| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. мол̣ияапаг̇г̇унасуд̇д̇аван̣н̣анаа
2. Moḷiyaphaggunasuttavaṇṇanā
12. имасмим̣язва таанзд̇и ‘‘жад̇д̇ааромз бхигку…бз… аахаараа’’д̇и звам̣ жад̇д̇ааро аахаарз саруубад̇о д̣̇ассзд̇ваа ‘‘имз ко бхигкавз…бз… ануг̇г̇ахааяаа’’д̇и ниг̇аманавасзна д̣̇ассид̇з имасмим̣язва таанз. д̣̇зсанам̣ нидтаабзси жад̇уаахааравибхааг̇ад̣̇ийбагам̣ д̣̇зсанам̣ уд̣̇д̣̇зсавасзнзва нидтаабзси, убари ааваж̇ж̇зд̇ваа д̇ун̣хий нисийд̣̇и. д̣̇идтиг̇ад̇игод̇и ад̇д̇ад̣̇идтивасзна д̣̇идтиг̇ад̇иго. вараг̇анд̇хаваасид̇анд̇и сабхаавасид̣̇д̇хзна жанд̣̇анаг̇анд̇хзна жзва д̇ад̣̇ан̃н̃анаанааг̇анд̇хзна жа барибхаавид̇ад̇д̇аа вараг̇анд̇хаваасид̇ам̣ . рад̇анажан̇годаварзнаад̇и рад̇анамаязна уд̇д̇амажан̇годагзна. д̣̇зсанаанусанд̇хим̣ гхадзнд̇од̇и яат̇аад̣̇зсид̇ааяа д̣̇зсанааяа анусанд̇хим̣ гхадзнд̇о, яат̇аа убарид̣̇зсанаа вад̣̇д̇хзяяа, звам̣ уссаахам̣ гаронд̇о. вин̃н̃аан̣аахаарам̣ аахаарзд̇ийд̇и д̇асса аахааран̣агирияааяа вуд̇д̇абужчааяа д̇ам̣ д̣̇идтиг̇ад̇ам̣ уббаадзнд̇о ‘‘яо зд̇ам̣…бз… бхун̃ж̇ад̇и ваа’’д̇и ааха.
12.Imasmiṃyeva ṭhāneti ‘‘cattārome bhikkhu…pe… āhārā’’ti evaṃ cattāro āhāre sarūpato dassetvā ‘‘ime kho bhikkhave…pe… anuggahāyā’’ti nigamanavasena dassite imasmiṃyeva ṭhāne. Desanaṃ niṭṭhāpesi catuāhāravibhāgadīpakaṃ desanaṃ uddesavaseneva niṭṭhāpesi, upari āvajjetvā tuṇhī nisīdi. Diṭṭhigatikoti attadiṭṭhivasena diṭṭhigatiko. Varagandhavāsitanti sabhāvasiddhena candanagandhena ceva tadaññanānāgandhena ca paribhāvitattā varagandhavāsitaṃ . Ratanacaṅkoṭavarenāti ratanamayena uttamacaṅkoṭakena. Desanānusandhiṃ ghaṭentoti yathādesitāya desanāya anusandhiṃ ghaṭento, yathā uparidesanā vaddheyya, evaṃ ussāhaṃ karonto. Viññāṇāhāraṃ āhāretīti tassa āhāraṇakiriyāya vuttapucchāya taṃ diṭṭhigataṃ uppāṭento ‘‘yo etaṃ…pe… bhuñjati vā’’ti āha.
