| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. могхарааж̇ад̇т̇зраабад̣̇аанаван̣н̣анаа
5. Mogharājattheraapadānavaṇṇanā
ад̇т̇ад̣̇ассий д̇у бхаг̇аваад̇иаад̣̇игам̣ ааяасмад̇о могхарааж̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ луукажийварад̇хараанам̣ аг̇г̇адтаанз табзнд̇ам̣ д̣̇исваа д̇ам̣ таананд̇арам̣ ааган̇канд̇о бан̣ид̇хаанам̣ гад̇ваа д̇ад̇т̇а д̇ад̇т̇а бхавз бун̃н̃аани гаронд̇о ад̇т̇ад̣̇ассисса бхаг̇авад̇о гаалз буна б̣раахман̣агулз ниб̣б̣ад̇д̇ид̇ваа б̣раахман̣аанам̣ виж̇ж̇аасиббзсу нибпад̇д̇им̣ г̇ад̇о згад̣̇ивасам̣ ад̇т̇ад̣̇ассим̣ бхаг̇аванд̇ам̣ бхигкусан̇гхабаривуд̇ам̣ рат̇ияам̣ г̇ажчанд̇ам̣ д̣̇исваа басаннамаанасо бан̃жабад̇идтид̇зна ванд̣̇ид̇ваа сираси ан̃ж̇алим̣ гад̇ваа ‘‘яаавад̇аа руубино сад̇т̇аа’’д̇иаад̣̇ийхи чахи г̇аат̇аахи абхид̇т̇авид̇ваа бхааж̇анам̣ буурзд̇ваа мад̇хум̣ убанзси. сад̇т̇аа д̇ам̣ бадиг̇г̇ахзд̇ваа анумод̣̇анам̣ агааси. со д̇зна бун̃н̃агаммзна д̣̇звамануссзсу сам̣саранд̇о гассабабхаг̇авад̇о гаалз гадтавааханасса наама ран̃н̃о амажжо худ̇ваа ниб̣б̣ад̇д̇о д̇зна сад̇т̇у аанаяанад̇т̇ааяа бзсид̇о сад̇т̇у санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вийсад̇ивассасахассаани саман̣ад̇хаммам̣ гад̇ваа д̇ад̇о жуд̇о згам̣ б̣уд̣̇д̇ханд̇арам̣ суг̇ад̇ийсуязва баривад̇д̇знд̇о имасмим̣ б̣уд̣̇д̇хуббаад̣̇з б̣раахман̣агулз ниб̣б̣ад̇д̇ид̇ваа могхарааж̇аад̇и лад̣̇д̇ханаамо б̣ааварийяаб̣раахман̣асса санд̇игз уг̇г̇ахид̇асиббо сам̣взг̇аж̇аад̇о д̇аабасабаб̣б̣аж̇ж̇ам̣ баб̣б̣аж̇ид̇ваа д̇аабасасахассабаривааро аж̇ид̇аад̣̇ийхи сад̣̇д̇хим̣ сад̇т̇у санд̇игам̣ бзсид̇о д̇зсам̣ баннарасамо худ̇ваа бан̃хам̣ бужчид̇ваа виссаж̇ж̇анабарияосаанз арахад̇д̇ам̣ баабун̣и. арахад̇д̇ам̣ бана бад̇ваа сад̇т̇алуукам̣ суд̇д̇алуукам̣ раж̇аналууканд̇и висзсзна д̇ивид̇хзнаби луукзна саманнааг̇ад̇ам̣ бам̣сугуулам̣ д̇хаарзси. д̇зна нам̣ сад̇т̇аа луукажийварад̇хараанам̣ аг̇г̇адтаанз табзси.
