| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. โมเนยฺยสุตฺตํ
10. Moneyyasuttaṃ
๑๒๓. ‘‘ตีณิมานิ, ภิกฺขเว, โมเนยฺยานิฯ กตมานิ ตีณิ? กายโมเนยฺยํ, วจีโมเนยฺยํ, มโนโมเนยฺยํฯ กตมญฺจ, ภิกฺขเว, กายโมเนยฺยํ ? อิธ, ภิกฺขเว, ภิกฺขุ ปาณาติปาตา ปฎิวิรโต โหติ, อทินฺนาทานา ปฎิวิรโต โหติ, อพฺรหฺมจริยา ปฎิวิรโต โหติฯ อิทํ วุจฺจติ, ภิกฺขเว, กายโมเนยฺยํฯ
123. ‘‘Tīṇimāni, bhikkhave, moneyyāni. Katamāni tīṇi? Kāyamoneyyaṃ, vacīmoneyyaṃ, manomoneyyaṃ. Katamañca, bhikkhave, kāyamoneyyaṃ ? Idha, bhikkhave, bhikkhu pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti. Idaṃ vuccati, bhikkhave, kāyamoneyyaṃ.
‘‘กตมญฺจ, ภิกฺขเว, วจีโมเนยฺยํ? อิธ, ภิกฺขเว, ภิกฺขุ มุสาวาทา ปฎิวิรโต โหติ, ปิสุณาย วาจาย ปฎิวิรโต โหติ, ผรุสาย วาจาย ปฎิวิรโต โหติ, สมฺผปฺปลาปา ปฎิวิรโต โหติฯ อิทํ วุจฺจติ, ภิกฺขเว, วจีโมเนยฺยํฯ
‘‘Katamañca, bhikkhave, vacīmoneyyaṃ? Idha, bhikkhave, bhikkhu musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti. Idaṃ vuccati, bhikkhave, vacīmoneyyaṃ.
‘‘กตมญฺจ, ภิกฺขเว, มโนโมเนยฺยํ? อิธ, ภิกฺขเว, ภิกฺขุ อาสวานํ ขยา อนาสวํ เจโตวิมุตฺติํ ปญฺญาวิมุตฺติํ ทิเฎฺฐว ธเมฺม สยํ อภิญฺญา สจฺฉิกตฺวา อุปสมฺปชฺช วิหรติฯ อิทํ วุจฺจติ, ภิกฺขเว, มโนโมเนยฺยํฯ อิมานิ โข, ภิกฺขเว, ตีณิ โมเนยฺยานี’’ติฯ
‘‘Katamañca, bhikkhave, manomoneyyaṃ? Idha, bhikkhave, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Idaṃ vuccati, bhikkhave, manomoneyyaṃ. Imāni kho, bhikkhave, tīṇi moneyyānī’’ti.
‘‘กายมุนิํ วจีมุนิํ, เจโตมุนิํ อนาสวํ;
‘‘Kāyamuniṃ vacīmuniṃ, cetomuniṃ anāsavaṃ;
มุนิํ โมเนยฺยสมฺปนฺนํ, อาหุ สพฺพปฺปหายิน’’นฺติฯ ทสมํ;
Muniṃ moneyyasampannaṃ, āhu sabbappahāyina’’nti. dasamaṃ;
อาปายิกวโคฺค ทฺวาทสโมฯ
Āpāyikavaggo dvādasamo.
ตสฺสุทฺทานํ –
Tassuddānaṃ –
อาปายิโก ทุลฺลโภ อปฺปเมยฺยํ, อาเนญฺชวิปตฺติสมฺปทา;
Āpāyiko dullabho appameyyaṃ, āneñjavipattisampadā;
อปณฺณโก จ กมฺมโนฺต, เทฺว โสเจยฺยานิ โมเนยฺยนฺติฯ
Apaṇṇako ca kammanto, dve soceyyāni moneyyanti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑๐. โมเนยฺยสุตฺตวณฺณนา • 10. Moneyyasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. โมเนยฺยสุตฺตวณฺณนา • 10. Moneyyasuttavaṇṇanā