вин̃н̃аан̣аахаарз наама ижчид̇з д̇асса убабхун̃ж̇агзнаби бхавид̇аб̣б̣ам̣, со ‘‘го ну ко’’д̇и аяам̣ бужчааяа ад̇хиббааяо. уд̇усамаязд̇и г̇аб̣бхавудтаанасамаяз. со хи уд̇усамаяасса мад̇д̇агасамаяад̇д̇аа д̇ат̇аа вуд̇д̇о. ‘‘уд̣̇агзна ан̣д̣аани маа нассанд̇уу’’д̇и махаасамуд̣̇д̣̇ад̇о нигкамид̇ваа. г̇иж̇жхабод̇агаа вияа аахаарасан̃жзд̇анааяа д̇аани гажчабан̣д̣аани маносан̃жзд̇анаахаарзна яаабзнд̇ийд̇и аяам̣ д̇асса т̇зрасса лад̣̇д̇хи. гин̃жааби аяам̣ лад̣̇д̇хийд̇и пассаманосан̃жзд̇анаахаарзсу гин̃жааби т̇зрасса яуд̇д̇аа аяуд̇д̇аа ваа аяам̣ лад̣̇д̇хи. имам̣ бан̃ханд̇и ‘‘го ну ко, бханд̇з, вин̃н̃аан̣аахаарам̣ аахаарзд̇ий’’д̇и имам̣ бан̃хам̣ зд̇ааяа яат̇аавуд̇д̇ааяа лад̣̇д̇хияаа на бана бужчад̇и, ат̇а ко сад̇д̇убалад̣̇д̇хияаа бужчад̇ийд̇и ад̇хиббааяо. сод̇и д̣̇идтиг̇ад̇иго. на ниг̇г̇ахзд̇аб̣б̣о уммад̇д̇агасад̣̇исад̇д̇аа ад̇хиббааяам̣ аж̇аанид̇ваа бужчааяа гад̇ад̇д̇аа. д̇знааха ‘‘аахаарзд̇ийд̇и наахам̣ вад̣̇аамий’’д̇иаад̣̇и.
Viññāṇāhāre nāma icchite tassa upabhuñjakenapi bhavitabbaṃ, so ‘‘ko nu kho’’ti ayaṃ pucchāya adhippāyo. Utusamayeti gabbhavuṭṭhānasamaye. So hi utusamayassa mattakasamayattā tathā vutto. ‘‘Udakena aṇḍāni mā nassantū’’ti mahāsamuddato nikkhamitvā. Gijjhapotakā viya āhārasañcetanāya tāni kacchapaṇḍāni manosañcetanāhārena yāpentīti ayaṃ tassa therassa laddhi. Kiñcāpi ayaṃ laddhīti phassamanosañcetanāhāresu kiñcāpi therassa yuttā ayuttā vā ayaṃ laddhi. Imaṃ pañhanti ‘‘ko nu kho, bhante, viññāṇāhāraṃ āhāretī’’ti imaṃ pañhaṃ etāya yathāvuttāya laddhiyā na pana pucchati, atha kho sattupaladdhiyā pucchatīti adhippāyo. Soti diṭṭhigatiko. Na niggahetabbo ummattakasadisattā adhippāyaṃ ajānitvā pucchāya katattā. Tenāha ‘‘āhāretīti nāhaṃ vadāmī’’tiādi.
д̇асмим̣ маяаа звам̣ вуд̇д̇зд̇и д̇асмим̣ важанз маяаа ‘‘аахаарзд̇ий’’д̇и звам̣ вуд̇д̇з сад̇и. аяам̣ бан̃ход̇и ‘‘го ну ко, бханд̇з, вин̃н̃аан̣аахаарам̣ аахаарзд̇ий’’д̇и аяам̣ бан̃хо яуд̇д̇о бхавзяяа. звам̣ бужчид̇з бан̃хзд̇и сад̇д̇убалад̣̇д̇хим̣ анаад̣̇ааяа ‘‘гад̇амасса д̇хаммасса бажжаяо’’д̇и звам̣ д̇хаммабавад̇д̇авасзнзва бан̃хз бужчид̇з. д̇знзва вин̃н̃аан̣знаад̇и д̇знзва бадисанд̇хивин̃н̃аан̣зна саха уббаннам̣ нааман̃жа руубан̃жа ад̇ийд̇абхавз д̣̇идтиг̇ад̇игасса васзна ааяад̇им̣ бунаб̣бхаваабхиниб̣б̣ад̇д̇ийд̇и ид̇хаад̇хиббзд̇ам̣. наамаруубз ж̇аад̇з сад̇ийд̇и наамаруубз ниб̣б̣ад̇д̇з д̇аббажжаяабхууд̇ам̣ бхинд̣̇ид̇ваа сал̣ааяад̇анам̣ ход̇и.
