| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
2. мужалинд̣̇аваг̇г̇о
2. Mucalindavaggo
1. мужалинд̣̇асуд̇д̇аван̣н̣анаа
1. Mucalindasuttavaṇṇanā
11. мужалинд̣̇аваг̇г̇асса батамз мужалинд̣̇амуулзд̇и зд̇т̇а мужалинд̣̇о вужжад̇и нийбаругко. со ‘‘нижуло’’д̇иби вужжад̇и, д̇асса самийбз. гзжи бана ‘‘мужалод̇и д̇асса ругкасса наамам̣, д̇ам̣ ванаж̇здтагад̇ааяа бана мужалинд̣̇од̇и вуд̇д̇а’’нд̇и вад̣̇анд̇и. махаа агааламзгход̇и асамбад̇д̇з вассагаалз уббаннамахаамзгхо. со хи г̇имхаанам̣ бажчимз маасз сагалажаггаваал̣аг̇аб̣бхам̣ буурзнд̇о уд̣̇абаад̣̇и. сад̇д̇аахавад̣̇д̣̇алигаад̇и д̇асмим̣ уббаннз сад̇д̇аахам̣ авижчиннавудтигаа ахоси. сийд̇аваад̇ад̣̇уд̣̇д̣̇инийд̇и саа жа сад̇д̇аахавад̣̇д̣̇алигаа уд̣̇агапусид̇асаммиссзна сийд̇аваад̇зна саманд̇ад̇о бариб̣бхаманд̇зна д̣̇усид̇ад̣̇ивасад̇д̇аа д̣̇уд̣̇д̣̇иний наама ахоси. мужалинд̣̇о наама нааг̇арааж̇аад̇и д̇ассзва мужалинд̣̇аругкасса самийбз богкаран̣ияаа хздтаа нааг̇абхаванам̣ ад̇т̇и, д̇ад̇т̇а ниб̣б̣ад̇д̇о махаанубхааво нааг̇арааж̇аа. сагабхаванаад̇и ад̇д̇ано нааг̇абхаванад̇о. сад̇д̇агкад̇д̇ум̣ бхог̇зхи баригкибид̇ваад̇и сад̇д̇аваарз ад̇д̇ано сарийрабхог̇зхи бхаг̇авад̇о гааяам̣ бариваарзд̇ваа. убаримуд̣̇д̇хани маханд̇ам̣ пан̣ам̣ вихажжаад̇и бхаг̇авад̇о муд̣̇д̇хаббад̣̇зсасса убари ад̇д̇ано маханд̇ам̣ пан̣ам̣ басаарзд̇ваа. ‘‘пан̣ам̣ гарид̇ваа’’д̇иби баато, со звад̇т̇о.
11. Mucalindavaggassa paṭhame mucalindamūleti ettha mucalindo vuccati nīparukkho. So ‘‘niculo’’tipi vuccati, tassa samīpe. Keci pana ‘‘mucaloti tassa rukkhassa nāmaṃ, taṃ vanajeṭṭhakatāya pana mucalindoti vutta’’nti vadanti. Mahā akālameghoti asampatte vassakāle uppannamahāmegho. So hi gimhānaṃ pacchime māse sakalacakkavāḷagabbhaṃ pūrento udapādi. Sattāhavaddalikāti tasmiṃ uppanne sattāhaṃ avicchinnavuṭṭhikā ahosi. Sītavātaduddinīti sā ca sattāhavaddalikā udakaphusitasammissena sītavātena samantato paribbhamantena dusitadivasattā duddinī nāma ahosi. Mucalindo nāma nāgarājāti tasseva mucalindarukkhassa samīpe pokkharaṇiyā heṭṭhā nāgabhavanaṃ atthi, tattha nibbatto mahānubhāvo nāgarājā. Sakabhavanāti attano nāgabhavanato. Sattakkhattuṃ bhogehi parikkhipitvāti sattavāre attano sarīrabhogehi bhagavato kāyaṃ parivāretvā. Uparimuddhani mahantaṃ phaṇaṃ vihaccāti bhagavato muddhappadesassa upari attano mahantaṃ phaṇaṃ pasāretvā. ‘‘Phaṇaṃ karitvā’’tipi pāṭho, so evattho.
