| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੩. ਮੋਹਨਸਿਕ੍ਖਾਪਦવਣ੍ਣਨਾ
3. Mohanasikkhāpadavaṇṇanā
੪੪੪. ਤਤਿਯੇ – ਅਨ੍વਦ੍ਧਮਾਸਨ੍ਤਿ ਅਨੁਪਟਿਪਾਟਿਯਾ ਅਦ੍ਧਮਾਸੇ ਅਦ੍ਧਮਾਸੇ; ਯਸ੍ਮਾ ਪਨ ਸੋ ਉਪੋਸਥਦਿવਸੇ ਉਦ੍ਦਿਸਿਯਤਿ, ਤਸ੍ਮਾ ‘‘ਅਨੁਪੋਸਥਿਕ’’ਨ੍ਤਿ ਪਦਭਾਜਨੇ વੁਤ੍ਤਂ। ਉਦ੍ਦਿਸ੍ਸਮਾਨੇਤਿ ਉਦ੍ਦਿਸਿਯਮਾਨੇ । ਯਸ੍ਮਾ ਪਨ ਸੋ ਪਾਤਿਮੋਕ੍ਖੁਦ੍ਦੇਸਕੇ ਉਦ੍ਦਿਸਨ੍ਤੇ ਉਦ੍ਦਿਸਿਯਮਾਨੋ ਨਾਮ ਹੋਤਿ, ਤਸ੍ਮਾ ‘‘ਉਦ੍ਦਿਸਨ੍ਤੇ’’ਤਿ ਪਦਭਾਜਨੇ વੁਤ੍ਤਂ। ਯਞ੍ਚ ਤਤ੍ਥ ਆਪਤ੍ਤਿਂ ਆਪਨ੍ਨੋਤਿ ਤਸ੍ਮਿਂ ਅਨਾਚਾਰੇ ਚਿਣ੍ਣੇ ਯਂ ਆਪਤ੍ਤਿਂ ਆਪਨ੍ਨੋ। ਯਥਾਧਮ੍ਮੋ ਕਾਰੇਤਬ੍ਬੋਤਿ ਅਞ੍ਞਾਣੇਨ ਆਪਨ੍ਨਤ੍ਤਾ ਤਸ੍ਸਾ ਆਪਤ੍ਤਿਯਾ ਮੋਕ੍ਖੋ ਨਤ੍ਥਿ, ਯਥਾ ਪਨ ਧਮ੍ਮੋ ਚ વਿਨਯੋ ਚ ਠਿਤੋ, ਤਥਾ ਕਾਰੇਤਬ੍ਬੋ। ਦੇਸਨਾਗਾਮਿਨਿਞ੍ਚੇ ਆਪਨ੍ਨੋ ਹੋਤਿ, ਦੇਸਾਪੇਤਬ੍ਬੋ, વੁਟ੍ਠਾਨਗਾਮਿਨਿਞ੍ਚੇ, વੁਟ੍ਠਾਪੇਤਬ੍ਬੋਤਿ ਅਤ੍ਥੋ। ਸਾਧੁਕਨ੍ਤਿ ਸੁਟ੍ਠੁ। ਅਟ੍ਠਿਂਕਤ੍વਾਤਿ ਅਤ੍ਥਿਕਭਾવਂ ਕਤ੍વਾ; ਅਤ੍ਥਿਕੋ ਹੁਤ੍વਾਤਿ વੁਤ੍ਤਂ ਹੋਤਿ।
444. Tatiye – anvaddhamāsanti anupaṭipāṭiyā addhamāse addhamāse; yasmā pana so uposathadivase uddisiyati, tasmā ‘‘anuposathika’’nti padabhājane vuttaṃ. Uddissamāneti uddisiyamāne . Yasmā pana so pātimokkhuddesake uddisante uddisiyamāno nāma hoti, tasmā ‘‘uddisante’’ti padabhājane vuttaṃ. Yañca tattha āpattiṃ āpannoti tasmiṃ anācāre ciṇṇe yaṃ āpattiṃ āpanno. Yathādhammo kāretabboti aññāṇena āpannattā tassā āpattiyā mokkho natthi, yathā pana dhammo ca vinayo ca ṭhito, tathā kāretabbo. Desanāgāminiñce āpanno hoti, desāpetabbo, vuṭṭhānagāminiñce, vuṭṭhāpetabboti attho. Sādhukanti suṭṭhu. Aṭṭhiṃkatvāti atthikabhāvaṃ katvā; atthiko hutvāti vuttaṃ hoti.
੪੪੭. ਧਮ੍ਮਕਮ੍ਮੇਤਿਆਦੀਸੁ ਮੋਹਾਰੋਪਨਕਮ੍ਮਂ ਅਧਿਪ੍ਪੇਤਂ। ਸੇਸਮੇਤ੍ਥ ਉਤ੍ਤਾਨਮੇવ। ਤਿਸਮੁਟ੍ਠਾਨਂ – ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
447.Dhammakammetiādīsu mohāropanakammaṃ adhippetaṃ. Sesamettha uttānameva. Tisamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ਮੋਹਨਸਿਕ੍ਖਾਪਦਂ ਤਤਿਯਂ।
Mohanasikkhāpadaṃ tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੮. ਸਹਧਮ੍ਮਿਕવਗ੍ਗੋ • 8. Sahadhammikavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਮੋਹਨਸਿਕ੍ਖਾਪਦવਣ੍ਣਨਾ • 3. Mohanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੩. ਮੋਹਨਸਿਕ੍ਖਾਪਦવਣ੍ਣਨਾ • 3. Mohanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਮੋਹਨਸਿਕ੍ਖਾਪਦਂ • 3. Mohanasikkhāpadaṃ
