| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
мужалинд̣̇агат̇ааван̣н̣анаа
Mucalindakathāvaṇṇanā
5. мужалинд̣̇амуулзд̇и (уд̣̇аа. адта. 11) зд̇т̇а мужалинд̣̇о вужжад̇и нийбаругко, яо ‘‘нижуло’’д̇иби вужжад̇и, д̇асса самийбзд̇и ад̇т̇о. гзжи бана ‘‘мужалод̇и д̇асса ругкасса наамам̣, ванаж̇здтагад̇ааяа бана мужалинд̣̇од̇и вуд̇д̇а’’нд̇и вад̣̇анд̇и. уд̣̇абаад̣̇ийд̇и сагалажаггаваал̣аг̇аб̣бхам̣ буурзнд̇о махаамзгхо уд̣̇абаад̣̇и. зваруубо гира мзгхо д̣̇вийсуязва гаалзсу вассад̇и жаггавад̇д̇имхи ваа уббаннз б̣уд̣̇д̇хз ваа, ид̇ха б̣уд̣̇д̇хуббаад̣̇агаалз уд̣̇абаад̣̇и. богкаран̣ияаа ниб̣б̣ад̇д̇од̇и богкаран̣ияаа хздтаа нааг̇абхаванам̣ ад̇т̇и, д̇ад̇т̇а ниб̣б̣ад̇д̇о. сагабхаванаад̇и ад̇д̇ано нааг̇абхаванад̇о. звам̣ бхог̇зхи баригкибид̇ваад̇и сад̇д̇а ваарз ад̇д̇ано сарийрабхог̇зхи бхаг̇авад̇о гааяам̣ бариваарзд̇ваа. убаримуд̣̇д̇хани маханд̇ам̣ пан̣ам̣ вихажжаад̇и бхаг̇авад̇о муд̣̇д̇хаббад̣̇зсасса убари ад̇д̇ано маханд̇ам̣ пан̣ам̣ басаарзд̇ваа. ‘‘пан̣ам̣ гарид̇ваа’’д̇иби баато, соязвад̇т̇о.
5.Mucalindamūleti (udā. aṭṭha. 11) ettha mucalindo vuccati nīparukkho, yo ‘‘niculo’’tipi vuccati, tassa samīpeti attho. Keci pana ‘‘mucaloti tassa rukkhassa nāmaṃ, vanajeṭṭhakatāya pana mucalindoti vutta’’nti vadanti. Udapādīti sakalacakkavāḷagabbhaṃ pūrento mahāmegho udapādi. Evarūpo kira megho dvīsuyeva kālesu vassati cakkavattimhi vā uppanne buddhe vā, idha buddhuppādakāle udapādi. Pokkharaṇiyā nibbattoti pokkharaṇiyā heṭṭhā nāgabhavanaṃ atthi, tattha nibbatto. Sakabhavanāti attano nāgabhavanato. Evaṃ bhogehi parikkhipitvāti satta vāre attano sarīrabhogehi bhagavato kāyaṃ parivāretvā. Uparimuddhani mahantaṃ phaṇaṃvihaccāti bhagavato muddhappadesassa upari attano mahantaṃ phaṇaṃ pasāretvā. ‘‘Phaṇaṃ karitvā’’tipi pāṭho, soyevattho.
