| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. மோளியப²க்³கு³னஸுத்தங்
2. Moḷiyaphaggunasuttaṃ
12. ஸாவத்தி²யங் விஹரதி…பே॰… ‘‘சத்தாரோமே , பி⁴க்க²வே, ஆஹாரா பூ⁴தானங் வா ஸத்தானங் டி²தியா ஸம்ப⁴வேஸீனங் வா அனுக்³க³ஹாய. கதமே சத்தாரோ? கப³ளீகாரோ ஆஹாரோ – ஓளாரிகோ வா ஸுகு²மோ வா, ப²ஸ்ஸோ து³தியோ, மனோஸஞ்சேதனா ததியா, விஞ்ஞாணங் சதுத்த²ங். இமே கோ², பி⁴க்க²வே, சத்தாரோ ஆஹாரா பூ⁴தானங் வா ஸத்தானங் டி²தியா ஸம்ப⁴வேஸீனங் வா அனுக்³க³ஹாயா’’தி.
12. Sāvatthiyaṃ viharati…pe… ‘‘cattārome , bhikkhave, āhārā bhūtānaṃ vā sattānaṃ ṭhitiyā sambhavesīnaṃ vā anuggahāya. Katame cattāro? Kabaḷīkāro āhāro – oḷāriko vā sukhumo vā, phasso dutiyo, manosañcetanā tatiyā, viññāṇaṃ catutthaṃ. Ime kho, bhikkhave, cattāro āhārā bhūtānaṃ vā sattānaṃ ṭhitiyā sambhavesīnaṃ vā anuggahāyā’’ti.
ஏவங் வுத்தே, ஆயஸ்மா மோளியப²க்³கு³னோ ப⁴க³வந்தங் ஏதத³வோச – ‘‘கோ நு கோ², ப⁴ந்தே, விஞ்ஞாணாஹாரங் ஆஹாரேதீ’’தி? ‘‘நோ கல்லோ பஞ்ஹோ’’தி ப⁴க³வா அவோச – ‘‘‘ஆஹாரேதீ’தி அஹங் ந வதா³மி. ‘ஆஹாரேதீ’தி சாஹங் வதெ³ய்யங், தத்ரஸ்ஸ கல்லோ பஞ்ஹோ – ‘கோ நு கோ², ப⁴ந்தே, ஆஹாரேதீ’தி ? ஏவங் சாஹங் ந வதா³மி. ஏவங் மங் அவத³ந்தங் யோ ஏவங் புச்செ²ய்ய – ‘கிஸ்ஸ நு கோ², ப⁴ந்தே, விஞ்ஞாணாஹாரோ’தி, ஏஸ கல்லோ பஞ்ஹோ. தத்ர கல்லங் வெய்யாகரணங் – ‘விஞ்ஞாணாஹாரோ ஆயதிங் புனப்³ப⁴வாபி⁴னிப்³ப³த்தியா பச்சயோ, தஸ்மிங் பூ⁴தே ஸதி ஸளாயதனங், ஸளாயதனபச்சயா ப²ஸ்ஸோ’’’தி.
Evaṃ vutte, āyasmā moḷiyaphagguno bhagavantaṃ etadavoca – ‘‘ko nu kho, bhante, viññāṇāhāraṃ āhāretī’’ti? ‘‘No kallo pañho’’ti bhagavā avoca – ‘‘‘āhāretī’ti ahaṃ na vadāmi. ‘Āhāretī’ti cāhaṃ vadeyyaṃ, tatrassa kallo pañho – ‘ko nu kho, bhante, āhāretī’ti ? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kissa nu kho, bhante, viññāṇāhāro’ti, esa kallo pañho. Tatra kallaṃ veyyākaraṇaṃ – ‘viññāṇāhāro āyatiṃ punabbhavābhinibbattiyā paccayo, tasmiṃ bhūte sati saḷāyatanaṃ, saḷāyatanapaccayā phasso’’’ti.
