| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
мужалинд̣̇агат̇аа
Mucalindakathā
5. агааламзгход̇и асамбад̇д̇з вассагаалз уббаннамзгхо. аяам̣ бана г̇имхаанам̣ бажчимз маасз уд̣̇абаад̣̇и. сад̇д̇аахавад̣̇д̣̇алигаад̇и д̇асмим̣ уббаннз сад̇д̇аахам̣ авижчиннавудтигаа ахоси. сийд̇аваад̇ад̣̇уд̣̇д̣̇инийд̇и саа жа бана сад̇д̇аахавад̣̇д̣̇алигаа уд̣̇агапусид̇асаммиссзна сийд̇аваад̇зна саманд̇аа бариб̣бхаманд̇зна д̣̇уусид̇ад̣̇ивасад̇д̇аа сийд̇аваад̇ад̣̇уд̣̇д̣̇иний наама ахоси. ат̇а ко мужалинд̣̇о нааг̇арааж̇аад̇и д̇ассзва мужалинд̣̇аругкасса самийбз богкаран̣ияаа ниб̣б̣ад̇д̇о махаанубхааво нааг̇арааж̇аа. сад̇д̇агкад̇д̇ум̣ бхог̇зхи баригкибид̇ваад̇и звам̣ бхог̇зхи баригкибид̇ваа убаримуд̣̇д̇хани маханд̇ам̣ пан̣ам̣ гарид̇ваава тид̇з; д̇асмим̣ д̇асса баригкзбаб̣бханд̇арам̣ лохабаасаад̣̇з бхан̣д̣ааг̇аараг̇аб̣бхаббамаан̣ам̣ ахоси, д̇асмаа бхаг̇аваа ниваад̇з бихид̇ад̣̇ваараваад̇абаанз гуудааг̇аарз нисинно вияа ж̇аад̇о. маа бхаг̇аванд̇ам̣ сийд̇анд̇иаад̣̇и д̇асса д̇ат̇аа гарид̇ваа таанагааран̣абарид̣̇ийбанам̣. со хи ‘‘маа бхаг̇аванд̇ам̣ сийд̇ам̣ б̣аад̇хаяид̇т̇а, маа ун̣хам̣, маа д̣ам̣саад̣̇исампассо б̣аад̇хаяид̇т̇аа’’д̇и д̇ат̇аа гарид̇ваа адтааси. д̇ад̇т̇а гин̃жааби сад̇д̇аахавад̣̇д̣̇алигааяа ун̣хамзва над̇т̇и, сажз бана анд̇аранд̇араа мзгхо виг̇ажчзяяа ун̣хам̣ бхавзяяа , д̇амби нам̣ маа б̣аад̇хаяид̇т̇аад̇и звам̣ д̇асса жинд̇зд̇ум̣ яуд̇д̇ам̣. вид̣̇д̇ханд̇и уб̣б̣ид̣̇д̇хам̣; мзгхавиг̇амзна д̣̇уурийбхууд̇анд̇и ад̇т̇о. виг̇ад̇авалаахаганд̇и абаг̇ад̇амзгхам̣. д̣̇званд̇и аагаасам̣. сагаван̣н̣анд̇и ад̇д̇ано руубам̣.
5.Akālameghoti asampatte vassakāle uppannamegho. Ayaṃ pana gimhānaṃ pacchime māse udapādi. Sattāhavaddalikāti tasmiṃ uppanne sattāhaṃ avicchinnavuṭṭhikā ahosi. Sītavātaduddinīti sā ca pana sattāhavaddalikā udakaphusitasammissena sītavātena samantā paribbhamantena dūsitadivasattā sītavātaduddinī nāma ahosi. Atha kho mucalindo nāgarājāti tasseva mucalindarukkhassa samīpe pokkharaṇiyā nibbatto mahānubhāvo nāgarājā. Sattakkhattuṃ bhogehi parikkhipitvāti evaṃ bhogehi parikkhipitvā uparimuddhani mahantaṃ phaṇaṃ karitvāva ṭhite; tasmiṃ tassa parikkhepabbhantaraṃ lohapāsāde bhaṇḍāgāragabbhappamāṇaṃ ahosi, tasmā bhagavā nivāte pihitadvāravātapāne kūṭāgāre nisinno viya jāto. Mā bhagavantaṃ sītantiādi tassa tathā karitvā ṭhānakāraṇaparidīpanaṃ. So hi ‘‘mā bhagavantaṃ sītaṃ bādhayittha, mā uṇhaṃ, mā ḍaṃsādisamphasso bādhayitthā’’ti tathā karitvā aṭṭhāsi. Tattha kiñcāpi sattāhavaddalikāya uṇhameva natthi, sace pana antarantarā megho vigaccheyya uṇhaṃ bhaveyya , tampi naṃ mā bādhayitthāti evaṃ tassa cintetuṃ yuttaṃ. Viddhanti ubbiddhaṃ; meghavigamena dūrībhūtanti attho. Vigatavalāhakanti apagatameghaṃ. Devanti ākāsaṃ. Sakavaṇṇanti attano rūpaṃ.
