| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৩. মোহনসিক্খাপদৰণ্ণনা
3. Mohanasikkhāpadavaṇṇanā
৪৪৪. ততিযে – অন্ৰদ্ধমাসন্তি অনুপটিপাটিযা অদ্ধমাসে অদ্ধমাসে; যস্মা পন সো উপোসথদিৰসে উদ্দিসিযতি, তস্মা ‘‘অনুপোসথিক’’ন্তি পদভাজনে ৰুত্তং। উদ্দিস্সমানেতি উদ্দিসিযমানে । যস্মা পন সো পাতিমোক্খুদ্দেসকে উদ্দিসন্তে উদ্দিসিযমানো নাম হোতি, তস্মা ‘‘উদ্দিসন্তে’’তি পদভাজনে ৰুত্তং। যঞ্চ তত্থ আপত্তিং আপন্নোতি তস্মিং অনাচারে চিণ্ণে যং আপত্তিং আপন্নো। যথাধম্মো কারেতব্বোতি অঞ্ঞাণেন আপন্নত্তা তস্সা আপত্তিযা মোক্খো নত্থি, যথা পন ধম্মো চ ৰিনযো চ ঠিতো, তথা কারেতব্বো। দেসনাগামিনিঞ্চে আপন্নো হোতি, দেসাপেতব্বো, ৰুট্ঠানগামিনিঞ্চে, ৰুট্ঠাপেতব্বোতি অত্থো। সাধুকন্তি সুট্ঠু। অট্ঠিংকত্ৰাতি অত্থিকভাৰং কত্ৰা; অত্থিকো হুত্ৰাতি ৰুত্তং হোতি।
444. Tatiye – anvaddhamāsanti anupaṭipāṭiyā addhamāse addhamāse; yasmā pana so uposathadivase uddisiyati, tasmā ‘‘anuposathika’’nti padabhājane vuttaṃ. Uddissamāneti uddisiyamāne . Yasmā pana so pātimokkhuddesake uddisante uddisiyamāno nāma hoti, tasmā ‘‘uddisante’’ti padabhājane vuttaṃ. Yañca tattha āpattiṃ āpannoti tasmiṃ anācāre ciṇṇe yaṃ āpattiṃ āpanno. Yathādhammo kāretabboti aññāṇena āpannattā tassā āpattiyā mokkho natthi, yathā pana dhammo ca vinayo ca ṭhito, tathā kāretabbo. Desanāgāminiñce āpanno hoti, desāpetabbo, vuṭṭhānagāminiñce, vuṭṭhāpetabboti attho. Sādhukanti suṭṭhu. Aṭṭhiṃkatvāti atthikabhāvaṃ katvā; atthiko hutvāti vuttaṃ hoti.
৪৪৭. ধম্মকম্মেতিআদীসু মোহারোপনকম্মং অধিপ্পেতং। সেসমেত্থ উত্তানমেৰ। তিসমুট্ঠানং – কিরিযং, সঞ্ঞাৰিমোক্খং, সচিত্তকং, লোকৰজ্জং, কাযকম্মং, ৰচীকম্মং, অকুসলচিত্তং, দুক্খৰেদনন্তি।
447.Dhammakammetiādīsu mohāropanakammaṃ adhippetaṃ. Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
মোহনসিক্খাপদং ততিযং।
Mohanasikkhāpadaṃ tatiyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৮. সহধম্মিকৰগ্গো • 8. Sahadhammikavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৩. মোহনসিক্খাপদৰণ্ণনা • 3. Mohanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৩. মোহনসিক্খাপদৰণ্ণনা • 3. Mohanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৩. মোহনসিক্খাপদং • 3. Mohanasikkhāpadaṃ
