| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
3. мужалинд̣̇агат̇аа
3. Mucalindakathā
5. агааламзгход̇и зд̇т̇а ваббаад̣̇игааласса абхааваа на агаало ход̇и, ат̇а ко вассагаалз асамбад̇д̇ад̇д̇аа агаалод̇и ааха ‘‘асамбад̇д̇з вассагаалз’’д̇и. ‘‘уббаннамзгхо’’д̇и иминаа агаалз уббанно мзгхо агааламзгход̇и важанад̇т̇ам̣ д̣̇ассзд̇и. г̇имхаанам̣ бажчимз маасзд̇и ж̇здтамууламаасз. д̇асминд̇и мзгхз. сийд̇аваад̇ад̣̇уд̣̇д̣̇инийд̇и зд̇т̇а сийд̇зна ваад̇зна д̣̇уусид̇ам̣ д̣̇инам̣ имиссаа ваддалигааяаад̇и сийд̇аваад̇ад̣̇уд̣̇д̣̇инийд̇и важанад̇т̇ам̣ д̣̇ассзнд̇о ааха ‘‘саа жа банаа’’д̇иаад̣̇и. саа жа бана сад̇д̇аахаваддалигаа сийд̇аваад̇ад̣̇уд̣̇д̣̇иний наама ахосийд̇и самб̣анд̇хо. ‘‘самийбз богкаран̣ияаа ниб̣б̣ад̇д̇о’’д̇и иминаа мужалинд̣̇асса самийбз ниб̣б̣ад̇д̇о мужалинд̣̇од̇и важанад̇т̇ам̣ д̣̇ассзд̇и. мужалинд̣̇од̇и жа нижуло. со нийбод̇и жа бияагод̇и жа вужжад̇и. нааг̇асса бхог̇о згоби сад̇д̇аабхуж̇ад̇д̇аа ‘‘бхог̇зхий’’д̇и б̣ахуважанавасзна вуд̇д̇ам̣. д̇асминд̇и нааг̇арааж̇з тид̇з сад̇ийд̇и яож̇анаа. д̇ассаад̇и нааг̇арааж̇асса. д̇асмаад̇и яасмаа бхан̣д̣ааг̇аараг̇аб̣бхабамаан̣ам̣ ахоси, д̇асмаа. таанасса гааран̣ам̣ барид̣̇ийбзд̇и анзнаад̇и таанагааран̣абарид̣̇ийбанам̣ ‘‘маа бхаг̇аванд̇ам̣ сийд̇а’’нд̇иаад̣̇иважанам̣. сод̇и нааг̇арааж̇аа. хийд̇и сажжам̣. баал̣ияам̣ ‘‘б̣аад̇хаяид̇т̇аа’’д̇и гирияаабад̣̇ам̣ аж̇жхаахарид̇аб̣б̣анд̇и ааха ‘‘маа сийд̇ам̣ бхаг̇аванд̇ам̣ б̣аад̇хаяид̇т̇аа’’д̇и. д̇ад̇т̇аад̇и ‘‘маа бхаг̇аванд̇ам̣ сийд̇а’’нд̇иаад̣̇иважанз. сад̇д̇аахаваддалигааяа сад̇ийд̇и самб̣анд̇хо. д̇амбийд̇и ун̣хамби. нанд̇и бхаг̇аванд̇ам̣. д̇ассаад̇и нааг̇арааж̇асса. уб̣б̣ид̣̇д̇ханд̇и уд̣̇д̇хам̣ чид̣̇д̣̇ам̣. вид̣̇д̇хачид̣̇д̣̇асад̣̇д̣̇аа хи барияааяаа. аагаасам̣ мзгхабадалабадижчаннам̣ аасаннам̣ вияа ход̇и, мзгхабадалавиг̇амз д̣̇уурам̣ вияа убадтаад̇и, д̇асмаа вуд̇д̇ам̣ ‘‘мзгхавиг̇амзна д̣̇уурийбхууд̇а’’нд̇и. виг̇ад̇авалаахаганд̇и зд̇т̇а виг̇ад̇асад̣̇д̣̇о абаг̇ад̇ад̇т̇аваажаго, валаахагасад̣̇д̣̇о мзгхабарияааяод̇и ааха ‘‘абаг̇ад̇амзгха’’нд̇и. инд̣̇анийламан̣и вияа д̣̇иб̣б̣ад̇ийд̇и д̣̇звод̇и важанад̇т̇зна аагаасо д̣̇зво наамаад̇и ааха ‘‘д̣̇званд̇и аагааса’’нд̇и. ад̇д̇ано руубанд̇и ад̇д̇ано нааг̇асан̣таанам̣. иминаа сагаван̣н̣анд̇и зд̇т̇а сагасад̣̇д̣̇о ад̇д̇аваажаго, ван̣н̣асад̣̇д̣̇о сан̣таанавзважанод̇и д̣̇ассзд̇и.
