| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਮੋਲ਼ਿਯਫਗ੍ਗੁਨਸੁਤ੍ਤવਣ੍ਣਨਾ
2. Moḷiyaphaggunasuttavaṇṇanā
੧੨. ਇਮਸ੍ਮਿਂਯੇવ ਠਾਨੇਤਿ ‘‘ਚਤ੍ਤਾਰੋਮੇ ਭਿਕ੍ਖੁ…ਪੇ॰… ਆਹਾਰਾ’’ਤਿ ਏવਂ ਚਤ੍ਤਾਰੋ ਆਹਾਰੇ ਸਰੂਪਤੋ ਦਸ੍ਸੇਤ੍વਾ ‘‘ਇਮੇ ਖੋ ਭਿਕ੍ਖવੇ…ਪੇ॰… ਅਨੁਗ੍ਗਹਾਯਾ’’ਤਿ ਨਿਗਮਨવਸੇਨ ਦਸ੍ਸਿਤੇ ਇਮਸ੍ਮਿਂਯੇવ ਠਾਨੇ। ਦੇਸਨਂ ਨਿਟ੍ਠਾਪੇਸਿ ਚਤੁਆਹਾਰવਿਭਾਗਦੀਪਕਂ ਦੇਸਨਂ ਉਦ੍ਦੇਸવਸੇਨੇવ ਨਿਟ੍ਠਾਪੇਸਿ, ਉਪਰਿ ਆવਜ੍ਜੇਤ੍વਾ ਤੁਣ੍ਹੀ ਨਿਸੀਦਿ। ਦਿਟ੍ਠਿਗਤਿਕੋਤਿ ਅਤ੍ਤਦਿਟ੍ਠਿવਸੇਨ ਦਿਟ੍ਠਿਗਤਿਕੋ। વਰਗਨ੍ਧવਾਸਿਤਨ੍ਤਿ ਸਭਾવਸਿਦ੍ਧੇਨ ਚਨ੍ਦਨਗਨ੍ਧੇਨ ਚੇવ ਤਦਞ੍ਞਨਾਨਾਗਨ੍ਧੇਨ ਚ ਪਰਿਭਾવਿਤਤ੍ਤਾ વਰਗਨ੍ਧવਾਸਿਤਂ । ਰਤਨਚਙ੍ਕੋਟવਰੇਨਾਤਿ ਰਤਨਮਯੇਨ ਉਤ੍ਤਮਚਙ੍ਕੋਟਕੇਨ। ਦੇਸਨਾਨੁਸਨ੍ਧਿਂ ਘਟੇਨ੍ਤੋਤਿ ਯਥਾਦੇਸਿਤਾਯ ਦੇਸਨਾਯ ਅਨੁਸਨ੍ਧਿਂ ਘਟੇਨ੍ਤੋ, ਯਥਾ ਉਪਰਿਦੇਸਨਾ વਦ੍ਧੇਯ੍ਯ, ਏવਂ ਉਸ੍ਸਾਹਂ ਕਰੋਨ੍ਤੋ। વਿਞ੍ਞਾਣਾਹਾਰਂ ਆਹਾਰੇਤੀਤਿ ਤਸ੍ਸ ਆਹਾਰਣਕਿਰਿਯਾਯ વੁਤ੍ਤਪੁਚ੍ਛਾਯ ਤਂ ਦਿਟ੍ਠਿਗਤਂ ਉਪ੍ਪਾਟੇਨ੍ਤੋ ‘‘ਯੋ ਏਤਂ…ਪੇ॰… ਭੁਞ੍ਜਤਿ વਾ’’ਤਿ ਆਹ।
12.Imasmiṃyeva ṭhāneti ‘‘cattārome bhikkhu…pe… āhārā’’ti evaṃ cattāro āhāre sarūpato dassetvā ‘‘ime kho bhikkhave…pe… anuggahāyā’’ti nigamanavasena dassite imasmiṃyeva ṭhāne. Desanaṃ niṭṭhāpesi catuāhāravibhāgadīpakaṃ desanaṃ uddesavaseneva niṭṭhāpesi, upari āvajjetvā tuṇhī nisīdi. Diṭṭhigatikoti attadiṭṭhivasena diṭṭhigatiko. Varagandhavāsitanti sabhāvasiddhena candanagandhena ceva tadaññanānāgandhena ca paribhāvitattā varagandhavāsitaṃ . Ratanacaṅkoṭavarenāti ratanamayena uttamacaṅkoṭakena. Desanānusandhiṃ ghaṭentoti yathādesitāya desanāya anusandhiṃ ghaṭento, yathā uparidesanā vaddheyya, evaṃ ussāhaṃ karonto. Viññāṇāhāraṃ āhāretīti tassa āhāraṇakiriyāya vuttapucchāya taṃ diṭṭhigataṃ uppāṭento ‘‘yo etaṃ…pe… bhuñjati vā’’ti āha.
