад̇и саб̣б̣ан̃н̃уд̇ан̃аан̣ам̣. бхаг̇аваа саб̣б̣ан̃н̃уд̇ан̃аан̣зна убзд̇о самубзд̇о убааг̇ад̇о самубааг̇ад̇о убабанно самубабанно саманнааг̇ад̇о.
Kathaṃ bhagavā samantacakkhunāpi cakkhumā? Samantacakkhu vuccati sabbaññutañāṇaṃ. Bhagavā sabbaññutañāṇena upeto samupeto upāgato samupāgato upapanno samupapanno samannāgato.
‘‘на д̇асса ад̣̇д̣̇идтамид̇хад̇т̇и гин̃жи, ат̇о авин̃н̃аад̇амаж̇аанид̇аб̣б̣ам̣;
‘‘Na tassa addiṭṭhamidhatthi kiñci, atho aviññātamajānitabbaṃ;
саб̣б̣ам̣ абхин̃н̃ааси яад̣̇ад̇т̇и нзяяам̣, д̇ат̇ааг̇ад̇о д̇зна саманд̇ажагкуу’’д̇и.
Sabbaṃ abhiññāsi yadatthi neyyaṃ, tathāgato tena samantacakkhū’’ti.
звам̣ бхаг̇аваа саманд̇ажагкунааби жагкумаад̇и – на мз б̣яаагааси жагкумаа.
Evaṃ bhagavā samantacakkhunāpi cakkhumāti – na me byākāsi cakkhumā.
яаавад̇ад̇ияан̃жа д̣̇звийси, б̣яаагарод̇ийд̇и мз суд̇анд̇и яаавад̇ад̇ияам̣ б̣уд̣̇д̇хо сахад̇хаммигам̣ бан̃хам̣ будто б̣яаагарод̇и но сам̣саарзд̇ийд̇и 45 – звам̣ маяаа уг̇г̇ахид̇ам̣, звам̣ маяаа убад̇хаарид̇ам̣, звам̣ маяаа убалагкид̇ам̣. д̣̇звийсийд̇и бхаг̇аваа жзва иси жаад̇и – д̣̇звийси. яат̇аа рааж̇аа баб̣б̣аж̇ид̇аа вужжанд̇и рааж̇исаяо, б̣раахман̣аа баб̣б̣аж̇ид̇аа вужжанд̇и б̣раахман̣исаяо, звамзва бхаг̇аваа д̣̇зво жзва иси жаад̇и – д̣̇звийси.
Yāvatatiyañca devīsi, byākarotīti me sutanti yāvatatiyaṃ buddho sahadhammikaṃ pañhaṃ puṭṭho byākaroti no saṃsāretīti 46 – evaṃ mayā uggahitaṃ, evaṃ mayā upadhāritaṃ, evaṃ mayā upalakkhitaṃ. Devīsīti bhagavā ceva isi cāti – devīsi. Yathā rājā pabbajitā vuccanti rājisayo, brāhmaṇā pabbajitā vuccanti brāhmaṇisayo, evameva bhagavā devo ceva isi cāti – devīsi.
ат̇а ваа, бхаг̇аваа баб̣б̣аж̇ид̇од̇иби иси. маханд̇ам̣ сийлагканд̇хам̣ зсий г̇авзсий бариязсийд̇иби иси. маханд̇ам̣ самаад̇хигканд̇хам̣…бз… маханд̇ам̣ бан̃н̃аагканд̇хам̣… маханд̇ам̣ вимуд̇д̇игканд̇хам̣… маханд̇ам̣ вимуд̇д̇ин̃аан̣ад̣̇ассанагканд̇хам̣ зсий г̇авзсий бариязсийд̇иби иси. махад̇о д̇амогааяасса бад̣̇ааланам̣ зсий г̇авзсий бариязсийд̇иби иси. махад̇о вибаллаасасса бабхзд̣̇анам̣ зсий г̇авзсий бариязсийд̇иби иси. махад̇о д̇ан̣хаасалласса аб̣б̣аханам̣… махад̇о д̣̇идтисан̇гхаадасса винивзтанам̣… махад̇о маанад̣̇д̇хаж̇асса бабаад̇анам̣… махад̇о абхисан̇каарасса вуубасамам̣… махад̇о огхасса нид̇т̇аран̣ам̣… махад̇о бхаарасса нигкзбанам̣… махад̇о сам̣саараваддасса убажчзд̣̇ам̣… махад̇о санд̇аабасса ниб̣б̣аабанам̣… махад̇о барил̣аахасса бадиббассад̣̇д̇хим̣… махад̇о д̇хаммад̣̇д̇хаж̇асса уссаабанам̣ зсий г̇авзсий бариязсийд̇иби иси. маханд̇з сад̇ибадтаанз… маханд̇з саммаббад̇хаанз… маханд̇аани инд̣̇рияаани… маханд̇аани б̣алаани… маханд̇з б̣ож̇жхан̇г̇з… маханд̇ам̣ арияам̣ адтан̇г̇игам̣ маг̇г̇ам̣… маханд̇ам̣ барамад̇т̇ам̣ м̣1ад̇ам̣ ниб̣б̣аанам̣ зсий г̇авзсий бариязсийд̇иби иси. махзсагкзхи ваа сад̇д̇зхи зсид̇о г̇авзсид̇о бариязсид̇о – ‘‘гахам̣ б̣уд̣̇д̇хо, гахам̣ бхаг̇аваа, гахам̣ д̣̇звад̣̇зво, гахам̣ нараасабхо’’д̇иби исийд̇и – яаавад̇ад̇ияан̃жа д̣̇звийси б̣яаагарод̇ийд̇и мз суд̇ам̣. д̇знааха со б̣раахман̣о –
Atha vā, bhagavā pabbajitotipi isi. Mahantaṃ sīlakkhandhaṃ esī gavesī pariyesītipi isi. Mahantaṃ samādhikkhandhaṃ…pe… mahantaṃ paññākkhandhaṃ… mahantaṃ vimuttikkhandhaṃ… mahantaṃ vimuttiñāṇadassanakkhandhaṃ esī gavesī pariyesītipi isi. Mahato tamokāyassa padālanaṃ esī gavesī pariyesītipi isi. Mahato vipallāsassa pabhedanaṃ esī gavesī pariyesītipi isi. Mahato taṇhāsallassa abbahanaṃ… mahato diṭṭhisaṅghāṭassa viniveṭhanaṃ… mahato mānaddhajassa papātanaṃ… mahato abhisaṅkhārassa vūpasamaṃ… mahato oghassa nittharaṇaṃ… mahato bhārassa nikkhepanaṃ… mahato saṃsāravaṭṭassa upacchedaṃ… mahato santāpassa nibbāpanaṃ… mahato pariḷāhassa paṭippassaddhiṃ… mahato dhammaddhajassa ussāpanaṃ esī gavesī pariyesītipi isi. Mahante satipaṭṭhāne… mahante sammappadhāne… mahantāni indriyāni… mahantāni balāni… mahante bojjhaṅge… mahantaṃ ariyaṃ aṭṭhaṅgikaṃ maggaṃ… mahantaṃ paramatthaṃ ṃ1ataṃ nibbānaṃ esī gavesī pariyesītipi isi. Mahesakkhehi vā sattehi esito gavesito pariyesito – ‘‘kahaṃ buddho, kahaṃ bhagavā, kahaṃ devadevo, kahaṃ narāsabho’’tipi isīti – yāvatatiyañca devīsi byākarotīti me sutaṃ. Tenāha so brāhmaṇo –
‘‘д̣̇ваахам̣ саггам̣ абужчиссам̣, [ижжааяасмаа могхарааж̇аа]
‘‘Dvāhaṃ sakkaṃ apucchissaṃ, [iccāyasmā mogharājā]
на мз б̣яаагааси жагкумаа;
Na me byākāsi cakkhumā;
яаавад̇ад̇ияан̃жа д̣̇звийси, б̣яаагарод̇ийд̇и мз суд̇а’’нд̇и.
Yāvatatiyañca devīsi, byākarotīti me suta’’nti.