Tasmiṃ mayā evaṃ vutteti tasmiṃ vacane mayā ‘‘āhāretī’’ti evaṃ vutte sati. Ayaṃ pañhoti ‘‘ko nu kho, bhante, viññāṇāhāraṃ āhāretī’’ti ayaṃ pañho yutto bhaveyya. Evaṃ pucchite pañheti sattupaladdhiṃ anādāya ‘‘katamassa dhammassa paccayo’’ti evaṃ dhammapavattavaseneva pañhe pucchite. Teneva viññāṇenāti teneva paṭisandhiviññāṇena saha uppannaṃ nāmañca rūpañca atītabhave diṭṭhigatikassa vasena āyatiṃ punabbhavābhinibbattīti idhādhippetaṃ. Nāmarūpe jāte satīti nāmarūpe nibbatte tappaccayabhūtaṃ bhinditvā saḷāyatanaṃ hoti.
д̇ад̇рааяам̣ бажжаяавибхааг̇о – нааманд̇и взд̣̇анаад̣̇иканд̇хад̇д̇аяам̣ ид̇хаад̇хиббзд̇ам̣, руубам̣ бана сад̇д̇асанд̇ад̇ибарияаабаннам̣, нияамад̇о жад̇д̇аари бхууд̇аани ча вад̇т̇ууни ж̇ийвид̇инд̣̇рияам̣ аахааро жа. д̇ад̇т̇а вибааганаамам̣ бадисанд̇хигкан̣з хад̣̇аяавад̇т̇уно сахааяо худ̇ваа чадтасса манааяад̇анасса сахаж̇аад̇аан̃н̃аман̃н̃аниссаяасамбаяуд̇д̇авибаагаад̇т̇иавиг̇ад̇абажжаязхи сад̇д̇ад̇хаа бажжаяо ход̇и. гин̃жи банзд̇т̇а хзд̇убажжаязна гин̃жи аахаарабажжаязнаад̇и звам̣ уггам̣саавагам̣со взд̣̇ид̇аб̣б̣о. ид̇арзсам̣ бана бан̃жааяад̇анаанам̣ жад̇уннам̣ махаабхууд̇аанам̣ сахааяо худ̇ваа сахаж̇аад̇аниссаяавибаагавиббаяуд̇д̇аад̇т̇иавиг̇ад̇авасзна чад̇хаа бажжаяо ход̇и. гин̃жи банзд̇т̇а хзд̇убажжаязна гин̃жи аахаарабажжаязнаад̇и саб̣б̣ам̣ буримасад̣̇исам̣. бавад̇д̇з вибааганаамам̣ вибаагасса чадтааяад̇анасса вуд̇д̇анаязна сад̇д̇ад̇хаа бажжаяо ход̇и, авибаагам̣ бана авибаагасса чадтасса д̇ад̇о вибаагабажжаяам̣ абанзд̇ваа бажжаяо ход̇и. жагкааяад̇анаад̣̇ийнам̣ бана бажжуббаннам̣ жагкубасаад̣̇аад̣̇ивад̇т̇угамби ид̇арамби вибааганаамам̣ бажчааж̇аад̇авиббаяуд̇д̇аад̇т̇иавиг̇ад̇абажжаязхи жад̇уд̇хаа бажжаяо ход̇и, д̇ат̇аа авибаагамби взд̣̇ид̇аб̣б̣ам̣. руубад̇о бана вад̇т̇уруубам̣ бадисанд̇хияам̣ чадтасса сахаж̇аад̇аан̃н̃аман̃н̃аниссаяавиббаяуд̇д̇аад̇т̇иавиг̇ад̇абажжаязхи чад̇хаа бажжаяо ход̇и. жад̇д̇аари бана бхууд̇аани жагкааяад̇анаад̣̇ийнам̣ бан̃жаннам̣ сахаж̇аад̇аниссаяаад̇т̇иавиг̇ад̇абажжаязхи жад̇уд̇хаа бажжаяо ход̇и. руубаж̇ийвид̇ам̣ ад̇т̇иавиг̇ад̇инд̣̇рияавасзна д̇ид̇хаа бажжаяо ход̇ийд̇и аяан̃хзд̇т̇а сан̇кзбо, вид̇т̇ааро бана висуд̣̇д̇химаг̇г̇ад̇о (висуд̣̇д̇хи. 2.594) г̇ахзд̇аб̣б̣о.
