| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[66] 6. муд̣̇улагкан̣аж̇аад̇агаван̣н̣анаа
[66] 6. Mudulakkhaṇajātakavaṇṇanā
згаа ижчаа бурз аасийд̇и ид̣̇ам̣ сад̇т̇аа ж̇зд̇аванз вихаранд̇о сам̣гилзсам̣ аараб̣бха гат̇зси. зго гира саавад̇т̇иваасий гулабуд̇д̇о сад̇т̇у д̇хаммад̣̇зсанам̣ суд̇ваа рад̇анасаасанз урам̣ д̣̇ад̇ваа баб̣б̣аж̇ид̇ваа бадибаннаго яог̇ааважаро ависсадтагаммадтаано худ̇ваа згад̣̇ивасам̣ саавад̇т̇ияам̣ бин̣д̣ааяа жаранд̇о згам̣ алан̇гад̇абадияад̇д̇ам̣ ид̇т̇им̣ д̣̇исваа субхавасзна инд̣̇рияаани бхинд̣̇ид̇ваа ологзси. д̇асса аб̣бханд̇арз гилзсо жали, ваасияаа аагодид̇акийраругко вияа ахоси. со д̇ад̇о бадтааяа гилзсавасиго худ̇ваа нзва гааяассаад̣̇ам̣ на жид̇д̇ассаад̣̇ам̣ лабхад̇и, бханд̇амиг̇асаббадибхааг̇о саасанз анабхирад̇о баруул̣хагзсаломанако гилидтажийваро ахоси. ат̇асса инд̣̇рияавигаарам̣ д̣̇исваа сахааяагаа бхигкуу ‘‘гим̣ ну ко д̇з, аавусо, на яат̇аа бораан̣аани инд̣̇рияааний’’д̇и бужчим̣су. анабхирад̇осми, аавусод̇и.
Ekā icchā pure āsīti idaṃ satthā jetavane viharanto saṃkilesaṃ ārabbha kathesi. Eko kira sāvatthivāsī kulaputto satthu dhammadesanaṃ sutvā ratanasāsane uraṃ datvā pabbajitvā paṭipannako yogāvacaro avissaṭṭhakammaṭṭhāno hutvā ekadivasaṃ sāvatthiyaṃ piṇḍāya caranto ekaṃ alaṅkatapaṭiyattaṃ itthiṃ disvā subhavasena indriyāni bhinditvā olokesi. Tassa abbhantare kileso cali, vāsiyā ākoṭitakhīrarukkho viya ahosi. So tato paṭṭhāya kilesavasiko hutvā neva kāyassādaṃ na cittassādaṃ labhati, bhantamigasappaṭibhāgo sāsane anabhirato parūḷhakesalomanakho kiliṭṭhacīvaro ahosi. Athassa indriyavikāraṃ disvā sahāyakā bhikkhū ‘‘kiṃ nu kho te, āvuso, na yathā porāṇāni indriyānī’’ti pucchiṃsu. Anabhiratosmi, āvusoti.
ат̇а нам̣ д̇з сад̇т̇у санд̇игам̣ наяим̣су. сад̇т̇аа ‘‘гим̣, бхигкавз, анижчамаанам̣ бхигкум̣ аад̣̇ааяа ааг̇ад̇ад̇т̇аа’’д̇и бужчи. ‘‘аяам̣, бханд̇з, бхигку анабхирад̇о’’д̇и? ‘‘сажжам̣ бхигкуу’’д̇и. ‘‘сажжам̣ бхаг̇аваа’’д̇и. ‘‘го д̇ам̣ угган̣таабзсий’’д̇и? ‘‘ахам̣, бханд̇з, бин̣д̣ааяа жаранд̇о згам̣ ид̇т̇им̣ д̣̇исваа инд̣̇рияаани бхинд̣̇ид̇ваа ологзсим̣, ат̇а мз гилзсо жали, д̇знамхи угган̣тид̇о’’д̇и. ат̇а нам̣ сад̇т̇аа ‘‘анажчарияамзд̇ам̣ бхигку, яам̣ д̇вам̣ инд̣̇рияаани бхинд̣̇ид̇ваа висабхааг̇аарамман̣ам̣ субхавасзна ологзнд̇о гилзсзхи гамбид̇о, буб̣б̣з бан̃жаабхин̃н̃аа адтасамаабад̇д̇илаабхино жхаанаб̣алзна гилзсз вигкамбхзд̇ваа висуд̣̇д̇хажид̇д̇аа г̇аг̇анад̇алажараа б̣од̇хисад̇д̇ааби инд̣̇рияаани бхинд̣̇ид̇ваа висабхааг̇аарамман̣ам̣ ологаяамаанаа жхаанаа барихааяид̇ваа гилзсзхи гамбид̇аа махаад̣̇угкам̣ анубхавим̣су. на хи синзрууббааданагаваад̇о хад̇т̇имад̇д̇ам̣ мун̣д̣абаб̣б̣ад̇ам̣, махааж̇амб̣ууммуулагаваад̇о чиннад̇адз вируул̣хаг̇ажчагам̣, махаасамуд̣̇д̣̇ам̣ ваа бана сосанагаваад̇о куд̣̇д̣̇агад̇ал̣аагам̣ гисмин̃жид̣̇зва г̇ан̣зд̇и, звам̣ уд̇д̇амаб̣уд̣̇д̇хийнам̣ наама висуд̣̇д̇хажид̇д̇аанам̣ б̣од̇хисад̇д̇аанам̣ ан̃н̃аан̣абхаавагараа гилзсаа д̇аяи гим̣ лаж̇ж̇иссанд̇и, висуд̣̇д̇хааби сад̇д̇аа сам̣гилиссанд̇и, уд̇д̇амаяасасаман̇г̇иноби ааяасагяам̣ баабун̣анд̇ий’’д̇и вад̇ваа ад̇ийд̇ам̣ аахари.
Atha naṃ te satthu santikaṃ nayiṃsu. Satthā ‘‘kiṃ, bhikkhave, anicchamānaṃ bhikkhuṃ ādāya āgatatthā’’ti pucchi. ‘‘Ayaṃ, bhante, bhikkhu anabhirato’’ti? ‘‘Saccaṃ bhikkhū’’ti. ‘‘Saccaṃ bhagavā’’ti. ‘‘Ko taṃ ukkaṇṭhāpesī’’ti? ‘‘Ahaṃ, bhante, piṇḍāya caranto ekaṃ itthiṃ disvā indriyāni bhinditvā olokesiṃ, atha me kileso cali, tenamhi ukkaṇṭhito’’ti. Atha naṃ satthā ‘‘anacchariyametaṃ bhikkhu, yaṃ tvaṃ indriyāni bhinditvā visabhāgārammaṇaṃ subhavasena olokento kilesehi kampito, pubbe pañcābhiññā aṭṭhasamāpattilābhino jhānabalena kilese vikkhambhetvā visuddhacittā gaganatalacarā bodhisattāpi indriyāni bhinditvā visabhāgārammaṇaṃ olokayamānā jhānā parihāyitvā kilesehi kampitā mahādukkhaṃ anubhaviṃsu. Na hi sineruuppāṭanakavāto hatthimattaṃ muṇḍapabbataṃ, mahājambuummūlakavāto chinnataṭe virūḷhagacchakaṃ, mahāsamuddaṃ vā pana sosanakavāto khuddakataḷākaṃ kismiñcideva gaṇeti, evaṃ uttamabuddhīnaṃ nāma visuddhacittānaṃ bodhisattānaṃ aññāṇabhāvakarā kilesā tayi kiṃ lajjissanti, visuddhāpi sattā saṃkilissanti, uttamayasasamaṅginopi āyasakyaṃ pāpuṇantī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз згасса махаавибхавасса б̣раахман̣асса гулз ниб̣б̣ад̇д̇ид̇ваа вин̃н̃уд̇ам̣ бад̇д̇о саб̣б̣асиббаанам̣ баарам̣ г̇анд̇ваа гаамз бахааяа исибаб̣б̣аж̇ж̇ам̣ баб̣б̣аж̇ид̇ваа гасин̣абаригаммам̣ гад̇ваа бан̃жа абхин̃н̃аа жа адта самаабад̇д̇ияо жа уббаад̣̇зд̇ваа жхаанасукзна вийд̇инаамзнд̇о химаванд̇аббад̣̇зсз ваасам̣ габбзси. со згасмим̣ гаалз лон̣амб̣иласзванад̇т̇ааяа химаванд̇аа од̇арид̇ваа б̣аараан̣асим̣ бад̇ваа рааж̇уяяаанз васид̇ваа бунад̣̇ивасз гад̇асарийрабадиж̇аг̇г̇ано рад̇д̇аваагамаяам̣ ниваасанабаарубанам̣ сан̣таабзд̇ваа аж̇инажаммам̣ згасмим̣ ам̣сз гад̇ваа ж̇адааман̣д̣алам̣ б̣анд̇хид̇ваа бхигкаабхааж̇анамаад̣̇ааяа б̣аараан̣асияам̣ бхигкааяа жарамаано ран̃н̃о гхарад̣̇ваарам̣ самбаабун̣и. рааж̇аа д̇асса ирияаабат̇зязва басийд̣̇ид̇ваа баггосаабзд̇ваа махаарахз аасанз нисийд̣̇аабзд̇ваа бан̣ийд̇зна каад̣̇анийяабхож̇анийязна санд̇аббзд̇ваа гад̇аанумод̣̇анам̣ уяяаанз васанад̇т̇ааяа яаажи. со самбадижчид̇ваа рааж̇аг̇зхз бхун̃ж̇ид̇ваа рааж̇агулам̣ овад̣̇амаано д̇асмим̣ уяяаанз сол̣аса вассаани васи.