д̇асса гира нааг̇арааж̇асса зд̇ад̣̇ахоси ‘‘бхаг̇аваа жа маяхам̣ бхаванасамийбз ругкамуулз нисинно, аяан̃жа сад̇д̇аахавад̣̇д̣̇алигаа вад̇д̇ад̇и, ваасааг̇аарамасса лад̣̇д̇хум̣ ваддад̇ий’’д̇и. со сад̇д̇арад̇анамаяам̣ баасаад̣̇ам̣ нимминид̇ум̣ саггонд̇оби ‘‘звам̣ гад̇з гааяасааро г̇ахид̇о на бхависсад̇и, д̣̇асаб̣аласса гааяавзяяааважжам̣ гариссаамий’’д̇и маханд̇ам̣ ад̇д̇абхаавам̣ гад̇ваа сад̇т̇аарам̣ сад̇д̇агкад̇д̇ум̣ бхог̇зхи баригкибид̇ваа убари пан̣ам̣ гад̇ваа д̇хаарзси. ‘‘баригкзбаб̣бханд̇арам̣ лохабаасаад̣̇з бхан̣д̣ааг̇аараг̇аб̣бхаббамаан̣ам̣ ахосий’’д̇и канд̇хагадтагат̇ааяам̣ (махаава. адта. 5) вуд̇д̇ам̣. маж̇жхимадтагат̇ааяам̣ бана ‘‘хздтаалохабаасаад̣̇аббамаан̣а’’нд̇и (ма. ни. адта. 1.284). ‘‘ижчид̇ижчид̇зна ирияаабат̇зна сад̇т̇аа вихариссад̇ий’’д̇и гира нааг̇арааж̇асса аж̇жхаасаяо. бхаг̇аваа бана яат̇аанисиннова сад̇д̇аахам̣ вийд̇инаамзси. д̇ан̃жа таанам̣ субихид̇аваад̇абаанам̣ супусид̇ааг̇г̇ал̣ад̣̇ваарам̣ гуудааг̇аарам̣ вияа ахоси. маа бхаг̇аванд̇ам̣ сийд̇анд̇иаад̣̇и д̇асса д̇ат̇аа гарид̇ваа таанагааран̣абарид̣̇ийбанам̣. со хи ‘‘маа бхаг̇аванд̇ам̣ сийд̇ам̣ б̣аад̇хаяид̇т̇а, маа ун̣хам̣, маа д̣ам̣саад̣̇исампассо б̣аад̇хаяид̇т̇аа’’д̇и д̇ат̇аа гарид̇ваа адтааси.
Tassa kira nāgarājassa etadahosi ‘‘bhagavā ca mayhaṃ bhavanasamīpe rukkhamūle nisinno, ayañca sattāhavaddalikā vattati, vāsāgāramassa laddhuṃ vaṭṭatī’’ti. So sattaratanamayaṃ pāsādaṃ nimminituṃ sakkontopi ‘‘evaṃ kate kāyasāro gahito na bhavissati, dasabalassa kāyaveyyāvaccaṃ karissāmī’’ti mahantaṃ attabhāvaṃ katvā satthāraṃ sattakkhattuṃ bhogehi parikkhipitvā upari phaṇaṃ katvā dhāresi. ‘‘Parikkhepabbhantaraṃ lohapāsāde bhaṇḍāgāragabbhappamāṇaṃ ahosī’’ti khandhakaṭṭhakathāyaṃ (mahāva. aṭṭha. 5) vuttaṃ. Majjhimaṭṭhakathāyaṃ pana ‘‘heṭṭhālohapāsādappamāṇa’’nti (ma. ni. aṭṭha. 1.284). ‘‘Icchiticchitena iriyāpathena satthā viharissatī’’ti kira nāgarājassa ajjhāsayo. Bhagavā pana yathānisinnova sattāhaṃ vītināmesi. Tañca ṭhānaṃ supihitavātapānaṃ suphusitaaggaḷadvāraṃ kūṭāgāraṃ viya ahosi. Mābhagavantaṃ sītantiādi tassa tathā karitvā ṭhānakāraṇaparidīpanaṃ. So hi ‘‘mā bhagavantaṃ sītaṃ bādhayittha, mā uṇhaṃ, mā ḍaṃsādisamphasso bādhayitthā’’ti tathā karitvā aṭṭhāsi.
