| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
15. могхарааж̇амаан̣авасуд̇д̇анид̣̇д̣̇зсаван̣н̣анаа
15. Mogharājamāṇavasuttaniddesavaṇṇanā
85. баннарасамз могхарааж̇асуд̇д̇з – д̣̇вааханд̇и д̣̇вз ваарз ахам̣. со хи буб̣б̣з аж̇ид̇асуд̇д̇асса (су. ни. 1038 аад̣̇аяо) жа д̇иссамзд̇д̇зяяасуд̇д̇асса (су. ни. 1046 аад̣̇аяо) жа авасаанз д̣̇вигкад̇д̇ум̣ бхаг̇аванд̇ам̣ бужчи, бхаг̇аваа банасса инд̣̇рияабарибаагам̣ ааг̇амаяамаано на б̣яаагааси. д̇знааха – ‘‘д̣̇ваахам̣ саггам̣ абужчисса’’нд̇и. яаавад̇ад̇ияан̃жа д̣̇звийси, б̣яаагарод̇ийд̇и мз суд̇анд̇и яаавад̇ад̇ияан̃жа сахад̇хаммигам̣ будто висуд̣̇д̇хид̣̇звабхууд̇о иси бхаг̇аваа саммаасамб̣уд̣̇д̇хо б̣яаагарод̇ийд̇и звам̣ мз суд̇ам̣. г̇од̇хааварийд̇ийрзязва гира со звамассоси. д̇знааха – ‘‘б̣яаагарод̇ийд̇и мз суд̇а’’нд̇и. имиссаа г̇аат̇ааяа нид̣̇д̣̇зсз яам̣ вад̇д̇аб̣б̣ам̣ сияаа, д̇ам̣ хздтаа вуд̇д̇анаяам̣ зва.
85. Pannarasame mogharājasutte – dvāhanti dve vāre ahaṃ. So hi pubbe ajitasuttassa (su. ni. 1038 ādayo) ca tissametteyyasuttassa (su. ni. 1046 ādayo) ca avasāne dvikkhattuṃ bhagavantaṃ pucchi, bhagavā panassa indriyaparipākaṃ āgamayamāno na byākāsi. Tenāha – ‘‘dvāhaṃ sakkaṃ apucchissa’’nti. Yāvatatiyañca devīsi, byākarotīti me sutanti yāvatatiyañca sahadhammikaṃ puṭṭho visuddhidevabhūto isi bhagavā sammāsambuddho byākarotīti evaṃ me sutaṃ. Godhāvarītīreyeva kira so evamassosi. Tenāha – ‘‘byākarotīti me suta’’nti. Imissā gāthāya niddese yaṃ vattabbaṃ siyā, taṃ heṭṭhā vuttanayaṃ eva.
86. аяам̣ логод̇и мануссалого. баро логод̇и д̇ам̣ табзд̇ваа авасзсо. сад̣̇звагод̇и б̣рахмалогам̣ табзд̇ваа авасзсо убабад̇д̇ид̣̇звасаммуд̇ид̣̇зваяуд̇д̇о. ‘‘б̣рахмалого сад̣̇зваго’’д̇и зд̇ам̣ ваа ‘‘сад̣̇зваго лого’’д̇иаад̣̇инаяанид̣̇ассанамад̇д̇ам̣. д̇зна саб̣б̣оби д̇ат̇аавуд̇д̇аббагааралого взд̣̇ид̇аб̣б̣о.
86.Ayaṃ lokoti manussaloko. Paro lokoti taṃ ṭhapetvā avaseso. Sadevakoti brahmalokaṃ ṭhapetvā avaseso upapattidevasammutidevayutto. ‘‘Brahmaloko sadevako’’ti etaṃ vā ‘‘sadevako loko’’tiādinayanidassanamattaṃ. Tena sabbopi tathāvuttappakāraloko veditabbo.
87. звам̣ абхигганд̇ад̣̇ассаавинд̇и звам̣ аг̇г̇ад̣̇ассаавим̣, сад̣̇звагасса логасса аж̇жхаасаяаад̇химуд̇д̇иг̇ад̇ибарааяан̣аад̣̇ийни бассид̇ум̣ самад̇т̇анд̇и д̣̇ассзд̇и.
87.Evaṃ abhikkantadassāvinti evaṃ aggadassāviṃ, sadevakassa lokassa ajjhāsayādhimuttigatiparāyaṇādīni passituṃ samatthanti dasseti.
88. сун̃н̃ад̇о логам̣ авзгкассууд̇и авасияабавад̇д̇асаллагкан̣авасзна ваа д̇ужчасан̇каарасаманубассанаавасзна ваад̇и д̣̇вийхаагаарзхи сун̃н̃ад̇о логам̣ басса. ад̇д̇аануд̣̇идтим̣ уухажжаад̇и саггааяад̣̇идтим̣ уд̣̇д̇харид̇ваа.
88.Suññato lokaṃ avekkhassūti avasiyapavattasallakkhaṇavasena vā tucchasaṅkhārasamanupassanāvasena vāti dvīhākārehi suññato lokaṃ passa. Attānudiṭṭhiṃ ūhaccāti sakkāyadiṭṭhiṃ uddharitvā.
луж̇ж̇ад̇ийд̇и бхиж̇ж̇ад̇и. жагкад̇ийд̇и жагку. д̇ад̣̇зд̇ам̣ сасамбхааражагкуно сзд̇аман̣д̣алабаригкид̇д̇асса ган̣хаман̣д̣аласса маж̇жхз абхимукз тид̇аанам̣ сарийрасан̣таануббад̇д̇ид̣̇зсабхууд̇з д̣̇идтаман̣д̣алз жагкувин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и. руубаяанд̇ийд̇и руубаа, ван̣н̣авигаарамаабаж̇ж̇анд̇аа хад̣̇аяан̇г̇ад̇абхаавам̣ багаасзнд̇ийд̇и ад̇т̇о. жагкуд̇о бавад̇д̇ам̣ вин̃н̃аан̣ам̣ , жагкусса ваа жагкусанниссид̇ам̣ ваа вин̃н̃аан̣ам̣ жагкувин̃н̃аан̣ам̣. жагкуд̇о бавад̇д̇о сампассо жагкусампассо. жагкусампассабажжаяаад̇и жагкувин̃н̃аан̣асамбаяуд̇д̇апассабажжаяаа. взд̣̇аяид̇анд̇и винд̣̇анам̣, взд̣̇анаад̇и ад̇т̇о. д̇ад̣̇зва сукаяад̇ийд̇и сукам̣, яасса уббаж̇ж̇ад̇и, д̇ам̣ сукид̇ам̣ гарод̇ийд̇и ад̇т̇о. судту ваа каад̣̇ад̇и, канад̇и жа гааяажид̇д̇ааб̣аад̇ханд̇и сукам̣. д̣̇угкаяад̇ийд̇и д̣̇угкам̣. яасса уббаж̇ж̇ад̇и, д̇ам̣ д̣̇угкид̇ам̣ гарод̇ийд̇и ад̇т̇о. на д̣̇угкам̣ на суканд̇и ад̣̇угкамасукам̣. ма-гааро санд̇хибад̣̇авасзна вуд̇д̇о. со бана жагкусампассз ад̇д̇анаа самбаяуд̇д̇ааяа взд̣̇анааяа сахаж̇аад̇аан̃н̃аман̃н̃аниссаяавибаагааахаарасамбаяуд̇д̇аад̇т̇иавиг̇ад̇авасзна адтад̇хаа бажжаяо ход̇и, самбадижчанасамбаяуд̇д̇ааяа ананд̇арасамананд̇аруубаниссаяанад̇т̇ивиг̇ад̇авасзна бан̃жад̇хаа, санд̇ийран̣аад̣̇исамбаяуд̇д̇аанам̣ убаниссаяавасзнзва бажжаяо ход̇и.
Lujjatīti bhijjati. Cakkhatīti cakkhu. Tadetaṃ sasambhāracakkhuno setamaṇḍalaparikkhittassa kaṇhamaṇḍalassa majjhe abhimukhe ṭhitānaṃ sarīrasaṇṭhānuppattidesabhūte diṭṭhamaṇḍale cakkhuviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Rūpayantīti rūpā, vaṇṇavikāramāpajjantā hadayaṅgatabhāvaṃ pakāsentīti attho. Cakkhuto pavattaṃ viññāṇaṃ , cakkhussa vā cakkhusannissitaṃ vā viññāṇaṃ cakkhuviññāṇaṃ. Cakkhuto pavatto samphasso cakkhusamphasso. Cakkhusamphassapaccayāti cakkhuviññāṇasampayuttaphassapaccayā. Vedayitanti vindanaṃ, vedanāti attho. Tadeva sukhayatīti sukhaṃ, yassa uppajjati, taṃ sukhitaṃ karotīti attho. Suṭṭhu vā khādati, khanati ca kāyacittābādhanti sukhaṃ. Dukkhayatīti dukkhaṃ. Yassa uppajjati, taṃ dukkhitaṃ karotīti attho. Na dukkhaṃ na sukhanti adukkhamasukhaṃ. Ma-kāro sandhipadavasena vutto. So pana cakkhusamphasse attanā sampayuttāya vedanāya sahajātaaññamaññanissayavipākaāhārasampayuttaatthiavigatavasena aṭṭhadhā paccayo hoti, sampaṭicchanasampayuttāya anantarasamanantarūpanissayanatthivigatavasena pañcadhā, santīraṇādisampayuttānaṃ upanissayavaseneva paccayo hoti.
