முசலிந்த³கதா²வண்ணனா

5. முசலிந்த³மூலேதி எத்த² ச முசலிந்தோ³ வுச்சதி நீபருக்கோ², யோ ‘‘நிசுலோ’’திபி வுச்சதி. உப்பன்னமேகோ⁴தி ஸகலசக்கவாளக³ப்³ப⁴ங் பூரெத்வா உப்பன்னோ மஹாமேகோ⁴. வத்³த³லிகாதி வுட்டி²யா ஏவ இத்தி²லிங்க³வஸேன நாமங். யா ச ஸத்தாஹங் பவத்தத்தா ஸத்தாஹவத்³த³லிகாதி வுத்தாதி ஆஹ ‘‘ஸத்தாஹங் அவிச்சி²ன்னவுட்டி²கா அஹோஸீ’’தி. ஸீதவாதேன தூ³ஸிதங் தி³னமேதிஸ்ஸா வத்³த³லிகாயாதி ஸீதவாதது³த்³தி³னீதி ஆஹ ‘‘உத³கபு²ஸிதஸம்மிஸ்ஸேனா’’திஆதி³. உப்³பி³த்³த⁴தா நாம தூ³ரபா⁴வேன உபட்டா²னந்தி ஆஹ ‘‘மேக⁴விக³மேன தூ³ரீபூ⁴த’’ந்தி. இந்த³னீலமணி விய தி³ப்³ப³தி ஜோதேதீதி தே³வோ, ஆகாஸோ.

ஏதமத்த²ங் விதி³த்வாதி விவேகஸ்ஸ ஸுக²பா⁴வங் விதி³த்வா. ஸப்³ப³ஸோ அஸந்துட்டி²ஸமுச்சே²த³கத்தா மக்³க³ஞாணானங் ‘‘சதுமக்³க³ஞாணஸந்தோஸேனா’’தி வுத்தங். அகுப்பனபா⁴வோதி அகுஜ்ஜ²னஸபா⁴வோ.