| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. монзяяасуд̇д̇аван̣н̣анаа
10. Moneyyasuttavaṇṇanā
123. д̣̇асамз монзяяаанийд̇и мунибхааваа. гааяамонзяяанд̇и гааяад̣̇ваарз мунибхааво саад̇хубхааво бан̣д̣ид̇абхааво. сзсад̣̇ваязби зсзва наяо. ид̣̇ам̣ вужжад̇и, бхигкавз, гааяамонзяяанд̇и ид̣̇ам̣ д̇ивид̇хагааяад̣̇ужжарид̇аббахаанам̣ гааяамонзяяам̣ наама. абижа д̇ивид̇хам̣ гааяасужарид̇амби гааяамонзяяам̣, д̇ат̇аа гааяаарамман̣ам̣ н̃аан̣ам̣ гааяамонзяяам̣, гааяабарин̃н̃аа гааяамонзяяам̣, барин̃н̃аасахаг̇ад̇о маг̇г̇о гааяамонзяяам̣, гааяз чанд̣̇арааг̇асса бахаанам̣ гааяамонзяяам̣, гааяасан̇кааранирод̇хо жад̇уд̇т̇аж̇жхаанасамаабад̇д̇и гааяамонзяяам̣. важиймонзяязби зсзва наяо.
123. Dasame moneyyānīti munibhāvā. Kāyamoneyyanti kāyadvāre munibhāvo sādhubhāvo paṇḍitabhāvo. Sesadvayepi eseva nayo. Idaṃ vuccati, bhikkhave, kāyamoneyyanti idaṃ tividhakāyaduccaritappahānaṃ kāyamoneyyaṃ nāma. Apica tividhaṃ kāyasucaritampi kāyamoneyyaṃ, tathā kāyārammaṇaṃ ñāṇaṃ kāyamoneyyaṃ, kāyapariññā kāyamoneyyaṃ, pariññāsahagato maggo kāyamoneyyaṃ, kāye chandarāgassa pahānaṃ kāyamoneyyaṃ, kāyasaṅkhāranirodho catutthajjhānasamāpatti kāyamoneyyaṃ. Vacīmoneyyepi eseva nayo.
аяам̣ банзд̇т̇а висзсо – яат̇аа ид̇ха жад̇уд̇т̇аж̇жхаанасамаабад̇д̇и, звам̣ д̇ад̇т̇а важийсан̇кааранирод̇хо д̣̇уд̇ияаж̇жхаанасамаабад̇д̇и важиймонзяяанд̇и взд̣̇ид̇аб̣б̣аа. маномонзяяамби иминаава наязна ад̇т̇ам̣ н̃ад̇ваа жид̇д̇асан̇кааранирод̇хо сан̃н̃аавзд̣̇аяид̇анирод̇хасамаабад̇д̇и маномонзяяанд̇и взд̣̇ид̇аб̣б̣аа. гааяамунинд̇и гааяад̣̇ваарз муним̣ уд̇д̇амам̣ барисуд̣̇д̇хам̣, гааязна ваа муним̣. сзсад̣̇ваязби зсзва наяо. саб̣б̣аббахааяинанд̇и кийн̣аасавам̣. кийн̣аасаво хи саб̣б̣аббахааяий наамаад̇и.
Ayaṃ panettha viseso – yathā idha catutthajjhānasamāpatti, evaṃ tattha vacīsaṅkhāranirodho dutiyajjhānasamāpatti vacīmoneyyanti veditabbā. Manomoneyyampi imināva nayena atthaṃ ñatvā cittasaṅkhāranirodho saññāvedayitanirodhasamāpatti manomoneyyanti veditabbā. Kāyamuninti kāyadvāre muniṃ uttamaṃ parisuddhaṃ, kāyena vā muniṃ. Sesadvayepi eseva nayo. Sabbappahāyinanti khīṇāsavaṃ. Khīṇāsavo hi sabbappahāyī nāmāti.
аабааяигаваг̇г̇о д̣̇уд̇ияо.
Āpāyikavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. монзяяасуд̇д̇ам̣ • 10. Moneyyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. монзяяасуд̇д̇аван̣н̣анаа • 10. Moneyyasuttavaṇṇanā