сун̣аад̇ийд̇и сод̇ам̣, д̇ам̣ сасамбхаарасод̇аб̣иласса анд̇о д̇ануд̇амб̣аломаажид̇з ан̇г̇уливзд̇хагасан̣таанз бад̣̇зсз сод̇авин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и. сад̣̇д̣̇ийяанд̇ийд̇и сад̣̇д̣̇аа, уд̣̇аахарийяанд̇ийд̇и ад̇т̇о. гхааяад̇ийд̇и гхаанам̣, д̇ам̣ сасамбхаарагхаанаб̣иласса анд̇о аж̇абад̣̇асан̣таанз бад̣̇зсз гхаанавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанам̣ д̇идтад̇и. г̇анд̇хияанд̇ийд̇и г̇анд̇хаа, ад̇д̇ано вад̇т̇ум̣ суужияанд̇ийд̇и ад̇т̇о. ж̇ийвид̇ам̣ авхааяад̇ийд̇и ж̇ивхаа, сааяанадтзна ваа ж̇ивхаа. саа сасамбхаараж̇ивхааяа ад̇иаг̇г̇амуулабассаани важ̇ж̇зд̇ваа убаримад̇аламаж̇жхз бхиннауббалад̣̇алаг̇г̇асан̣таанз бад̣̇зсз ж̇ивхаавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаанаа д̇идтад̇и. расанд̇и д̇з сад̇д̇аад̇и расаа, ассаад̣̇знд̇ийд̇и ад̇т̇о.
Suṇātīti sotaṃ, taṃ sasambhārasotabilassa anto tanutambalomācite aṅgulivedhakasaṇṭhāne padese sotaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Saddīyantīti saddā, udāharīyantīti attho. Ghāyatīti ghānaṃ, taṃ sasambhāraghānabilassa anto ajapadasaṇṭhāne padese ghānaviññāṇādīnaṃ yathārahaṃ vatthudvārabhāvaṃ sādhayamānaṃ tiṭṭhati. Gandhiyantīti gandhā, attano vatthuṃ sūciyantīti attho. Jīvitaṃ avhāyatīti jivhā, sāyanaṭṭhena vā jivhā. Sā sasambhārajivhāya atiaggamūlapassāni vajjetvā uparimatalamajjhe bhinnauppaladalaggasaṇṭhāne padese jivhāviññāṇādīnaṃ yathārahaṃ vatthudvārabhāvaṃ sādhayamānā tiṭṭhati. Rasanti te sattāti rasā, assādentīti attho.
гужчид̇аанам̣ аасавад̇хаммаанам̣ ааяод̇и гааяо. ааяод̇и уббад̇д̇ид̣̇зсо. со яаавад̇аа имасмим̣ гааяз убаад̣̇иннабавад̇д̇и наама ад̇т̇и, д̇ад̇т̇а язбхуяязна гааяаббасаад̣̇о гааяавин̃н̃аан̣аад̣̇ийнам̣ яат̇аарахам̣ вад̇т̇уд̣̇ваарабхаавам̣ саад̇хаяамаано д̇идтад̇и. пусияанд̇ийд̇и подтаб̣б̣аа. манад̇ийд̇и мано, виж̇аанаад̇ийд̇и ад̇т̇о. ад̇д̇ано лагкан̣ам̣ д̇хаарзнд̇ийд̇и д̇хаммаа. манод̇и сахааваж̇ж̇анабхаван̇г̇ам̣. д̇хаммаад̇и ниб̣б̣аанам̣ мун̃жид̇ваа авасзсаа д̇хаммаарамман̣ад̇хаммаа. мановин̃н̃аан̣анд̇и ж̇аванамановин̃н̃аан̣ам̣. маносампассод̇и д̇ам̣самбаяуд̇д̇о пассо, со самбаяуд̇д̇ааяа взд̣̇анааяа вибаагабажжаяаваж̇ж̇зхи сзсзхи сад̇д̇ахи бажжаязхи бажжаяо ход̇и. ананд̇арааяа д̇зхзва сзсаанам̣ убаниссаязнзва бажжаяо ход̇и.
Kucchitānaṃ āsavadhammānaṃ āyoti kāyo. Āyoti uppattideso. So yāvatā imasmiṃ kāye upādinnapavatti nāma atthi, tattha yebhuyyena kāyappasādo kāyaviññāṇādīnaṃ yathārahaṃ vatthudvārabhāvaṃ sādhayamāno tiṭṭhati. Phusiyantīti phoṭṭhabbā. Manatīti mano, vijānātīti attho. Attano lakkhaṇaṃ dhārentīti dhammā. Manoti sahāvajjanabhavaṅgaṃ. Dhammāti nibbānaṃ muñcitvā avasesā dhammārammaṇadhammā. Manoviññāṇanti javanamanoviññāṇaṃ. Manosamphassoti taṃsampayutto phasso, so sampayuttāya vedanāya vipākapaccayavajjehi sesehi sattahi paccayehi paccayo hoti. Anantarāya teheva sesānaṃ upanissayeneva paccayo hoti.
авасияабавад̇д̇асаллагкан̣авасзна ваад̇и авасо худ̇ваа бавад̇д̇асан̇каарз бассанавасзна ологанавасзнаад̇и ад̇т̇о. руубз васо на лаб̣бхад̇ийд̇и руубасмим̣ васавад̇д̇ибхааво иссарабхааво на лаб̣бхад̇и. взд̣̇анаад̣̇ийсуби зсзва наяо.
Avasiyapavattasallakkhaṇavasena vāti avaso hutvā pavattasaṅkhāre passanavasena olokanavasenāti attho. Rūpe vaso na labbhatīti rūpasmiṃ vasavattibhāvo issarabhāvo na labbhati. Vedanādīsupi eseva nayo.
нааяам̣, бхигкавз, гааяо д̇умхааганд̇и ад̇д̇ани сад̇и ад̇д̇анияам̣ наама ход̇и, ад̇д̇ааязва жа над̇т̇и. д̇асмаа ‘‘нааяам̣, бхигкавз, гааяо д̇умхаага’’нд̇и ааха. нааби ан̃н̃зсанд̇и ан̃н̃о наама барзсам̣ ад̇д̇аа. д̇асмим̣ сад̇и ан̃н̃зсам̣ наама сияаа, соби над̇т̇и. д̇асмаа ‘‘нааби ан̃н̃зса’’нд̇и ааха. бураан̣амид̣̇ам̣, бхигкавз, гамманд̇и наяид̣̇ам̣ бураан̣агаммамзва, бураан̣агамманиб̣б̣ад̇д̇о банзса гааяо. д̇асмаа бажжаяавохаарзна звам̣ вуд̇д̇о. абхисан̇кад̇анд̇иаад̣̇и гаммавохаарассзва васзна бурималин̇г̇асабхаавад̇ааяа вуд̇д̇ам̣. аяам̣ банзд̇т̇а ад̇т̇о – абхисан̇кад̇анд̇и бажжаязхи гад̇од̇и д̣̇адтаб̣б̣о. абхисан̃жзд̇аяид̇анд̇и жзд̇анаавад̇т̇уго, жзд̇анаамуулагод̇и д̣̇адтаб̣б̣о. взд̣̇анияанд̇и взд̣̇анааяа вад̇т̇ууд̇и д̣̇адтаб̣б̣о.
Nāyaṃ, bhikkhave, kāyo tumhākanti attani sati attaniyaṃ nāma hoti, attāyeva ca natthi. Tasmā ‘‘nāyaṃ, bhikkhave, kāyo tumhāka’’nti āha. Nāpi aññesanti añño nāma paresaṃ attā. Tasmiṃ sati aññesaṃ nāma siyā, sopi natthi. Tasmā ‘‘nāpi aññesa’’nti āha. Purāṇamidaṃ, bhikkhave, kammanti nayidaṃ purāṇakammameva, purāṇakammanibbatto panesa kāyo. Tasmā paccayavohārena evaṃ vutto. Abhisaṅkhatantiādi kammavohārasseva vasena purimaliṅgasabhāvatāya vuttaṃ. Ayaṃ panettha attho – abhisaṅkhatanti paccayehi katoti daṭṭhabbo. Abhisañcetayitanti cetanāvatthuko, cetanāmūlakoti daṭṭhabbo. Vedaniyanti vedanāya vatthūti daṭṭhabbo.
