| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
මුචලින්‌දකථාවණ්‌ණනා
Mucalindakathāvaṇṇanā
5. මුචලින්‌දමූලෙති එත්‌ථ ච මුචලින්‌දො වුච්‌චති නීපරුක්‌ඛො, යො ‘‘නිචුලො’’තිපි වුච්‌චති. උප්‌පන්‌නමෙඝොති සකලචක්‌කවාළගබ්‌භං පූරෙත්‌වා උප්‌පන්‌නො මහාමෙඝො. වද්‌දලිකාති වුට්‌ඨියා එව ඉත්‌ථිලිඞ්‌ගවසෙන නාමං. යා ච සත්‌තාහං පවත්‌තත්‌තා සත්‌තාහවද්‌දලිකාති වුත්‌තාති ආහ ‘‘සත්‌තාහං අවිච්‌ඡින්‌නවුට්‌ඨිකා අහොසී’’ති. සීතවාතෙන දූසිතං දිනමෙතිස්‌සා වද්‌දලිකායාති සීතවාතදුද්‌දිනීති ආහ ‘‘උදකඵුසිතසම්‌මිස්‌සෙනා’’තිආදි. උබ්‌බිද්‌ධතා නාම දූරභාවෙන උපට්‌ඨානන්‌ති ආහ ‘‘මෙඝවිගමෙන දූරීභූත’’න්‌ති. ඉන්‌දනීලමණි විය දිබ්‌බති ජොතෙතීති දෙවො, ආකාසො.
5.Mucalindamūleti ettha ca mucalindo vuccati nīparukkho, yo ‘‘niculo’’tipi vuccati. Uppannameghoti sakalacakkavāḷagabbhaṃ pūretvā uppanno mahāmegho. Vaddalikāti vuṭṭhiyā eva itthiliṅgavasena nāmaṃ. Yā ca sattāhaṃ pavattattā sattāhavaddalikāti vuttāti āha ‘‘sattāhaṃ avicchinnavuṭṭhikā ahosī’’ti. Sītavātena dūsitaṃ dinametissā vaddalikāyāti sītavātaduddinīti āha ‘‘udakaphusitasammissenā’’tiādi. Ubbiddhatā nāma dūrabhāvena upaṭṭhānanti āha ‘‘meghavigamena dūrībhūta’’nti. Indanīlamaṇi viya dibbati jotetīti devo, ākāso.
එතමත්‌ථං විදිත්‌වාති විවෙකස්‌ස සුඛභාවං විදිත්‌වා. සබ්‌බසො අසන්‌තුට්‌ඨිසමුච්‌ඡෙදකත්‌තා මග්‌ගඤාණානං ‘‘චතුමග්‌ගඤාණසන්‌තොසෙනා’’ති වුත්‌තං. අකුප්‌පනභාවොති අකුජ්‌ඣනසභාවො.
Etamatthaṃ viditvāti vivekassa sukhabhāvaṃ viditvā. Sabbaso asantuṭṭhisamucchedakattā maggañāṇānaṃ ‘‘catumaggañāṇasantosenā’’ti vuttaṃ. Akuppanabhāvoti akujjhanasabhāvo.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 3. මුචලින්‌දකථා • 3. Mucalindakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / මුචලින්‌දකථා • Mucalindakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / මුචලින්‌දකථාවණ්‌ණනා • Mucalindakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / මුචලින්‌දකථාවණ්‌ණනා • Mucalindakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 3. මුචලින්‌දකථා • 3. Mucalindakathā