Tatrāyaṃ paccayavibhāgo – nāmanti vedanādikhandhattayaṃ idhādhippetaṃ, rūpaṃ pana sattasantatipariyāpannaṃ, niyamato cattāri bhūtāni cha vatthūni jīvitindriyaṃ āhāro ca. Tattha vipākanāmaṃ paṭisandhikkhaṇe hadayavatthuno sahāyo hutvā chaṭṭhassa manāyatanassa sahajātaaññamaññanissayasampayuttavipākaatthiavigatapaccayehi sattadhā paccayo hoti. Kiñci panettha hetupaccayena kiñci āhārapaccayenāti evaṃ ukkaṃsāvakaṃso veditabbo. Itaresaṃ pana pañcāyatanānaṃ catunnaṃ mahābhūtānaṃ sahāyo hutvā sahajātanissayavipākavippayuttaatthiavigatavasena chadhā paccayo hoti. Kiñci panettha hetupaccayena kiñci āhārapaccayenāti sabbaṃ purimasadisaṃ. Pavatte vipākanāmaṃ vipākassa chaṭṭhāyatanassa vuttanayena sattadhā paccayo hoti, avipākaṃ pana avipākassa chaṭṭhassa tato vipākapaccayaṃ apanetvā paccayo hoti. Cakkhāyatanādīnaṃ pana paccuppannaṃ cakkhupasādādivatthukampi itarampi vipākanāmaṃ pacchājātavippayuttaatthiavigatapaccayehi catudhā paccayo hoti, tathā avipākampi veditabbaṃ. Rūpato pana vatthurūpaṃ paṭisandhiyaṃ chaṭṭhassa sahajātaaññamaññanissayavippayuttaatthiavigatapaccayehi chadhā paccayo hoti. Cattāri pana bhūtāni cakkhāyatanādīnaṃ pañcannaṃ sahajātanissayaatthiavigatapaccayehi catudhā paccayo hoti. Rūpajīvitaṃ atthiavigatindriyavasena tidhā paccayo hotīti ayañhettha saṅkhepo, vitthāro pana visuddhimaggato (visuddhi. 2.594) gahetabbo.
бан̃хасса огаасам̣ д̣̇знд̇од̇и ‘‘го ну ко, бханд̇з, пусад̇ий’’д̇и имасса д̣̇идтиг̇ад̇игабан̃хасса огаасам̣ д̣̇знд̇о. д̇ад̇о вивзжзд̇угаамод̇и ад̇хиббааяо. саб̣б̣абад̣̇зсууд̇и д̣̇идтиг̇ад̇игзна бхаг̇авад̇аа жа вуд̇д̇абад̣̇зсу. сад̇д̇од̇и ад̇д̇аа. со бана ужчзд̣̇аваад̣̇иноби яаава на ужчиж̇ж̇ад̇и, д̇аава ад̇т̇зваад̇и лад̣̇д̇хи, баг̇зва сассад̇аваад̣̇ино. бхууд̇од̇и виж̇ж̇амаано. нибпад̇д̇од̇и нибпанно. на д̇асса д̣̇аани нибпаад̣̇зд̇аб̣б̣ам̣ гин̃жи ад̇т̇ийд̇и лад̣̇д̇хи. ид̣̇аббажжаяаа ид̣̇анд̇и имасмаа вин̃н̃аан̣аахаарабажжаяаа ид̣̇ам̣ наамаруубам̣. буна ид̣̇аббажжаяаа ид̣̇анд̇и имасмаа наамаруубабажжаяаа ид̣̇ам̣ сал̣ааяад̇ананд̇и звам̣ б̣ахуусу таанзсу бхаг̇авад̇аа гат̇ид̇ад̇д̇аа яат̇аа бажжаяад̇о ниб̣б̣ад̇д̇ам̣ сан̇каарамад̇д̇амид̣̇анд̇и сан̃н̃ад̇д̇им̣ убаг̇ад̇о. д̇знаабийд̇и сан̃н̃ад̇д̇убаг̇ад̇знааби. згааб̣ад̣̇д̇хам̣ гад̇ваад̇и яат̇аа бужчааяа авасаро на ход̇и, д̇ат̇аа