руубз сааро на лаб̣бхад̇ийд̇и руубасмим̣ нижжаад̣̇исааро на лаб̣бхад̇и. взд̣̇анаад̣̇ийсуби зсзва наяо. руубам̣ ассаарам̣ ниссааранд̇и руубам̣ ассаарам̣ сааравирахид̇ан̃жа. саараабаг̇ад̇анд̇и саарад̇о абаг̇ад̇ам̣. нижжасаарасаарзна ваад̇и бхан̇г̇ам̣ ад̇иггамид̇ваа бавад̇д̇амаанзна нижжасаарзна ваа. гассажи нижжасаарасса абхаавад̇о нижжасаарзна сааро над̇т̇и. сукасаарасаарзна ваад̇и тид̇исукам̣ ад̇иггамид̇ваа бавад̇д̇амаанасса гассажи сукасаарасса абхаавад̇о сукасаарасаарзна ваа. ад̇д̇асаарасаарзна ваад̇и ад̇д̇ад̇д̇анияасаарасаарзна ваа. нижжзна ваад̇и бхан̇г̇ам̣ ад̇иггамид̇ваа бавад̇д̇амаанасса гассажи нижжасса абхаавад̇о нижжзна ваа. д̇хувзна ваад̇и виж̇ж̇амаанагаалзби бажжаяааяад̇д̇авуд̇д̇ид̇ааяа т̇ирасса гассажи абхаавад̇о д̇хувзна ваа. сассад̇зна ваад̇и аб̣б̣ожчиннасса саб̣б̣агаалз виж̇ж̇амаанасса гассажи абхаавад̇о сассад̇зна ваа. авибарин̣аамад̇хаммзна ваад̇и ж̇араабхан̇г̇авасзна авибарин̣аамабагад̇игасса гассажи абхаавад̇о авибарин̣аамад̇хаммзна ваа.
Rūpe sāro na labbhatīti rūpasmiṃ niccādisāro na labbhati. Vedanādīsupi eseva nayo. Rūpaṃ assāraṃ nissāranti rūpaṃ assāraṃ sāravirahitañca. Sārāpagatanti sārato apagataṃ. Niccasārasārena vāti bhaṅgaṃ atikkamitvā pavattamānena niccasārena vā. Kassaci niccasārassa abhāvato niccasārena sāro natthi. Sukhasārasārena vāti ṭhitisukhaṃ atikkamitvā pavattamānassa kassaci sukhasārassa abhāvato sukhasārasārena vā. Attasārasārena vāti attattaniyasārasārena vā. Niccena vāti bhaṅgaṃ atikkamitvā pavattamānassa kassaci niccassa abhāvato niccena vā. Dhuvena vāti vijjamānakālepi paccayāyattavuttitāya thirassa kassaci abhāvato dhuvena vā. Sassatena vāti abbocchinnassa sabbakāle vijjamānassa kassaci abhāvato sassatena vā. Avipariṇāmadhammena vāti jarābhaṅgavasena avipariṇāmapakatikassa kassaci abhāvato avipariṇāmadhammena vā.
жагку сун̃н̃ам̣ ад̇д̇зна ваа ад̇д̇аниязна ваад̇и ‘‘гаараго взд̣̇аго саяам̣васий’’д̇и звам̣ баригаббигзна ад̇д̇анаа ваа ад̇д̇аабхаавад̇оязва ад̇д̇ано санд̇агзна баригкаарзна жа сун̃н̃ам̣. саб̣б̣ам̣ жагкаад̣̇илогияад̇хаммаж̇аад̇ам̣ яасмаа ад̇д̇аа жа зд̇т̇а над̇т̇и, ад̇д̇анияан̃жа зд̇т̇а над̇т̇и, д̇асмаа ‘‘сун̃н̃а’’нд̇и вужжад̇ийд̇и ад̇т̇о . логуд̇д̇арааби д̇хаммаа ад̇д̇ад̇д̇аниязхи сун̃н̃ааязва, сун̃н̃аад̇ийд̇ад̇хаммаа над̇т̇ийд̇и вуд̇д̇ам̣ ход̇и. д̇асмим̣ д̇хаммз ад̇д̇ад̇д̇анияасаарасса над̇т̇ибхааво вуд̇д̇о ход̇и. логз жа ‘‘сун̃н̃ам̣ гхарам̣ сун̃н̃о гхадо’’д̇и вуд̇д̇о гхарасса гхадасса жа над̇т̇ибхааво на ход̇и, д̇асмим̣ гхадз жа ан̃н̃асса над̇т̇ибхааво вуд̇д̇о ход̇и. бхаг̇авад̇аа жа ид̇и яамби гожи д̇ад̇т̇а на ход̇и, д̇зна д̇ам̣ сун̃н̃ам̣. яам̣ бана д̇ад̇т̇а авасидтам̣ ход̇и, д̇ам̣ санд̇ам̣ ид̣̇амад̇т̇ийд̇и баж̇аанаад̇ийд̇и аяамзвад̇т̇о вуд̇д̇о. д̇ат̇аа н̃ааяаг̇ант̇з сад̣̇д̣̇аг̇ант̇з жа аяамзвад̇т̇о. ид̇и имасмим̣ суд̇д̇з анад̇д̇алагкан̣амзва гат̇ид̇ам̣. аниссарияад̇од̇и ад̇д̇ано иссарияз авасавад̇д̇анад̇о. агаамагаарияад̇од̇и ад̇д̇ано агаамам̣ аружигаран̣авасзна. абаабун̣ияад̇од̇и таад̇ум̣ бад̇идтаабхаавад̇о. авасавад̇д̇анад̇од̇и ад̇д̇ано васз авад̇д̇анад̇о. барад̇од̇и анижжад̇о бажжаяааяад̇д̇авуд̇д̇ид̇о. вивид̇д̇ад̇од̇и ниссарад̇о.
Cakkhusuññaṃ attena vā attaniyena vāti ‘‘kārako vedako sayaṃvasī’’ti evaṃ parikappikena attanā vā attābhāvatoyeva attano santakena parikkhārena ca suññaṃ. Sabbaṃ cakkhādilokiyadhammajātaṃ yasmā attā ca ettha natthi, attaniyañca ettha natthi, tasmā ‘‘suñña’’nti vuccatīti attho . Lokuttarāpi dhammā attattaniyehi suññāyeva, suññātītadhammā natthīti vuttaṃ hoti. Tasmiṃ dhamme attattaniyasārassa natthibhāvo vutto hoti. Loke ca ‘‘suññaṃ gharaṃ suñño ghaṭo’’ti vutto gharassa ghaṭassa ca natthibhāvo na hoti, tasmiṃ ghaṭe ca aññassa natthibhāvo vutto hoti. Bhagavatā ca iti yampi koci tattha na hoti, tena taṃ suññaṃ. Yaṃ pana tattha avasiṭṭhaṃ hoti, taṃ santaṃ idamatthīti pajānātīti ayamevattho vutto. Tathā ñāyaganthe saddaganthe ca ayamevattho. Iti imasmiṃ sutte anattalakkhaṇameva kathitaṃ. Anissariyatoti attano issariye avasavattanato. Akāmakāriyatoti attano akāmaṃ arucikaraṇavasena. Apāpuṇiyatoti ṭhātuṃ patiṭṭhābhāvato. Avasavattanatoti attano vase avattanato. Paratoti aniccato paccayāyattavuttito. Vivittatoti nissarato.
суд̣̇д̇ханд̇и гзвалам̣ иссарагаалабагад̇ийхи винаа гзвалам̣ бажжаяааяад̇д̇абавад̇д̇ивасзна бавад̇д̇амаанам̣ суд̣̇д̇хам̣ наама. ад̇д̇анияавирахид̇о суд̣̇д̇хад̇хаммабун̃ж̇од̇и жа. суд̣̇д̇хам̣ д̇хаммасамуббаад̣̇ам̣, суд̣̇д̇хам̣ сан̇каарасанд̇ад̇инд̇и суд̣̇д̇хам̣ бассанд̇асса ж̇аананд̇асса сан̇каараанам̣ санд̇ад̇им̣ аб̣б̣ожчиннасан̇каарасанд̇ад̇им̣. д̇ат̇зва суд̣̇д̇хам̣ бассанд̇асса сан̇каараад̣̇ийни, згадтаани аад̣̇арзна д̣̇вад̇д̇игкад̇д̇ум̣ вуд̇д̇аани. звам̣ бассанд̇асса маран̣амукз бхаяам̣ на ход̇и. г̇ааман̣ийд̇и аалабанам̣. д̇ин̣агадтасамам̣ логанд̇и имам̣ убаад̣̇иннагканд̇хасан̇каад̇ам̣ логам̣. яад̣̇аа д̇ин̣агадтасамам̣ бан̃н̃ааяа бассад̇и. яат̇аа аран̃н̃з д̇ин̣агадтаад̣̇ийсу г̇ан̣ханд̇зсу ад̇д̇аанам̣ ваа ад̇д̇анияам̣ ваа г̇ан̣хаад̇ийд̇и на ход̇и, д̇зсу ваа д̇ин̣агадтаад̣̇ийсу саяамзва нассанд̇зсуби винассанд̇зсуби ад̇д̇аа нассад̇и, ад̇д̇анияо нассад̇ийд̇и на ход̇и. звам̣ имасмим̣ гааязби нассанд̇з ваа винассанд̇з ваа ад̇д̇аа ваа ад̇д̇анияам̣ ваа бхиж̇ж̇ад̇ийд̇и абассанд̇о бан̃н̃ааяа д̇ин̣агадтасамам̣ бассад̇ийд̇и вужжад̇и. наан̃н̃ам̣ бад̇т̇аяад̇з гин̃жи, ан̃н̃ад̇раббадисанд̇хияаад̇и бадисанд̇хивирахид̇ам̣ ниб̣б̣аанам̣ табзд̇ваа ан̃н̃ам̣ бхавам̣ ваа ад̇д̇абхаавам̣ ваа на бад̇т̇зд̇и.