વਿਞ੍ਞਾਣਾਹਾਰੇ ਨਾਮ ਇਚ੍ਛਿਤੇ ਤਸ੍ਸ ਉਪਭੁਞ੍ਜਕੇਨਪਿ ਭવਿਤਬ੍ਬਂ, ਸੋ ‘‘ਕੋ ਨੁ ਖੋ’’ਤਿ ਅਯਂ ਪੁਚ੍ਛਾਯ ਅਧਿਪ੍ਪਾਯੋ। ਉਤੁਸਮਯੇਤਿ ਗਬ੍ਭવੁਟ੍ਠਾਨਸਮਯੇ। ਸੋ ਹਿ ਉਤੁਸਮਯਸ੍ਸ ਮਤ੍ਤਕਸਮਯਤ੍ਤਾ ਤਥਾ વੁਤ੍ਤੋ। ‘‘ਉਦਕੇਨ ਅਣ੍ਡਾਨਿ ਮਾ ਨਸ੍ਸਨ੍ਤੂ’’ਤਿ ਮਹਾਸਮੁਦ੍ਦਤੋ ਨਿਕ੍ਖਮਿਤ੍વਾ। ਗਿਜ੍ਝਪੋਤਕਾ વਿਯ ਆਹਾਰਸਞ੍ਚੇਤਨਾਯ ਤਾਨਿ ਕਚ੍ਛਪਣ੍ਡਾਨਿ ਮਨੋਸਞ੍ਚੇਤਨਾਹਾਰੇਨ ਯਾਪੇਨ੍ਤੀਤਿ ਅਯਂ ਤਸ੍ਸ ਥੇਰਸ੍ਸ ਲਦ੍ਧਿ। ਕਿਞ੍ਚਾਪਿ ਅਯਂ ਲਦ੍ਧੀਤਿ ਫਸ੍ਸਮਨੋਸਞ੍ਚੇਤਨਾਹਾਰੇਸੁ ਕਿਞ੍ਚਾਪਿ ਥੇਰਸ੍ਸ ਯੁਤ੍ਤਾ ਅਯੁਤ੍ਤਾ વਾ ਅਯਂ ਲਦ੍ਧਿ। ਇਮਂ ਪਞ੍ਹਨ੍ਤਿ ‘‘ਕੋ ਨੁ ਖੋ, ਭਨ੍ਤੇ, વਿਞ੍ਞਾਣਾਹਾਰਂ ਆਹਾਰੇਤੀ’’ਤਿ ਇਮਂ ਪਞ੍ਹਂ ਏਤਾਯ ਯਥਾવੁਤ੍ਤਾਯ ਲਦ੍ਧਿਯਾ ਨ ਪਨ ਪੁਚ੍ਛਤਿ, ਅਥ ਖੋ ਸਤ੍ਤੁਪਲਦ੍ਧਿਯਾ ਪੁਚ੍ਛਤੀਤਿ ਅਧਿਪ੍ਪਾਯੋ। ਸੋਤਿ ਦਿਟ੍ਠਿਗਤਿਕੋ। ਨ ਨਿਗ੍ਗਹੇਤਬ੍ਬੋ ਉਮ੍ਮਤ੍ਤਕਸਦਿਸਤ੍ਤਾ ਅਧਿਪ੍ਪਾਯਂ ਅਜਾਨਿਤ੍વਾ ਪੁਚ੍ਛਾਯ ਕਤਤ੍ਤਾ। ਤੇਨਾਹ ‘‘ਆਹਾਰੇਤੀਤਿ ਨਾਹਂ વਦਾਮੀ’’ਤਿਆਦਿ।
Viññāṇāhāre nāma icchite tassa upabhuñjakenapi bhavitabbaṃ, so ‘‘ko nu kho’’ti ayaṃ pucchāya adhippāyo. Utusamayeti gabbhavuṭṭhānasamaye. So hi utusamayassa mattakasamayattā tathā vutto. ‘‘Udakena aṇḍāni mā nassantū’’ti mahāsamuddato nikkhamitvā. Gijjhapotakā viya āhārasañcetanāya tāni kacchapaṇḍāni manosañcetanāhārena yāpentīti ayaṃ tassa therassa laddhi. Kiñcāpi ayaṃ laddhīti phassamanosañcetanāhāresu kiñcāpi therassa yuttā ayuttā vā ayaṃ laddhi. Imaṃ pañhanti ‘‘ko nu kho, bhante, viññāṇāhāraṃ āhāretī’’ti imaṃ pañhaṃ etāya yathāvuttāya laddhiyā na pana pucchati, atha kho sattupaladdhiyā pucchatīti adhippāyo. Soti diṭṭhigatiko. Na niggahetabbo ummattakasadisattā adhippāyaṃ ajānitvā pucchāya katattā. Tenāha ‘‘āhāretīti nāhaṃ vadāmī’’tiādi.