86.
86.
аяам̣ лого баро лого, б̣рахмалого сад̣̇зваго;
Ayaṃ loko paro loko, brahmaloko sadevako;
д̣̇идтим̣ д̇з наабхиж̇аанаад̇и, г̇од̇амасса яасассино.
Diṭṭhiṃ te nābhijānāti, gotamassa yasassino.
аяам̣ лого баро логод̇и. аяам̣ логод̇и мануссалого. баро логод̇и мануссалогам̣ табзд̇ваа саб̣б̣о баро логод̇и – аяам̣ лого баро лого.
Ayaṃ loko paro lokoti. Ayaṃ lokoti manussaloko. Paro lokoti manussalokaṃ ṭhapetvā sabbo paro lokoti – ayaṃ loko paro loko.
б̣рахмалого сад̣̇звагод̇и сад̣̇зваго лого самаараго саб̣рахмаго сассаман̣аб̣раахман̣ий баж̇аа сад̣̇звамануссаад̇и – б̣рахмалого сад̣̇зваго.
Brahmaloko sadevakoti sadevako loko samārako sabrahmako sassamaṇabrāhmaṇī pajā sadevamanussāti – brahmaloko sadevako.
д̣̇идтим̣ д̇з наабхиж̇аанаад̇ийд̇и д̇уяхам̣ д̣̇идтим̣ канд̇им̣ ружим̣ лад̣̇д̇хим̣ аж̇жхаасаяам̣ ад̇хиббааяам̣ лого на ж̇аанаад̇и – ‘‘аяам̣ звам̣д̣̇идтиго звам̣канд̇иго звам̣ружиго звам̣лад̣̇д̇хиго звам̣аж̇жхаасаяо звам̣ад̇хиббааяо’’д̇и на ж̇аанаад̇и на бассад̇и на д̣̇агкад̇и наад̇хиг̇ажчад̇и на винд̣̇ад̇и на бадилабхад̇ийд̇и – д̣̇идтим̣ д̇з наабхиж̇аанаад̇и.
Diṭṭhiṃ te nābhijānātīti tuyhaṃ diṭṭhiṃ khantiṃ ruciṃ laddhiṃ ajjhāsayaṃ adhippāyaṃ loko na jānāti – ‘‘ayaṃ evaṃdiṭṭhiko evaṃkhantiko evaṃruciko evaṃladdhiko evaṃajjhāsayo evaṃadhippāyo’’ti na jānāti na passati na dakkhati nādhigacchati na vindati na paṭilabhatīti – diṭṭhiṃ te nābhijānāti.
г̇од̇амасса яасассинод̇и бхаг̇аваа яасаббад̇д̇од̇и яасассий. ат̇а ваа, бхаг̇аваа саггад̇о г̇аругад̇о маанид̇о бууж̇ид̇о абажид̇о лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараананд̇иби яасассийд̇и – г̇од̇амасса яассино. д̇знааха со б̣раахман̣о –
Gotamassa yasassinoti bhagavā yasappattoti yasassī. Atha vā, bhagavā sakkato garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārānantipi yasassīti – gotamassa yassino. Tenāha so brāhmaṇo –
‘‘аяам̣ лого баро лого, б̣рахмалого сад̣̇зваго;
‘‘Ayaṃ loko paro loko, brahmaloko sadevako;
д̣̇идтим̣ д̇з наабхиж̇аанаад̇и, г̇од̇амасса яасассино’’д̇и.
Diṭṭhiṃ te nābhijānāti, gotamassa yasassino’’ti.
87.
87.
звам̣ абхигганд̇ад̣̇ассаавим̣, ад̇т̇и бан̃хзна ааг̇амам̣;
Evaṃabhikkantadassāviṃ, atthi pañhena āgamaṃ;
гат̇ам̣ логам̣ авзгканд̇ам̣, мажжурааж̇аа на бассад̇и.
Kathaṃ lokaṃ avekkhantaṃ, maccurājā na passati.
звам̣ абхигганд̇ад̣̇ассаавинд̇и звам̣ абхигганд̇ад̣̇ассаавим̣ аг̇г̇ад̣̇ассаавим̣ сздтад̣̇ассаавим̣ висздтад̣̇ассаавим̣ баамогкад̣̇ассаавим̣ уд̇д̇амад̣̇ассаавим̣ барамад̣̇ассаавинд̇и – звам̣ абхигганд̇ад̣̇ассаавим̣.
Evaṃ abhikkantadassāvinti evaṃ abhikkantadassāviṃ aggadassāviṃ seṭṭhadassāviṃ viseṭṭhadassāviṃ pāmokkhadassāviṃ uttamadassāviṃ paramadassāvinti – evaṃ abhikkantadassāviṃ.
ад̇т̇и бан̃хзна ааг̇аманд̇и бан̃хзна ад̇т̇иго ааг̇ад̇омхи…бз… вахассзд̇ам̣ бхааранд̇и, звамби ад̇т̇и бан̃хзна ааг̇амам̣.
Atthi pañhena āgamanti pañhena atthiko āgatomhi…pe… vahassetaṃ bhāranti, evampi atthi pañhena āgamaṃ.
гат̇ам̣ логам̣ авзгканд̇анд̇и гат̇ам̣ логам̣ авзгканд̇ам̣ бажжавзгканд̇ам̣ д̇улаяанд̇ам̣ д̇ийраяанд̇ам̣ вибхааваяанд̇ам̣ вибхууд̇ам̣ гаронд̇анд̇и – гат̇ам̣ логам̣ авзгканд̇ам̣.
Kathaṃ lokaṃ avekkhantanti kathaṃ lokaṃ avekkhantaṃ paccavekkhantaṃ tulayantaṃ tīrayantaṃ vibhāvayantaṃ vibhūtaṃ karontanti – kathaṃ lokaṃ avekkhantaṃ.
мажжурааж̇аа на бассад̇ийд̇и мажжурааж̇аа на бассад̇и на д̣̇агкад̇и наад̇хиг̇ажчад̇и на винд̣̇ад̇и на бадилабхад̇ийд̇и – мажжурааж̇аа на бассад̇и. д̇знааха со б̣раахман̣о –
Maccurājā na passatīti maccurājā na passati na dakkhati nādhigacchati na vindati na paṭilabhatīti – maccurājā na passati. Tenāha so brāhmaṇo –
‘‘звам̣ абхигганд̇ад̣̇ассаавим̣, ад̇т̇и бан̃хзна ааг̇амам̣;
‘‘Evaṃ abhikkantadassāviṃ, atthi pañhena āgamaṃ;
гат̇ам̣ логам̣ авзгканд̇ам̣, мажжурааж̇аа на бассад̇ий’’д̇и.
Kathaṃ lokaṃ avekkhantaṃ, maccurājā na passatī’’ti.
88.
88.
сун̃н̃ад̇о логам̣ авзгкассу, могхарааж̇а сад̣̇аа сад̇о;
Suññatolokaṃ avekkhassu, mogharāja sadā sato;
ад̇д̇аануд̣̇идтим̣ уухажжа, звам̣ мажжуд̇аро сияаа;
Attānudiṭṭhiṃ ūhacca, evaṃ maccutaro siyā;
звам̣ логам̣ авзгканд̇ам̣, мажжурааж̇аа на бассад̇и.
Evaṃ lokaṃ avekkhantaṃ, maccurājā na passati.
