| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
2. мужалинд̣̇аваг̇г̇о
2. Mucalindavaggo
1. мужалинд̣̇асуд̇д̇ам̣
1. Mucalindasuttaṃ
11. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз мужалинд̣̇амуулз батамаабхисамб̣уд̣̇д̇хо. д̇зна ко бана самаязна бхаг̇аваа сад̇д̇аахам̣ згабаллан̇гзна нисинно ход̇и вимуд̇д̇исукабадисам̣взд̣̇ий.
11. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre mucalindamūle paṭhamābhisambuddho. Tena kho pana samayena bhagavā sattāhaṃ ekapallaṅkena nisinno hoti vimuttisukhapaṭisaṃvedī.
д̇зна ко бана самаязна махаа агааламзгхо уд̣̇абаад̣̇и сад̇д̇аахавад̣̇д̣̇алигаа сийд̇аваад̇ад̣̇уд̣̇д̣̇иний. ат̇а ко мужалинд̣̇о нааг̇арааж̇аа сагабхаванаа нигкамид̇ваа бхаг̇авад̇о гааяам̣ сад̇д̇агкад̇д̇ум̣ бхог̇зхи баригкибид̇ваа убаримуд̣̇д̇хани маханд̇ам̣ пан̣ам̣ вихажжа адтааси – ‘‘маа бхаг̇аванд̇ам̣ сийд̇ам̣, маа бхаг̇аванд̇ам̣ ун̣хам̣, маа бхаг̇аванд̇ам̣ д̣ам̣самагасаваад̇аад̇абасарийсаба 1 сампассо’’д̇и.
Tena kho pana samayena mahā akālamegho udapādi sattāhavaddalikā sītavātaduddinī. Atha kho mucalindo nāgarājā sakabhavanā nikkhamitvā bhagavato kāyaṃ sattakkhattuṃ bhogehi parikkhipitvā uparimuddhani mahantaṃ phaṇaṃ vihacca aṭṭhāsi – ‘‘mā bhagavantaṃ sītaṃ, mā bhagavantaṃ uṇhaṃ, mā bhagavantaṃ ḍaṃsamakasavātātapasarīsapa 2 samphasso’’ti.
ат̇а ко бхаг̇аваа д̇асса сад̇д̇аахасса ажжаязна д̇амхаа самаад̇химхаа вудтааси. ат̇а ко мужалинд̣̇о нааг̇арааж̇аа вид̣̇д̇хам̣ виг̇ад̇авалаахагам̣ д̣̇звам̣ вид̣̇ид̇ваа бхаг̇авад̇о гааяаа бхог̇з винивзтзд̇ваа сагаван̣н̣ам̣ бадисам̣харид̇ваа маан̣авагаван̣н̣ам̣ абхинимминид̇ваа бхаг̇авад̇о бурад̇о адтааси бан̃ж̇алиго бхаг̇аванд̇ам̣ намассамаано.
Atha kho bhagavā tassa sattāhassa accayena tamhā samādhimhā vuṭṭhāsi. Atha kho mucalindo nāgarājā viddhaṃ vigatavalāhakaṃ devaṃ viditvā bhagavato kāyā bhoge viniveṭhetvā sakavaṇṇaṃ paṭisaṃharitvā māṇavakavaṇṇaṃ abhinimminitvā bhagavato purato aṭṭhāsi pañjaliko bhagavantaṃ namassamāno.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘суко вивзго д̇удтасса, суд̇ад̇хаммасса бассад̇о;
‘‘Sukho viveko tuṭṭhassa, sutadhammassa passato;
аб̣яаабаж̇ж̇ам̣ сукам̣ логз, баан̣абхууд̇зсу сам̣яамо.
Abyāpajjaṃ sukhaṃ loke, pāṇabhūtesu saṃyamo.
‘‘сукаа вирааг̇ад̇аа логз, гаамаанам̣ самад̇иггамо;
‘‘Sukhā virāgatā loke, kāmānaṃ samatikkamo;
асмимаанасса яо винаяо, зд̇ам̣ вз барамам̣ сука’’нд̇и. батамам̣;
Asmimānassa yo vinayo, etaṃ ve paramaṃ sukha’’nti. paṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 1. мужалинд̣̇асуд̇д̇аван̣н̣анаа • 1. Mucalindasuttavaṇṇanā