‘‘கோ நு கோ², ப⁴ந்தே, பு²ஸதீ’’தி? ‘‘நோ கல்லோ பஞ்ஹோ’’தி ப⁴க³வா அவோச – ‘‘‘பு²ஸதீ’தி அஹங் ந வதா³மி. ‘பு²ஸதீ’தி சாஹங் வதெ³ய்யங், தத்ரஸ்ஸ கல்லோ பஞ்ஹோ – ‘கோ நு கோ², ப⁴ந்தே, பு²ஸதீ’தி? ஏவங் சாஹங் ந வதா³மி. ஏவங் மங் அவத³ந்தங் யோ ஏவங் புச்செ²ய்ய – ‘கிங்பச்சயா நு கோ², ப⁴ந்தே, ப²ஸ்ஸோ’தி, ஏஸ கல்லோ பஞ்ஹோ. தத்ர கல்லங் வெய்யாகரணங் – ‘ஸளாயதனபச்சயா ப²ஸ்ஸோ, ப²ஸ்ஸபச்சயா வேத³னா’’’தி.
‘‘Ko nu kho, bhante, phusatī’’ti? ‘‘No kallo pañho’’ti bhagavā avoca – ‘‘‘phusatī’ti ahaṃ na vadāmi. ‘Phusatī’ti cāhaṃ vadeyyaṃ, tatrassa kallo pañho – ‘ko nu kho, bhante, phusatī’ti? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kiṃpaccayā nu kho, bhante, phasso’ti, esa kallo pañho. Tatra kallaṃ veyyākaraṇaṃ – ‘saḷāyatanapaccayā phasso, phassapaccayā vedanā’’’ti.
‘‘கோ நு கோ², ப⁴ந்தே, வேத³யதீ’’தி 1? ‘‘நோ கல்லோ பஞ்ஹோ’’தி ப⁴க³வா அவோச – ‘‘‘வேத³யதீ’தி அஹங் ந வதா³மி. ‘வேத³யதீ’தி சாஹங் வதெ³ய்யங், தத்ரஸ்ஸ கல்லோ பஞ்ஹோ – ‘கோ நு கோ², ப⁴ந்தே, வேத³யதீ’தி? ஏவங் சாஹங் ந வதா³மி. ஏவங் மங் அவத³ந்தங் யோ ஏவங் புச்செ²ய்ய – ‘கிங்பச்சயா நு கோ², ப⁴ந்தே, வேத³னா’தி, ஏஸ கல்லோ பஞ்ஹோ. தத்ர கல்லங் வெய்யாகரணங் – ‘ப²ஸ்ஸபச்சயா வேத³னா, வேத³னாபச்சயா தண்ஹா’’’தி.
‘‘Ko nu kho, bhante, vedayatī’’ti 2? ‘‘No kallo pañho’’ti bhagavā avoca – ‘‘‘vedayatī’ti ahaṃ na vadāmi. ‘Vedayatī’ti cāhaṃ vadeyyaṃ, tatrassa kallo pañho – ‘ko nu kho, bhante, vedayatī’ti? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kiṃpaccayā nu kho, bhante, vedanā’ti, esa kallo pañho. Tatra kallaṃ veyyākaraṇaṃ – ‘phassapaccayā vedanā, vedanāpaccayā taṇhā’’’ti.
‘‘கோ நு கோ², ப⁴ந்தே, தஸதீ’’தி 3? ‘‘நோ கல்லோ பஞ்ஹோ’’தி ப⁴க³வா அவோச – ‘‘‘தஸதீ’தி அஹங் ந வதா³மி . ‘தஸதீ’தி சாஹங் வதெ³ய்யங், தத்ரஸ்ஸ கல்லோ பஞ்ஹோ – ‘கோ நு கோ², ப⁴ந்தே, தஸதீ’தி? ஏவங் சாஹங் ந வதா³மி. ஏவங் மங் அவத³ந்தங் யோ ஏவங் புச்செ²ய்ய – ‘கிங்பச்சயா நு கோ², ப⁴ந்தே, தண்ஹா’தி, ஏஸ கல்லோ பஞ்ஹோ. தத்ர கல்லங் வெய்யாகரணங் – ‘வேத³னாபச்சயா தண்ஹா, தண்ஹாபச்சயா உபாதா³ன’’’ந்தி.