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe ekassa mahāvibhavassa brāhmaṇassa kule nibbattitvā viññutaṃ patto sabbasippānaṃ pāraṃ gantvā kāme pahāya isipabbajjaṃ pabbajitvā kasiṇaparikammaṃ katvā pañca abhiññā ca aṭṭha samāpattiyo ca uppādetvā jhānasukhena vītināmento himavantappadese vāsaṃ kappesi. So ekasmiṃ kāle loṇambilasevanatthāya himavantā otaritvā bārāṇasiṃ patvā rājuyyāne vasitvā punadivase katasarīrapaṭijaggano rattavākamayaṃ nivāsanapārupanaṃ saṇṭhāpetvā ajinacammaṃ ekasmiṃ aṃse katvā jaṭāmaṇḍalaṃ bandhitvā bhikkhābhājanamādāya bārāṇasiyaṃ bhikkhāya caramāno rañño gharadvāraṃ sampāpuṇi. Rājā tassa iriyāpatheyeva pasīditvā pakkosāpetvā mahārahe āsane nisīdāpetvā paṇītena khādanīyabhojanīyena santappetvā katānumodanaṃ uyyāne vasanatthāya yāci. So sampaṭicchitvā rājagehe bhuñjitvā rājakulaṃ ovadamāno tasmiṃ uyyāne soḷasa vassāni vasi.
ат̇згад̣̇ивасам̣ рааж̇аа губид̇ам̣ бажжанд̇ам̣ вуубасамзд̇ум̣ г̇ажчанд̇о муд̣̇улагкан̣ам̣ наама аг̇г̇амахзсим̣ ‘‘аббамад̇д̇аа аяяасса убадтаанам̣ гарохий’’д̇и вад̇ваа аг̇амааси. б̣од̇хисад̇д̇о ран̃н̃о г̇ад̇агаалад̇о бадтааяа ад̇д̇ано ружжанавзлааяа рааж̇аг̇зхам̣ г̇ажчад̇и. ат̇згад̣̇ивасам̣ муд̣̇улагкан̣аа б̣од̇хисад̇д̇асса аахаарам̣ самбаад̣̇зд̇ваа – ‘‘аж̇ж̇а аяяо жирааяад̇ий’’д̇и г̇анд̇ход̣̇агзна нхааяид̇ваа саб̣б̣аалан̇гаарабадиман̣д̣ид̇аа махаад̇алз жуул̣асаяанам̣ бан̃н̃аабзд̇ваа б̣од̇хисад̇д̇асса ааг̇аманам̣ ологаяамаанаа нибаж̇ж̇и. б̣од̇хисад̇д̇оби ад̇д̇ано взлам̣ саллагкзд̇ваа жхаанаа вудтааяа аагаасзнзва рааж̇анивзсанам̣ аг̇амааси. муд̣̇улагкан̣аа ваагажийрасад̣̇д̣̇ам̣ суд̇ваава ‘‘аяяо, ааг̇ад̇о’’д̇и взг̇зна удтахи, д̇ассаа взг̇зна удтаханд̇ияаа мадтасаадаго бхасси. д̇аабасоби сийхабан̃ж̇арзна бависанд̇о д̣̇звияаа висабхааг̇аруубаарамман̣ам̣ инд̣̇рияаани бхинд̣̇ид̇ваа субхавасзна ологзси. ат̇асса аб̣бханд̇арз гилзсо жали, ваасияаа бахадакийраругко вияа ахоси. д̇аавад̣̇звасса жхаанам̣ анд̇арад̇хааяи, чиннабагко гааго вияа ахоси. со тид̇агова аахаарам̣ г̇ахзд̇ваа абхун̃ж̇ид̇ваава гилзсагамбид̇о баасаад̣̇аа оруяха уяяаанам̣ г̇анд̇ваа бан̣н̣асаалам̣ бависид̇ваа палагад̇т̇аран̣асаяанасса хздтаа аахаарам̣ табзд̇ваа висабхааг̇аарамман̣зна б̣ад̣̇д̇хо гилзсаг̇г̇инаа д̣аяхамаано нираахаарад̇ааяа суссамаано сад̇д̇а д̣̇ивасаани палагад̇т̇аран̣з нибаж̇ж̇и.
