| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. монзяяасуд̇д̇аван̣н̣анаа
10. Moneyyasuttavaṇṇanā
123. д̣̇асамз мунино бхааваа монзяяаани, язхи д̇хаммзхи убхаяахид̇амунанад̇о муни наама ход̇и, д̇з мунибхаавагараа монзяяаа бадибад̣̇аа д̇хаммаа зва вуд̇д̇аа. мунино ваа зд̇аани монзяяаани, яат̇аавуд̇д̇ад̇хаммаа зва. д̇ад̇т̇а яасмаа гааязна агад̇д̇аб̣б̣асса агаран̣ам̣, гад̇д̇аб̣б̣асса жа гаран̣ам̣ , ‘‘ад̇т̇и имасмим̣ гааяз гзсаа’’д̇иаад̣̇инаа (д̣̇ий. ни. 2.377; ма. ни. 1.110; сам̣. ни. 4.127; ку. баа. 3.д̣̇вад̇д̇им̣саагаара) гааяасан̇каад̇асса аарамман̣асса ж̇аананам̣, гааяасса жа самуд̣̇аяад̇о ад̇т̇ан̇г̇амад̇о ассаад̣̇ад̇о аад̣̇ийнавад̇о ниссаран̣ад̇о жа яаат̇аавад̇о бариж̇аананад̇аа, д̇ат̇аа бариж̇аананавасзна бана бавад̇д̇о вибассанаамаг̇г̇о, д̇зна жа гааяз чанд̣̇арааг̇асса баж̇аханам̣, гааяасан̇каарам̣ нирод̇хзд̇ваа бад̇д̇аб̣б̣асамаабад̇д̇и ваа, саб̣б̣з зд̇з гааяамукзна бавад̇д̇аа монзяяаббадибад̣̇аа д̇хаммаа гааяамонзяяам̣ наама. д̇асмаа д̇амад̇т̇ам̣ д̣̇ассзд̇ум̣ ‘‘гад̇амам̣ гааяамонзяяам̣? д̇ивид̇хагааяад̣̇ужжарид̇асса бахаанам̣ гааяамонзяяам̣, д̇ивид̇хагааяасужарид̇амби гааяамонзяяа’’нд̇иаад̣̇инаа (махаани. 14) баал̣и ааг̇ад̇аа. ид̇хааби д̇знзва баал̣инаязна ад̇т̇ам̣ д̣̇ассзнд̇о ‘‘д̇ивид̇хагааяад̣̇ужжарид̇аббахаанам̣ гааяамонзяяам̣ наамаа’’д̇иаад̣̇имааха.
123. Dasame munino bhāvā moneyyāni, yehi dhammehi ubhayahitamunanato muni nāma hoti, te munibhāvakarā moneyyā paṭipadā dhammā eva vuttā. Munino vā etāni moneyyāni, yathāvuttadhammā eva. Tattha yasmā kāyena akattabbassa akaraṇaṃ, kattabbassa ca karaṇaṃ , ‘‘atthi imasmiṃ kāye kesā’’tiādinā (dī. ni. 2.377; ma. ni. 1.110; saṃ. ni. 4.127; khu. pā. 3.dvattiṃsākāra) kāyasaṅkhātassa ārammaṇassa jānanaṃ, kāyassa ca samudayato atthaṅgamato assādato ādīnavato nissaraṇato ca yāthāvato parijānanatā, tathā parijānanavasena pana pavatto vipassanāmaggo, tena ca kāye chandarāgassa pajahanaṃ, kāyasaṅkhāraṃ nirodhetvā pattabbasamāpatti vā, sabbe ete kāyamukhena pavattā moneyyappaṭipadā dhammā kāyamoneyyaṃ nāma. Tasmā tamatthaṃ dassetuṃ ‘‘katamaṃ kāyamoneyyaṃ? Tividhakāyaduccaritassa pahānaṃ kāyamoneyyaṃ, tividhakāyasucaritampi kāyamoneyya’’ntiādinā (mahāni. 14) pāḷi āgatā. Idhāpi teneva pāḷinayena atthaṃ dassento ‘‘tividhakāyaduccaritappahānaṃ kāyamoneyyaṃ nāmā’’tiādimāha.