сун̃н̃ад̇о логам̣ авзгкассууд̇и. логод̇и нираяалого д̇иражчааналого бзд̇д̇ивисаяалого мануссалого д̣̇звалого канд̇халого д̇хаад̇улого ааяад̇аналого аяам̣ лого баро лого б̣рахмалого сад̣̇зваго 47. ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘лого логод̇и, бханд̇з, вужжад̇и. гид̇д̇аавад̇аа ну ко, бханд̇з, логод̇и вужжад̇ий’’д̇и? ‘‘луж̇ж̇ад̇ийд̇и ко, бхигку, д̇асмаа логод̇и вужжад̇и. гин̃жа луж̇ж̇ад̇и? жагку ко бхигку луж̇ж̇ад̇и, руубаа луж̇ж̇анд̇и, жагкувин̃аан̣ам̣ луж̇ж̇ад̇и, жагкусампассо луж̇ж̇ад̇и, яамбид̣̇ам̣ 48 жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби луж̇ж̇ад̇и; сод̇ам̣ луж̇ж̇ад̇и, г̇анд̇хаа луж̇ж̇анд̇и…бз… гааяо луж̇ж̇ад̇и , подтаб̣б̣аа луж̇ж̇анд̇и; мано луж̇ж̇ад̇и, д̇хаммаа луж̇ж̇анд̇и, мановин̃н̃аан̣ам̣ луж̇ж̇ад̇и, маносампассо луж̇ж̇ад̇и; яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби луж̇ж̇ад̇и. луж̇ж̇ад̇ийд̇и ко, бхигку, д̇асмаа логод̇и вужжад̇и’’.
Suññatolokaṃ avekkhassūti. Lokoti nirayaloko tiracchānaloko pettivisayaloko manussaloko devaloko khandhaloko dhātuloko āyatanaloko ayaṃ loko paro loko brahmaloko sadevako 49. Aññataro bhikkhu bhagavantaṃ etadavoca – ‘‘loko lokoti, bhante, vuccati. Kittāvatā nu kho, bhante, lokoti vuccatī’’ti? ‘‘Lujjatīti kho, bhikkhu, tasmā lokoti vuccati. Kiñca lujjati? Cakkhu kho bhikkhu lujjati, rūpā lujjanti, cakkhuviñāṇaṃ lujjati, cakkhusamphasso lujjati, yampidaṃ 50 cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi lujjati; sotaṃ lujjati, gandhā lujjanti…pe… kāyo lujjati , phoṭṭhabbā lujjanti; mano lujjati, dhammā lujjanti, manoviññāṇaṃ lujjati, manosamphasso lujjati; yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi lujjati. Lujjatīti kho, bhikkhu, tasmā lokoti vuccati’’.
сун̃н̃ад̇о логам̣ авзгкассууд̇и д̣̇вийхи гааран̣зхи сун̃н̃ад̇о логам̣ авзгкад̇и – авасияабавад̇д̇асаллагкан̣авасзна 51 ваа д̇ужчасан̇каарасаманубассанаавасзна ваа. гат̇ам̣ авасияабавад̇д̇асаллагкан̣авасзна сун̃н̃ад̇о логам̣ авзгкад̇и? руубз васо на лаб̣бхад̇и, взд̣̇анааяа васо на лаб̣бхад̇и, сан̃н̃ааяа васо на лаб̣бхад̇и, сан̇каарзсу васо на лаб̣бхад̇и, вин̃н̃аан̣з васо на лаб̣бхад̇и. вуд̇д̇ан̃хзд̇ам̣ бхаг̇авад̇аа 52 – ‘‘руубам̣, бхигкавз, анад̇д̇аа. руубан̃жа хид̣̇ам̣, бхигкавз, ад̇д̇аа абхависса, наяид̣̇ам̣ руубам̣ ааб̣аад̇хааяа сам̣вад̇д̇зяяа; лаб̣бхзт̇а жа руубз – ‘звам̣ мз руубам̣ ход̇у, звам̣ мз руубам̣ маа ахосий’д̇и. яасмаа жа ко, бхигкавз, руубам̣ анад̇д̇аа, д̇асмаа руубам̣ ааб̣аад̇хааяа сам̣вад̇д̇ад̇и на жа лаб̣бхад̇и руубз – ‘звам̣ мз руубам̣ ход̇у, звам̣ мз руубам̣ маа ахосий’д̇и.
Suññato lokaṃ avekkhassūti dvīhi kāraṇehi suññato lokaṃ avekkhati – avasiyapavattasallakkhaṇavasena 53 vā tucchasaṅkhārasamanupassanāvasena vā. Kathaṃ avasiyapavattasallakkhaṇavasena suññato lokaṃ avekkhati? Rūpe vaso na labbhati, vedanāya vaso na labbhati, saññāya vaso na labbhati, saṅkhāresu vaso na labbhati, viññāṇe vaso na labbhati. Vuttañhetaṃ bhagavatā 54 – ‘‘rūpaṃ, bhikkhave, anattā. Rūpañca hidaṃ, bhikkhave, attā abhavissa, nayidaṃ rūpaṃ ābādhāya saṃvatteyya; labbhetha ca rūpe – ‘evaṃ me rūpaṃ hotu, evaṃ me rūpaṃ mā ahosī’ti. Yasmā ca kho, bhikkhave, rūpaṃ anattā, tasmā rūpaṃ ābādhāya saṃvattati na ca labbhati rūpe – ‘evaṃ me rūpaṃ hotu, evaṃ me rūpaṃ mā ahosī’ti.
‘‘взд̣̇анаа анад̇д̇аа. взд̣̇анаа жа хид̣̇ам̣, бхигкавз, ад̇д̇аа абхависса, наяид̣̇ам̣ взд̣̇анаа ааб̣аад̇хааяа сам̣вад̇д̇зяяа; лаб̣бхзт̇а жа взд̣̇анааяа – ‘звам̣ мз взд̣̇анаа ход̇у, звам̣ мз взд̣̇анаа маа ахосий’д̇и. яасмаа жа ко, бхигкавз, взд̣̇анаа анад̇д̇аа, д̇асмаа взд̣̇анаа ааб̣аад̇хааяа сам̣вад̇д̇ад̇и, на жа лаб̣бхад̇и взд̣̇анааяа – ‘звам̣ мз взд̣̇анаа ход̇у, звам̣ мз взд̣̇анаа маа ахосий’д̇и.
‘‘Vedanā anattā. Vedanā ca hidaṃ, bhikkhave, attā abhavissa, nayidaṃ vedanā ābādhāya saṃvatteyya; labbhetha ca vedanāya – ‘evaṃ me vedanā hotu, evaṃ me vedanā mā ahosī’ti. Yasmā ca kho, bhikkhave, vedanā anattā, tasmā vedanā ābādhāya saṃvattati, na ca labbhati vedanāya – ‘evaṃ me vedanā hotu, evaṃ me vedanā mā ahosī’ti.
‘‘сан̃н̃аа анад̇д̇аа. сан̃н̃аа жа хид̣̇ам̣, бхигкавз, ад̇д̇аа абхависса, наяид̣̇ам̣ сан̃н̃аа ааб̣аад̇хааяа сам̣вад̇д̇зяяа; лаб̣бхзт̇а жа сан̃н̃ааяа – ‘звам̣ мз сан̃н̃аа ход̇у, звам̣ мз сан̃н̃аа маа ахосий’д̇и. яасмаа жа ко, бхигкавз, сан̃н̃аа анад̇д̇аа, д̇асмаа сан̃н̃аа ааб̣аад̇хааяа сам̣вад̇д̇ад̇и, на жа лаб̣бхад̇и сан̃н̃ааяа – ‘звам̣ мз сан̃н̃аа ход̇у, звам̣ мз сан̃н̃аа маа ахосий’д̇и.
‘‘Saññā anattā. Saññā ca hidaṃ, bhikkhave, attā abhavissa, nayidaṃ saññā ābādhāya saṃvatteyya; labbhetha ca saññāya – ‘evaṃ me saññā hotu, evaṃ me saññā mā ahosī’ti. Yasmā ca kho, bhikkhave, saññā anattā, tasmā saññā ābādhāya saṃvattati, na ca labbhati saññāya – ‘evaṃ me saññā hotu, evaṃ me saññā mā ahosī’ti.
‘‘сан̇каараа анад̇д̇аа. сан̇каараа жа хид̣̇ам̣, бхигкавз, ад̇д̇аа абхависсам̣су, наяид̣̇ам̣ сан̇каараа ааб̣аад̇хааяа сам̣вад̇д̇зяяум̣; лаб̣бхзт̇а жа сан̇каарзсу – ‘звам̣ мз сан̇каараа хонд̇у, звам̣ мз сан̇каараа маа ахзсу’нд̇и. яасмаа жа ко, бхигкавз , сан̇каараа анад̇д̇аа, д̇асмаа сан̇каараа ааб̣аад̇хааяа сам̣вад̇д̇анд̇и, на жа лаб̣бхад̇и сан̇каарзсу – ‘звам̣ мз сан̇каараа хонд̇у, звам̣ мз сан̇каараа маа ахзсу’нд̇и.
