| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā |
੧੫. ਮੋਘਰਾਜਸੁਤ੍ਤવਣ੍ਣਨਾ
15. Mogharājasuttavaṇṇanā
੧੧੨੩. ਦ੍વਾਹਂ ਸਕ੍ਕਨ੍ਤਿ ਮੋਘਰਾਜਸੁਤ੍ਤਂ। ਤਤ੍ਥ ਦ੍વਾਹਨ੍ਤਿ ਦ੍વੇ વਾਰੇ ਅਹਂ। ਸੋ ਹਿ ਪੁਬ੍ਬੇ ਅਜਿਤਸੁਤ੍ਤਸ੍ਸ ਚ ਤਿਸ੍ਸਮੇਤ੍ਤੇਯ੍ਯਸੁਤ੍ਤਸ੍ਸ ਚ ਅવਸਾਨੇ ਦ੍વਿਕ੍ਖਤ੍ਤੁਂ ਭਗવਨ੍ਤਂ ਪੁਚ੍ਛਿ। ਭਗવਾ ਪਨਸ੍ਸ ਇਨ੍ਦ੍ਰਿਯਪਰਿਪਾਕਂ ਆਗਮਯਮਾਨੋ ਨ ਬ੍ਯਾਕਾਸਿ। ਤੇਨਾਹ – ‘‘ਦ੍વਾਹਂ ਸਕ੍ਕਂ ਅਪੁਚ੍ਛਿਸ੍ਸ’’ਨ੍ਤਿ। ਯਾવਤਤਿਯਞ੍ਚ ਦੇવੀਸਿ, ਬ੍ਯਾਕਰੋਤੀਤਿ ਮੇ ਸੁਤਨ੍ਤਿ ਯਾવਤਤਿਯਞ੍ਚ ਸਹਧਮ੍ਮਿਕਂ ਪੁਟ੍ਠੋ વਿਸੁਦ੍ਧਿਦੇવਭੂਤੋ ਇਸਿ ਭਗવਾ ਸਮ੍ਮਾਸਮ੍ਬੁਦ੍ਧੋ ਬ੍ਯਾਕਰੋਤੀਤਿ ਏવਂ ਮੇ ਸੁਤਂ। ਗੋਧਾવਰੀਤੀਰੇਯੇવ ਕਿਰ ਸੋ ਏવਮਸ੍ਸੋਸਿ। ਤੇਨਾਹ – ‘‘ਬ੍ਯਾਕਰੋਤੀਤਿ ਮੇ ਸੁਤ’’ਨ੍ਤਿ।
1123.Dvāhaṃsakkanti mogharājasuttaṃ. Tattha dvāhanti dve vāre ahaṃ. So hi pubbe ajitasuttassa ca tissametteyyasuttassa ca avasāne dvikkhattuṃ bhagavantaṃ pucchi. Bhagavā panassa indriyaparipākaṃ āgamayamāno na byākāsi. Tenāha – ‘‘dvāhaṃ sakkaṃ apucchissa’’nti. Yāvatatiyañca devīsi, byākarotīti me sutanti yāvatatiyañca sahadhammikaṃ puṭṭho visuddhidevabhūto isi bhagavā sammāsambuddho byākarotīti evaṃ me sutaṃ. Godhāvarītīreyeva kira so evamassosi. Tenāha – ‘‘byākarotīti me suta’’nti.
੧੧੨੪. ਅਯਂ ਲੋਕੋਤਿ ਮਨੁਸ੍ਸਲੋਕੋ। ਪਰੋ ਲੋਕੋਤਿ ਤਂ ਠਪੇਤ੍વਾ ਅવਸੇਸੋ। ਸਦੇવਕੋਤਿ ਬ੍ਰਹ੍ਮਲੋਕਂ ਠਪੇਤ੍વਾ ਅવਸੇਸੋ ਉਪਪਤ੍ਤਿਦੇવਸਮ੍ਮੁਤਿਦੇવਯੁਤ੍ਤੋ, ‘‘ਬ੍ਰਹ੍ਮਲੋਕੋ ਸਦੇવਕੋ’’ਤਿ ਏਤਂ વਾ ‘‘ਸਦੇવਕੇ ਲੋਕੇ’’ਤਿਆਦਿਨਯਨਿਦਸ੍ਸਨਮਤ੍ਤਂ, ਤੇਨ ਸਬ੍ਬੋਪਿ ਤਥਾવੁਤ੍ਤਪ੍ਪਕਾਰੋ ਲੋਕੋ વੇਦਿਤਬ੍ਬੋ।
1124.Ayaṃ lokoti manussaloko. Paro lokoti taṃ ṭhapetvā avaseso. Sadevakoti brahmalokaṃ ṭhapetvā avaseso upapattidevasammutidevayutto, ‘‘brahmaloko sadevako’’ti etaṃ vā ‘‘sadevake loke’’tiādinayanidassanamattaṃ, tena sabbopi tathāvuttappakāro loko veditabbo.