‘‘Ko nu kho, bhante, tasatī’’ti 4? ‘‘No kallo pañho’’ti bhagavā avoca – ‘‘‘tasatī’ti ahaṃ na vadāmi . ‘Tasatī’ti cāhaṃ vadeyyaṃ, tatrassa kallo pañho – ‘ko nu kho, bhante, tasatī’ti? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kiṃpaccayā nu kho, bhante, taṇhā’ti, esa kallo pañho. Tatra kallaṃ veyyākaraṇaṃ – ‘vedanāpaccayā taṇhā, taṇhāpaccayā upādāna’’’nti.
‘‘கோ நு கோ², ப⁴ந்தே, உபாதி³யதீ’’தி? ‘‘நோ கல்லோ பஞ்ஹோ’’தி ப⁴க³வா அவோச – ‘‘‘உபாதி³யதீ’தி அஹங் ந வதா³மி. ‘உபாதி³யதீ’தி சாஹங் வதெ³ய்யங், தத்ரஸ்ஸ கல்லோ பஞ்ஹோ – ‘கோ நு கோ², ப⁴ந்தே, உபாதி³யதீ’தி? ஏவங் சாஹங் ந வதா³மி. ஏவங் மங் அவத³ந்தங் யோ ஏவங் புச்செ²ய்ய – ‘கிங்பச்சயா நு கோ², ப⁴ந்தே, உபாதா³ன’ந்தி, ஏஸ கல்லோ பஞ்ஹோ. தத்ர கல்லங் வெய்யாகரணங் – ‘தண்ஹாபச்சயா உபாதா³னங்; உபாதா³னபச்சயா ப⁴வோ’தி…பே॰… ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.
‘‘Ko nu kho, bhante, upādiyatī’’ti? ‘‘No kallo pañho’’ti bhagavā avoca – ‘‘‘upādiyatī’ti ahaṃ na vadāmi. ‘Upādiyatī’ti cāhaṃ vadeyyaṃ, tatrassa kallo pañho – ‘ko nu kho, bhante, upādiyatī’ti? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kiṃpaccayā nu kho, bhante, upādāna’nti, esa kallo pañho. Tatra kallaṃ veyyākaraṇaṃ – ‘taṇhāpaccayā upādānaṃ; upādānapaccayā bhavo’ti…pe… evametassa kevalassa dukkhakkhandhassa samudayo hoti.
‘‘ச²ன்னங் த்வேவ, ப²க்³கு³ன, ப²ஸ்ஸாயதனானங் அஸேஸவிராக³னிரோதா⁴ ப²ஸ்ஸனிரோதோ⁴; ப²ஸ்ஸனிரோதா⁴ வேத³னானிரோதோ⁴; வேத³னானிரோதா⁴ தண்ஹானிரோதோ⁴; தண்ஹானிரோதா⁴ உபாதா³னநிரோதோ⁴; உபாதா³னநிரோதா⁴ ப⁴வனிரோதோ⁴; ப⁴வனிரோதா⁴ ஜாதினிரோதோ⁴; ஜாதினிரோதா⁴ ஜராமரணங் ஸோகபரிதே³வது³க்க²தோ³மனஸ்ஸுபாயாஸா நிருஜ்ஜ²ந்தி. ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ நிரோதோ⁴ ஹோதீ’’தி. து³தியங்.
‘‘Channaṃ tveva, phagguna, phassāyatanānaṃ asesavirāganirodhā phassanirodho; phassanirodhā vedanānirodho; vedanānirodhā taṇhānirodho; taṇhānirodhā upādānanirodho; upādānanirodhā bhavanirodho; bhavanirodhā jātinirodho; jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hotī’’ti. Dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. மோளியப²க்³கு³னஸுத்தவண்ணனா • 2. Moḷiyaphaggunasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. மோளியப²க்³கு³னஸுத்தவண்ணனா • 2. Moḷiyaphaggunasuttavaṇṇanā