згааб̣ад̣̇д̇хам̣ гад̇ваа. д̣̇зсанаарул̣ханд̇и яад̇о сал̣ааяад̇анабад̣̇ад̇о бадтааяа ‘‘сал̣ааяад̇анабажжаяаа пассо’’д̇иаад̣̇инаа д̣̇зсанаа бадижжасамуббаад̣̇авийт̇им̣ аарул̣хамзва. д̇амзваад̇и сал̣ааяад̇анабад̣̇амзва г̇ахзд̇ваа. виваж̇ж̇знд̇од̇и виваддзнд̇о. звамаахаад̇и ‘‘чаннам̣д̇взваа’’д̇иаад̣̇иаагаарзна звам̣ д̣̇зсид̇з, ‘‘винзяяаж̇ано бадивиж̇жхад̇ий’’д̇и звамааха. вин̃н̃аан̣аахааро ааяад̇им̣ бунаб̣бхаваабхиниб̣б̣ад̇д̇ияаад̇и звам̣ буримабхавад̇о ааяад̇ибхавасса бажжаяавасзна муулагааран̣авасзна жа д̣̇зсид̇ад̇д̇аа ‘‘вин̃н̃аан̣анаамаруубаанам̣ анд̇арз зго санд̇хий’’д̇и вуд̇д̇ам̣. д̇ад̣̇аминаа вин̃н̃аан̣аг̇г̇ахан̣зна абхисан̇кааравин̃н̃аан̣ассааби г̇ахан̣ам̣ гад̇анд̇и д̣̇адтаб̣б̣ам̣.
Pañhassa okāsaṃ dentoti ‘‘ko nu kho, bhante, phusatī’’ti imassa diṭṭhigatikapañhassa okāsaṃ dento. Tato vivecetukāmoti adhippāyo. Sabbapadesūti diṭṭhigatikena bhagavatā ca vuttapadesu. Sattoti attā. So pana ucchedavādinopi yāva na ucchijjati, tāva atthevāti laddhi, pageva sassatavādino. Bhūtoti vijjamāno. Nipphattoti nipphanno. Na tassa dāni nipphādetabbaṃ kiñci atthīti laddhi. Idappaccayā idanti imasmā viññāṇāhārapaccayā idaṃ nāmarūpaṃ. Puna idappaccayā idanti imasmā nāmarūpapaccayā idaṃ saḷāyatananti evaṃ bahūsu ṭhānesu bhagavatā kathitattā yathā paccayato nibbattaṃ saṅkhāramattamidanti saññattiṃ upagato. Tenāpīti saññattupagatenāpi. Ekābaddhaṃ katvāti yathā pucchāya avasaro na hoti, tathā ekābaddhaṃ katvā. Desanāruḷhanti yato saḷāyatanapadato paṭṭhāya ‘‘saḷāyatanapaccayā phasso’’tiādinā desanā paṭiccasamuppādavīthiṃ āruḷhameva. Tamevāti saḷāyatanapadameva gahetvā. Vivajjentoti vivaṭṭento. Evamāhāti ‘‘channaṃtvevā’’tiādiākārena evaṃ desite, ‘‘vineyyajano paṭivijjhatī’’ti evamāha. Viññāṇāhāro āyatiṃ punabbhavābhinibbattiyāti evaṃ purimabhavato āyatibhavassa paccayavasena mūlakāraṇavasena ca desitattā ‘‘viññāṇanāmarūpānaṃ antare eko sandhī’’ti vuttaṃ. Tadaminā viññāṇaggahaṇena abhisaṅkhāraviññāṇassāpi gahaṇaṃ katanti daṭṭhabbaṃ.
мол̣ияапаг̇г̇унасуд̇д̇аван̣н̣анаа нидтид̇аа.
Moḷiyaphaggunasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. мол̣ияапаг̇г̇унасуд̇д̇ам̣ • 2. Moḷiyaphaggunasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. мол̣ияапаг̇г̇унасуд̇д̇аван̣н̣анаа • 2. Moḷiyaphaggunasuttavaṇṇanā
