| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๓. โมหนสิกฺขาปทวณฺณนา
3. Mohanasikkhāpadavaṇṇanā
ตสฺมิํ อนาจาเรติ ตสฺมิํ อนาจาเร อาจิเณฺณฯ โมโกฺข นตฺถีติ ตสฺสา อาปตฺติยา โมโกฺข นตฺถิฯ ตสฺส เตติ ตสฺส ตวฯ อลาภาติ เย อเญฺญสํ ปาติโมเกฺข อุทฺทิสฺสมาเน สาธุกํ อฎฺฐิํ กตฺวา มนสิกรณสฺส อานิสํสสญฺญิตา ทิฎฺฐธมฺมิกสมฺปรายิกา จ ลาภา อิจฺฉิตพฺพา, เต สเพฺพ ตุยฺหํ อลาภา เอว โหนฺติฯ ทุลฺลทฺธนฺติ ปุญฺญวิเสเสน ลทฺธมฺปิ มนุสฺสตฺตํ ทุลฺลทฺธํฯ สาธุกนฺติ สุฎฺฐุฯ อฎฺฐิํ กตฺวาติ อตฺถิกภาวํ กตฺวา, อตฺถิโก หุตฺวาติ วุตฺตํ โหติฯ ญตฺติทุติเยน กเมฺมนาติ ‘‘สุณาตุ เม, ภเนฺต, สโงฺฆ’’ติอาทินา (ปาจิ. ๔๔๖) ปทภาชนิยํ วุเตฺตน โมหาโรปนเกน ญตฺติทุติเยน กเมฺมนฯ
Tasmiṃanācāreti tasmiṃ anācāre āciṇṇe. Mokkho natthīti tassā āpattiyā mokkho natthi. Tassa teti tassa tava. Alābhāti ye aññesaṃ pātimokkhe uddissamāne sādhukaṃ aṭṭhiṃ katvā manasikaraṇassa ānisaṃsasaññitā diṭṭhadhammikasamparāyikā ca lābhā icchitabbā, te sabbe tuyhaṃ alābhā eva honti. Dulladdhanti puññavisesena laddhampi manussattaṃ dulladdhaṃ. Sādhukanti suṭṭhu. Aṭṭhiṃ katvāti atthikabhāvaṃ katvā, atthiko hutvāti vuttaṃ hoti. Ñattidutiyena kammenāti ‘‘suṇātu me, bhante, saṅgho’’tiādinā (pāci. 446) padabhājaniyaṃ vuttena mohāropanakena ñattidutiyena kammena.
อธมฺมกเมฺมติ เอตฺถ โมหาโรปนกมฺมํ อธิเปฺปตํฯ
Adhammakammeti ettha mohāropanakammaṃ adhippetaṃ.
โมหนสิกฺขาปทวณฺณนา นิฎฺฐิตาฯ
Mohanasikkhāpadavaṇṇanā niṭṭhitā.