‘‘Saṅkhārā anattā. Saṅkhārā ca hidaṃ, bhikkhave, attā abhavissaṃsu, nayidaṃ saṅkhārā ābādhāya saṃvatteyyuṃ; labbhetha ca saṅkhāresu – ‘evaṃ me saṅkhārā hontu, evaṃ me saṅkhārā mā ahesu’nti. Yasmā ca kho, bhikkhave , saṅkhārā anattā, tasmā saṅkhārā ābādhāya saṃvattanti, na ca labbhati saṅkhāresu – ‘evaṃ me saṅkhārā hontu, evaṃ me saṅkhārā mā ahesu’nti.
‘‘вин̃н̃аан̣ам̣ анад̇д̇аа. вин̃н̃аан̣ан̃жа хид̣̇ам̣, бхигкавз, ад̇д̇аа абхависса, наяид̣̇ам̣ вин̃н̃аан̣ам̣ ааб̣аад̇хааяа сам̣вад̇д̇зяяа; лаб̣бхзт̇а жа вин̃н̃аан̣з – ‘звам̣ мз вин̃н̃аан̣ам̣ ход̇у, звам̣ мз вин̃н̃аан̣ам̣ маа ахосий’д̇и. яасмаа жа ко, бхигкавз, вин̃н̃аан̣ам̣ анад̇д̇аа, д̇асмаа вин̃н̃аан̣ам̣ ааб̣аад̇хааяа сам̣вад̇д̇ад̇и, на жа лаб̣бхад̇и вин̃н̃аан̣з – ‘звам̣ мз вин̃н̃аан̣ам̣ ход̇у, звам̣ мз вин̃н̃аан̣ам̣ маа ахосий’’’д̇и.
‘‘Viññāṇaṃ anattā. Viññāṇañca hidaṃ, bhikkhave, attā abhavissa, nayidaṃ viññāṇaṃ ābādhāya saṃvatteyya; labbhetha ca viññāṇe – ‘evaṃ me viññāṇaṃ hotu, evaṃ me viññāṇaṃ mā ahosī’ti. Yasmā ca kho, bhikkhave, viññāṇaṃ anattā, tasmā viññāṇaṃ ābādhāya saṃvattati, na ca labbhati viññāṇe – ‘evaṃ me viññāṇaṃ hotu, evaṃ me viññāṇaṃ mā ahosī’’’ti.
вуд̇д̇ан̃хзд̇ам̣ бхаг̇авад̇аа – ‘‘нааяам̣, бхигкавз, гааяо д̇умхаагам̣, наби ан̃н̃зсам̣ 55. бураан̣амид̣̇ам̣, бхигкавз, гаммам̣ абхисан̇кад̇ам̣ абхисан̃жзд̇аяид̇ам̣ взд̣̇анияам̣ д̣̇адтаб̣б̣ам̣. д̇ад̇ра ко, бхигкавз, суд̇аваа арияасааваго бадижжасамуббаад̣̇ам̣язва саад̇хугам̣ яонисо манаси гарод̇и – ‘ид̇и имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и; имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇и, яад̣̇ид̣̇ам̣ – авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, наамаруубабажжаяаа сал̣ааяад̇анам̣, сал̣ааяад̇анабажжаяаа пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и – звамзд̇асса гзваласса д̣̇угкагканд̇хасса самуд̣̇аяо ход̇и’’’.
Vuttañhetaṃ bhagavatā – ‘‘nāyaṃ, bhikkhave, kāyo tumhākaṃ, napi aññesaṃ 56. Purāṇamidaṃ, bhikkhave, kammaṃ abhisaṅkhataṃ abhisañcetayitaṃ vedaniyaṃ daṭṭhabbaṃ. Tatra kho, bhikkhave, sutavā ariyasāvako paṭiccasamuppādaṃyeva sādhukaṃ yoniso manasi karoti – ‘iti imasmiṃ sati idaṃ hoti, imassuppādā idaṃ uppajjati; imasmiṃ asati idaṃ na hoti, imassa nirodhā idaṃ nirujjhati, yadidaṃ – avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti – evametassa kevalassa dukkhakkhandhassa samudayo hoti’’’.
‘‘авиж̇ж̇ааяа д̇взва асзсавирааг̇анирод̇хаа сан̇кааранирод̇хо, сан̇кааранирод̇хаа вин̃н̃аан̣анирод̇хо …бз… ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и , звамзд̇асса гзваласса д̣̇угкагканд̇хасса нирод̇хо ход̇ий’’д̇и. звам̣ авасияабавад̇д̇асаллагкан̣авасзна сун̃н̃ад̇о логам̣ авзгкад̇и.
‘‘Avijjāya tveva asesavirāganirodhā saṅkhāranirodho, saṅkhāranirodhā viññāṇanirodho …pe… jātinirodhā jarāmaraṇaṃ sokaparidevadukkhadomanassupāyāsā nirujjhanti , evametassa kevalassa dukkhakkhandhassa nirodho hotī’’ti. Evaṃ avasiyapavattasallakkhaṇavasena suññato lokaṃ avekkhati.
гат̇ам̣ д̇ужчасан̇каарасаманубассанаавасзна сун̃н̃ад̇о логам̣ авзгкад̇и? руубз сааро на лаб̣бхад̇и, взд̣̇анааяа сааро на лаб̣бхад̇и, сан̃н̃ааяа сааро на лаб̣бхад̇и, сан̇каарзсу сааро на лаб̣бхад̇и, вин̃н̃аан̣з сааро на лаб̣бхад̇и; руубам̣ ассаарам̣ ниссаарам̣ саараабаг̇ад̇ам̣ нижжасаарасаарзна ваа сукасаарасаарзна ваа ад̇д̇асаарасаарзна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. взд̣̇анаа ассаараа ниссаараа саараабаг̇ад̇аа…бз… сан̃н̃аа ассаараа ниссаараа саараабаг̇ад̇аа… сан̇каараа ассаараа ниссаараа саараабаг̇ад̇аа… вин̃н̃аан̣ам̣ ассаарам̣ ниссаарам̣ саараабаг̇ад̇ам̣ нижжасаарасаарзна ваа сукасаарасаарзна ваа ад̇д̇асаарасаарзна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. яат̇аа нал̣о ассааро ниссааро саараабаг̇ад̇о, яат̇аа жа зран̣д̣о…бз… яат̇аа жа уд̣̇умб̣аро ассааро ниссааро саараабаг̇ад̇о, яат̇аа жа сзд̇аг̇ажчо 57 ассааро ниссааро саараабаг̇ад̇о, яат̇аа жа баалибхад̣̇д̣̇аго 58 ассааро ниссааро саараабаг̇ад̇о, яат̇аа жа пзн̣абин̣д̣о 59 ассааро ниссааро саараабаг̇ад̇о, яат̇аа жа уд̣̇агабуб̣б̣ул̣ам̣ 60 ассаарам̣ ниссаарам̣ саараабаг̇ад̇ам̣, яат̇аа жа марийжи ассаараа ниссаараа саараабаг̇ад̇аа, яат̇аа гад̣̇алигканд̇хо ассааро ниссааро саараабаг̇ад̇о, яат̇аа мааяаа ассаараа ниссаараа саараабаг̇ад̇аа – звамзва руубам̣ ассаарам̣ ниссаарам̣ саараабаг̇ад̇ам̣ нижжасаарасаарзна ваа сукасаарасаарзна ваа ад̇д̇асаарасаарзна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. взд̣̇анаа ассаараа ниссаараа саараабаг̇ад̇аа…бз… сан̃н̃аа ассаараа ниссаараа саараабаг̇ад̇аа… сан̇каараа ассаараа ниссаараа саараабаг̇ад̇аа… вин̃н̃аан̣ам̣ ассаарам̣ ниссаарам̣ саараабаг̇ад̇ам̣ нижжасаарасаарзна ваа сукасаарасаарзна ваа ад̇д̇асаарасаарзна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. звам̣ д̇ужчасан̇каарасаманубассанаавасзна сун̃н̃ад̇о логам̣ авзгкад̇и. имзхи д̣̇вийхи гааран̣зхи сун̃н̃ад̇о логам̣ авзгкад̇и.
