| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৩. মোহসুত্তং
3. Mohasuttaṃ
৩. ৰুত্তঞ্হেতং ভগৰতা, ৰুত্তমরহতাতি মে সুতং –
3. Vuttañhetaṃ bhagavatā, vuttamarahatāti me sutaṃ –
‘‘একধম্মং, ভিক্খৰে, পজহথ; অহং ৰো পাটিভোগো অনাগামিতায। কতমং একধম্মং? মোহং, ভিক্খৰে, একধম্মং পজহথ; অহং ৰো পাটিভোগো অনাগামিতাযা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Ekadhammaṃ, bhikkhave, pajahatha; ahaṃ vo pāṭibhogo anāgāmitāya. Katamaṃ ekadhammaṃ? Mohaṃ, bhikkhave, ekadhammaṃ pajahatha; ahaṃ vo pāṭibhogo anāgāmitāyā’’ti. Etamatthaṃ bhagavā avoca. Tatthetaṃ iti vuccati –
‘‘যেন মোহেন মূল়্হাসে, সত্তা গচ্ছন্তি দুগ্গতিং।
‘‘Yena mohena mūḷhāse, sattā gacchanti duggatiṃ;
তং মোহং সম্মদঞ্ঞায, পজহন্তি ৰিপস্সিনো।
Taṃ mohaṃ sammadaññāya, pajahanti vipassino;
পহায ন পুনাযন্তি, ইমং লোকং কুদাচন’’ন্তি॥
Pahāya na punāyanti, imaṃ lokaṃ kudācana’’nti.
অযম্পি অত্থো ৰুত্তো ভগৰতা, ইতি মে সুতন্তি। ততিযং।
Ayampi attho vutto bhagavatā, iti me sutanti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৩. মোহসুত্তৰণ্ণনা • 3. Mohasuttavaṇṇanā
