| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਮੋਨੇਯ੍ਯਸੁਤ੍ਤવਣ੍ਣਨਾ
10. Moneyyasuttavaṇṇanā
੧੨੩. ਦਸਮੇ ਮੋਨੇਯ੍ਯਾਨੀਤਿ ਮੁਨਿਭਾવਾ। ਕਾਯਮੋਨੇਯ੍ਯਨ੍ਤਿ ਕਾਯਦ੍વਾਰੇ ਮੁਨਿਭਾવੋ ਸਾਧੁਭਾવੋ ਪਣ੍ਡਿਤਭਾવੋ। ਸੇਸਦ੍વਯੇਪਿ ਏਸੇવ ਨਯੋ। ਇਦਂ વੁਚ੍ਚਤਿ, ਭਿਕ੍ਖવੇ, ਕਾਯਮੋਨੇਯ੍ਯਨ੍ਤਿ ਇਦਂ ਤਿવਿਧਕਾਯਦੁਚ੍ਚਰਿਤਪ੍ਪਹਾਨਂ ਕਾਯਮੋਨੇਯ੍ਯਂ ਨਾਮ। ਅਪਿਚ ਤਿવਿਧਂ ਕਾਯਸੁਚਰਿਤਮ੍ਪਿ ਕਾਯਮੋਨੇਯ੍ਯਂ, ਤਥਾ ਕਾਯਾਰਮ੍ਮਣਂ ਞਾਣਂ ਕਾਯਮੋਨੇਯ੍ਯਂ, ਕਾਯਪਰਿਞ੍ਞਾ ਕਾਯਮੋਨੇਯ੍ਯਂ, ਪਰਿਞ੍ਞਾਸਹਗਤੋ ਮਗ੍ਗੋ ਕਾਯਮੋਨੇਯ੍ਯਂ, ਕਾਯੇ ਛਨ੍ਦਰਾਗਸ੍ਸ ਪਹਾਨਂ ਕਾਯਮੋਨੇਯ੍ਯਂ, ਕਾਯਸਙ੍ਖਾਰਨਿਰੋਧੋ ਚਤੁਤ੍ਥਜ੍ਝਾਨਸਮਾਪਤ੍ਤਿ ਕਾਯਮੋਨੇਯ੍ਯਂ। વਚੀਮੋਨੇਯ੍ਯੇਪਿ ਏਸੇવ ਨਯੋ।
123. Dasame moneyyānīti munibhāvā. Kāyamoneyyanti kāyadvāre munibhāvo sādhubhāvo paṇḍitabhāvo. Sesadvayepi eseva nayo. Idaṃ vuccati, bhikkhave, kāyamoneyyanti idaṃ tividhakāyaduccaritappahānaṃ kāyamoneyyaṃ nāma. Apica tividhaṃ kāyasucaritampi kāyamoneyyaṃ, tathā kāyārammaṇaṃ ñāṇaṃ kāyamoneyyaṃ, kāyapariññā kāyamoneyyaṃ, pariññāsahagato maggo kāyamoneyyaṃ, kāye chandarāgassa pahānaṃ kāyamoneyyaṃ, kāyasaṅkhāranirodho catutthajjhānasamāpatti kāyamoneyyaṃ. Vacīmoneyyepi eseva nayo.
ਅਯਂ ਪਨੇਤ੍ਥ વਿਸੇਸੋ – ਯਥਾ ਇਧ ਚਤੁਤ੍ਥਜ੍ਝਾਨਸਮਾਪਤ੍ਤਿ, ਏવਂ ਤਤ੍ਥ વਚੀਸਙ੍ਖਾਰਨਿਰੋਧੋ ਦੁਤਿਯਜ੍ਝਾਨਸਮਾਪਤ੍ਤਿ વਚੀਮੋਨੇਯ੍ਯਨ੍ਤਿ વੇਦਿਤਬ੍ਬਾ। ਮਨੋਮੋਨੇਯ੍ਯਮ੍ਪਿ ਇਮਿਨਾવ ਨਯੇਨ ਅਤ੍ਥਂ ਞਤ੍વਾ ਚਿਤ੍ਤਸਙ੍ਖਾਰਨਿਰੋਧੋ ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਮਨੋਮੋਨੇਯ੍ਯਨ੍ਤਿ વੇਦਿਤਬ੍ਬਾ। ਕਾਯਮੁਨਿਨ੍ਤਿ ਕਾਯਦ੍વਾਰੇ ਮੁਨਿਂ ਉਤ੍ਤਮਂ ਪਰਿਸੁਦ੍ਧਂ, ਕਾਯੇਨ વਾ ਮੁਨਿਂ। ਸੇਸਦ੍વਯੇਪਿ ਏਸੇવ ਨਯੋ। ਸਬ੍ਬਪ੍ਪਹਾਯਿਨਨ੍ਤਿ ਖੀਣਾਸવਂ। ਖੀਣਾਸવੋ ਹਿ ਸਬ੍ਬਪ੍ਪਹਾਯੀ ਨਾਮਾਤਿ।
Ayaṃ panettha viseso – yathā idha catutthajjhānasamāpatti, evaṃ tattha vacīsaṅkhāranirodho dutiyajjhānasamāpatti vacīmoneyyanti veditabbā. Manomoneyyampi imināva nayena atthaṃ ñatvā cittasaṅkhāranirodho saññāvedayitanirodhasamāpatti manomoneyyanti veditabbā. Kāyamuninti kāyadvāre muniṃ uttamaṃ parisuddhaṃ, kāyena vā muniṃ. Sesadvayepi eseva nayo. Sabbappahāyinanti khīṇāsavaṃ. Khīṇāsavo hi sabbappahāyī nāmāti.
ਆਪਾਯਿਕવਗ੍ਗੋ ਦੁਤਿਯੋ।
Āpāyikavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਮੋਨੇਯ੍ਯਸੁਤ੍ਤਂ • 10. Moneyyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਮੋਨੇਯ੍ਯਸੁਤ੍ਤવਣ੍ਣਨਾ • 10. Moneyyasuttavaṇṇanā