5.Akālameghoti ettha vappādikālassa abhāvā na akālo hoti, atha kho vassakāle asampattattā akāloti āha ‘‘asampatte vassakāle’’ti. ‘‘Uppannamegho’’ti iminā akāle uppanno megho akālameghoti vacanatthaṃ dasseti. Gimhānaṃ pacchime māseti jeṭṭhamūlamāse. Tasminti meghe. Sītavātaduddinīti ettha sītena vātena dūsitaṃ dinaṃ imissā vaṭṭalikāyāti sītavātaduddinīti vacanatthaṃ dassento āha ‘‘sā ca panā’’tiādi. Sā ca pana sattāhavaṭṭalikā sītavātaduddinī nāma ahosīti sambandho. ‘‘Samīpe pokkharaṇiyā nibbatto’’ti iminā mucalindassa samīpe nibbatto mucalindoti vacanatthaṃ dasseti. Mucalindoti ca niculo. So nīpoti ca piyakoti ca vuccati. Nāgassa bhogo ekopi sattābhujattā ‘‘bhogehī’’ti bahuvacanavasena vuttaṃ. Tasminti nāgarāje ṭhite satīti yojanā. Tassāti nāgarājassa. Tasmāti yasmā bhaṇḍāgāragabbhapamāṇaṃ ahosi, tasmā. Ṭhānassa kāraṇaṃ paridīpeti anenāti ṭhānakāraṇaparidīpanaṃ ‘‘mā bhagavantaṃ sīta’’ntiādivacanaṃ. Soti nāgarājā. Hīti saccaṃ. Pāḷiyaṃ ‘‘bādhayitthā’’ti kiriyāpadaṃ ajjhāharitabbanti āha ‘‘mā sītaṃ bhagavantaṃ bādhayitthā’’ti. Tatthāti ‘‘mā bhagavantaṃ sīta’’ntiādivacane. Sattāhavaṭṭalikāya satīti sambandho. Tampīti uṇhampi. Nanti bhagavantaṃ. Tassāti nāgarājassa. Ubbiddhanti uddhaṃ chiddaṃ. Viddhachiddasaddā hi pariyāyā. Ākāsaṃ meghapaṭalapaṭicchannaṃ āsannaṃ viya hoti, meghapaṭalavigame dūraṃ viya upaṭṭhāti, tasmā vuttaṃ ‘‘meghavigamena dūrībhūta’’nti. Vigatavalāhakanti ettha vigatasaddo apagatatthavācako, valāhakasaddo meghapariyāyoti āha ‘‘apagatamegha’’nti. Indanīlamaṇi viya dibbatīti devoti vacanatthena ākāso devo nāmāti āha ‘‘devanti ākāsa’’nti. Attano rūpanti attano nāgasaṇṭhānaṃ. Iminā sakavaṇṇanti ettha sakasaddo attavācako, vaṇṇasaddo saṇṭhānavevacanoti dasseti.
