| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
3. моханасигкаабад̣̇ам̣
3. Mohanasikkhāpadaṃ
444. д̇ад̇ияз анусад̣̇д̣̇о бадибаадиад̇т̇ам̣ анд̇огад̇ваа вижчад̇т̇аваажагод̇и ааха ‘‘анубадибаадияаа ад̣̇д̇хамаасз ад̣̇д̇хамаасз’’д̇и. сод̇и баад̇имогко. убосат̇з убосат̇з уд̣̇д̣̇исид̇аб̣б̣анд̇и анубосат̇игам̣. зд̇т̇ааби хи анусад̣̇д̣̇о вижчад̇т̇аваажаго. сод̇и баад̇имогко. уд̣̇д̣̇исияамаано наама ход̇ийд̇и яож̇анаа. ‘‘д̇асмим̣ анаажаарз’’д̇и бад̣̇зна ‘‘д̇ад̇т̇аа’’д̇и бад̣̇ассад̇т̇ам̣ д̣̇ассзд̇и. ‘‘яам̣ аабад̇д̇и’’нд̇и бад̣̇зна яам̣сад̣̇д̣̇асса висаяам̣ д̣̇ассзд̇и. яат̇аад̇хаммод̇и зд̇т̇а д̇хаммасад̣̇д̣̇зна д̇хаммо жа винаяо жа ад̇хиббзд̇од̇и ааха ‘‘д̇хаммо жа винаяо жаа’’д̇и. яат̇аад̇и язнаагаарзна. саад̇хусад̣̇д̣̇о сунд̣̇арад̇т̇о, гасад̣̇д̣̇о бад̣̇абууран̣од̇и ааха ‘‘судтуу’’д̇и. адтинд̇и жа ‘‘гад̇ваа’’д̇и жа д̣̇вз бад̣̇аани д̣̇адтаб̣б̣аани. ‘‘адтигад̇ваа’’д̇и ваа згам̣ бад̣̇ам̣. д̇ад̇т̇а буб̣б̣анаяз ад̇т̇о яассад̇т̇ийд̇и адти д̇т̇агаарасса дтагаарам̣ гад̇ваа, д̇ам̣ адтим̣. гад̇ваад̇и д̇ваабажжаяанд̇ауд̇д̇арабад̣̇зна самаасо на ход̇и. адтигабхааванд̇и зд̇т̇а игасад̣̇д̣̇зна ‘‘адтий’’д̇и зд̇т̇а ийбажжаяам̣ д̣̇ассзд̇и. ‘‘бхаава’’нд̇ибад̣̇зна бхаавабажжаязна винаа бхаавад̇т̇асса н̃аабзд̇аб̣б̣ад̇ам̣ д̣̇ассзд̇и. ад̇т̇о банзвам̣ д̣̇адтаб̣б̣о – адтибхаавам̣ гад̇ваад̇и. бажчиманаяз ад̇т̇о яассад̇т̇ийд̇и адтиго буриманаязнзва д̇т̇агаарасса дтагаарам̣ гад̇ваа. ад̇т̇аяид̇аб̣б̣о ижчид̇аб̣б̣од̇и ваа адтиго, адтигаид̇и наамасад̣̇д̣̇ад̇о д̇ваабажжаяо гаад̇аб̣б̣о. ‘‘адтигад̇ваа’’д̇и ид̣̇ам̣ бад̣̇ам̣ гирияаависзсанам̣. гирияаависзсанз вад̇д̇амаанз гарад̇хаад̇у ваа бхууд̇хаад̇у ваа яож̇зд̇аб̣б̣аад̇и д̣̇ассзбхум̣ вуд̇д̇ам̣ ‘‘гад̇ваа худ̇ваа’’д̇и. д̇ам̣ саб̣б̣ам̣ д̣̇ассзнд̇о ааха ‘‘адтигад̇ваад̇и адтигабхаавам̣ гад̇ваа, адтиго худ̇ваа’’д̇и. д̇ад̇ияам̣.
444. Tatiye anusaddo paṭipāṭiatthaṃ antokatvā vicchatthavācakoti āha ‘‘anupaṭipāṭiyā addhamāse addhamāse’’ti. Soti pātimokkho. Uposathe uposathe uddisitabbanti anuposathikaṃ. Etthāpi hi anusaddo vicchatthavācako. Soti pātimokkho. Uddisiyamāno nāma hotīti yojanā. ‘‘Tasmiṃ anācāre’’ti padena ‘‘tatthā’’ti padassatthaṃ dasseti. ‘‘Yaṃ āpatti’’nti padena yaṃsaddassa visayaṃ dasseti. Yathādhammoti ettha dhammasaddena dhammo ca vinayo ca adhippetoti āha ‘‘dhammo ca vinayo cā’’ti. Yathāti yenākārena. Sādhusaddo sundarattho, kasaddo padapūraṇoti āha ‘‘suṭṭhū’’ti. Aṭṭhinti ca ‘‘katvā’’ti ca dve padāni daṭṭhabbāni. ‘‘Aṭṭhikatvā’’ti vā ekaṃ padaṃ. Tattha pubbanaye attho yassatthīti aṭṭhi tthakārassa ṭṭhakāraṃ katvā, taṃ aṭṭhiṃ. Katvāti tvāpaccayantauttarapadena samāso na hoti. Aṭṭhikabhāvanti ettha ikasaddena ‘‘aṭṭhī’’ti ettha īpaccayaṃ dasseti. ‘‘Bhāva’’ntipadena bhāvapaccayena vinā bhāvatthassa ñāpetabbataṃ dasseti. Attho panevaṃ daṭṭhabbo – aṭṭhibhāvaṃ katvāti. Pacchimanaye attho yassatthīti aṭṭhiko purimanayeneva tthakārassa ṭṭhakāraṃ katvā. Atthayitabbo icchitabboti vā aṭṭhiko, aṭṭhikaiti nāmasaddato tvāpaccayo kātabbo. ‘‘Aṭṭhikatvā’’ti idaṃ padaṃ kiriyāvisesanaṃ. Kiriyāvisesane vattamāne karadhātu vā bhūdhātu vā yojetabbāti dassebhuṃ vuttaṃ ‘‘katvā hutvā’’ti. Taṃ sabbaṃ dassento āha ‘‘aṭṭhikatvāti aṭṭhikabhāvaṃ katvā, aṭṭhiko hutvā’’ti. Tatiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. сахад̇хаммигаваг̇г̇о • 8. Sahadhammikavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. моханасигкаабад̣̇аван̣н̣анаа • 3. Mohanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. моханасигкаабад̣̇аван̣н̣анаа • 3. Mohanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. моханасигкаабад̣̇аван̣н̣анаа • 3. Mohanasikkhāpadavaṇṇanā