੧੧੨੫. ਏવਂ ਅਭਿਕ੍ਕਨ੍ਤਦਸ੍ਸਾવਿਨ੍ਤਿ ਏવਂ ਅਗ੍ਗਦਸ੍ਸਾવਿਂ, ਸਦੇવਕਸ੍ਸ ਲੋਕਸ੍ਸ ਅਜ੍ਝਾਸਯਾਧਿਮੁਤ੍ਤਿਗਤਿਪਰਾਯਣਾਦੀਨਿ ਪਸ੍ਸਿਤੁਂ ਸਮਤ੍ਥਨ੍ਤਿ ਦਸ੍ਸੇਤਿ।
1125. Evaṃ abhikkantadassāvinti evaṃ aggadassāviṃ, sadevakassa lokassa ajjhāsayādhimuttigatiparāyaṇādīni passituṃ samatthanti dasseti.
੧੧੨੬. ਸੁਞ੍ਞਤੋ ਲੋਕਂ ਅવੇਕ੍ਖਸ੍ਸੂਤਿ ਅવਸਿਯਪવਤ੍ਤਸਲ੍ਲਕ੍ਖਣવਸੇਨ વਾ ਤੁਚ੍ਛਸਙ੍ਖਾਰਸਮਨੁਪਸ੍ਸਨਾવਸੇਨ વਾਤਿ ਦ੍વੀਹਿ ਕਾਰਣੇਹਿ ਸੁਞ੍ਞਤੋ ਲੋਕਂ ਪਸ੍ਸ। ਅਤ੍ਤਾਨੁਦਿਟ੍ਠਿਂ ਊਹਚ੍ਚਾਤਿ ਸਕ੍ਕਾਯਦਿਟ੍ਠਿਂ ਉਦ੍ਧਰਿਤ੍વਾ। ਸੇਸਂ ਸਬ੍ਬਤ੍ਥ ਪਾਕਟਮੇવ।
1126.Suññato lokaṃ avekkhassūti avasiyapavattasallakkhaṇavasena vā tucchasaṅkhārasamanupassanāvasena vāti dvīhi kāraṇehi suññato lokaṃ passa. Attānudiṭṭhiṃ ūhaccāti sakkāyadiṭṭhiṃ uddharitvā. Sesaṃ sabbattha pākaṭameva.
ਏવਂ ਭਗવਾ ਇਮਮ੍ਪਿ ਸੁਤ੍ਤਂ ਅਰਹਤ੍ਤਨਿਕੂਟੇਨੇવ ਦੇਸੇਸਿ। ਦੇਸਨਾਪਰਿਯੋਸਾਨੇ ਚ વੁਤ੍ਤਸਦਿਸੋ ਏવ ਧਮ੍ਮਾਭਿਸਮਯੋ ਅਹੋਸੀਤਿ।
Evaṃ bhagavā imampi suttaṃ arahattanikūṭeneva desesi. Desanāpariyosāne ca vuttasadiso eva dhammābhisamayo ahosīti.
ਪਰਮਤ੍ਥਜੋਤਿਕਾਯ ਖੁਦ੍ਦਕ-ਅਟ੍ਠਕਥਾਯ
Paramatthajotikāya khuddaka-aṭṭhakathāya
ਸੁਤ੍ਤਨਿਪਾਤ-ਅਟ੍ਠਕਥਾਯ ਮੋਘਰਾਜਸੁਤ੍ਤવਣ੍ਣਨਾ ਨਿਟ੍ਠਿਤਾ।
Suttanipāta-aṭṭhakathāya mogharājasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਸੁਤ੍ਤਨਿਪਾਤਪਾਲ਼ਿ • Suttanipātapāḷi / ੧੫. ਮੋਘਰਾਜਮਾਣવਪੁਚ੍ਛਾ • 15. Mogharājamāṇavapucchā