суко вивзгод̇и зд̇т̇а д̇ад̣̇ан̇г̇а вигкамбхана самужчзд̣̇а бадиббассад̣̇д̇хиниссаран̣авивзгасан̇каад̇зсу бан̃жасу вивзгзсу ниб̣б̣аанасан̇каад̇о ниссаран̣авивзго жа гааяажид̇д̇аубад̇хививзгасан̇каад̇зсу д̇ийсу вивзгзсу ниб̣б̣аанасан̇каад̇о убад̇хививзго жа г̇ахзд̇аб̣б̣од̇и ааха ‘‘ниб̣б̣аанасан̇каад̇о убад̇хививзго’’д̇и. ‘‘жад̇умаг̇г̇ан̃аан̣асанд̇осзнаа’’д̇и иминаа д̇удтассаад̇и зд̇т̇а бин̣д̣абаад̇асанд̇осаад̣̇игз нивад̇д̇зд̇и. суд̇ад̇хаммассаад̇и зд̇т̇а суд̇асад̣̇д̣̇о виссуд̇абарияааяод̇и ааха ‘‘багаасид̇ад̇хаммассаа’’д̇и, баагадасажжад̇хаммассаад̇и ад̇т̇о. бассад̇од̇и зд̇т̇а мам̣сажагкусса гаран̣абхаавзна аасан̇гаа бхавзяяаад̇и ааха ‘‘н̃аан̣ажагкунаа’’д̇и. ‘‘агуббанабхааво’’д̇и иминаа аб̣яаабаж̇ж̇анд̇и зд̇т̇а б̣яаабаад̣̇асад̣̇д̣̇асса д̣̇осаваажагабхааво жа н̣яабажжаяасса бхаавад̇т̇о жа д̣̇ассид̇о. зд̇знаад̇и ‘‘аб̣яаабаж̇ж̇а’’нд̇ибад̣̇зна. мзд̇д̇аабуб̣б̣абхааг̇од̇и аб̣яаабаж̇ж̇асса буб̣б̣абхааг̇з мзд̇д̇ааяа уббаннабхааво. баан̣абхууд̇зсу сам̣яамод̇и зд̇т̇а баан̣абхууд̇асад̣̇д̣̇аа взважанабхаавзна сад̇д̇зсу зва вад̇д̇анд̇ийд̇и ааха ‘‘сад̇д̇зсу жаа’’д̇и. гарун̣аабуб̣б̣абхааг̇од̇и сам̣яамасса буб̣б̣абхааг̇з гарун̣ааяа уббаннабхааво. яаад̇и яаа вирааг̇ад̇аа. анааг̇аамимаг̇г̇асса гаамарааг̇асса анавасзсабахаанад̇д̇аа вуд̇д̇ам̣ ‘‘зд̇зна анааг̇аамимаг̇г̇о гат̇ид̇о’’д̇и. яаат̇аавамаанасса арахад̇д̇амаг̇г̇зна нируд̣̇д̇хад̇д̇аа вуд̇д̇ам̣ ‘‘асми…бз… гат̇ид̇а’’нд̇и. ид̇од̇и арахад̇д̇ад̇о.
Sukho vivekoti ettha tadaṅga vikkhambhana samuccheda paṭippassaddhinissaraṇavivekasaṅkhātesu pañcasu vivekesu nibbānasaṅkhāto nissaraṇaviveko ca kāyacittaupadhivivekasaṅkhātesu tīsu vivekesu nibbānasaṅkhāto upadhiviveko ca gahetabboti āha ‘‘nibbānasaṅkhāto upadhiviveko’’ti. ‘‘Catumaggañāṇasantosenā’’ti iminā tuṭṭhassāti ettha piṇḍapātasantosādike nivatteti. Sutadhammassāti ettha sutasaddo vissutapariyāyoti āha ‘‘pakāsitadhammassā’’ti, pākaṭasaccadhammassāti attho. Passatoti ettha maṃsacakkhussa karaṇabhāvena āsaṅkā bhaveyyāti āha ‘‘ñāṇacakkhunā’’ti. ‘‘Akuppanabhāvo’’ti iminā abyāpajjanti ettha byāpādasaddassa dosavācakabhāvo ca ṇyapaccayassa bhāvattho ca dassito. Etenāti ‘‘abyāpajja’’ntipadena. Mettāpubbabhāgoti abyāpajjassa pubbabhāge mettāya uppannabhāvo. Pāṇabhūtesu saṃyamoti ettha pāṇabhūtasaddā vevacanabhāvena sattesu eva vattantīti āha ‘‘sattesu cā’’ti. Karuṇāpubbabhāgoti saṃyamassa pubbabhāge karuṇāya uppannabhāvo. Yāti yā virāgatā. Anāgāmimaggassa kāmarāgassa anavasesapahānattā vuttaṃ ‘‘etena anāgāmimaggo kathito’’ti. Yāthāvamānassa arahattamaggena niruddhattā vuttaṃ ‘‘asmi…pe… kathita’’nti. Itoti arahattato.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 3. мужалинд̣̇агат̇аа • 3. Mucalindakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / мужалинд̣̇агат̇аа • Mucalindakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / мужалинд̣̇агат̇ааван̣н̣анаа • Mucalindakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / мужалинд̣̇агат̇ааван̣н̣анаа • Mucalindakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мужалинд̣̇агат̇ааван̣н̣анаа • Mucalindakathāvaṇṇanā
