| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. мохасуд̇д̇аван̣н̣анаа
3. Mohasuttavaṇṇanā
3. д̇ад̇ияз моханд̇и ан̃н̃аан̣ам̣. д̇ан̃хи д̣̇угкз ан̃н̃аан̣ам̣, д̣̇угкасамуд̣̇аяз ан̃н̃аан̣ам̣, д̣̇угканирод̇хз ан̃н̃аан̣ам̣, д̣̇угканирод̇хаг̇ааминияаа бадибад̣̇ааяа ан̃н̃аан̣анд̇иаад̣̇инаа наязна вибхааг̇зна анзгаббабхзд̣̇амби муяханд̇и. д̇зна саяам̣ ваа муяхад̇и муяханамад̇д̇амзва ваа д̇анд̇и моход̇и вужжад̇и. со жид̇д̇асса анд̇хабхаавалагкан̣о, ан̃н̃аан̣алагкан̣о ваа, асамбадивзд̇харасо, аарамман̣асабхааважчаад̣̇анарасо ваа, асаммааббадибад̇д̇ибажжубадтаано, анд̇хагаарабажжубадтаано ваа, аяонисоманасигаарабад̣̇адтаано, саб̣б̣аагусалаанам̣ мууланд̇и д̣̇адтаб̣б̣о. ид̇хааби баж̇ахат̇аад̇и бад̣̇асса –
3. Tatiye mohanti aññāṇaṃ. Tañhi dukkhe aññāṇaṃ, dukkhasamudaye aññāṇaṃ, dukkhanirodhe aññāṇaṃ, dukkhanirodhagāminiyā paṭipadāya aññāṇantiādinā nayena vibhāgena anekappabhedampi muyhanti. Tena sayaṃ vā muyhati muyhanamattameva vā tanti mohoti vuccati. So cittassa andhabhāvalakkhaṇo, aññāṇalakkhaṇo vā, asampaṭivedharaso, ārammaṇasabhāvacchādanaraso vā, asammāppaṭipattipaccupaṭṭhāno, andhakārapaccupaṭṭhāno vā, ayonisomanasikārapadaṭṭhāno, sabbākusalānaṃ mūlanti daṭṭhabbo. Idhāpi pajahathāti padassa –
‘‘муул̣хо ад̇т̇ам̣ на ж̇аанаад̇и, муул̣хо д̇хаммам̣ на бассад̇и;
‘‘Mūḷho atthaṃ na jānāti, mūḷho dhammaṃ na passati;
анд̇хад̇амам̣ д̇ад̣̇аа ход̇и, яам̣ мохо сахад̇з нарам̣’’. (ид̇иву. 88);
Andhatamaṃ tadā hoti, yaṃ moho sahate naraṃ’’. (itivu. 88);
‘‘анад̇т̇аж̇анано мохо…бз…. (ид̇иву. 88);
‘‘Anatthajanano moho…pe…. (itivu. 88);
‘‘авиж̇ж̇аа, бхигкавз, буб̣б̣ан̇г̇амаа агусалаанам̣ д̇хаммаанам̣ самаабад̇д̇ияаа’’ (ид̇иву. 40);
‘‘Avijjā, bhikkhave, pubbaṅgamā akusalānaṃ dhammānaṃ samāpattiyā’’ (itivu. 40);
‘‘мохасамб̣анд̇хано лого, бхаб̣б̣аруубова д̣̇иссад̇и’’; (уд̣̇аа. 70);
‘‘Mohasambandhano loko, bhabbarūpova dissati’’; (Udā. 70);
‘‘мохо нид̣̇аанам̣ гаммаанам̣ самуд̣̇аяааяа’’ (а. ни. 3.34);
‘‘Moho nidānaṃ kammānaṃ samudayāya’’ (a. ni. 3.34);
‘‘муул̣хо ко, б̣раахман̣а, мохзна абхибхууд̇о барияаад̣̇иннажид̇д̇о д̣̇идтад̇хаммигамби бхаяам̣ взрам̣ басавад̇и, самбарааяигамби бхаяам̣ взрам̣ басавад̇ий’’д̇и жа –
‘‘Mūḷho kho, brāhmaṇa, mohena abhibhūto pariyādinnacitto diṭṭhadhammikampi bhayaṃ veraṃ pasavati, samparāyikampi bhayaṃ veraṃ pasavatī’’ti ca –
аад̣̇инаа наязна ‘‘яо гожи д̇хаммо гаамажчанд̣̇аад̣̇исам̣гилзсад̇хаммзхи ниб̣б̣ад̇д̇зд̇аб̣б̣о, ад̇т̇ад̇о саб̣б̣о со мохахзд̇уго’’д̇и жа мохз аад̣̇ийнавам̣ д̇аббадибагкад̇о мохаббахаанз аанисам̣сан̃жа бажжавзгкид̇ваа гаамажчанд̣̇аад̣̇иббахаанаггамзнзва буб̣б̣абхааг̇з д̇ад̣̇ан̇г̇аад̣̇ивасзна мохам̣ баж̇аханд̇аа д̇ад̇ияамаг̇г̇зна яат̇аавуд̇д̇алобхад̣̇осзгадтам̣ мохам̣ самужчзд̣̇авасзна баж̇ахат̇аад̇и ад̇т̇о д̣̇адтаб̣б̣о. анааг̇аамимаг̇г̇аваж̇жхо зва хи мохо ид̇хаад̇хиббзд̇од̇и. муул̣хаасзд̇и гусалаагусаласааваж̇ж̇аанаваж̇ж̇аад̣̇ибхзд̣̇з ад̇д̇ано хид̇аахид̇з саммуул̣хаа. сзсам̣ вуд̇д̇анаяамзва.
Ādinā nayena ‘‘yo koci dhammo kāmacchandādisaṃkilesadhammehi nibbattetabbo, atthato sabbo so mohahetuko’’ti ca mohe ādīnavaṃ tappaṭipakkhato mohappahāne ānisaṃsañca paccavekkhitvā kāmacchandādippahānakkameneva pubbabhāge tadaṅgādivasena mohaṃ pajahantā tatiyamaggena yathāvuttalobhadosekaṭṭhaṃ mohaṃ samucchedavasena pajahathāti attho daṭṭhabbo. Anāgāmimaggavajjho eva hi moho idhādhippetoti. Mūḷhāseti kusalākusalasāvajjānavajjādibhede attano hitāhite sammūḷhā. Sesaṃ vuttanayameva.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. мохасуд̇д̇ам̣ • 3. Mohasuttaṃ