Athekadivasaṃ rājā kupitaṃ paccantaṃ vūpasametuṃ gacchanto mudulakkhaṇaṃ nāma aggamahesiṃ ‘‘appamattā ayyassa upaṭṭhānaṃ karohī’’ti vatvā agamāsi. Bodhisatto rañño gatakālato paṭṭhāya attano ruccanavelāya rājagehaṃ gacchati. Athekadivasaṃ mudulakkhaṇā bodhisattassa āhāraṃ sampādetvā – ‘‘ajja ayyo cirāyatī’’ti gandhodakena nhāyitvā sabbālaṅkārapaṭimaṇḍitā mahātale cūḷasayanaṃ paññāpetvā bodhisattassa āgamanaṃ olokayamānā nipajji. Bodhisattopi attano velaṃ sallakkhetvā jhānā vuṭṭhāya ākāseneva rājanivesanaṃ agamāsi. Mudulakkhaṇā vākacīrasaddaṃ sutvāva ‘‘ayyo, āgato’’ti vegena uṭṭhahi, tassā vegena uṭṭhahantiyā maṭṭhasāṭako bhassi. Tāpasopi sīhapañjarena pavisanto deviyā visabhāgarūpārammaṇaṃ indriyāni bhinditvā subhavasena olokesi. Athassa abbhantare kileso cali, vāsiyā pahaṭakhīrarukkho viya ahosi. Tāvadevassa jhānaṃ antaradhāyi, chinnapakkho kāko viya ahosi. So ṭhitakova āhāraṃ gahetvā abhuñjitvāva kilesakampito pāsādā oruyha uyyānaṃ gantvā paṇṇasālaṃ pavisitvā phalakattharaṇasayanassa heṭṭhā āhāraṃ ṭhapetvā visabhāgārammaṇena baddho kilesagginā ḍayhamāno nirāhāratāya sussamāno satta divasāni phalakattharaṇe nipajji.
сад̇д̇амз д̣̇ивасз рааж̇аа бажжанд̇ам̣ вуубасамзд̇ваа ааг̇ад̇о наг̇арам̣ бад̣̇агкин̣ам̣ гад̇ваа нивзсанам̣ аг̇анд̇ваава ‘‘аяяам̣ бассиссаамий’’д̇и уяяаанам̣ г̇анд̇ваа бан̣н̣асаалам̣ бависид̇ваа д̇ам̣ нибаннагам̣ д̣̇исваа ‘‘згам̣ апаасугам̣ ж̇аад̇ам̣ ман̃н̃з’’д̇и бан̣н̣асаалам̣ сод̇хаабзд̇ваа баад̣̇з баримаж̇ж̇анд̇о ‘‘гим̣, аяяа, апаасуга’’нд̇и бужчи. ‘‘махаарааж̇а ан̃н̃ам̣ мз апаасугам̣ над̇т̇и, гилзсавасзна банамхи бадиб̣ад̣̇д̇хажид̇д̇о ж̇аад̇о’’д̇и. ‘‘гахам̣ бадиб̣ад̣̇д̇хам̣ д̇з, аяяа, жид̇д̇а’’нд̇и? ‘‘муд̣̇улагкан̣ааяа, махаарааж̇аа’’д̇и. ‘‘саад̇ху аяяа, ахам̣ муд̣̇улагкан̣ам̣ д̇умхаагам̣ д̣̇аммий’’д̇и д̇аабасам̣ аад̣̇ааяа нивзсанам̣ бависид̇ваа д̣̇звим̣ саб̣б̣аалан̇гаарабадиман̣д̣ид̇ам̣ гад̇ваа д̇аабасасса ад̣̇ааси. д̣̇ад̣̇амааноязва жа муд̣̇улагкан̣ааяа сан̃н̃амад̣̇ааси ‘‘д̇аяаа ад̇д̇ано б̣алзна аяяам̣ рагкид̇ум̣ вааяамид̇аб̣б̣а’’нд̇и. ‘‘саад̇ху, д̣̇зва, рагкиссаамий’’д̇и. д̇аабасо д̣̇звим̣ г̇ахзд̇ваа рааж̇анивзсанаа од̇ари.