суко вивзгод̇и ниб̣б̣аанасан̇каад̇о убад̇хививзго суко. д̇удтассаад̇и жад̇умаг̇г̇ан̃аан̣асанд̇осзна санд̇удтасса. суд̇ад̇хаммассаад̇и багаасид̇ад̇хаммасса. бассад̇од̇и д̇ам̣ вивзгам̣ яам̣ ваа гин̃жи бассид̇аб̣б̣ам̣ наама, д̇ам̣ саб̣б̣ам̣ ад̇д̇ано вийрияаб̣алаад̇хиг̇ад̇зна н̃аан̣ажагкунаа бассанд̇асса. аб̣яаабаж̇ж̇анд̇и агуббанабхааво; зд̇зна мзд̇д̇аабуб̣б̣абхааг̇о д̣̇ассид̇о. баан̣абхууд̇зсу сам̣яамод̇и сад̇д̇зсу жа сам̣яамо; авихим̣санабхааво сукод̇и ад̇т̇о. зд̇зна гарун̣аабуб̣б̣абхааг̇о д̣̇ассид̇о. сукаа вирааг̇ад̇аа логзд̇и вийд̇арааг̇ад̇ааби сукаад̇и д̣̇ийбзд̇и. гаамаанам̣ самад̇иггамод̇и яаа ‘‘гаамаанам̣ самад̇иггамо’’д̇и вужжад̇и; саа вирааг̇ад̇ааби сукаад̇и ад̇т̇о. зд̇зна анааг̇аамимаг̇г̇о гат̇ид̇о. асмимаанасса яо винаяод̇и иминаа бана арахад̇д̇ам̣ гат̇ид̇ам̣; арахад̇д̇ан̃хи асмимаанасса ‘‘бассад̣̇д̇хивинаяо’’д̇и вужжад̇и. ид̇о баран̃жа сукам̣ наама над̇т̇и, д̇знааха ‘‘зд̇ам̣ вз барамам̣ сука’’нд̇и.
Sukho vivekoti nibbānasaṅkhāto upadhiviveko sukho. Tuṭṭhassāti catumaggañāṇasantosena santuṭṭhassa. Sutadhammassāti pakāsitadhammassa. Passatoti taṃ vivekaṃ yaṃ vā kiñci passitabbaṃ nāma, taṃ sabbaṃ attano vīriyabalādhigatena ñāṇacakkhunā passantassa. Abyāpajjanti akuppanabhāvo; etena mettāpubbabhāgo dassito. Pāṇabhūtesu saṃyamoti sattesu ca saṃyamo; avihiṃsanabhāvo sukhoti attho. Etena karuṇāpubbabhāgo dassito. Sukhā virāgatā loketi vītarāgatāpi sukhāti dīpeti. Kāmānaṃ samatikkamoti yā ‘‘kāmānaṃ samatikkamo’’ti vuccati; sā virāgatāpi sukhāti attho. Etena anāgāmimaggo kathito. Asmimānassa yo vinayoti iminā pana arahattaṃ kathitaṃ; arahattañhi asmimānassa ‘‘passaddhivinayo’’ti vuccati. Ito parañca sukhaṃ nāma natthi, tenāha ‘‘etaṃ ve paramaṃ sukha’’nti.
мужалинд̣̇агат̇аа нидтид̇аа.
Mucalindakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 3. мужалинд̣̇агат̇аа • 3. Mucalindakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / мужалинд̣̇агат̇ааван̣н̣анаа • Mucalindakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / мужалинд̣̇агат̇ааван̣н̣анаа • Mucalindakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мужалинд̣̇агат̇ааван̣н̣анаа • Mucalindakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. мужалинд̣̇агат̇аа • 3. Mucalindakathā