д̇ад̇т̇а гин̃жааби сад̇д̇аахавад̣̇д̣̇алигааяа ун̣хамзва над̇т̇и, сажз бана анд̇аранд̇араа мзгхо виг̇ажчзяяа, ун̣хам̣ бхавзяяа, д̇амби маа б̣аад̇хаяид̇т̇аад̇и звам̣ д̇асса жинд̇зд̇ум̣ яуд̇д̇ам̣. гзжи банзд̇т̇а вад̣̇анд̇и ‘‘ун̣хаг̇г̇ахан̣ам̣ бхог̇абаригкзбасса вибулабхаавагаран̣з гааран̣агид̇д̇анам̣. куд̣̇д̣̇агз хи д̇асмим̣ бхаг̇аванд̇ам̣ нааг̇асса сарийрасамбхууд̇аа усмаа б̣аад̇хзяяа, вибулабхаавагаран̣зна бана д̇аад̣̇исам̣ ‘маа ун̣хам̣ б̣аад̇хаяид̇т̇аа’д̇и д̇ат̇аа гарид̇ваа адтаасий’’д̇и.
Tattha kiñcāpi sattāhavaddalikāya uṇhameva natthi, sace pana antarantarā megho vigaccheyya, uṇhaṃ bhaveyya, tampi mā bādhayitthāti evaṃ tassa cintetuṃ yuttaṃ. Keci panettha vadanti ‘‘uṇhaggahaṇaṃ bhogaparikkhepassa vipulabhāvakaraṇe kāraṇakittanaṃ. Khuddake hi tasmiṃ bhagavantaṃ nāgassa sarīrasambhūtā usmā bādheyya, vipulabhāvakaraṇena pana tādisaṃ ‘mā uṇhaṃ bādhayitthā’ti tathā karitvā aṭṭhāsī’’ti.
вид̣̇д̇ханд̇и уб̣б̣ид̣̇д̇хам̣, мзгхавиг̇амзна д̣̇уурийбхууд̇анд̇и ад̇т̇о. виг̇ад̇авалаахаганд̇и абаг̇ад̇амзгхам̣. д̣̇званд̇и аагаасам̣. вид̣̇ид̇ваад̇и ‘‘ид̣̇аани виг̇ад̇авалаахаго аагаасо, над̇т̇и бхаг̇авад̇о сийд̇аад̣̇иубад̣̇д̣̇аво’’д̇и н̃ад̇ваа. винивзтзд̇ваад̇и абанзд̇ваа. сагаван̣н̣анд̇и ад̇д̇ано нааг̇аруубам̣. бадисам̣харид̇ваад̇и анд̇арад̇хаабзд̇ваа. маан̣авагаван̣н̣анд̇и гумаарагаруубам̣.
Viddhanti ubbiddhaṃ, meghavigamena dūrībhūtanti attho. Vigatavalāhakanti apagatameghaṃ. Devanti ākāsaṃ. Viditvāti ‘‘idāni vigatavalāhako ākāso, natthi bhagavato sītādiupaddavo’’ti ñatvā. Viniveṭhetvāti apanetvā. Sakavaṇṇanti attano nāgarūpaṃ. Paṭisaṃharitvāti antaradhāpetvā. Māṇavakavaṇṇanti kumārakarūpaṃ.
зд̇амад̇т̇анд̇и вивзгасукаббадисам̣взд̣̇ино яад̇т̇а гад̇т̇ажи сукамзва ход̇ийд̇и зд̇амад̇т̇ам̣ саб̣б̣аагаарзна ж̇аанид̇ваа. имам̣ уд̣̇аананд̇и имам̣ вивзгасукаанубхаавад̣̇ийбагам̣ уд̣̇аанам̣ уд̣̇аанзси.