ਤਸ੍ਮਿਂ ਮਯਾ ਏવਂ વੁਤ੍ਤੇਤਿ ਤਸ੍ਮਿਂ વਚਨੇ ਮਯਾ ‘‘ਆਹਾਰੇਤੀ’’ਤਿ ਏવਂ વੁਤ੍ਤੇ ਸਤਿ। ਅਯਂ ਪਞ੍ਹੋਤਿ ‘‘ਕੋ ਨੁ ਖੋ, ਭਨ੍ਤੇ, વਿਞ੍ਞਾਣਾਹਾਰਂ ਆਹਾਰੇਤੀ’’ਤਿ ਅਯਂ ਪਞ੍ਹੋ ਯੁਤ੍ਤੋ ਭવੇਯ੍ਯ। ਏવਂ ਪੁਚ੍ਛਿਤੇ ਪਞ੍ਹੇਤਿ ਸਤ੍ਤੁਪਲਦ੍ਧਿਂ ਅਨਾਦਾਯ ‘‘ਕਤਮਸ੍ਸ ਧਮ੍ਮਸ੍ਸ ਪਚ੍ਚਯੋ’’ਤਿ ਏવਂ ਧਮ੍ਮਪવਤ੍ਤવਸੇਨੇવ ਪਞ੍ਹੇ ਪੁਚ੍ਛਿਤੇ। ਤੇਨੇવ વਿਞ੍ਞਾਣੇਨਾਤਿ ਤੇਨੇવ ਪਟਿਸਨ੍ਧਿવਿਞ੍ਞਾਣੇਨ ਸਹ ਉਪ੍ਪਨ੍ਨਂ ਨਾਮਞ੍ਚ ਰੂਪਞ੍ਚ ਅਤੀਤਭવੇ ਦਿਟ੍ਠਿਗਤਿਕਸ੍ਸ વਸੇਨ ਆਯਤਿਂ ਪੁਨਬ੍ਭવਾਭਿਨਿਬ੍ਬਤ੍ਤੀਤਿ ਇਧਾਧਿਪ੍ਪੇਤਂ। ਨਾਮਰੂਪੇ ਜਾਤੇ ਸਤੀਤਿ ਨਾਮਰੂਪੇ ਨਿਬ੍ਬਤ੍ਤੇ ਤਪ੍ਪਚ੍ਚਯਭੂਤਂ ਭਿਨ੍ਦਿਤ੍વਾ ਸਲ਼ਾਯਤਨਂ ਹੋਤਿ।
Tasmiṃ mayā evaṃ vutteti tasmiṃ vacane mayā ‘‘āhāretī’’ti evaṃ vutte sati. Ayaṃ pañhoti ‘‘ko nu kho, bhante, viññāṇāhāraṃ āhāretī’’ti ayaṃ pañho yutto bhaveyya. Evaṃ pucchite pañheti sattupaladdhiṃ anādāya ‘‘katamassa dhammassa paccayo’’ti evaṃ dhammapavattavaseneva pañhe pucchite. Teneva viññāṇenāti teneva paṭisandhiviññāṇena saha uppannaṃ nāmañca rūpañca atītabhave diṭṭhigatikassa vasena āyatiṃ punabbhavābhinibbattīti idhādhippetaṃ. Nāmarūpe jāte satīti nāmarūpe nibbatte tappaccayabhūtaṃ bhinditvā saḷāyatanaṃ hoti.
