| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
3. மோஹனஸிக்கா²பத³வண்ணனா
3. Mohanasikkhāpadavaṇṇanā
தஸ்மிங் அனாசாரேதி தஸ்மிங் அனாசாரே ஆசிண்ணே. மொக்கோ² நத்தீ²தி தஸ்ஸா ஆபத்தியா மொக்கோ² நத்தி². தஸ்ஸ தேதி தஸ்ஸ தவ. அலாபா⁴தி யே அஞ்ஞேஸங் பாதிமொக்கே² உத்³தி³ஸ்ஸமானே ஸாது⁴கங் அட்டி²ங் கத்வா மனஸிகரணஸ்ஸ ஆனிஸங்ஸஸஞ்ஞிதா தி³ட்ட²த⁴ம்மிகஸம்பராயிகா ச லாபா⁴ இச்சி²தப்³பா³, தே ஸப்³பே³ துய்ஹங் அலாபா⁴ ஏவ ஹொந்தி. து³ல்லத்³த⁴ந்தி புஞ்ஞவிஸேஸேன லத்³த⁴ம்பி மனுஸ்ஸத்தங் து³ல்லத்³த⁴ங். ஸாது⁴கந்தி ஸுட்டு². அட்டி²ங் கத்வாதி அத்தி²கபா⁴வங் கத்வா, அத்தி²கோ ஹுத்வாதி வுத்தங் ஹோதி. ஞத்திது³தியேன கம்மேனாதி ‘‘ஸுணாது மே, ப⁴ந்தே, ஸங்கோ⁴’’திஆதி³னா (பாசி॰ 446) பத³பா⁴ஜனியங் வுத்தேன மோஹாரோபனகேன ஞத்திது³தியேன கம்மேன.
Tasmiṃanācāreti tasmiṃ anācāre āciṇṇe. Mokkho natthīti tassā āpattiyā mokkho natthi. Tassa teti tassa tava. Alābhāti ye aññesaṃ pātimokkhe uddissamāne sādhukaṃ aṭṭhiṃ katvā manasikaraṇassa ānisaṃsasaññitā diṭṭhadhammikasamparāyikā ca lābhā icchitabbā, te sabbe tuyhaṃ alābhā eva honti. Dulladdhanti puññavisesena laddhampi manussattaṃ dulladdhaṃ. Sādhukanti suṭṭhu. Aṭṭhiṃ katvāti atthikabhāvaṃ katvā, atthiko hutvāti vuttaṃ hoti. Ñattidutiyena kammenāti ‘‘suṇātu me, bhante, saṅgho’’tiādinā (pāci. 446) padabhājaniyaṃ vuttena mohāropanakena ñattidutiyena kammena.
அத⁴ம்மகம்மேதி எத்த² மோஹாரோபனகம்மங் அதி⁴ப்பேதங்.
Adhammakammeti ettha mohāropanakammaṃ adhippetaṃ.
மோஹனஸிக்கா²பத³வண்ணனா நிட்டி²தா.
Mohanasikkhāpadavaṇṇanā niṭṭhitā.