д̇асса гира нааг̇арааж̇асса зд̇ад̣̇ахоси ‘‘бхаг̇аваа жа маяхам̣ бхаванасамийбз ругкамуулз нисинно, аяан̃жа сад̇д̇аахавад̣̇д̣̇алигаа вад̇д̇ад̇и, ваасааг̇аарамасса лад̣̇д̇хум̣ ваддад̇ий’’д̇и. со сад̇д̇арад̇анамаяам̣ баасаад̣̇ам̣ нимминид̇ум̣ саггонд̇оби ‘‘звам̣ гад̇з гааяасааро г̇ахид̇о на бхависсад̇и, д̣̇асаб̣аласса гааяавзяяааважжам̣ гариссаамий’’д̇и маханд̇ам̣ ад̇д̇абхаавам̣ гад̇ваа сад̇т̇аарам̣ сад̇д̇агкад̇д̇ум̣ бхог̇зхи баригкибид̇ваа убари пан̣ам̣ д̇хаарзси. ‘‘д̇асса баригкзбаб̣бханд̇арам̣ лохабаасаад̣̇з бхан̣д̣ааг̇аараг̇аб̣бхаббамаан̣ам̣ ахосий’’д̇и ид̇ха вуд̇д̇ам̣. маж̇жхимадтагат̇ааяам̣ (ма. ни. адта. 1.284) бана –
Tassa kira nāgarājassa etadahosi ‘‘bhagavā ca mayhaṃ bhavanasamīpe rukkhamūle nisinno, ayañca sattāhavaddalikā vattati, vāsāgāramassa laddhuṃ vaṭṭatī’’ti. So sattaratanamayaṃ pāsādaṃ nimminituṃ sakkontopi ‘‘evaṃ kate kāyasāro gahito na bhavissati, dasabalassa kāyaveyyāvaccaṃ karissāmī’’ti mahantaṃ attabhāvaṃ katvā satthāraṃ sattakkhattuṃ bhogehi parikkhipitvā upari phaṇaṃ dhāresi. ‘‘Tassa parikkhepabbhantaraṃ lohapāsāde bhaṇḍāgāragabbhappamāṇaṃ ahosī’’ti idha vuttaṃ. Majjhimaṭṭhakathāyaṃ (ma. ni. aṭṭha. 1.284) pana –
‘‘баригкзбасса анд̇о огаасо хздтаа лохабаасаад̣̇аббамаан̣о ахоси, ‘ижчид̇ижчид̇зна ирияаабат̇зна сад̇т̇аа вихариссад̇ий’д̇и нааг̇арааж̇асса аж̇жхаасаяо ахоси, д̇асмаа звам̣ маханд̇ам̣ огаасам̣ баригкиби, маж̇жхз рад̇анабаллан̇го бан̃н̃ад̇д̇о ход̇и, убари суван̣н̣ад̇аарагавижид̇д̇ам̣ самосарид̇аг̇анд̇хад̣̇аамагусумажзлавид̇аанам̣ ахоси, жад̇уусу гон̣зсу г̇анд̇хад̇злзна д̣̇ийбаа ж̇алид̇аа, жад̇уусу д̣̇исаасу виварид̇ваа жанд̣̇анагаран̣д̣агаа табид̇аа’’д̇и –
‘‘Parikkhepassa anto okāso heṭṭhā lohapāsādappamāṇo ahosi, ‘icchiticchitena iriyāpathena satthā viharissatī’ti nāgarājassa ajjhāsayo ahosi, tasmā evaṃ mahantaṃ okāsaṃ parikkhipi, majjhe ratanapallaṅko paññatto hoti, upari suvaṇṇatārakavicittaṃ samosaritagandhadāmakusumacelavitānaṃ ahosi, catūsu koṇesu gandhatelena dīpā jalitā, catūsu disāsu vivaritvā candanakaraṇḍakā ṭhapitā’’ti –
вуд̇д̇ам̣. ижчид̇ижчид̇зна ирияаабат̇зна вихариссад̇ийд̇и жа нааг̇арааж̇асса аж̇жхаасаяамад̇д̇амзд̇ам̣, бхаг̇аваа бана яат̇аанисиннова сад̇д̇аахам̣ вийд̇инаамзси.
Vuttaṃ. Icchiticchitena iriyāpathena viharissatīti ca nāgarājassa ajjhāsayamattametaṃ, bhagavā pana yathānisinnova sattāhaṃ vītināmesi.