Atthadassī tu bhagavātiādikaṃ āyasmato mogharājattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbattitvā viññutaṃ patto ekadivasaṃ satthu santike dhammaṃ suṇanto satthāraṃ ekaṃ bhikkhuṃ lūkhacīvaradharānaṃ aggaṭṭhāne ṭhapentaṃ disvā taṃ ṭhānantaraṃ ākaṅkhanto paṇidhānaṃ katvā tattha tattha bhave puññāni karonto atthadassissa bhagavato kāle puna brāhmaṇakule nibbattitvā brāhmaṇānaṃ vijjāsippesu nipphattiṃ gato ekadivasaṃ atthadassiṃ bhagavantaṃ bhikkhusaṅghaparivutaṃ rathiyaṃ gacchantaṃ disvā pasannamānaso pañcapatiṭṭhitena vanditvā sirasi añjaliṃ katvā ‘‘yāvatā rūpino satthā’’tiādīhi chahi gāthāhi abhitthavitvā bhājanaṃ pūretvā madhuṃ upanesi. Satthā taṃ paṭiggahetvā anumodanaṃ akāsi. So tena puññakammena devamanussesu saṃsaranto kassapabhagavato kāle kaṭṭhavāhanassa nāma rañño amacco hutvā nibbatto tena satthu ānayanatthāya pesito satthu santikaṃ gantvā dhammaṃ sutvā paṭiladdhasaddho pabbajitvā vīsativassasahassāni samaṇadhammaṃ katvā tato cuto ekaṃ buddhantaraṃ sugatīsuyeva parivattento imasmiṃ buddhuppāde brāhmaṇakule nibbattitvā mogharājāti laddhanāmo bāvarīyabrāhmaṇassa santike uggahitasippo saṃvegajāto tāpasapabbajjaṃ pabbajitvā tāpasasahassaparivāro ajitādīhi saddhiṃ satthu santikaṃ pesito tesaṃ pannarasamo hutvā pañhaṃ pucchitvā vissajjanapariyosāne arahattaṃ pāpuṇi. Arahattaṃ pana patvā satthalūkhaṃ suttalūkhaṃ rajanalūkhanti visesena tividhenapi lūkhena samannāgataṃ paṃsukūlaṃ dhāresi. Tena naṃ satthā lūkhacīvaradharānaṃ aggaṭṭhāne ṭhapesi.
64. звам̣ со бан̣ид̇хаанаануруубзна арахад̇д̇апалам̣ бад̇ваа ад̇д̇ано буб̣б̣асамбхаарам̣ д̣̇исваа буб̣б̣агаммаабад̣̇аанам̣ багаасзнд̇о ад̇т̇ад̣̇ассий д̇у бхаг̇аваад̇иаад̣̇имааха. д̇ам̣ саб̣б̣ам̣ уд̇д̇аанад̇т̇амзва.
64. Evaṃ so paṇidhānānurūpena arahattaphalaṃ patvā attano pubbasambhāraṃ disvā pubbakammāpadānaṃ pakāsento atthadassī tu bhagavātiādimāha. Taṃ sabbaṃ uttānatthameva.
73. будагам̣ буураяид̇ваанаад̇и будагам̣ вужжад̇и ваарагам̣, гхадам̣ ваа. анзл̣агам̣ нид̣̇д̣̇осам̣ магкиган̣д̣авирахид̇ам̣ куд̣̇д̣̇амад̇хунаа гхадам̣ буурзд̇ваа д̇ам̣ убхохи хад̇т̇зхи баг̇г̇аяха багаарзна аад̣̇арзна г̇ахзд̇ваа махзсино бхаг̇авад̇о убанзсинд̇и самб̣анд̇хо. сзсам̣ сувин̃н̃зяяамзваад̇и.
73.Puṭakaṃ pūrayitvānāti puṭakaṃ vuccati vārakaṃ, ghaṭaṃ vā. Aneḷakaṃ niddosaṃ makkhikaṇḍavirahitaṃ khuddamadhunā ghaṭaṃ pūretvā taṃ ubhohi hatthehi paggayha pakārena ādarena gahetvā mahesino bhagavato upanesinti sambandho. Sesaṃ suviññeyyamevāti.
могхарааж̇ад̇т̇зраабад̣̇аанаван̣н̣анаа самад̇д̇аа.
Mogharājattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. могхарааж̇ад̇т̇зраабад̣̇аанам̣ • 5. Mogharājattheraapadānaṃ
