| Library / Tipiṭaka / තිපිටක • Tipiṭaka / මහාවිභඞ්‌ග-අට්‌ඨකථා • Mahāvibhaṅga-aṭṭhakathā |
3. මොහනසික්‌ඛාපදවණ්‌ණනා
3. Mohanasikkhāpadavaṇṇanā
444. තතියෙ – අන්‌වද්‌ධමාසන්‌ති අනුපටිපාටියා අද්‌ධමාසෙ අද්‌ධමාසෙ; යස්‌මා පන සො උපොසථදිවසෙ උද්‌දිසියති, තස්‌මා ‘‘අනුපොසථික’’න්‌ති පදභාජනෙ වුත්‌තං. උද්‌දිස්‌සමානෙති උද්‌දිසියමානෙ . යස්‌මා පන සො පාතිමොක්‌ඛුද්‌දෙසකෙ උද්‌දිසන්‌තෙ උද්‌දිසියමානො නාම හොති, තස්‌මා ‘‘උද්‌දිසන්‌තෙ’’ති පදභාජනෙ වුත්‌තං. යඤ්‌ච තත්‌ථ ආපත්‌තිං ආපන්‌නොති තස්‌මිං අනාචාරෙ චිණ්‌ණෙ යං ආපත්‌තිං ආපන්‌නො. යථාධම්‌මො කාරෙතබ්‌බොති අඤ්‌ඤාණෙන ආපන්‌නත්‌තා තස්‌සා ආපත්‌තියා මොක්‌ඛො නත්‌ථි, යථා පන ධම්‌මො ච විනයො ච ඨිතො, තථා කාරෙතබ්‌බො. දෙසනාගාමිනිඤ්‌චෙ ආපන්‌නො හොති, දෙසාපෙතබ්‌බො, වුට්‌ඨානගාමිනිඤ්‌චෙ, වුට්‌ඨාපෙතබ්‌බොති අත්‌ථො. සාධුකන්‌ති සුට්‌ඨු. අට්‌ඨිංකත්‌වාති අත්‌ථිකභාවං කත්‌වා; අත්‌ථිකො හුත්‌වාති වුත්‌තං හොති.
444. Tatiye – anvaddhamāsanti anupaṭipāṭiyā addhamāse addhamāse; yasmā pana so uposathadivase uddisiyati, tasmā ‘‘anuposathika’’nti padabhājane vuttaṃ. Uddissamāneti uddisiyamāne . Yasmā pana so pātimokkhuddesake uddisante uddisiyamāno nāma hoti, tasmā ‘‘uddisante’’ti padabhājane vuttaṃ. Yañca tattha āpattiṃ āpannoti tasmiṃ anācāre ciṇṇe yaṃ āpattiṃ āpanno. Yathādhammo kāretabboti aññāṇena āpannattā tassā āpattiyā mokkho natthi, yathā pana dhammo ca vinayo ca ṭhito, tathā kāretabbo. Desanāgāminiñce āpanno hoti, desāpetabbo, vuṭṭhānagāminiñce, vuṭṭhāpetabboti attho. Sādhukanti suṭṭhu. Aṭṭhiṃkatvāti atthikabhāvaṃ katvā; atthiko hutvāti vuttaṃ hoti.
447. ධම්‌මකම්‌මෙතිආදීසු මොහාරොපනකම්‌මං අධිප්‌පෙතං. සෙසමෙත්‌ථ උත්‌තානමෙව. තිසමුට්‌ඨානං – කිරියං, සඤ්‌ඤාවිමොක්‌ඛං, සචිත්‌තකං, ලොකවජ්‌ජං, කායකම්‌මං, වචීකම්‌මං, අකුසලචිත්‌තං, දුක්‌ඛවෙදනන්‌ති.
447.Dhammakammetiādīsu mohāropanakammaṃ adhippetaṃ. Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
මොහනසික්‌ඛාපදං තතියං.
Mohanasikkhāpadaṃ tatiyaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 8. සහධම්‌මිකවග්‌ගො • 8. Sahadhammikavaggo
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 3. මොහනසික්‌ඛාපදවණ්‌ණනා • 3. Mohanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 3. මොහනසික්‌ඛාපදවණ්‌ණනා • 3. Mohanasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 3. මොහනසික්‌ඛාපදං • 3. Mohanasikkhāpadaṃ