ਤਤ੍ਰਾਯਂ ਪਚ੍ਚਯવਿਭਾਗੋ – ਨਾਮਨ੍ਤਿ વੇਦਨਾਦਿਖਨ੍ਧਤ੍ਤਯਂ ਇਧਾਧਿਪ੍ਪੇਤਂ, ਰੂਪਂ ਪਨ ਸਤ੍ਤਸਨ੍ਤਤਿਪਰਿਯਾਪਨ੍ਨਂ, ਨਿਯਮਤੋ ਚਤ੍ਤਾਰਿ ਭੂਤਾਨਿ ਛ વਤ੍ਥੂਨਿ ਜੀવਿਤਿਨ੍ਦ੍ਰਿਯਂ ਆਹਾਰੋ ਚ। ਤਤ੍ਥ વਿਪਾਕਨਾਮਂ ਪਟਿਸਨ੍ਧਿਕ੍ਖਣੇ ਹਦਯવਤ੍ਥੁਨੋ ਸਹਾਯੋ ਹੁਤ੍વਾ ਛਟ੍ਠਸ੍ਸ ਮਨਾਯਤਨਸ੍ਸ ਸਹਜਾਤਅਞ੍ਞਮਞ੍ਞਨਿਸ੍ਸਯਸਮ੍ਪਯੁਤ੍ਤવਿਪਾਕਅਤ੍ਥਿਅવਿਗਤਪਚ੍ਚਯੇਹਿ ਸਤ੍ਤਧਾ ਪਚ੍ਚਯੋ ਹੋਤਿ। ਕਿਞ੍ਚਿ ਪਨੇਤ੍ਥ ਹੇਤੁਪਚ੍ਚਯੇਨ ਕਿਞ੍ਚਿ ਆਹਾਰਪਚ੍ਚਯੇਨਾਤਿ ਏવਂ ਉਕ੍ਕਂਸਾવਕਂਸੋ વੇਦਿਤਬ੍ਬੋ। ਇਤਰੇਸਂ ਪਨ ਪਞ੍ਚਾਯਤਨਾਨਂ ਚਤੁਨ੍ਨਂ ਮਹਾਭੂਤਾਨਂ ਸਹਾਯੋ ਹੁਤ੍વਾ ਸਹਜਾਤਨਿਸ੍ਸਯવਿਪਾਕવਿਪ੍ਪਯੁਤ੍ਤਅਤ੍ਥਿਅવਿਗਤવਸੇਨ ਛਧਾ ਪਚ੍ਚਯੋ ਹੋਤਿ। ਕਿਞ੍ਚਿ ਪਨੇਤ੍ਥ ਹੇਤੁਪਚ੍ਚਯੇਨ ਕਿਞ੍ਚਿ ਆਹਾਰਪਚ੍ਚਯੇਨਾਤਿ ਸਬ੍ਬਂ ਪੁਰਿਮਸਦਿਸਂ। ਪવਤ੍ਤੇ વਿਪਾਕਨਾਮਂ વਿਪਾਕਸ੍ਸ ਛਟ੍ਠਾਯਤਨਸ੍ਸ વੁਤ੍ਤਨਯੇਨ ਸਤ੍ਤਧਾ ਪਚ੍ਚਯੋ ਹੋਤਿ, ਅવਿਪਾਕਂ ਪਨ ਅવਿਪਾਕਸ੍ਸ ਛਟ੍ਠਸ੍ਸ ਤਤੋ વਿਪਾਕਪਚ੍ਚਯਂ ਅਪਨੇਤ੍વਾ ਪਚ੍ਚਯੋ ਹੋਤਿ। ਚਕ੍ਖਾਯਤਨਾਦੀਨਂ ਪਨ ਪਚ੍ਚੁਪ੍ਪਨ੍ਨਂ ਚਕ੍ਖੁਪਸਾਦਾਦਿવਤ੍ਥੁਕਮ੍ਪਿ ਇਤਰਮ੍ਪਿ વਿਪਾਕਨਾਮਂ ਪਚ੍ਛਾਜਾਤવਿਪ੍ਪਯੁਤ੍ਤਅਤ੍ਥਿਅવਿਗਤਪਚ੍ਚਯੇਹਿ ਚਤੁਧਾ ਪਚ੍ਚਯੋ ਹੋਤਿ, ਤਥਾ ਅવਿਪਾਕਮ੍ਪਿ વੇਦਿਤਬ੍ਬਂ। ਰੂਪਤੋ ਪਨ વਤ੍ਥੁਰੂਪਂ ਪਟਿਸਨ੍ਧਿਯਂ ਛਟ੍ਠਸ੍ਸ ਸਹਜਾਤਅਞ੍ਞਮਞ੍ਞਨਿਸ੍ਸਯવਿਪ੍ਪਯੁਤ੍ਤਅਤ੍ਥਿਅવਿਗਤਪਚ੍ਚਯੇਹਿ ਛਧਾ ਪਚ੍ਚਯੋ ਹੋਤਿ। ਚਤ੍ਤਾਰਿ ਪਨ ਭੂਤਾਨਿ ਚਕ੍ਖਾਯਤਨਾਦੀਨਂ ਪਞ੍ਚਨ੍ਨਂ ਸਹਜਾਤਨਿਸ੍ਸਯਅਤ੍ਥਿਅવਿਗਤਪਚ੍ਚਯੇਹਿ ਚਤੁਧਾ ਪਚ੍ਚਯੋ ਹੋਤਿ। ਰੂਪਜੀવਿਤਂ ਅਤ੍ਥਿਅવਿਗਤਿਨ੍ਦ੍ਰਿਯવਸੇਨ ਤਿਧਾ ਪਚ੍ਚਯੋ ਹੋਤੀਤਿ ਅਯਞ੍ਹੇਤ੍ਥ ਸਙ੍ਖੇਪੋ, વਿਤ੍ਥਾਰੋ ਪਨ વਿਸੁਦ੍ਧਿਮਗ੍ਗਤੋ (વਿਸੁਦ੍ਧਿ॰ ੨.੫੯੪) ਗਹੇਤਬ੍ਬੋ।