гин̃жааби…бз… жинд̇зд̇ум̣ яуд̇д̇анд̇и зд̇т̇а гзжи вад̣̇анд̇и ‘‘ун̣хаг̇г̇ахан̣ам̣ бхог̇абаригкзбасса вибулабхаавагаран̣з гааран̣агид̇д̇анам̣. куд̣̇д̣̇агз хи д̇асмим̣ бхаг̇аванд̇ам̣ нааг̇арааж̇асса сарийрасамбхууд̇аа усмаа б̣аад̇хзяяа, вибулабхаавагаран̣зна бана д̇аад̣̇исам̣ маа ун̣хам̣ б̣аад̇хаяид̇т̇аа’’д̇и. саубасаг̇г̇абад̣̇асса ад̇т̇о убасаг̇г̇зна винааби вин̃н̃ааяад̇ийд̇и ааха ‘‘вид̣̇д̇ханд̇и уб̣б̣ид̣̇д̇ха’’нд̇и, саа жасса уб̣б̣ид̣̇д̇хад̇аа убаггилзсавиг̇амзна д̣̇уурабхаавзна убадтаананд̇и ааха ‘‘мзгхавиг̇амзна д̣̇уурийбхууд̇а’’нд̇и. инд̣̇анийламан̣и вияа д̣̇иб̣б̣ад̇и ж̇од̇ад̇ийд̇и д̣̇зво, аагаасо. вид̣̇ид̇ваад̇и ‘‘ид̣̇аани виг̇ад̇авалаахаго аагаасо, над̇т̇и бхаг̇авад̇о сийд̇аад̣̇иубад̣̇д̣̇аво’’д̇и н̃ад̇ваа. винивзтзд̇ваад̇и абанзд̇ваа. ад̇д̇ано руубанд̇и ад̇д̇ано нааг̇аруубам̣. бадисам̣харид̇ваад̇и анд̇арад̇хаабзд̇ваа. маан̣авагаван̣н̣анд̇и гумаарагаруубам̣.
Kiñcāpi…pe… cintetuṃ yuttanti ettha keci vadanti ‘‘uṇhaggahaṇaṃ bhogaparikkhepassa vipulabhāvakaraṇe kāraṇakittanaṃ. Khuddake hi tasmiṃ bhagavantaṃ nāgarājassa sarīrasambhūtā usmā bādheyya, vipulabhāvakaraṇena pana tādisaṃ mā uṇhaṃ bādhayitthā’’ti. Saupasaggapadassa attho upasaggena vināpi viññāyatīti āha ‘‘viddhanti ubbiddha’’nti, sā cassa ubbiddhatā upakkilesavigamena dūrabhāvena upaṭṭhānanti āha ‘‘meghavigamena dūrībhūta’’nti. Indanīlamaṇi viya dibbati jotatīti devo, ākāso. Viditvāti ‘‘idāni vigatavalāhako ākāso, natthi bhagavato sītādiupaddavo’’ti ñatvā. Viniveṭhetvāti apanetvā. Attanorūpanti attano nāgarūpaṃ. Paṭisaṃharitvāti antaradhāpetvā. Māṇavakavaṇṇanti kumārakarūpaṃ.
зд̇амад̇т̇ам̣ вид̣̇ид̇ваад̇и ‘‘вивзгасукабадисам̣взд̣̇ино яад̇т̇а гад̇т̇ажи сукамзва ход̇ий’’д̇и зд̇ам̣ ад̇т̇ам̣ саб̣б̣аагаарзна ж̇аанид̇ваа. имам̣ уд̣̇аананд̇и имам̣ вивзгасукаанубхаавад̣̇ийбагам̣ уд̣̇аанам̣ уд̣̇аанзси. суд̇ад̇хаммассаад̇и виссуд̇ад̇хаммасса. д̇знааха ‘‘багаасид̇ад̇хаммассаа’’д̇и. агуббанабхаавод̇и агуббанасабхааво.
Etamatthaṃviditvāti ‘‘vivekasukhapaṭisaṃvedino yattha katthaci sukhameva hotī’’ti etaṃ atthaṃ sabbākārena jānitvā. Imaṃ udānanti imaṃ vivekasukhānubhāvadīpakaṃ udānaṃ udānesi. Sutadhammassāti vissutadhammassa. Tenāha ‘‘pakāsitadhammassā’’ti. Akuppanabhāvoti akuppanasabhāvo.
мужалинд̣̇агат̇ааван̣н̣анаа нидтид̇аа.
Mucalindakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 3. мужалинд̣̇агат̇аа • 3. Mucalindakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / мужалинд̣̇агат̇аа • Mucalindakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / мужалинд̣̇агат̇ааван̣н̣анаа • Mucalindakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мужалинд̣̇агат̇ааван̣н̣анаа • Mucalindakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. мужалинд̣̇агат̇аа • 3. Mucalindakathā