Kathaṃ tucchasaṅkhārasamanupassanāvasena suññato lokaṃ avekkhati? Rūpe sāro na labbhati, vedanāya sāro na labbhati, saññāya sāro na labbhati, saṅkhāresu sāro na labbhati, viññāṇe sāro na labbhati; rūpaṃ assāraṃ nissāraṃ sārāpagataṃ niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā. Vedanā assārā nissārā sārāpagatā…pe… saññā assārā nissārā sārāpagatā… saṅkhārā assārā nissārā sārāpagatā… viññāṇaṃ assāraṃ nissāraṃ sārāpagataṃ niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā. Yathā naḷo assāro nissāro sārāpagato, yathā ca eraṇḍo…pe… yathā ca udumbaro assāro nissāro sārāpagato, yathā ca setagaccho 61 assāro nissāro sārāpagato, yathā ca pālibhaddako 62 assāro nissāro sārāpagato, yathā ca pheṇapiṇḍo 63 assāro nissāro sārāpagato, yathā ca udakapubbuḷaṃ 64 assāraṃ nissāraṃ sārāpagataṃ, yathā ca marīci assārā nissārā sārāpagatā, yathā kadalikkhandho assāro nissāro sārāpagato, yathā māyā assārā nissārā sārāpagatā – evameva rūpaṃ assāraṃ nissāraṃ sārāpagataṃ niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā. Vedanā assārā nissārā sārāpagatā…pe… saññā assārā nissārā sārāpagatā… saṅkhārā assārā nissārā sārāpagatā… viññāṇaṃ assāraṃ nissāraṃ sārāpagataṃ niccasārasārena vā sukhasārasārena vā attasārasārena vā niccena vā dhuvena vā sassatena vā avipariṇāmadhammena vā. Evaṃ tucchasaṅkhārasamanupassanāvasena suññato lokaṃ avekkhati. Imehi dvīhi kāraṇehi suññato lokaṃ avekkhati.
аби жа, чахаагаарзхи сун̃н̃ад̇о логам̣ авзгкад̇и. жагку сун̃н̃ам̣ 65 ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа, сод̇ам̣ сун̃н̃ам̣…бз… гхаанам̣ сун̃н̃ам̣… ж̇ивхаа сун̃н̃аа… гааяо сун̃н̃о… мано сун̃н̃о ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. руубаа сун̃н̃аа…бз… сад̣̇д̣̇аа сун̃н̃аа… г̇анд̇хаа сун̃н̃аа… расаа сун̃н̃аа… подтаб̣б̣аа сун̃н̃аа… д̇хаммаа сун̃н̃аа ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа . жагкувин̃н̃аан̣ам̣ сун̃н̃ам̣…бз… мановин̃н̃аан̣ам̣ сун̃н̃ам̣… жагкусампассо сун̃н̃о … маносампассо сун̃н̃о… жагкусампассаж̇аа взд̣̇анаа сун̃н̃аа… маносампассаж̇аа взд̣̇анаа сун̃н̃аа… руубасан̃н̃аа сун̃н̃аа… д̇хаммасан̃н̃аа сун̃н̃аа… руубасан̃жзд̇анаа сун̃н̃аа… д̇хаммасан̃жзд̇анаа сун̃н̃аа… руубад̇ан̣хаа сун̃н̃аа… руубавид̇агго сун̃н̃о… руубавижааро сун̃н̃о… д̇хаммавижааро сун̃н̃о ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. звам̣ чахаагаарзхи сун̃н̃ад̇о логам̣ авзгкад̇и.
Api ca, chahākārehi suññato lokaṃ avekkhati. Cakkhu suññaṃ 66 attena vā attaniyena vā niccena vā dhuvena vā sassatena vā avipariṇāmadhammena vā, sotaṃ suññaṃ…pe… ghānaṃ suññaṃ… jivhā suññā… kāyo suñño… mano suñño attena vā attaniyena vā niccena vā dhuvena vā sassatena vā avipariṇāmadhammena vā. Rūpā suññā…pe… saddā suññā… gandhā suññā… rasā suññā… phoṭṭhabbā suññā… dhammā suññā attena vā attaniyena vā niccena vā dhuvena vā sassatena vā avipariṇāmadhammena vā . Cakkhuviññāṇaṃ suññaṃ…pe… manoviññāṇaṃ suññaṃ… cakkhusamphasso suñño … manosamphasso suñño… cakkhusamphassajā vedanā suññā… manosamphassajā vedanā suññā… rūpasaññā suññā… dhammasaññā suññā… rūpasañcetanā suññā… dhammasañcetanā suññā… rūpataṇhā suññā… rūpavitakko suñño… rūpavicāro suñño… dhammavicāro suñño attena vā attaniyena vā niccena vā dhuvena vā sassatena vā avipariṇāmadhammena vā. Evaṃ chahākārehi suññato lokaṃ avekkhati.
аби жа, д̣̇асахаагаарзхи сун̃н̃ад̇о логам̣ авзгкад̇и. руубам̣ рид̇д̇ад̇о д̇ужчад̇о сун̃н̃ад̇о анад̇д̇ад̇о асаарагад̇о вад̇хагад̇о вибхавад̇о агхамуулад̇о саасавад̇о сан̇кад̇ад̇о; взд̣̇анам̣…бз… сан̃н̃ам̣… сан̇каарз… вин̃н̃аан̣ам̣… жуд̇им̣… убабад̇д̇им̣… бадисанд̇хим̣… бхавам̣… сам̣саараваддам̣ рид̇д̇ад̇о д̇ужчад̇о сун̃н̃ад̇о анад̇д̇ад̇о асаарагад̇о вад̇хагад̇о вибхавад̇о агхамуулад̇о саасавад̇о сан̇кад̇ад̇о. звам̣ д̣̇асахаагаарзхи сун̃н̃ад̇о логам̣ авзгкад̇и.
Api ca, dasahākārehi suññato lokaṃ avekkhati. Rūpaṃ rittato tucchato suññato anattato asārakato vadhakato vibhavato aghamūlato sāsavato saṅkhatato; vedanaṃ…pe… saññaṃ… saṅkhāre… viññāṇaṃ… cutiṃ… upapattiṃ… paṭisandhiṃ… bhavaṃ… saṃsāravaṭṭaṃ rittato tucchato suññato anattato asārakato vadhakato vibhavato aghamūlato sāsavato saṅkhatato. Evaṃ dasahākārehi suññato lokaṃ avekkhati.
аби жа, д̣̇ваад̣̇асахаагаарзхи сун̃н̃ад̇о логам̣ авзгкад̇и. руубам̣ на сад̇д̇о на ж̇ийво на наро на маан̣аво на ид̇т̇ий на бурисо на ад̇д̇аа на ад̇д̇анияам̣ наахам̣ на мама на гожи на гассажи; взд̣̇анаа…бз… сан̃н̃аа… сан̇каараа… вин̃н̃аан̣ам̣ на сад̇д̇о на ж̇ийво на наро на маан̣аво на ид̇т̇ий на бурисо на ад̇д̇аа на ад̇д̇анияам̣ наахам̣ на мама на гожи на гассажи. звам̣ д̣̇ваад̣̇асахаагаарзхи сун̃н̃ад̇о логам̣ авзгкад̇и.
Api ca, dvādasahākārehi suññato lokaṃ avekkhati. Rūpaṃ na satto na jīvo na naro na māṇavo na itthī na puriso na attā na attaniyaṃ nāhaṃ na mama na koci na kassaci; vedanā…pe… saññā… saṅkhārā… viññāṇaṃ na satto na jīvo na naro na māṇavo na itthī na puriso na attā na attaniyaṃ nāhaṃ na mama na koci na kassaci. Evaṃ dvādasahākārehi suññato lokaṃ avekkhati.