Suddhanti kevalaṃ issarakālapakatīhi vinā kevalaṃ paccayāyattapavattivasena pavattamānaṃ suddhaṃ nāma. Attaniyavirahito suddhadhammapuñjoti ca. Suddhaṃ dhammasamuppādaṃ, suddhaṃ saṅkhārasantatinti suddhaṃ passantassa jānantassa saṅkhārānaṃ santatiṃ abbocchinnasaṅkhārasantatiṃ. Tatheva suddhaṃ passantassa saṅkhārādīni, ekaṭṭhāni ādarena dvattikkhattuṃ vuttāni. Evaṃ passantassa maraṇamukhe bhayaṃ na hoti. Gāmaṇīti ālapanaṃ. Tiṇakaṭṭhasamaṃ lokanti imaṃ upādinnakkhandhasaṅkhātaṃ lokaṃ. Yadā tiṇakaṭṭhasamaṃ paññāya passati. Yathā araññe tiṇakaṭṭhādīsu gaṇhantesu attānaṃ vā attaniyaṃ vā gaṇhātīti na hoti, tesu vā tiṇakaṭṭhādīsu sayameva nassantesupi vinassantesupi attā nassati, attaniyo nassatīti na hoti. Evaṃ imasmiṃ kāyepi nassante vā vinassante vā attā vā attaniyaṃ vā bhijjatīti apassanto paññāya tiṇakaṭṭhasamaṃ passatīti vuccati. Nāññaṃ patthayate kiñci, aññatrappaṭisandhiyāti paṭisandhivirahitaṃ nibbānaṃ ṭhapetvā aññaṃ bhavaṃ vā attabhāvaṃ vā na pattheti.
руубам̣ саманнзсад̇ийд̇и руубасса саарам̣ бариязсад̇и. аханд̇и ваад̇и д̣̇идтивасзна. маманд̇и ваад̇и д̇ан̣хаавасзна. асмийд̇и ваад̇и маанавасзна. д̇амби д̇асса на ход̇ийд̇и д̇ам̣ д̇ивид̇хамби д̇асса буг̇г̇аласса на ход̇и.
Rūpaṃ samannesatīti rūpassa sāraṃ pariyesati. Ahanti vāti diṭṭhivasena. Mamanti vāti taṇhāvasena. Asmīti vāti mānavasena. Tampi tassa na hotīti taṃ tividhampi tassa puggalassa na hoti.
ид̇хаад̇и д̣̇зсаабад̣̇зсз нибаад̇о, свааяам̣ гад̇т̇ажи логам̣ убаад̣̇ааяа вужжад̇и. яат̇ааха – ‘‘ид̇ха д̇ат̇ааг̇ад̇о логз уббаж̇ж̇ад̇ий’’д̇и (сам̣. ни. 3.78; а. ни. 4.33). гад̇т̇ажи саасанам̣ . яат̇ааха – ‘‘ид̇хзва, бхигкавз, саман̣о, ид̇ха д̣̇уд̇ияо саман̣о’’д̇и (ма. ни. 1.139; д̣̇ий. ни. 2.214). гад̇т̇ажи огаасам̣. яат̇ааха –
Idhāti desāpadese nipāto, svāyaṃ katthaci lokaṃ upādāya vuccati. Yathāha – ‘‘idha tathāgato loke uppajjatī’’ti (saṃ. ni. 3.78; a. ni. 4.33). Katthaci sāsanaṃ . Yathāha – ‘‘idheva, bhikkhave, samaṇo, idha dutiyo samaṇo’’ti (ma. ni. 1.139; dī. ni. 2.214). Katthaci okāsaṃ. Yathāha –
‘‘ид̇хзва д̇идтамаанасса, д̣̇звабхууд̇асса мз сад̇о;
‘‘Idheva tiṭṭhamānassa, devabhūtassa me sato;
бунарааяу жа мз лад̣̇д̇хо, звам̣ ж̇аанаахи маарисаа’’д̇и. (д̣̇ий. ни. 2.369);
Punarāyu ca me laddho, evaṃ jānāhi mārisā’’ti. (dī. ni. 2.369);
гад̇т̇ажи бад̣̇абууран̣амад̇д̇амзва. яат̇ааха – ‘‘ид̇хаахам̣, бхигкавз, бхуд̇д̇аавий ассам̣ баваарид̇о’’д̇и (ма. ни. 1.30). ид̇ха бана логам̣ убаад̣̇ааяа вуд̇д̇од̇и взд̣̇ид̇аб̣б̣о. ассуд̇аваа бут̇уж̇ж̇анод̇и зд̇т̇а бана ааг̇амаад̇хиг̇амаабхааваа н̃зяяо ‘‘ассуд̇аваа’’ид̇и. яасса хи канд̇хад̇хаад̇уааяад̇анабажжаяаагаарасад̇ибадтаанаад̣̇ийсу уг̇г̇ахабарибужчаавинижчаяарахид̇ад̇д̇аа д̣̇идтибадисзд̇хаго нзва ааг̇амо, бадибад̇д̇ияаа ад̇хиг̇анд̇аб̣б̣асса анад̇хиг̇ад̇ад̇д̇аа нзва ад̇хиг̇амо ад̇т̇и, со ааг̇амаад̇хиг̇амаабхааваа н̃зяяо ‘‘ассуд̇аваа’’ ид̇и. свааяам̣ –
Katthaci padapūraṇamattameva. Yathāha – ‘‘idhāhaṃ, bhikkhave, bhuttāvī assaṃ pavārito’’ti (ma. ni. 1.30). Idha pana lokaṃ upādāya vuttoti veditabbo. Assutavā puthujjanoti ettha pana āgamādhigamābhāvā ñeyyo ‘‘assutavā’’iti. Yassa hi khandhadhātuāyatanapaccayākārasatipaṭṭhānādīsu uggahaparipucchāvinicchayarahitattā diṭṭhipaṭisedhako neva āgamo, paṭipattiyā adhigantabbassa anadhigatattā neva adhigamo atthi, so āgamādhigamābhāvā ñeyyo ‘‘assutavā’’ iti. Svāyaṃ –
бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;
Puthūnaṃ jananādīhi, kāraṇehi puthujjano;
бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇и. (д̣̇ий. ни. адта. 1.7; ма. ни. адта. 1.2; а. ни. адта. 1.1.51; бади. ма. адта. 2.1.130);
Puthujjanantogadhattā, puthuvāyaṃ jano iti. (dī. ni. aṭṭha. 1.7; ma. ni. aṭṭha. 1.2; a. ni. aṭṭha. 1.1.51; paṭi. ma. aṭṭha. 2.1.130);
со хи бут̇уунам̣ наанаббагаараанам̣ гилзсаад̣̇ийнам̣ ж̇ананаад̣̇ийхиби гааран̣зхи бут̇уж̇ж̇ано. яат̇ааха – бут̇у гилзсз ж̇анзнд̇ийд̇и бут̇уж̇ж̇анаа , бут̇у авихад̇асаггааяад̣̇идтигаад̇и бут̇уж̇ж̇анаа, бут̇у сад̇т̇аараанам̣ мукуллогигаад̇и бут̇уж̇ж̇анаа, бут̇у саб̣б̣аг̇ад̇ийхи авудтид̇аад̇и бут̇уж̇ж̇анаа, бут̇у наанаабхисан̇каарз абхисан̇каронд̇ийд̇и бут̇уж̇ж̇анаа, бут̇у наанааогхзхи вуяханд̇ийд̇и бут̇уж̇ж̇анаа, бут̇у наанаасанд̇аабзхи санд̇аббзнд̇ийд̇и бут̇уж̇ж̇анаа, бут̇у наанаабарил̣аахзхи барид̣аяханд̇ийд̇и бут̇уж̇ж̇анаа, бут̇у бан̃жасу гаамаг̇ун̣зсу рад̇д̇аа г̇ид̣̇д̇хаа г̇ад̇хид̇аа мун̃чид̇аа аж̇жхосаннаа лаг̇г̇аа лаг̇г̇ид̇аа балиб̣уд̣̇д̇хаад̇и бут̇уж̇ж̇анаа, бут̇у бан̃жахи нийваран̣зхи аавудаа нивудаа овудаа бихид̇аа бадижчаннаа бадигуж̇ж̇ид̇аад̇и бут̇уж̇ж̇анаа (махаани. 51, 94), бут̇уунам̣ ваа г̇ан̣анабат̇амад̇ийд̇аанам̣ арияад̇хаммабараммукаанам̣ нийжад̇хаммасамаажаараанам̣ ж̇анаанам̣ анд̇ог̇ад̇хад̇д̇ааби бут̇уж̇ж̇анаа, бут̇ува аяам̣ висум̣язва сан̇кяам̣ г̇ад̇о, висам̣садто сийласуд̇аад̣̇иг̇ун̣аяуд̇д̇зхи ариязхи ж̇анод̇иби бут̇уж̇ж̇ано. звамзд̇зхи ‘‘ассуд̇аваа бут̇уж̇ж̇ано’’д̇и д̣̇вийхи бад̣̇зхи яз д̇з –