Sattame divase rājā paccantaṃ vūpasametvā āgato nagaraṃ padakkhiṇaṃ katvā nivesanaṃ agantvāva ‘‘ayyaṃ passissāmī’’ti uyyānaṃ gantvā paṇṇasālaṃ pavisitvā taṃ nipannakaṃ disvā ‘‘ekaṃ aphāsukaṃ jātaṃ maññe’’ti paṇṇasālaṃ sodhāpetvā pāde parimajjanto ‘‘kiṃ, ayya, aphāsuka’’nti pucchi. ‘‘Mahārāja aññaṃ me aphāsukaṃ natthi, kilesavasena panamhi paṭibaddhacitto jāto’’ti. ‘‘Kahaṃ paṭibaddhaṃ te, ayya, citta’’nti? ‘‘Mudulakkhaṇāya, mahārājā’’ti. ‘‘Sādhu ayya, ahaṃ mudulakkhaṇaṃ tumhākaṃ dammī’’ti tāpasaṃ ādāya nivesanaṃ pavisitvā deviṃ sabbālaṅkārapaṭimaṇḍitaṃ katvā tāpasassa adāsi. Dadamānoyeva ca mudulakkhaṇāya saññamadāsi ‘‘tayā attano balena ayyaṃ rakkhituṃ vāyamitabba’’nti. ‘‘Sādhu, deva, rakkhissāmī’’ti. Tāpaso deviṃ gahetvā rājanivesanā otari.
ат̇а нам̣ махаад̣̇ваарад̇о нигканд̇агаалз ‘‘аяяа, амхаагам̣ згам̣ г̇зхам̣ лад̣̇д̇хум̣ ваддад̇и, г̇ажча, рааж̇аанам̣ г̇зхам̣ яаажаахий’’д̇и ааха. д̇аабасо г̇анд̇ваа г̇зхам̣ яаажи. рааж̇аа мануссаанам̣ важжагудигижжам̣ саад̇хаяамаанам̣ згам̣ чад̣д̣ид̇аг̇зхам̣ д̣̇аабзси. со д̣̇звим̣ г̇ахзд̇ваа д̇ад̇т̇а аг̇амааси, саа бависид̇ум̣ на ижчад̇и. ‘‘гим̣гааран̣аа на бависасий’’д̇и? ‘‘асужибхаавзнаа’’д̇и. ид̣̇аани ‘‘гим̣ гаромий’’д̇и. ‘‘бадиж̇аг̇г̇аахи на’’нд̇и вад̇ваа ран̃н̃о санд̇игам̣ бзсзд̇ваа ‘‘г̇ажча, гуд̣̇д̣̇аалам̣ аахара, бажчим̣ аахараа’’д̇и аахараабзд̇ваа асужин̃жа сан̇гааран̃жа чад̣д̣аабзд̇ваа г̇аамаяам̣ аахараабзд̇ваа лимбаабзд̇ваа бунаби ‘‘г̇ажча, ман̃жам̣ аахара, бийтам̣ аахара, ад̇т̇аран̣ам̣ аахара, жаадим̣ аахара, гхадам̣ аахараа’’д̇и згамзгам̣ аахараабзд̇ваа буна уд̣̇агаахаран̣аад̣̇ийнам̣ ад̇т̇ааяа аан̣аабзси. со гхадам̣ аад̣̇ааяа уд̣̇агам̣ аахарид̇ваа жаадим̣ буурзд̇ваа нхаанод̣̇агам̣ саж̇ж̇зд̇ваа саяанам̣ ад̇т̇ари. ат̇а нам̣ саяанз згад̇о нисиннам̣ д̣̇аатигаасу г̇ахзд̇ваа ‘‘д̇ава саман̣абхаавам̣ ваа б̣раахман̣абхаавам̣ ваа на ж̇аанаасий’’д̇и он̣амзд̇ваа ад̇д̇ано абхимукам̣ аагад̣дхи. со д̇асмим̣ гаалз сад̇им̣ бадилабхи, зд̇д̇агам̣ бана гаалам̣ ан̃н̃аан̣ий ахоси. звам̣ ан̃н̃аан̣агаран̣аа гилзсаа наама. ‘‘гаамажчанд̣̇анийваран̣ам̣, бхигкавз, анд̇хагаран̣ам̣ ан̃н̃аан̣агаран̣а’’нд̇иаад̣̇и (сам̣. ни. 5.221) жзд̇т̇а вад̇д̇аб̣б̣ам̣.
