| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೩. ಮೋಹನಸಿಕ್ಖಾಪದವಣ್ಣನಾ
3. Mohanasikkhāpadavaṇṇanā
ತಸ್ಮಿಂ ಅನಾಚಾರೇತಿ ತಸ್ಮಿಂ ಅನಾಚಾರೇ ಆಚಿಣ್ಣೇ। ಮೋಕ್ಖೋ ನತ್ಥೀತಿ ತಸ್ಸಾ ಆಪತ್ತಿಯಾ ಮೋಕ್ಖೋ ನತ್ಥಿ। ತಸ್ಸ ತೇತಿ ತಸ್ಸ ತವ। ಅಲಾಭಾತಿ ಯೇ ಅಞ್ಞೇಸಂ ಪಾತಿಮೋಕ್ಖೇ ಉದ್ದಿಸ್ಸಮಾನೇ ಸಾಧುಕಂ ಅಟ್ಠಿಂ ಕತ್ವಾ ಮನಸಿಕರಣಸ್ಸ ಆನಿಸಂಸಸಞ್ಞಿತಾ ದಿಟ್ಠಧಮ್ಮಿಕಸಮ್ಪರಾಯಿಕಾ ಚ ಲಾಭಾ ಇಚ್ಛಿತಬ್ಬಾ, ತೇ ಸಬ್ಬೇ ತುಯ್ಹಂ ಅಲಾಭಾ ಏವ ಹೋನ್ತಿ। ದುಲ್ಲದ್ಧನ್ತಿ ಪುಞ್ಞವಿಸೇಸೇನ ಲದ್ಧಮ್ಪಿ ಮನುಸ್ಸತ್ತಂ ದುಲ್ಲದ್ಧಂ। ಸಾಧುಕನ್ತಿ ಸುಟ್ಠು। ಅಟ್ಠಿಂ ಕತ್ವಾತಿ ಅತ್ಥಿಕಭಾವಂ ಕತ್ವಾ, ಅತ್ಥಿಕೋ ಹುತ್ವಾತಿ ವುತ್ತಂ ಹೋತಿ। ಞತ್ತಿದುತಿಯೇನ ಕಮ್ಮೇನಾತಿ ‘‘ಸುಣಾತು ಮೇ, ಭನ್ತೇ, ಸಙ್ಘೋ’’ತಿಆದಿನಾ (ಪಾಚಿ॰ ೪೪೬) ಪದಭಾಜನಿಯಂ ವುತ್ತೇನ ಮೋಹಾರೋಪನಕೇನ ಞತ್ತಿದುತಿಯೇನ ಕಮ್ಮೇನ।
Tasmiṃanācāreti tasmiṃ anācāre āciṇṇe. Mokkho natthīti tassā āpattiyā mokkho natthi. Tassa teti tassa tava. Alābhāti ye aññesaṃ pātimokkhe uddissamāne sādhukaṃ aṭṭhiṃ katvā manasikaraṇassa ānisaṃsasaññitā diṭṭhadhammikasamparāyikā ca lābhā icchitabbā, te sabbe tuyhaṃ alābhā eva honti. Dulladdhanti puññavisesena laddhampi manussattaṃ dulladdhaṃ. Sādhukanti suṭṭhu. Aṭṭhiṃ katvāti atthikabhāvaṃ katvā, atthiko hutvāti vuttaṃ hoti. Ñattidutiyena kammenāti ‘‘suṇātu me, bhante, saṅgho’’tiādinā (pāci. 446) padabhājaniyaṃ vuttena mohāropanakena ñattidutiyena kammena.
ಅಧಮ್ಮಕಮ್ಮೇತಿ ಏತ್ಥ ಮೋಹಾರೋಪನಕಮ್ಮಂ ಅಧಿಪ್ಪೇತಂ।
Adhammakammeti ettha mohāropanakammaṃ adhippetaṃ.
ಮೋಹನಸಿಕ್ಖಾಪದವಣ್ಣನಾ ನಿಟ್ಠಿತಾ।
Mohanasikkhāpadavaṇṇanā niṭṭhitā.