Etamatthanti vivekasukhappaṭisaṃvedino yattha katthaci sukhameva hotīti etamatthaṃ sabbākārena jānitvā. Imaṃ udānanti imaṃ vivekasukhānubhāvadīpakaṃ udānaṃ udānesi.
д̇ад̇т̇а суко вивзгод̇и ниб̣б̣аанасан̇каад̇о убад̇хививзго суко. д̇удтассаад̇и жад̇умаг̇г̇ан̃аан̣асанд̇осзна д̇удтасса. суд̇ад̇хаммассаад̇и багаасид̇ад̇хаммасса виссуд̇ад̇хаммасса. бассад̇од̇и д̇ам̣ вивзгам̣, яам̣ ваа гин̃жи бассид̇аб̣б̣ам̣ наама, д̇ам̣ саб̣б̣ам̣ ад̇д̇ано вийрияаб̣алаад̇хиг̇ад̇зна н̃аан̣ажагкунаа бассанд̇асса. аб̣яаабаж̇ж̇анд̇и агуббанабхааво, зд̇зна мзд̇д̇аабуб̣б̣абхааг̇о д̣̇ассид̇о. баан̣абхууд̇зсу сам̣яамод̇и сад̇д̇зсу жа сам̣яамо авихим̣санабхааво сукод̇и ад̇т̇о. зд̇зна гарун̣аабуб̣б̣абхааг̇о д̣̇ассид̇о.
Tattha sukho vivekoti nibbānasaṅkhāto upadhiviveko sukho. Tuṭṭhassāti catumaggañāṇasantosena tuṭṭhassa. Sutadhammassāti pakāsitadhammassa vissutadhammassa. Passatoti taṃ vivekaṃ, yaṃ vā kiñci passitabbaṃ nāma, taṃ sabbaṃ attano vīriyabalādhigatena ñāṇacakkhunā passantassa. Abyāpajjanti akuppanabhāvo, etena mettāpubbabhāgo dassito. Pāṇabhūtesu saṃyamoti sattesu ca saṃyamo avihiṃsanabhāvo sukhoti attho. Etena karuṇāpubbabhāgo dassito.
сукаа вирааг̇ад̇аа логзд̇и виг̇ад̇арааг̇ад̇ааби логз сукаа. гийд̣̇исий? гаамаанам̣ самад̇иггамод̇и, яаа гаамаанам̣ самад̇иггамод̇и вужжад̇и, саа виг̇ад̇арааг̇ад̇ааби сукаад̇и ад̇т̇о, зд̇зна анааг̇аамимаг̇г̇о гат̇ид̇о. асмимаанасса яо винаяод̇и иминаа бана арахад̇д̇ам̣ гат̇ид̇ам̣. арахад̇д̇ан̃хи асмимаанасса бадиббассад̣̇д̇хивинаяод̇и вужжад̇и, ид̇о баран̃жа сукам̣ наама над̇т̇и, д̇знааха ‘‘зд̇ам̣ вз барамам̣ сука’’нд̇и. звам̣ арахад̇д̇зна д̣̇зсанааяа гуудам̣ г̇ан̣хийд̇и.
Sukhā virāgatā loketi vigatarāgatāpi loke sukhā. Kīdisī? Kāmānaṃ samatikkamoti, yā kāmānaṃ samatikkamoti vuccati, sā vigatarāgatāpi sukhāti attho, etena anāgāmimaggo kathito. Asmimānassa yo vinayoti iminā pana arahattaṃ kathitaṃ. Arahattañhi asmimānassa paṭippassaddhivinayoti vuccati, ito parañca sukhaṃ nāma natthi, tenāha ‘‘etaṃ ve paramaṃ sukha’’nti. Evaṃ arahattena desanāya kūṭaṃ gaṇhīti.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 1. мужалинд̣̇асуд̇д̇ам̣ • 1. Mucalindasuttaṃ