Tatrāyaṃ paccayavibhāgo – nāmanti vedanādikhandhattayaṃ idhādhippetaṃ, rūpaṃ pana sattasantatipariyāpannaṃ, niyamato cattāri bhūtāni cha vatthūni jīvitindriyaṃ āhāro ca. Tattha vipākanāmaṃ paṭisandhikkhaṇe hadayavatthuno sahāyo hutvā chaṭṭhassa manāyatanassa sahajātaaññamaññanissayasampayuttavipākaatthiavigatapaccayehi sattadhā paccayo hoti. Kiñci panettha hetupaccayena kiñci āhārapaccayenāti evaṃ ukkaṃsāvakaṃso veditabbo. Itaresaṃ pana pañcāyatanānaṃ catunnaṃ mahābhūtānaṃ sahāyo hutvā sahajātanissayavipākavippayuttaatthiavigatavasena chadhā paccayo hoti. Kiñci panettha hetupaccayena kiñci āhārapaccayenāti sabbaṃ purimasadisaṃ. Pavatte vipākanāmaṃ vipākassa chaṭṭhāyatanassa vuttanayena sattadhā paccayo hoti, avipākaṃ pana avipākassa chaṭṭhassa tato vipākapaccayaṃ apanetvā paccayo hoti. Cakkhāyatanādīnaṃ pana paccuppannaṃ cakkhupasādādivatthukampi itarampi vipākanāmaṃ pacchājātavippayuttaatthiavigatapaccayehi catudhā paccayo hoti, tathā avipākampi veditabbaṃ. Rūpato pana vatthurūpaṃ paṭisandhiyaṃ chaṭṭhassa sahajātaaññamaññanissayavippayuttaatthiavigatapaccayehi chadhā paccayo hoti. Cattāri pana bhūtāni cakkhāyatanādīnaṃ pañcannaṃ sahajātanissayaatthiavigatapaccayehi catudhā paccayo hoti. Rūpajīvitaṃ atthiavigatindriyavasena tidhā paccayo hotīti ayañhettha saṅkhepo, vitthāro pana visuddhimaggato (visuddhi. 2.594) gahetabbo.