Atha naṃ mahādvārato nikkhantakāle ‘‘ayya, amhākaṃ ekaṃ gehaṃ laddhuṃ vaṭṭati, gaccha, rājānaṃ gehaṃ yācāhī’’ti āha. Tāpaso gantvā gehaṃ yāci. Rājā manussānaṃ vaccakuṭikiccaṃ sādhayamānaṃ ekaṃ chaḍḍitagehaṃ dāpesi. So deviṃ gahetvā tattha agamāsi, sā pavisituṃ na icchati. ‘‘Kiṃkāraṇā na pavisasī’’ti? ‘‘Asucibhāvenā’’ti. Idāni ‘‘kiṃ karomī’’ti. ‘‘Paṭijaggāhi na’’nti vatvā rañño santikaṃ pesetvā ‘‘gaccha, kuddālaṃ āhara, pacchiṃ āharā’’ti āharāpetvā asuciñca saṅkārañca chaḍḍāpetvā gāmayaṃ āharāpetvā limpāpetvā punapi ‘‘gaccha, mañcaṃ āhara, pīṭhaṃ āhara, attharaṇaṃ āhara, cāṭiṃ āhara, ghaṭaṃ āharā’’ti ekamekaṃ āharāpetvā puna udakāharaṇādīnaṃ atthāya āṇāpesi. So ghaṭaṃ ādāya udakaṃ āharitvā cāṭiṃ pūretvā nhānodakaṃ sajjetvā sayanaṃ atthari. Atha naṃ sayane ekato nisinnaṃ dāṭhikāsu gahetvā ‘‘tava samaṇabhāvaṃ vā brāhmaṇabhāvaṃ vā na jānāsī’’ti oṇametvā attano abhimukhaṃ ākaḍḍhi. So tasmiṃ kāle satiṃ paṭilabhi, ettakaṃ pana kālaṃ aññāṇī ahosi. Evaṃ aññāṇakaraṇā kilesā nāma. ‘‘Kāmacchandanīvaraṇaṃ, bhikkhave, andhakaraṇaṃ aññāṇakaraṇa’’ntiādi (saṃ. ni. 5.221) cettha vattabbaṃ.
со сад̇им̣ бадилабхид̇ваа жинд̇зси ‘‘аяам̣ д̇ан̣хаа вад̣дхамаанаа мама жад̇уухи абааязхи сийсам̣ угкибид̇ум̣ на д̣̇ассад̇и, аж̇ж̇зва маяаа имам̣ ран̃н̃о нияяаад̣̇зд̇ваа химаванд̇ам̣ бависид̇ум̣ ваддад̇ий’’д̇и. со д̇ам̣ аад̣̇ааяа рааж̇аанам̣ убасан̇гамид̇ваа ‘‘махаарааж̇а, д̇ава д̣̇звияаа маяхам̣ ад̇т̇о над̇т̇и, гзвалам̣ мз имам̣ ниссааяа д̇ан̣хаа вад̣дхид̇аа’’д̇и вад̇ваа имам̣ г̇аат̇амааха –
So satiṃ paṭilabhitvā cintesi ‘‘ayaṃ taṇhā vaḍḍhamānā mama catūhi apāyehi sīsaṃ ukkhipituṃ na dassati, ajjeva mayā imaṃ rañño niyyādetvā himavantaṃ pavisituṃ vaṭṭatī’’ti. So taṃ ādāya rājānaṃ upasaṅkamitvā ‘‘mahārāja, tava deviyā mayhaṃ attho natthi, kevalaṃ me imaṃ nissāya taṇhā vaḍḍhitā’’ti vatvā imaṃ gāthamāha –
66.