So hi puthūnaṃ nānappakārānaṃ kilesādīnaṃ jananādīhipi kāraṇehi puthujjano. Yathāha – puthu kilese janentīti puthujjanā , puthu avihatasakkāyadiṭṭhikāti puthujjanā, puthu satthārānaṃ mukhullokikāti puthujjanā, puthu sabbagatīhi avuṭṭhitāti puthujjanā, puthu nānābhisaṅkhāre abhisaṅkharontīti puthujjanā, puthu nānāoghehi vuyhantīti puthujjanā, puthu nānāsantāpehi santappentīti puthujjanā, puthu nānāpariḷāhehi pariḍayhantīti puthujjanā, puthu pañcasu kāmaguṇesu rattā giddhā gadhitā muñchitā ajjhosannā laggā laggitā palibuddhāti puthujjanā, puthu pañcahi nīvaraṇehi āvuṭā nivuṭā ovuṭā pihitā paṭicchannā paṭikujjitāti puthujjanā (mahāni. 51, 94), puthūnaṃ vā gaṇanapathamatītānaṃ ariyadhammaparammukhānaṃ nīcadhammasamācārānaṃ janānaṃ antogadhattāpi puthujjanā, puthuva ayaṃ visuṃyeva saṅkhyaṃ gato, visaṃsaṭṭho sīlasutādiguṇayuttehi ariyehi janotipi puthujjano. Evametehi ‘‘assutavā puthujjano’’ti dvīhi padehi ye te –
‘‘д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;
‘‘Duve puthujjanā vuttā, buddhenādiccabandhunā;
анд̇хо бут̇уж̇ж̇ано зго, галяаан̣зго бут̇уж̇ж̇ано’’д̇и. (д̣̇ий. ни. адта. 1.7; ма. ни. адта. 1.2; сам̣. ни. адта. 2.2.61; а. ни. адта. 1.1.51; бади. ма. адта. 2.1.130; д̇ха. са. адта. 1007) –
Andho puthujjano eko, kalyāṇeko puthujjano’’ti. (dī. ni. aṭṭha. 1.7; ma. ni. aṭṭha. 1.2; saṃ. ni. aṭṭha. 2.2.61; a. ni. aṭṭha. 1.1.51; paṭi. ma. aṭṭha. 2.1.130; dha. sa. aṭṭha. 1007) –
д̣̇вз бут̇уж̇ж̇анаа вуд̇д̇аа, д̇зсу анд̇хабут̇уж̇ж̇ано вуд̇д̇о ход̇ийд̇и взд̣̇ид̇аб̣б̣о.
Dve puthujjanā vuttā, tesu andhaputhujjano vutto hotīti veditabbo.
арияаанам̣ ад̣̇ассаавийд̇иаад̣̇ийсу арияаад̇и аарагад̇д̇аа гилзсзхи, анаяз на ирияанад̇о, аяз ирияанад̇о, сад̣̇звагзна жа логзна аран̣ийяад̇о б̣уд̣̇д̇хаа жа бажжзгаб̣уд̣̇д̇хаа жа б̣уд̣̇д̇хасаавагаа жа вужжанд̇и, б̣уд̣̇д̇хаа зва ваа ид̇ха арияаа. яат̇ааха – ‘‘сад̣̇звагз, бхигкавз, логз…бз… д̇ат̇ааг̇ад̇о арияод̇и вужжад̇ий’’д̇и (сам̣. ни. 5.1098).
Ariyānaṃ adassāvītiādīsu ariyāti ārakattā kilesehi, anaye na iriyanato, aye iriyanato, sadevakena ca lokena araṇīyato buddhā ca paccekabuddhā ca buddhasāvakā ca vuccanti, buddhā eva vā idha ariyā. Yathāha – ‘‘sadevake, bhikkhave, loke…pe… tathāgato ariyoti vuccatī’’ti (saṃ. ni. 5.1098).
саббурисаад̇и зд̇т̇а бана бажжзгаб̣уд̣̇д̇хаа д̇ат̇ааг̇ад̇асаавагаа жа ‘‘саббурисаа’’д̇и взд̣̇ид̇аб̣б̣аа. д̇з хи логуд̇д̇араг̇ун̣аяог̇зна собханаа бурисаад̇и саббурисаа. саб̣б̣зва ваа зд̇з д̣̇вид̇хааби вуд̇д̇аа. б̣уд̣̇д̇хааби хи арияаа жа саббурисаа жа бажжзгаб̣уд̣̇д̇хааби б̣уд̣̇д̇хасаавагааби. яат̇ааха –
Sappurisāti ettha pana paccekabuddhā tathāgatasāvakā ca ‘‘sappurisā’’ti veditabbā. Te hi lokuttaraguṇayogena sobhanā purisāti sappurisā. Sabbeva vā ete dvidhāpi vuttā. Buddhāpi hi ariyā ca sappurisā ca paccekabuddhāpi buddhasāvakāpi. Yathāha –
‘‘яо вз гад̇ан̃н̃уу гад̇авзд̣̇и д̇хийро, галяаан̣амид̇д̇о д̣̇ал̣хабхад̇д̇и жа ход̇и;
‘‘Yo ve kataññū katavedi dhīro, kalyāṇamitto daḷhabhatti ca hoti;
д̣̇укид̇асса саггажжа гарод̇и гижжам̣, д̇ат̇аавид̇хам̣ саббурисам̣ вад̣̇анд̇ий’’д̇и. (ма. ни. адта. 1.2; бади. ма. адта. 2.1.130; д̇ха. са. адта. 1007);
Dukhitassa sakkacca karoti kiccaṃ, tathāvidhaṃ sappurisaṃ vadantī’’ti. (ma. ni. aṭṭha. 1.2; paṭi. ma. aṭṭha. 2.1.130; dha. sa. aṭṭha. 1007);
‘‘галяаан̣амид̇д̇о д̣̇ал̣хабхад̇д̇и жа ход̇ий’’д̇и зд̇д̇аавад̇аа хи б̣уд̣̇д̇хасааваго вуд̇д̇о. гад̇ан̃н̃уд̇аад̣̇ийхи бажжзгаб̣уд̣̇д̇хаа б̣уд̣̇д̇хаад̇и, яо имзсам̣ арияаанам̣ ад̣̇ассанасийло, на жа д̣̇ассанз саад̇хугаарий, со арияаанам̣ ад̣̇ассаавийд̇и взд̣̇ид̇аб̣б̣о. со жагкунаа ад̣̇ассаавий, н̃аан̣зна ад̣̇ассаавийд̇и д̣̇увид̇хо, д̇зсу н̃аан̣зна ад̣̇ассаавий ид̇ха ад̇хиббзд̇о. мам̣сажагкунаа хи д̣̇иб̣б̣ажагкунаа ваа арияаа д̣̇идтааби ад̣̇идтаава хонд̇и д̇зсам̣ жагкунаа ван̣н̣амад̇д̇аг̇ахан̣ад̇о, на арияабхааваг̇ожарад̇о. сон̣асин̇г̇аалаад̣̇аяоби жагкунаа арияз бассанд̇и, на жа д̇з арияаанам̣ д̣̇ассаавино.
‘‘Kalyāṇamitto daḷhabhatti ca hotī’’ti ettāvatā hi buddhasāvako vutto. Kataññutādīhi paccekabuddhā buddhāti, yo imesaṃ ariyānaṃ adassanasīlo, na ca dassane sādhukārī, so ariyānaṃ adassāvīti veditabbo. So cakkhunā adassāvī, ñāṇena adassāvīti duvidho, tesu ñāṇena adassāvī idha adhippeto. Maṃsacakkhunā hi dibbacakkhunā vā ariyā diṭṭhāpi adiṭṭhāva honti tesaṃ cakkhunā vaṇṇamattagahaṇato, na ariyabhāvagocarato. Soṇasiṅgālādayopi cakkhunā ariye passanti, na ca te ariyānaṃ dassāvino.