вуд̇д̇ан̃хзд̇ам̣ бхаг̇авад̇аа – ‘‘яам̣, бхигкавз, на д̇умхаагам̣ д̇ам̣ баж̇ахат̇а. д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. гин̃жа, бхигкавз, на д̇умхаагам̣? руубам̣, бхигкавз, на д̇умхаагам̣; д̇ам̣ баж̇ахат̇а. д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. взд̣̇анаа, бхигкавз, на д̇умхаагам̣; д̇ам̣ баж̇ахат̇а. саа во бахийнаа д̣̇ийгхарад̇д̇ам̣ хид̇ааяа сукааяа бхависсад̇и. сан̃н̃аа, бхигкавз, на д̇умхаагам̣; д̇ам̣ баж̇ахат̇а. саа во бахийнаа д̣̇ийгхарад̇д̇ам̣ хид̇ааяа сукааяа бхависсад̇и. сан̇каараа, бхигкавз, на д̇умхаагам̣; д̇з баж̇ахат̇а. д̇з во бахийнаа д̣̇ийгхарад̇д̇ам̣ хид̇ааяа сукааяа бхависсанд̇и. вин̃н̃аан̣ам̣, бхигкавз, на д̇умхаагам̣; д̇ам̣ баж̇ахат̇а. д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. сзяяат̇ааби 67, бхигкавз, яам̣ имасмим̣ ж̇зд̇аванз д̇ин̣агадтасаакаабалаасам̣ д̇ам̣ ж̇ано харзяяа ваа д̣ахзяяа ваа яат̇аабажжаяам̣ ваа гарзяяа. аби ну д̇умхаагам̣ звамасса – ‘амхз ж̇ано харад̇и ваа д̣ахад̇и ваа яат̇аабажжаяам̣ ваа гарод̇ий’д̇и? ‘но хзд̇ам̣, бханд̇з’. ‘д̇ам̣ гисса хзд̇у’? ‘на хи но зд̇ам̣, бханд̇з, ад̇д̇аа ваа ад̇д̇анияам̣ ваа’д̇и. звамзва ко, бхигкавз, яам̣ на д̇умхаагам̣ д̇ам̣ баж̇ахат̇а; д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. гин̃жа, бхигкавз, на д̇умхаагам̣? руубам̣, бхигкавз, на д̇умхаагам̣; д̇ам̣ баж̇ахат̇а. д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇и. взд̣̇анаа…бз… сан̃н̃аа… сан̇каараа… вин̃н̃аан̣ам̣, бхигкавз, на д̇умхаагам̣; д̇ам̣ баж̇ахат̇а. д̇ам̣ во бахийнам̣ д̣̇ийгхарад̇д̇ам̣ хид̇ааяа сукааяа бхависсад̇ий’’д̇и. звамби сун̃н̃ад̇о логам̣ авзгкад̇и.
Vuttañhetaṃ bhagavatā – ‘‘yaṃ, bhikkhave, na tumhākaṃ taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ; taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Vedanā, bhikkhave, na tumhākaṃ; taṃ pajahatha. Sā vo pahīnā dīgharattaṃ hitāya sukhāya bhavissati. Saññā, bhikkhave, na tumhākaṃ; taṃ pajahatha. Sā vo pahīnā dīgharattaṃ hitāya sukhāya bhavissati. Saṅkhārā, bhikkhave, na tumhākaṃ; te pajahatha. Te vo pahīnā dīgharattaṃ hitāya sukhāya bhavissanti. Viññāṇaṃ, bhikkhave, na tumhākaṃ; taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Seyyathāpi 68, bhikkhave, yaṃ imasmiṃ jetavane tiṇakaṭṭhasākhāpalāsaṃ taṃ jano hareyya vā ḍaheyya vā yathāpaccayaṃ vā kareyya. Api nu tumhākaṃ evamassa – ‘amhe jano harati vā ḍahati vā yathāpaccayaṃ vā karotī’ti? ‘No hetaṃ, bhante’. ‘Taṃ kissa hetu’? ‘Na hi no etaṃ, bhante, attā vā attaniyaṃ vā’ti. Evameva kho, bhikkhave, yaṃ na tumhākaṃ taṃ pajahatha; taṃ vo pahīnaṃ dīgharattaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ; taṃ pajahatha. Taṃ vo pahīnaṃ dīgharattaṃ hitāya sukhāya bhavissati. Vedanā…pe… saññā… saṅkhārā… viññāṇaṃ, bhikkhave, na tumhākaṃ; taṃ pajahatha. Taṃ vo pahīnaṃ dīgharattaṃ hitāya sukhāya bhavissatī’’ti. Evampi suññato lokaṃ avekkhati.
ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘‘сун̃н̃о 69 лого, сун̃н̃о лого’д̇и, бханд̇з, вужжад̇и. гид̇д̇аавад̇аа ну ко, бханд̇з, сун̃н̃о логод̇и вужжад̇ий’’д̇и? ‘‘яасмаа жа ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа, д̇асмаа сун̃н̃о логод̇и вужжад̇и. гин̃жаананд̣̇а, сун̃н̃ам̣ ад̇д̇зна ваа ад̇д̇аниязна ваа? жагку ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа. руубаа сун̃н̃аа…бз… жагкувин̃н̃аан̣ам̣ сун̃н̃ам̣… жагкусампассо сун̃н̃о… яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби сун̃н̃ам̣ ад̇д̇зна ваа ад̇д̇аниязна ваа. сод̇ам̣ сун̃н̃ам̣… сад̣̇д̣̇аа сун̃н̃аа… гхаанам̣ сун̃н̃ам̣… г̇анд̇хаа сун̃н̃аа… ж̇ивхаа сун̃н̃аа… расаа сун̃н̃аа… гааяо сун̃н̃о … подтаб̣б̣аа сун̃н̃аа… мано сун̃н̃о… д̇хаммаа сун̃н̃аа… мановин̃н̃аан̣ам̣ сун̃н̃ам̣… маносампассо сун̃н̃о… яамбид̣̇ам̣ сун̃н̃ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби сун̃н̃ам̣ ад̇д̇зна ваа ад̇д̇аниязна ваа. яасмаа жа ко, аананд̣̇а, сун̃н̃ам̣ ад̇д̇зна ваа ад̇д̇аниязна ваа, д̇асмаа сун̃н̃о логод̇и вужжад̇ий’’д̇и. звамби сун̃н̃ад̇о логам̣ авзгкад̇и.
Āyasmā ānando bhagavantaṃ etadavoca – ‘‘‘suñño 70 loko, suñño loko’ti, bhante, vuccati. Kittāvatā nu kho, bhante, suñño lokoti vuccatī’’ti? ‘‘Yasmā ca kho, ānanda, suññaṃ attena vā attaniyena vā, tasmā suñño lokoti vuccati. Kiñcānanda, suññaṃ attena vā attaniyena vā? Cakkhu kho, ānanda, suññaṃ attena vā attaniyena vā. Rūpā suññā…pe… cakkhuviññāṇaṃ suññaṃ… cakkhusamphasso suñño… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi suññaṃ attena vā attaniyena vā. Sotaṃ suññaṃ… saddā suññā… ghānaṃ suññaṃ… gandhā suññā… jivhā suññā… rasā suññā… kāyo suñño … phoṭṭhabbā suññā… mano suñño… dhammā suññā… manoviññāṇaṃ suññaṃ… manosamphasso suñño… yampidaṃ suññaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi suññaṃ attena vā attaniyena vā. Yasmā ca kho, ānanda, suññaṃ attena vā attaniyena vā, tasmā suñño lokoti vuccatī’’ti. Evampi suññato lokaṃ avekkhati.