ਪਞ੍ਹਸ੍ਸ ਓਕਾਸਂ ਦੇਨ੍ਤੋਤਿ ‘‘ਕੋ ਨੁ ਖੋ, ਭਨ੍ਤੇ, ਫੁਸਤੀ’’ਤਿ ਇਮਸ੍ਸ ਦਿਟ੍ਠਿਗਤਿਕਪਞ੍ਹਸ੍ਸ ਓਕਾਸਂ ਦੇਨ੍ਤੋ। ਤਤੋ વਿવੇਚੇਤੁਕਾਮੋਤਿ ਅਧਿਪ੍ਪਾਯੋ। ਸਬ੍ਬਪਦੇਸੂਤਿ ਦਿਟ੍ਠਿਗਤਿਕੇਨ ਭਗવਤਾ ਚ વੁਤ੍ਤਪਦੇਸੁ। ਸਤ੍ਤੋਤਿ ਅਤ੍ਤਾ। ਸੋ ਪਨ ਉਚ੍ਛੇਦવਾਦਿਨੋਪਿ ਯਾવ ਨ ਉਚ੍ਛਿਜ੍ਜਤਿ, ਤਾવ ਅਤ੍ਥੇવਾਤਿ ਲਦ੍ਧਿ, ਪਗੇવ ਸਸ੍ਸਤવਾਦਿਨੋ। ਭੂਤੋਤਿ વਿਜ੍ਜਮਾਨੋ। ਨਿਪ੍ਫਤ੍ਤੋਤਿ ਨਿਪ੍ਫਨ੍ਨੋ। ਨ ਤਸ੍ਸ ਦਾਨਿ ਨਿਪ੍ਫਾਦੇਤਬ੍ਬਂ ਕਿਞ੍ਚਿ ਅਤ੍ਥੀਤਿ ਲਦ੍ਧਿ। ਇਦਪ੍ਪਚ੍ਚਯਾ ਇਦਨ੍ਤਿ ਇਮਸ੍ਮਾ વਿਞ੍ਞਾਣਾਹਾਰਪਚ੍ਚਯਾ ਇਦਂ ਨਾਮਰੂਪਂ। ਪੁਨ ਇਦਪ੍ਪਚ੍ਚਯਾ ਇਦਨ੍ਤਿ ਇਮਸ੍ਮਾ ਨਾਮਰੂਪਪਚ੍ਚਯਾ ਇਦਂ ਸਲ਼ਾਯਤਨਨ੍ਤਿ ਏવਂ ਬਹੂਸੁ ਠਾਨੇਸੁ ਭਗવਤਾ ਕਥਿਤਤ੍ਤਾ ਯਥਾ ਪਚ੍ਚਯਤੋ ਨਿਬ੍ਬਤ੍ਤਂ ਸਙ੍ਖਾਰਮਤ੍ਤਮਿਦਨ੍ਤਿ ਸਞ੍ਞਤ੍ਤਿਂ ਉਪਗਤੋ। ਤੇਨਾਪੀਤਿ ਸਞ੍ਞਤ੍ਤੁਪਗਤੇਨਾਪਿ। ਏਕਾਬਦ੍ਧਂ ਕਤ੍વਾਤਿ ਯਥਾ ਪੁਚ੍ਛਾਯ ਅવਸਰੋ ਨ ਹੋਤਿ, ਤਥਾ ਏਕਾਬਦ੍ਧਂ ਕਤ੍વਾ। ਦੇਸਨਾਰੁਲ਼੍ਹਨ੍ਤਿ ਯਤੋ ਸਲ਼ਾਯਤਨਪਦਤੋ ਪਟ੍ਠਾਯ ‘‘ਸਲ਼ਾਯਤਨਪਚ੍ਚਯਾ ਫਸ੍ਸੋ’’ਤਿਆਦਿਨਾ ਦੇਸਨਾ ਪਟਿਚ੍ਚਸਮੁਪ੍ਪਾਦવੀਥਿਂ ਆਰੁਲ਼੍ਹਮੇવ। ਤਮੇવਾਤਿ ਸਲ਼ਾਯਤਨਪਦਮੇવ ਗਹੇਤ੍વਾ। વਿવਜ੍ਜੇਨ੍ਤੋਤਿ વਿવਟ੍ਟੇਨ੍ਤੋ। ਏવਮਾਹਾਤਿ ‘‘ਛਨ੍ਨਂਤ੍વੇવਾ’’ਤਿਆਦਿਆਕਾਰੇਨ ਏવਂ ਦੇਸਿਤੇ, ‘‘વਿਨੇਯ੍ਯਜਨੋ ਪਟਿવਿਜ੍ਝਤੀ’’ਤਿ ਏવਮਾਹ। વਿਞ੍ਞਾਣਾਹਾਰੋ ਆਯਤਿਂ ਪੁਨਬ੍ਭવਾਭਿਨਿਬ੍ਬਤ੍ਤਿਯਾਤਿ ਏવਂ ਪੁਰਿਮਭવਤੋ ਆਯਤਿਭવਸ੍ਸ ਪਚ੍ਚਯવਸੇਨ ਮੂਲਕਾਰਣવਸੇਨ ਚ ਦੇਸਿਤਤ੍ਤਾ ‘‘વਿਞ੍ਞਾਣਨਾਮਰੂਪਾਨਂ ਅਨ੍ਤਰੇ ਏਕੋ ਸਨ੍ਧੀ’’ਤਿ વੁਤ੍ਤਂ। ਤਦਮਿਨਾ વਿਞ੍ਞਾਣਗ੍ਗਹਣੇਨ ਅਭਿਸਙ੍ਖਾਰવਿਞ੍ਞਾਣਸ੍ਸਾਪਿ ਗਹਣਂ ਕਤਨ੍ਤਿ ਦਟ੍ਠਬ੍ਬਂ।
Pañhassa okāsaṃ dentoti ‘‘ko nu kho, bhante, phusatī’’ti imassa diṭṭhigatikapañhassa okāsaṃ dento. Tato vivecetukāmoti adhippāyo. Sabbapadesūti diṭṭhigatikena bhagavatā ca vuttapadesu. Sattoti attā. So pana