д̇ад̇рид̣̇ам̣ вад̇т̇у – жид̇д̇алабаб̣б̣ад̇аваасино гира кийн̣аасавад̇т̇зрасса убадтааго вуд̣дхабаб̣б̣аж̇ид̇о згад̣̇ивасам̣ т̇зрзна сад̣̇д̇хим̣ бин̣д̣ааяа жарид̇ваа т̇зрасса бад̇д̇ажийварам̣ г̇ахзд̇ваа бидтид̇о ааг̇ажчанд̇о т̇зрам̣ бужчи – ‘‘арияаа наама, бханд̇з, гийд̣̇исаа’’д̇и? т̇зро ааха – ‘‘ид̇хзгажжо махаллаго арияаанам̣ бад̇д̇ажийварам̣ г̇ахзд̇ваа вад̇д̇абадибад̇д̇им̣ гад̇ваа саха жаранд̇оби нзва арияз ж̇аанаад̇и, звам̣ д̣̇уж̇ж̇аанаа, аавусо, арияаа’’д̇и. звам̣ вуд̇д̇зби со нзва ан̃н̃ааси. д̇асмаа жагкунаа д̣̇ассанам̣ на д̣̇ассанам̣, н̃аан̣зна д̣̇ассанамзва д̣̇ассанам̣. яат̇ааха – ‘‘алам̣ д̇з, ваггали, гим̣ д̇з иминаа бууд̇игааязна д̣̇идтзна, яо ко, ваггали, д̇хаммам̣ бассад̇и, со мам̣ бассад̇ий’’д̇и (сам̣. ни. 3.87). д̇асмаа жагкунаа бассанд̇оби н̃аан̣зна ариязхи д̣̇идтам̣ анижжаад̣̇илагкан̣ам̣ абассанд̇о, арияаанам̣ ад̇хиг̇ад̇ан̃жа д̇хаммам̣ анад̇хиг̇ажчанд̇о, арияагарад̇хаммаанам̣ арияабхаавасса жа ад̣̇идтад̇д̇аа ‘‘арияаанам̣ ад̣̇ассаавий’’д̇и взд̣̇ид̇аб̣б̣о.
Tatridaṃ vatthu – cittalapabbatavāsino kira khīṇāsavattherassa upaṭṭhāko vuḍḍhapabbajito ekadivasaṃ therena saddhiṃ piṇḍāya caritvā therassa pattacīvaraṃ gahetvā piṭṭhito āgacchanto theraṃ pucchi – ‘‘ariyā nāma, bhante, kīdisā’’ti? Thero āha – ‘‘idhekacco mahallako ariyānaṃ pattacīvaraṃ gahetvā vattapaṭipattiṃ katvā saha carantopi neva ariye jānāti, evaṃ dujjānā, āvuso, ariyā’’ti. Evaṃ vuttepi so neva aññāsi. Tasmā cakkhunā dassanaṃ na dassanaṃ, ñāṇena dassanameva dassanaṃ. Yathāha – ‘‘alaṃ te, vakkali, kiṃ te iminā pūtikāyena diṭṭhena, yo kho, vakkali, dhammaṃ passati, so maṃ passatī’’ti (saṃ. ni. 3.87). Tasmā cakkhunā passantopi ñāṇena ariyehi diṭṭhaṃ aniccādilakkhaṇaṃ apassanto, ariyānaṃ adhigatañca dhammaṃ anadhigacchanto, ariyakaradhammānaṃ ariyabhāvassa ca adiṭṭhattā ‘‘ariyānaṃ adassāvī’’ti veditabbo.
арияад̇хаммасса аговид̣̇од̇и сад̇ибадтаанаад̣̇ибхзд̣̇з арияад̇хаммз агусало. арияад̇хаммз авинийд̇од̇и зд̇т̇а бана –
Ariyadhammassa akovidoti satipaṭṭhānādibhede ariyadhamme akusalo. Ariyadhamme avinītoti ettha pana –
д̣̇увид̇хо винаяо наама, згамзгзд̇т̇а бан̃жад̇хаа;
Duvidho vinayo nāma, ekamekettha pañcadhā;
абхаавад̇о д̇асса аяам̣, ‘‘авинийд̇о’’д̇и вужжад̇и. (ма. ни. адта. 1.2; су. ни. адта. 1.ураг̇асуд̇д̇аван̣н̣анаа; бади. ма. адта. 2.1.130; д̇ха. са. адта. 1007);
Abhāvato tassa ayaṃ, ‘‘avinīto’’ti vuccati. (ma. ni. aṭṭha. 1.2; su. ni. aṭṭha. 1.uragasuttavaṇṇanā; paṭi. ma. aṭṭha. 2.1.130; dha. sa. aṭṭha. 1007);
аяан̃хи сам̣варавинаяо бахаанавинаяод̇и д̣̇увид̇хо винаяо. зд̇т̇а жа д̣̇увид̇хзби винаяз згамзгоби винаяо бан̃жад̇хаа бхиж̇ж̇ад̇и. сам̣варавинаяоби хи сийласам̣варо сад̇исам̣варо н̃аан̣асам̣варо канд̇исам̣варо вийрияасам̣варод̇и бан̃жавид̇хо. бахаанавинаяоби д̇ад̣̇ан̇г̇аббахаанам̣ вигкамбханаббахаанам̣ самужчзд̣̇аббахаанам̣ бадиббассад̣̇д̇хиббахаанам̣ ниссаран̣аббахаананд̇и бан̃жавид̇хо.
Ayañhi saṃvaravinayo pahānavinayoti duvidho vinayo. Ettha ca duvidhepi vinaye ekamekopi vinayo pañcadhā bhijjati. Saṃvaravinayopi hi sīlasaṃvaro satisaṃvaro ñāṇasaṃvaro khantisaṃvaro vīriyasaṃvaroti pañcavidho. Pahānavinayopi tadaṅgappahānaṃ vikkhambhanappahānaṃ samucchedappahānaṃ paṭippassaddhippahānaṃ nissaraṇappahānanti pañcavidho.
д̇ад̇т̇а ‘‘иминаа баад̇имогкасам̣варзна убзд̇о ход̇и самубзд̇о’’д̇и (вибха. 511) аяам̣ сийласам̣варо. ‘‘рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇и (ма. ни. 1.295; сам̣. ни. 4.239; а. ни. 3.16) аяам̣ сад̇исам̣варо.
Tattha ‘‘iminā pātimokkhasaṃvarena upeto hoti samupeto’’ti (vibha. 511) ayaṃ sīlasaṃvaro. ‘‘Rakkhati cakkhundriyaṃ, cakkhundriye saṃvaraṃ āpajjatī’’ti (ma. ni. 1.295; saṃ. ni. 4.239; a. ni. 3.16) ayaṃ satisaṃvaro.
‘‘яаани сод̇аани логасмим̣, (аж̇ид̇аад̇и бхаг̇аваа,)
‘‘Yāni sotāni lokasmiṃ, (ajitāti bhagavā,)
сад̇и д̇зсам̣ нивааран̣ам̣;
Sati tesaṃ nivāraṇaṃ;
сод̇аанам̣ сам̣варам̣ б̣рууми, бан̃н̃ааязд̇з бид̇хияяарз’’д̇и. (су. ни. 1041; жуул̣ани. аж̇ид̇амаан̣авабужчаанид̣̇д̣̇зса 4; нзд̇д̇и. 11, 45; д̇ха. са. адта. 1007) –
Sotānaṃ saṃvaraṃ brūmi, paññāyete pidhiyyare’’ti. (su. ni. 1041; cūḷani. ajitamāṇavapucchāniddesa 4; netti. 11, 45; dha. sa. aṭṭha. 1007) –
аяам̣ н̃аан̣асам̣варо. ‘‘камо ход̇и сийд̇асса ун̣хассаа’’д̇и (ма. ни. 1.24; а. ни. 4.114; 6.58) аяам̣ канд̇исам̣варо. ‘‘уббаннам̣ гаамавид̇аггам̣ наад̇хиваасзд̇ий’’д̇и (ма. ни. 1.26; а. ни. 4.114; 6.58) аяам̣ вийрияасам̣варо. саб̣б̣оби жааяам̣ сам̣варо яат̇аасагам̣ сам̣варид̇аб̣б̣аанам̣ винзд̇аб̣б̣аанан̃жа гааяад̣̇ужжарид̇аад̣̇ийнам̣ сам̣варан̣ад̇о ‘‘сам̣варо’’, винаяанад̇о ‘‘винаяо’’д̇и вужжад̇и. звам̣ д̇аава сам̣варавинаяо бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.
Ayaṃ ñāṇasaṃvaro. ‘‘Khamo hoti sītassa uṇhassā’’ti (ma. ni. 1.24; a. ni. 4.114; 6.58) ayaṃ khantisaṃvaro. ‘‘Uppannaṃ kāmavitakkaṃ nādhivāsetī’’ti (ma. ni. 1.26; a. ni. 4.114; 6.58) ayaṃ vīriyasaṃvaro. Sabbopi cāyaṃ saṃvaro yathāsakaṃ saṃvaritabbānaṃ vinetabbānañca kāyaduccaritādīnaṃ saṃvaraṇato ‘‘saṃvaro’’, vinayanato ‘‘vinayo’’ti vuccati. Evaṃ tāva saṃvaravinayo pañcadhā bhijjatīti veditabbo.