66.
‘‘згаа ижчаа бурз ааси, алад̣̇д̇хаа муд̣̇улагкан̣ам̣;
‘‘Ekā icchā pure āsi, aladdhā mudulakkhaṇaṃ;
яад̇о лад̣̇д̇хаа ал̣аарагкий, ижчаа ижчам̣ виж̇ааяат̇аа’’д̇и.
Yato laddhā aḷārakkhī, icchā icchaṃ vijāyathā’’ti.
д̇ад̇рааяам̣ бин̣д̣ад̇т̇о – махаарааж̇а, маяхам̣ имам̣ д̇ава д̣̇звим̣ муд̣̇улагкан̣ам̣ алабхид̇ваа бурз ‘‘ахо вад̇аахам̣ зд̇ам̣ лабхзяяа’’нд̇и згаа ижчаа ааси, згаава д̇ан̣хаа уббаж̇ж̇и. яад̇о бана мз аяам̣ ал̣аарагкий висааланзд̇д̇аа собханаложанаа лад̣̇д̇хаа, ат̇а мз саа буримигаа ижчаа г̇зхад̇ан̣хам̣ убагаран̣ад̇ан̣хам̣ убабхог̇ад̇ан̣ханд̇и убаруубари ан̃н̃ам̣ наанаббагаарам̣ ижчам̣ виж̇ааяат̇а ж̇анзси уббаад̣̇зси. саа ко бана мз звам̣ вад̣дхамаанаа ижчаа абааяад̇о сийсам̣ угкибид̇ум̣ на д̣̇ассад̇и, алам̣ мз имааяа, д̇ван̃н̃зва д̇ава бхарияам̣ г̇ан̣ха, ахам̣ бана химаванд̇ам̣ г̇амиссаамийд̇и д̇аавад̣̇зва надтам̣ жхаанам̣ уббаад̣̇зд̇ваа аагаасз нисинно д̇хаммам̣ д̣̇зсзд̇ваа ран̃н̃о оваад̣̇ам̣ д̣̇ад̇ваа аагаасзнзва химаванд̇ам̣ г̇анд̇ваа буна мануссабат̇ам̣ наама нааг̇амааси, б̣рахмавихаарз бана бхаавзд̇ваа абарихийнаж̇жхаано б̣рахмалогз ниб̣б̣ад̇д̇и.
Tatrāyaṃ piṇḍattho – mahārāja, mayhaṃ imaṃ tava deviṃ mudulakkhaṇaṃ alabhitvā pure ‘‘aho vatāhaṃ etaṃ labheyya’’nti ekā icchā āsi, ekāva taṇhā uppajji. Yato pana me ayaṃ aḷārakkhī visālanettā sobhanalocanā laddhā, atha me sā purimikā icchā gehataṇhaṃ upakaraṇataṇhaṃ upabhogataṇhanti uparūpari aññaṃ nānappakāraṃ icchaṃ vijāyatha janesi uppādesi. Sā kho pana me evaṃ vaḍḍhamānā icchā apāyato sīsaṃ ukkhipituṃ na dassati, alaṃ me imāya, tvaññeva tava bhariyaṃ gaṇha, ahaṃ pana himavantaṃ gamissāmīti tāvadeva naṭṭhaṃ jhānaṃ uppādetvā ākāse nisinno dhammaṃ desetvā rañño ovādaṃ datvā ākāseneva himavantaṃ gantvā puna manussapathaṃ nāma nāgamāsi, brahmavihāre pana bhāvetvā aparihīnajjhāno brahmaloke nibbatti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз со бхигку арахад̇д̇апалз бад̇идтахи. сад̇т̇ааби анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, муд̣̇улагкан̣аа уббалаван̣н̣аа, иси бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsesi, saccapariyosāne so bhikkhu arahattaphale patiṭṭhahi. Satthāpi anusandhiṃ ghaṭetvā jātakaṃ samodhānesi – ‘‘tadā rājā ānando ahosi, mudulakkhaṇā uppalavaṇṇā, isi pana ahameva ahosi’’nti.
муд̣̇улагкан̣аж̇аад̇агаван̣н̣анаа чадтаа.
Mudulakkhaṇajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 66. муд̣̇улагкан̣аж̇аад̇агам̣ • 66. Mudulakkhaṇajātakaṃ