ucchedavādinopi yāva na ucchijjati, tāva atthevāti laddhi, pageva sassatavādino. Bhūtoti vijjamāno. Nipphattoti nipphanno. Na tassa dāni nipphādetabbaṃ kiñci atthīti laddhi. Idappaccayā idanti imasmā viññāṇāhārapaccayā idaṃ nāmarūpaṃ. Puna idappaccayā idanti imasmā nāmarūpapaccayā idaṃ saḷāyatananti evaṃ bahūsu ṭhānesu bhagavatā kathitattā yathā paccayato nibbattaṃ saṅkhāramattamidanti saññattiṃ upagato. Tenāpīti saññattupagatenāpi. Ekābaddhaṃ katvāti yathā pucchāya avasaro na hoti, tathā ekābaddhaṃ katvā. Desanāruḷhanti yato saḷāyatanapadato paṭṭhāya ‘‘saḷāyatanapaccayā phasso’’tiādinā desanā paṭiccasamuppādavīthiṃ āruḷhameva. Tamevāti saḷāyatanapadameva gahetvā. Vivajjentoti vivaṭṭento. Evamāhāti ‘‘channaṃtvevā’’tiādiākārena evaṃ desite, ‘‘vineyyajano paṭivijjhatī’’ti evamāha. Viññāṇāhāro āyatiṃ punabbhavābhinibbattiyāti evaṃ purimabhavato āyatibhavassa paccayavasena mūlakāraṇavasena ca desitattā ‘‘viññāṇanāmarūpānaṃ antare eko sandhī’’ti vuttaṃ. Tadaminā viññāṇaggahaṇena abhisaṅkhāraviññāṇassāpi gahaṇaṃ katanti daṭṭhabbaṃ.
ਮੋਲ਼ਿਯਫਗ੍ਗੁਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Moḷiyaphaggunasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਮੋਲ਼ਿਯਫਗ੍ਗੁਨਸੁਤ੍ਤਂ • 2. Moḷiyaphaggunasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਮੋਲ਼ਿਯਫਗ੍ਗੁਨਸੁਤ੍ਤવਣ੍ਣਨਾ • 2. Moḷiyaphaggunasuttavaṇṇanā