д̇ат̇аа яам̣ наамаруубабарижчзд̣̇аад̣̇ийсу вибассанаан̃аан̣зсу бадибагкабхаавад̇о д̣̇ийбаалогзнзва д̇амасса, д̇зна д̇зна вибассанаан̃аан̣зна д̇асса д̇асса анад̇т̇асса бахаанам̣. сзяяат̇ид̣̇ам̣ – наамаруубававад̇т̇аанзна саггааяад̣̇идтияаа, бажжаяабариг̇г̇ахзна ахзд̇увисамахзд̇уд̣̇идтийнам̣, д̇ассзва абарабхааг̇зна ган̇каавид̇аран̣зна гат̇ам̣гат̇ийбхаавасса, галаабасаммасанзна ‘‘ахам̣ мамаа’’д̇и г̇аахасса, маг̇г̇аамаг̇г̇ававад̇т̇аанзна амаг̇г̇з маг̇г̇асан̃н̃ааяа, уд̣̇аяад̣̇ассанзна ужчзд̣̇ад̣̇идтияаа, ваяад̣̇ассанзна сассад̇ад̣̇идтияаа, бхаяад̣̇ассанзна сабхаяз абхаяасан̃н̃ааяа, аад̣̇ийнавад̣̇ассанзна ассаад̣̇асан̃н̃ааяа, ниб̣б̣ид̣̇аанубассанааяа абхирад̇исан̃н̃ааяа , мун̃жид̇угамяад̇аан̃аан̣зна амун̃жид̇угаамад̇ааяа, убзгкаан̃аан̣зна анубзгкааяа, ануломзна д̇хаммадтид̇ияам̣ ниб̣б̣аанз жа бадиломабхаавасса, г̇од̇рабхунаа сан̇кааранимид̇д̇аг̇г̇аахасса бахаанам̣. зд̇ам̣ д̇ад̣̇ан̇г̇аббахаанам̣ наама.
Tathā yaṃ nāmarūpaparicchedādīsu vipassanāñāṇesu paṭipakkhabhāvato dīpālokeneva tamassa, tena tena vipassanāñāṇena tassa tassa anatthassa pahānaṃ. Seyyathidaṃ – nāmarūpavavatthānena sakkāyadiṭṭhiyā, paccayapariggahena ahetuvisamahetudiṭṭhīnaṃ, tasseva aparabhāgena kaṅkhāvitaraṇena kathaṃkathībhāvassa, kalāpasammasanena ‘‘ahaṃ mamā’’ti gāhassa, maggāmaggavavatthānena amagge maggasaññāya, udayadassanena ucchedadiṭṭhiyā, vayadassanena sassatadiṭṭhiyā, bhayadassanena sabhaye abhayasaññāya, ādīnavadassanena assādasaññāya, nibbidānupassanāya abhiratisaññāya , muñcitukamyatāñāṇena amuñcitukāmatāya, upekkhāñāṇena anupekkhāya, anulomena dhammaṭṭhitiyaṃ nibbāne ca paṭilomabhāvassa, gotrabhunā saṅkhāranimittaggāhassa pahānaṃ. Etaṃ tadaṅgappahānaṃ nāma.
яам̣ бана убажаараббанаабхзд̣̇зна самаад̇хинаа бавад̇д̇ибхааванивааран̣ад̇о гхадаббахаарзнзва уд̣̇агабидтз сзвааласса д̇зсам̣ д̇зсам̣ нийваран̣аад̣̇ид̇хаммаанам̣ бахаанам̣, зд̇ам̣ вигкамбханаббахаанам̣ наама. яам̣ жад̇уннам̣ арияамаг̇г̇аанам̣ бхаавид̇ад̇д̇аа д̇ам̣д̇ам̣маг̇г̇авад̇о ад̇д̇ано ад̇д̇ано санд̇аанз ‘‘д̣̇идтиг̇ад̇аанам̣ бахаанааяаа’’д̇иаад̣̇инаа (д̇ха. са. 277; вибха. 628) наязна вуд̇д̇асса самуд̣̇аяабагкияасса гилзсаг̇ан̣асса ажжанд̇ааббавад̇д̇ибхаавзна бахаанам̣, ид̣̇ам̣ самужчзд̣̇аббахаанам̣ наама. яам̣ бана палагкан̣з бадиббассад̣̇д̇хад̇д̇ам̣ гилзсаанам̣, зд̇ам̣ бадиббассад̣̇д̇хиббахаанам̣ наама. яам̣ саб̣б̣асан̇кад̇аниссадад̇д̇аа бахийнасаб̣б̣асан̇кад̇ам̣ ниб̣б̣аанам̣, зд̇ам̣ ниссаран̣аббахаанам̣ наама. саб̣б̣амби жзд̇ам̣ бахаанам̣ яасмаа жааг̇адтзна бахаанам̣, винаяанадтзна винаяо, д̇асмаа ‘‘бахаанавинаяо’’д̇и вужжад̇и. д̇ам̣ д̇ам̣ бахаанавад̇о ваа д̇асса д̇асса винаяасса самбхавад̇обзд̇ам̣ ‘‘бахаанавинаяо’’д̇и вужжад̇и. звам̣ бахаанавинаяоби бан̃жад̇хаа бхиж̇ж̇ад̇ийд̇и взд̣̇ид̇аб̣б̣о (ма. ни. адта. 1.2; су. ни. адта. 1.ураг̇асуд̇д̇аван̣н̣анаа; бади. ма. адта. 2.1.130).
Yaṃ pana upacārappanābhedena samādhinā pavattibhāvanivāraṇato ghaṭappahāreneva udakapiṭṭhe sevālassa tesaṃ tesaṃ nīvaraṇādidhammānaṃ pahānaṃ, etaṃ vikkhambhanappahānaṃ nāma. Yaṃ catunnaṃ ariyamaggānaṃ bhāvitattā taṃtaṃmaggavato attano attano santāne ‘‘diṭṭhigatānaṃ pahānāyā’’tiādinā (dha. sa. 277; vibha. 628) nayena vuttassa samudayapakkhiyassa kilesagaṇassa accantaappavattibhāvena pahānaṃ, idaṃ samucchedappahānaṃ nāma. Yaṃ pana phalakkhaṇe paṭippassaddhattaṃ kilesānaṃ, etaṃ paṭippassaddhippahānaṃ nāma. Yaṃ sabbasaṅkhatanissaṭattā pahīnasabbasaṅkhataṃ nibbānaṃ, etaṃ nissaraṇappahānaṃ nāma. Sabbampi cetaṃ pahānaṃ yasmā cāgaṭṭhena pahānaṃ, vinayanaṭṭhena vinayo, tasmā ‘‘pahānavinayo’’ti vuccati. Taṃ taṃ pahānavato vā tassa tassa vinayassa sambhavatopetaṃ ‘‘pahānavinayo’’ti vuccati. Evaṃ pahānavinayopi pañcadhā bhijjatīti veditabbo (ma. ni. aṭṭha. 1.2; su. ni. aṭṭha. 1.uragasuttavaṇṇanā; paṭi. ma. aṭṭha. 2.1.130).
звамаяам̣ сан̇кзбад̇о д̣̇увид̇хо бхзд̣̇ад̇о жа д̣̇асавид̇хо винаяо бхиннасам̣варад̇д̇аа, бахаад̇аб̣б̣асса жа аббахийнад̇д̇аа яасмаа зд̇асса ассуд̇авад̇о бут̇уж̇ж̇анасса над̇т̇и, д̇асмаа абхаавад̇о д̇асса аяам̣ ‘‘авинийд̇о’’д̇и вужжад̇ийд̇и. зсзва наяо саббурисаанам̣ ад̣̇ассаавий саббурисад̇хаммасса аговид̣̇о, саббурисад̇хаммз авинийд̇од̇и зд̇т̇аби. ниннаанаагаран̣ан̃хи зд̇амад̇т̇ад̇о. яат̇ааха – ‘‘язва д̇з арияаа, д̇зва д̇з саббурисаа. язва д̇з саббурисаа, д̇зва д̇з арияаа. яо зва со арияаанам̣ д̇хаммо, со зва со саббурисаанам̣ д̇хаммо. яо зва со саббурисаанам̣ д̇хаммо, со зва со арияаанам̣ д̇хаммо. язва д̇з арияавинаяаа, д̇зва д̇з саббурисавинаяаа. язва д̇з саббурисавинаяаа, д̇зва д̇з арияавинаяаа. ариязд̇и ваа, саббурисзд̇и ваа, арияад̇хаммзд̇и ваа, саббурисад̇хаммзд̇и ваа, арияавинаязд̇и ваа, саббурисавинаязд̇и ваа зсзсз згз згадтз самз самабхааг̇з д̇аж̇ж̇аад̇з д̇ан̃н̃зваад̇и (д̇ха. са. адта. 1007; бади. ма. адта. 2.1.130).
Evamayaṃ saṅkhepato duvidho bhedato ca dasavidho vinayo bhinnasaṃvarattā, pahātabbassa ca appahīnattā yasmā etassa assutavato puthujjanassa natthi, tasmā abhāvato tassa ayaṃ ‘‘avinīto’’ti vuccatīti. Eseva nayo sappurisānaṃ adassāvī sappurisadhammassa akovido, sappurisadhamme avinītoti etthapi. Ninnānākaraṇañhi etamatthato. Yathāha – ‘‘yeva te ariyā, teva te sappurisā. Yeva te sappurisā, teva te ariyā. Yo eva so ariyānaṃ dhammo, so eva so sappurisānaṃ dhammo. Yo eva so sappurisānaṃ dhammo, so eva so ariyānaṃ dhammo. Yeva te ariyavinayā, teva te sappurisavinayā. Yeva te sappurisavinayā, teva te ariyavinayā. Ariyeti vā, sappuriseti vā, ariyadhammeti vā, sappurisadhammeti vā, ariyavinayeti vā, sappurisavinayeti vā esese eke ekaṭṭhe same samabhāge tajjāte taññevāti (dha. sa. aṭṭha. 1007; paṭi. ma. aṭṭha. 2.1.130).