‘‘суд̣̇д̇хам̣ д̇хаммасамуббаад̣̇ам̣, суд̣̇д̇хасан̇каарасанд̇ад̇им̣;
‘‘Suddhaṃ dhammasamuppādaṃ, suddhasaṅkhārasantatiṃ;
бассанд̇асса яат̇аабхууд̇ам̣, на бхаяам̣ ход̇и г̇ааман̣и.
Passantassa yathābhūtaṃ, na bhayaṃ hoti gāmaṇi.
‘‘д̇ин̣агадтасамам̣ логам̣, яад̣̇аа бан̃н̃ааяа бассад̇и;
‘‘Tiṇakaṭṭhasamaṃ lokaṃ, yadā paññāya passati;
наан̃н̃ам̣ 71 бад̇т̇аяад̇з гин̃жи, ан̃н̃ад̇раббадисанд̇хияаа’’д̇и.
Nāññaṃ 72 patthayate kiñci, aññatrappaṭisandhiyā’’ti.
звамби сун̃н̃ад̇о логам̣ авзгкад̇и.
Evampi suññato lokaṃ avekkhati.
вуд̇д̇ан̃хзд̇ам̣ бхаг̇авад̇аа 73 – ‘‘звамзва ко, бхигкавз, бхигку руубам̣ саманнзсад̇и яаавад̇аа руубасса г̇ад̇и, взд̣̇анам̣ саманнзсад̇и яаавад̇аа взд̣̇анааяа г̇ад̇и, сан̃н̃ам̣ саманнзсад̇и яаавад̇аа сан̃н̃ааяа г̇ад̇и, сан̇каарз саманнзсад̇и яаавад̇аа сан̇каараанам̣ г̇ад̇и, вин̃н̃аан̣ам̣ саманнзсад̇и яаавад̇аа вин̃н̃аан̣асса г̇ад̇и . д̇асса руубам̣ 74 саманнзсад̇о яаавад̇аа руубасса г̇ад̇и, взд̣̇анам̣…бз… сан̃н̃ам̣… сан̇каарз… вин̃н̃аан̣ам̣ саманнзсад̇о яаавад̇аа вин̃н̃аан̣асса г̇ад̇и, яамбисса д̇ам̣ ход̇и аханд̇и ваа маманд̇и ваа асмийд̇и ваа, д̇амби д̇асса на ход̇ий’’д̇и. звамби сун̃н̃ад̇о логам̣ авзгкад̇и.
Vuttañhetaṃ bhagavatā 75 – ‘‘evameva kho, bhikkhave, bhikkhu rūpaṃ samannesati yāvatā rūpassa gati, vedanaṃ samannesati yāvatā vedanāya gati, saññaṃ samannesati yāvatā saññāya gati, saṅkhāre samannesati yāvatā saṅkhārānaṃ gati, viññāṇaṃ samannesati yāvatā viññāṇassa gati . Tassa rūpaṃ 76 samannesato yāvatā rūpassa gati, vedanaṃ…pe… saññaṃ… saṅkhāre… viññāṇaṃ samannesato yāvatā viññāṇassa gati, yampissa taṃ hoti ahanti vā mamanti vā asmīti vā, tampi tassa na hotī’’ti. Evampi suññato lokaṃ avekkhati.
сун̃н̃ад̇о логам̣ авзгкассууд̇и сун̃н̃ад̇о логам̣ авзгкассу бажжавзгкассу д̣̇агкассу д̇улзхи д̇ийрзхи вибхаавзхи вибхууд̇ам̣ гарохийд̇и – сун̃н̃ад̇о логам̣ авзгкассу.
Suññato lokaṃ avekkhassūti suññato lokaṃ avekkhassu paccavekkhassu dakkhassu tulehi tīrehi vibhāvehi vibhūtaṃ karohīti – suññato lokaṃ avekkhassu.
могхарааж̇а сад̣̇аа сад̇од̇и. могхарааж̇аад̇и бхаг̇аваа д̇ам̣ б̣раахман̣ам̣ наамзна аалабад̇и. сад̣̇аад̇и саб̣б̣агаалам̣…бз… бажчимз ваяоканд̇хз. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о…бз… со вужжад̇и сад̇од̇и – могхарааж̇а сад̣̇аа сад̇о.
Mogharāja sadā satoti. Mogharājāti bhagavā taṃ brāhmaṇaṃ nāmena ālapati. Sadāti sabbakālaṃ…pe… pacchime vayokhandhe. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato…pe… so vuccati satoti – mogharāja sadā sato.
ад̇д̇аануд̣̇идтим̣ уухажжаад̇и ад̇д̇аануд̣̇идти вужжад̇и вийсад̇ивад̇т̇угаа саггааяад̣̇идти. ид̇ха ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и руубаванд̇ам̣ ваа ад̇д̇аанам̣ ад̇д̇ани ваа руубам̣ руубасмим̣ ваа ад̇д̇аанам̣, взд̣̇анам̣…бз… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и вин̃н̃аан̣аванд̇ам̣ ваа ад̇д̇аанам̣ ад̇д̇ани ваа вин̃н̃аан̣ам̣ вин̃н̃аан̣асмим̣ ваа ад̇д̇аанам̣. яаа зваруубаа д̣̇идти д̣̇идтиг̇ад̇ам̣ д̣̇идтиг̇аханам̣ д̣̇идтиганд̇ааро д̣̇идтивисуугааяигам̣ д̣̇идтивибпанд̣̇ид̇ам̣ д̣̇идтисам̣яож̇анам̣ г̇аахо бадиг̇г̇аахо абхинивзсо бараамаасо гуммаг̇г̇о мижчаабат̇о мижчад̇д̇ам̣ д̇ид̇т̇ааяад̇анам̣ вибариязсаг̇г̇аахо вибарийд̇аг̇г̇аахо вибаллаасаг̇г̇аахо мижчааг̇аахо аяаат̇аавагасмим̣ яаат̇ааваганд̇и г̇аахо яаавад̇аа д̣̇ваасадти д̣̇идтиг̇ад̇аани, аяам̣ ад̇д̇аануд̣̇идти. ад̇д̇аануд̣̇идтим̣ уухажжаад̇и ад̇д̇аануд̣̇идтим̣ уухажжа самуухажжа 77 уд̣̇д̇харид̇ваа самуд̣̇д̇харид̇ваа уббаадаяид̇ваа самуббаадаяид̇ваа баж̇ахид̇ваа винод̣̇зд̇ваа б̣яанд̇ийгарид̇ваа анабхаавам̣ г̇амзд̇ваад̇и – ад̇д̇аануд̣̇идтим̣ уухажжа.
Attānudiṭṭhiṃ ūhaccāti attānudiṭṭhi vuccati vīsativatthukā sakkāyadiṭṭhi. Idha assutavā puthujjano ariyānaṃ adassāvī ariyadhammassa akovido ariyadhamme avinīto sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati rūpavantaṃ vā attānaṃ attani vā rūpaṃ rūpasmiṃ vā attānaṃ, vedanaṃ…pe… saññaṃ… saṅkhāre… viññāṇaṃ attato samanupassati viññāṇavantaṃ vā attānaṃ attani vā viññāṇaṃ viññāṇasmiṃ vā attānaṃ. Yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaṃyojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyesaggāho viparītaggāho vipallāsaggāho micchāgāho ayāthāvakasmiṃ yāthāvakanti gāho yāvatā dvāsaṭṭhi diṭṭhigatāni, ayaṃ attānudiṭṭhi. Attānudiṭṭhiṃ ūhaccāti attānudiṭṭhiṃ ūhacca samūhacca 78 uddharitvā samuddharitvā uppāṭayitvā samuppāṭayitvā pajahitvā vinodetvā byantīkaritvā anabhāvaṃ gametvāti – attānudiṭṭhiṃ ūhacca.
звам̣ мажжуд̇аро сияаад̇и звам̣ мажжуби д̇арзяяааси, ж̇арааби д̇арзяяааси, маран̣амби д̇арзяяааси уд̇д̇арзяяааси бад̇арзяяааси самад̇иггамзяяааси вийд̇ивад̇д̇зяяаасийд̇и – звам̣ мажжуд̇аро сияаа.