ид̣̇аани ‘‘гад̇амам̣ важиймонзяяам̣? жад̇уб̣б̣ид̇хаважийд̣̇ужжарид̇асса бахаанам̣ важиймонзяяам̣, жад̇уб̣б̣ид̇хам̣ важийсужарид̇ам̣, ваажаарамман̣з н̃аан̣ам̣, ваажаабарин̃н̃аа, барин̃н̃аасахаг̇ад̇о маг̇г̇о, ваажааяа чанд̣̇арааг̇асса бахаанам̣, важийсан̇кааранирод̇хо д̣̇уд̇ияаж̇жхаанасамаабад̇д̇и важиймонзяяа’’нд̇и имааяа баал̣ияаа вуд̇д̇амад̇т̇ам̣ ад̇ид̣̇ийбзнд̇о ‘‘важиймонзяязби зсзва наяо’’д̇иаад̣̇имааха. д̇ад̇т̇а жобанаваажан̃жзва сад̣̇д̣̇аваажан̃жа аараб̣бха бавад̇д̇аа бан̃н̃аа ваажаарамман̣з н̃аан̣ам̣. д̇ассаа ваажааяа самуд̣̇аяаад̣̇ид̇о бариж̇аананам̣ ваажаабарин̃н̃аа.
Idāni ‘‘katamaṃ vacīmoneyyaṃ? Catubbidhavacīduccaritassa pahānaṃ vacīmoneyyaṃ, catubbidhaṃ vacīsucaritaṃ, vācārammaṇe ñāṇaṃ, vācāpariññā, pariññāsahagato maggo, vācāya chandarāgassa pahānaṃ, vacīsaṅkhāranirodho dutiyajjhānasamāpatti vacīmoneyya’’nti imāya pāḷiyā vuttamatthaṃ atidīpento ‘‘vacīmoneyyepi eseva nayo’’tiādimāha. Tattha copanavācañceva saddavācañca ārabbha pavattā paññā vācārammaṇe ñāṇaṃ. Tassā vācāya samudayādito parijānanaṃ vācāpariññā.
‘‘гад̇амам̣ маномонзяяам̣? д̇ивид̇хаманод̣̇ужжарид̇асса бахаанам̣ маномонзяяам̣, д̇ивид̇хам̣ маносужжарид̇ам̣, манаарамман̣з н̃аан̣ам̣, манабарин̃н̃аа, барин̃н̃аасахаг̇ад̇о маг̇г̇о, манасмим̣ чанд̣̇арааг̇асса бахаанам̣, жид̇д̇асан̇кааранирод̇хо сан̃н̃аавзд̣̇аяид̇анирод̇хасамаабад̇д̇и маномонзяяа’’нд̇и имааяа баал̣ияаа ааг̇ад̇анаязна ад̇т̇ам̣ вибхаавзнд̇о ‘‘маномонзяязби иминаава наязна ад̇т̇ам̣ н̃ад̇ваа’’д̇иаад̣̇имааха. д̇ад̇т̇а жа згаасийд̇ивид̇хам̣ логияажид̇д̇ам̣ аараб̣бха бавад̇д̇ан̃аан̣ам̣ манаарамман̣з н̃аан̣ам̣. д̇асса самуд̣̇аяаад̣̇ид̇о бариж̇аананам̣ манабарин̃н̃аад̇и аяам̣ висзсо.
‘‘Katamaṃ manomoneyyaṃ? Tividhamanoduccaritassa pahānaṃ manomoneyyaṃ, tividhaṃ manosuccaritaṃ, manārammaṇe ñāṇaṃ, manapariññā, pariññāsahagato maggo, manasmiṃ chandarāgassa pahānaṃ, cittasaṅkhāranirodho saññāvedayitanirodhasamāpatti manomoneyya’’nti imāya pāḷiyā āgatanayena atthaṃ vibhāvento ‘‘manomoneyyepi imināva nayena atthaṃ ñatvā’’tiādimāha. Tattha ca ekāsītividhaṃ lokiyacittaṃ ārabbha pavattañāṇaṃ manārammaṇe ñāṇaṃ. Tassa samudayādito parijānanaṃ manapariññāti ayaṃ viseso.
монзяяасуд̇д̇аван̣н̣анаа нидтид̇аа.
Moneyyasuttavaṇṇanā niṭṭhitā.
аабааяигаваг̇г̇аван̣н̣анаа нидтид̇аа.
Āpāyikavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. монзяяасуд̇д̇ам̣ • 10. Moneyyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. монзяяасуд̇д̇аван̣н̣анаа • 10. Moneyyasuttavaṇṇanā