руубам̣ ад̇д̇ад̇о саманубассад̇ийд̇и ид̇хзгажжо руубам̣ ад̇д̇ад̇о саманубассад̇и, ‘‘яам̣ руубам̣, со ахам̣, яо ахам̣, д̇ам̣ рууба’’нд̇и руубан̃жа ад̇д̇аанан̃жа ад̣̇ваяам̣ саманубассад̇и. сзяяат̇ааби д̇злаббад̣̇ийбасса жхааяад̇о ‘‘яаа ажжи, со ван̣н̣о. яо ван̣н̣о, саа ажжий’’д̇и ажжин̃жа ван̣н̣ан̃жа ад̣̇ваяам̣ саманубассад̇и, звамзва ид̇хзгажжо руубам̣ ад̇д̇ад̇о…бз… саманубассад̇ийд̇и (бади. ма. 1.130-131) звам̣ руубам̣ ‘‘ад̇д̇аа’’д̇и д̣̇идтибассанааяа бассад̇и. руубаванд̇ам̣ ваа ад̇д̇аананд̇и аруубам̣ ‘‘ад̇д̇аа’’д̇и г̇ахзд̇ваа чааяааванд̇ам̣ ругкам̣ вияа д̇ам̣ руубаванд̇ам̣ ‘‘ад̇д̇аа’’д̇и саманубассад̇и. ад̇д̇ани ваа руубанд̇и аруубамзва ‘‘ад̇д̇аа’’д̇и г̇ахзд̇ваа бубпасмим̣ г̇анд̇хам̣ вияа ад̇д̇ани руубам̣ саманубассад̇и. руубасмим̣ ваа ад̇д̇аананд̇и аруубамзва ‘‘ад̇д̇аа’’д̇и г̇ахзд̇ваа гаран̣д̣агз ман̣им̣ вияа д̇ам̣ ад̇д̇аанам̣ руубасмим̣ саманубассад̇и. взд̣̇анаад̣̇ийсуби зсзва наяо.
Rūpaṃ attato samanupassatīti idhekacco rūpaṃ attato samanupassati, ‘‘yaṃ rūpaṃ, so ahaṃ, yo ahaṃ, taṃ rūpa’’nti rūpañca attānañca advayaṃ samanupassati. Seyyathāpi telappadīpassa jhāyato ‘‘yā acci, so vaṇṇo. Yo vaṇṇo, sā accī’’ti acciñca vaṇṇañca advayaṃ samanupassati, evameva idhekacco rūpaṃ attato…pe… samanupassatīti (paṭi. ma. 1.130-131) evaṃ rūpaṃ ‘‘attā’’ti diṭṭhipassanāya passati. Rūpavantaṃ vā attānanti arūpaṃ ‘‘attā’’ti gahetvā chāyāvantaṃ rukkhaṃ viya taṃ rūpavantaṃ ‘‘attā’’ti samanupassati. Attani vā rūpanti arūpameva ‘‘attā’’ti gahetvā pupphasmiṃ gandhaṃ viya attani rūpaṃ samanupassati. Rūpasmiṃ vā attānanti arūpameva ‘‘attā’’ti gahetvā karaṇḍake maṇiṃ viya taṃ attānaṃ rūpasmiṃ samanupassati. Vedanādīsupi eseva nayo.
д̇ад̇т̇а ‘‘руубам̣ ад̇д̇ад̇о саманубассад̇ий’’д̇и суд̣̇д̇харуубам̣язва ‘‘ад̇д̇аа’’д̇и гат̇ид̇ам̣. ‘‘руубаванд̇ам̣ ваа ад̇д̇аанам̣, ад̇д̇ани ваа руубам̣, руубасмим̣ ваа ад̇д̇аанам̣. взд̣̇анам̣ ад̇д̇ад̇о… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ий’’д̇и (бади. ма. 1.131) имзсу сад̇д̇асу таанзсу аруубам̣ ‘‘ад̇д̇аа’’д̇и гат̇ид̇ам̣, ‘‘взд̣̇анааванд̇ам̣ ваа ад̇д̇аанам̣, ад̇д̇ани ваа взд̣̇анаа, взд̣̇анааяа ваа ад̇д̇аана’’нд̇и звам̣ жад̇уусу канд̇хзсу д̇ин̣н̣ам̣ д̇ин̣н̣ам̣ васзна д̣̇ваад̣̇асасу таанзсу руубааруубамиссаго ад̇д̇аа гат̇ид̇о. д̇ад̇т̇а руубам̣ ад̇д̇ад̇о саманубассад̇и. взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ийд̇и бан̃жасу таанзсу ужчзд̣̇ад̣̇идти гат̇ид̇аа. авасзсзсу сассад̇ад̣̇идти. звамзд̇т̇а баннараса бхавад̣̇идтияо бан̃жа вибхавад̣̇идтияо хонд̇и. д̇аа саб̣б̣ааби маг̇г̇ааваран̣аа, на саг̇г̇ааваран̣аа, батамамаг̇г̇аваж̇жхаад̇и взд̣̇ид̇аб̣б̣аа.
Tattha ‘‘rūpaṃ attato samanupassatī’’ti suddharūpaṃyeva ‘‘attā’’ti kathitaṃ. ‘‘Rūpavantaṃ vā attānaṃ, attani vā rūpaṃ, rūpasmiṃ vā attānaṃ. Vedanaṃ attato… saññaṃ… saṅkhāre… viññāṇaṃ attato samanupassatī’’ti (paṭi. ma. 1.131) imesu sattasu ṭhānesu arūpaṃ ‘‘attā’’ti kathitaṃ, ‘‘vedanāvantaṃ vā attānaṃ, attani vā vedanā, vedanāya vā attāna’’nti evaṃ catūsu khandhesu tiṇṇaṃ tiṇṇaṃ vasena dvādasasu ṭhānesu rūpārūpamissako attā kathito. Tattha rūpaṃ attato samanupassati. Vedanaṃ… saññaṃ… saṅkhāre… viññāṇaṃ attato samanupassatīti pañcasu ṭhānesu ucchedadiṭṭhi kathitā. Avasesesu sassatadiṭṭhi. Evamettha pannarasa bhavadiṭṭhiyo pañca vibhavadiṭṭhiyo honti. Tā sabbāpi maggāvaraṇā, na saggāvaraṇā, paṭhamamaggavajjhāti veditabbā.
ааран̃н̃игод̇и аран̃н̃з ниваасам̣. баванзд̇и маханд̇з г̇амбхийраванз. жарамаанод̇и д̇ахим̣ д̇ахим̣ вижарамаано. виссад̇т̇о г̇ажчад̇ийд̇и ниб̣бхаяо нираасан̇го жарад̇и. анаабаат̇аг̇ад̇о луд̣̇д̣̇ассаад̇и миг̇алуд̣̇д̣̇асса бараммукаг̇ад̇о. анд̇амагааси мааранд̇и гилзсамаарам̣ ваа д̣̇звабуд̇д̇амаарам̣ ваа анд̇ам̣ агааси. абад̣̇ам̣ вад̇хид̇ваад̇и гилзсабад̣̇ам̣ ханд̇ваа наасзд̇ваа. мааражагкум̣ ад̣̇ассанам̣ г̇ад̇од̇и маарасса ад̣̇ассанависаяам̣ бад̇д̇о. анаабаат̇аг̇ад̇од̇и маарасса бараммукам̣ бад̇д̇о. сзсам̣ саб̣б̣ад̇т̇а баагадамзва.
Āraññikoti araññe nivāsaṃ. Pavaneti mahante gambhīravane. Caramānoti tahiṃ tahiṃ vicaramāno. Vissattho gacchatīti nibbhayo nirāsaṅko carati. Anāpāthagato luddassāti migaluddassa parammukhagato. Antamakāsi māranti kilesamāraṃ vā devaputtamāraṃ vā antaṃ akāsi. Apadaṃ vadhitvāti kilesapadaṃ hantvā nāsetvā. Māracakkhuṃ adassanaṃ gatoti mārassa adassanavisayaṃ patto. Anāpāthagatoti mārassa parammukhaṃ patto. Sesaṃ sabbattha pākaṭameva.
звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси, д̣̇зсанаабарияосаанз жа вуд̇д̇асад̣̇исоязва д̇хаммаабхисамаяо ахосийд̇и.
Evaṃ bhagavā idampi suttaṃ arahattanikūṭeneva desesi, desanāpariyosāne ca vuttasadisoyeva dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
могхарааж̇амаан̣авасуд̇д̇анид̣̇д̣̇зсаван̣н̣анаа нидтид̇аа.
Mogharājamāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
15. могхарааж̇амаан̣авабужчаа • 15. Mogharājamāṇavapucchā
15. могхарааж̇амаан̣авабужчаанид̣̇д̣̇зсо • 15. Mogharājamāṇavapucchāniddeso