Evaṃ maccutaro siyāti evaṃ maccupi tareyyāsi, jarāpi tareyyāsi, maraṇampi tareyyāsi uttareyyāsi patareyyāsi samatikkameyyāsi vītivatteyyāsīti – evaṃ maccutaro siyā.
звам̣ логам̣ авзгканд̇анд̇и звам̣ логам̣ авзгканд̇ам̣ бажжавзгканд̇ам̣ д̇улаяанд̇ам̣ д̇ийраяанд̇ам̣ вибхааваяанд̇ам̣ вибхууд̇ам̣ гаронд̇анд̇и – звам̣ логам̣ авзгканд̇ам̣.
Evaṃlokaṃ avekkhantanti evaṃ lokaṃ avekkhantaṃ paccavekkhantaṃ tulayantaṃ tīrayantaṃ vibhāvayantaṃ vibhūtaṃ karontanti – evaṃ lokaṃ avekkhantaṃ.
мажжурааж̇аа на бассад̇ийд̇и мажжуби мажжурааж̇аа, маароби мажжурааж̇аа, маран̣амби мажжурааж̇аа. на бассад̇ийд̇и мажжурааж̇аа на бассад̇ий на д̣̇агкад̇и наад̇хиг̇ажчад̇и на винд̣̇ад̇и на бадилабхад̇и. вуд̇д̇ан̃хзд̇ам̣ бхаг̇авад̇аа – ‘‘сзяяат̇ааби, бхигкавз, ааран̃н̃иго миг̇о аран̃н̃з баванз жарамаано виссад̇т̇о г̇ажчад̇и виссад̇т̇о 79 д̇идтад̇и виссад̇т̇о нисийд̣̇ад̇и виссад̇т̇о сзяяам̣ габбзд̇и. д̇ам̣ гисса хзд̇у? анаабаат̇аг̇ад̇о 80, бхигкавз, луд̣̇д̣̇асса. звамзва ко, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, ‘бхигку анд̇хамагааси 81 маарам̣, абад̣̇ам̣ вад̇хид̇ваа мааражагкум̣ ад̣̇ассанам̣ г̇ад̇о баабимад̇о’.
Maccurājā na passatīti maccupi maccurājā, māropi maccurājā, maraṇampi maccurājā. Na passatīti maccurājā na passatī na dakkhati nādhigacchati na vindati na paṭilabhati. Vuttañhetaṃ bhagavatā – ‘‘seyyathāpi, bhikkhave, āraññiko migo araññe pavane caramāno vissattho gacchati vissattho 82 tiṭṭhati vissattho nisīdati vissattho seyyaṃ kappeti. Taṃ kissa hetu? Anāpāthagato 83, bhikkhave, luddassa. Evameva kho, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Ayaṃ vuccati, bhikkhave, ‘bhikkhu andhamakāsi 84 māraṃ, apadaṃ vadhitvā māracakkhuṃ adassanaṃ gato pāpimato’.
‘‘буна жабарам̣, бхигкавз, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣…бз… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, ‘бхигку анд̇хамагааси маарам̣, абад̣̇ам̣ вад̇хид̇ваа мааражагкум̣ ад̣̇ассанам̣ г̇ад̇о баабимад̇о’.
‘‘Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ…pe… tatiyaṃ jhānaṃ… catutthaṃ jhānaṃ upasampajja viharati. Ayaṃ vuccati, bhikkhave, ‘bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato’.
‘‘буна жабарам̣, бхигкавз, бхигку саб̣б̣асо руубасан̃н̃аанам̣ самад̇иггамаа, бадигхасан̃н̃аанам̣ ад̇т̇ан̇г̇амаа, наанад̇д̇асан̃н̃аанам̣ аманасигаараа, ананд̇о аагаасод̇и аагаасаанан̃жааяад̇анам̣ убасамбаж̇ж̇а вихарад̇и. аяам̣ вужжад̇и, бхигкавз, ‘бхигку анд̇хамагааси маарам̣, абад̣̇ам̣ вад̇хид̇ваа мааражагкум̣ ад̣̇ассанам̣ г̇ад̇о баабимад̇о’.
‘‘Puna caparaṃ, bhikkhave, bhikkhu sabbaso rūpasaññānaṃ samatikkamā, paṭighasaññānaṃ atthaṅgamā, nānattasaññānaṃ amanasikārā, ananto ākāsoti ākāsānañcāyatanaṃ upasampajja viharati. Ayaṃ vuccati, bhikkhave, ‘bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato’.
‘‘буна жабарам̣, бхигкавз, бхигку саб̣б̣асо аагаасаанан̃жааяад̇анам̣ самад̇иггамма ананд̇ам̣ вин̃н̃аан̣анд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и…бз….
‘‘Puna caparaṃ, bhikkhave, bhikkhu sabbaso ākāsānañcāyatanaṃ samatikkamma anantaṃ viññāṇanti viññāṇañcāyatanaṃ upasampajja viharati…pe….
‘‘буна жабарам̣, бхигкавз, саб̣б̣асо вин̃н̃аан̣ан̃жааяад̇анам̣ самад̇иггамма над̇т̇и гин̃жийд̇и аагин̃жан̃н̃ааяад̇анам̣ убасамбаж̇ж̇а вихарад̇и…бз….
‘‘Puna caparaṃ, bhikkhave, sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja viharati…pe….
‘‘буна жабарам̣, бхигкавз, саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и…бз….
‘‘Puna caparaṃ, bhikkhave, sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati…pe….
‘‘буна жабарам̣, бхигкавз, саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и; бан̃н̃ааяа жасса д̣̇исваа аасаваа баригкийн̣аа хонд̇и. аяам̣ вужжад̇и, бхигкавз, ‘бхигку анд̇хамагааси маарам̣, абад̣̇ам̣ вад̇хид̇ваа мааражагкум̣ ад̣̇ассанам̣ г̇ад̇о баабимад̇о, д̇ин̣н̣о логз висад̇д̇ига’нд̇и. со виссад̇т̇о г̇ажчад̇и виссад̇т̇о д̇идтад̇и виссад̇т̇о нисийд̣̇ад̇и виссад̇т̇о сзяяам̣ габбзд̇и. д̇ам̣ гисса хзд̇у? анаабаат̇аг̇ад̇о бхигку баабимад̇о’’д̇и – мажжурааж̇аа на бассад̇и. д̇знааха бхаг̇аваа –
‘‘Puna caparaṃ, bhikkhave, sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati; paññāya cassa disvā āsavā parikkhīṇā honti. Ayaṃ vuccati, bhikkhave, ‘bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato, tiṇṇo loke visattika’nti. So vissattho gacchati vissattho tiṭṭhati vissattho nisīdati vissattho seyyaṃ kappeti. Taṃ kissa hetu? Anāpāthagato bhikkhu pāpimato’’ti – maccurājā na passati. Tenāha bhagavā –
‘‘сун̃н̃ад̇о логам̣ авзгкассу, могхарааж̇а сад̣̇аа сад̇о;
‘‘Suññato lokaṃ avekkhassu, mogharāja sadā sato;
ад̇д̇аануд̣̇идтим̣ уухажжа, звам̣ мажжуд̇аро сияаа;
Attānudiṭṭhiṃ ūhacca, evaṃ maccutaro siyā;
звам̣ логам̣ авзгканд̇ам̣, мажжурааж̇аа на бассад̇ий’’д̇и.
Evaṃ lokaṃ avekkhantaṃ, maccurājā na passatī’’ti.
саха г̇аат̇аабарияосаанаа…бз… сад̇т̇аа мз, бханд̇з бхаг̇аваа, саавагохамасмийд̇и.
Saha gāthāpariyosānā…pe… satthā me, bhante bhagavā, sāvakohamasmīti.
могхарааж̇амаан̣авабужчаанид̣̇д̣̇зсо баннарасамо.
Mogharājamāṇavapucchāniddeso pannarasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 15. могхарааж̇амаан̣авасуд̇д̇анид̣̇д̣̇зсаван̣н̣анаа • 15. Mogharājamāṇavasuttaniddesavaṇṇanā
