| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
161. муулаад̣̇ибхзсаж̇ж̇агат̇аа
161. Mūlādibhesajjakathā
263. д̇зна ко бана самаязна г̇илаанаанам̣ бхигкуунам̣ муулзхи бхзсаж̇ж̇зхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами , бхигкавз, муулаани бхзсаж̇ж̇аани – халид̣̇д̣̇им̣, син̇г̇ивзрам̣, важам̣, важад̇т̇ам̣ 1, ад̇ивисам̣, гадугарохин̣им̣, усийрам̣, бхад̣̇д̣̇амуд̇д̇агам̣, яаани ваа банан̃н̃ааниби ад̇т̇и муулаани бхзсаж̇ж̇аани, нзва каад̣̇анийяз каад̣̇анийяад̇т̇ам̣ паранд̇и, на бхож̇анийяз бхож̇анийяад̇т̇ам̣ паранд̇и, д̇аани – бадиг̇г̇ахзд̇ваа яааваж̇ийвам̣ барихарид̇ум̣; сад̇и бажжаяз барибхун̃ж̇ид̇ум̣. асад̇и бажжаяз барибхун̃ж̇анд̇асса аабад̇д̇и д̣̇уггадассаад̇и.
263. Tena kho pana samayena gilānānaṃ bhikkhūnaṃ mūlehi bhesajjehi attho hoti. Bhagavato etamatthaṃ ārocesuṃ. Anujānāmi , bhikkhave, mūlāni bhesajjāni – haliddiṃ, siṅgiveraṃ, vacaṃ, vacatthaṃ 2, ativisaṃ, kaṭukarohiṇiṃ, usīraṃ, bhaddamuttakaṃ, yāni vā panaññānipi atthi mūlāni bhesajjāni, neva khādanīye khādanīyatthaṃ pharanti, na bhojanīye bhojanīyatthaṃ pharanti, tāni – paṭiggahetvā yāvajīvaṃ pariharituṃ; sati paccaye paribhuñjituṃ. Asati paccaye paribhuñjantassa āpatti dukkaṭassāti.
д̇зна ко бана самаязна г̇илаанаанам̣ бхигкуунам̣ муулзхи бхзсаж̇ж̇зхи бидтзхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, нисад̣̇ам̣ нисад̣̇абод̇аганд̇и.
Tena kho pana samayena gilānānaṃ bhikkhūnaṃ mūlehi bhesajjehi piṭṭhehi attho hoti. Bhagavato etamatthaṃ ārocesuṃ. Anujānāmi, bhikkhave, nisadaṃ nisadapotakanti.
д̇зна ко бана самаязна г̇илаанаанам̣ бхигкуунам̣ гасаавзхи бхзсаж̇ж̇зхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, гасааваани 3 бхзсаж̇ж̇аани – нимб̣агасаавам̣, гудаж̇агасаавам̣, бадолагасаавам̣, паг̇г̇авагасаавам̣, над̇д̇амаалагасаавам̣, яаани ваа банан̃н̃ааниби ад̇т̇и гасааваани бхзсаж̇ж̇аани нзва каад̣̇анийяз каад̣̇анийяад̇т̇ам̣ паранд̇и, на бхож̇анийяз бхож̇анийяад̇т̇ам̣ паранд̇и, д̇аани – бадиг̇г̇ахзд̇ваа яааваж̇ийвам̣ барихарид̇ум̣; сад̇и бажжаяз барибхун̃ж̇ид̇ум̣. асад̇и бажжаяз барибхун̃ж̇анд̇асса аабад̇д̇и д̣̇уггадассаад̇и.
Tena kho pana samayena gilānānaṃ bhikkhūnaṃ kasāvehi bhesajjehi attho hoti. Bhagavato etamatthaṃ ārocesuṃ. Anujānāmi, bhikkhave, kasāvāni 4 bhesajjāni – nimbakasāvaṃ, kuṭajakasāvaṃ, paṭolakasāvaṃ, phaggavakasāvaṃ, nattamālakasāvaṃ, yāni vā panaññānipi atthi kasāvāni bhesajjāni neva khādanīye khādanīyatthaṃ pharanti, na bhojanīye bhojanīyatthaṃ pharanti, tāni – paṭiggahetvā yāvajīvaṃ pariharituṃ; sati paccaye paribhuñjituṃ. Asati paccaye paribhuñjantassa āpatti dukkaṭassāti.
д̇зна ко бана самаязна г̇илаанаанам̣ бхигкуунам̣ бан̣н̣зхи бхзсаж̇ж̇зхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз , бан̣н̣аани бхзсаж̇ж̇аани – нимб̣абан̣н̣ам̣, гудаж̇абан̣н̣ам̣, бадолабан̣н̣ам̣, суласибан̣н̣ам̣, габбаасабан̣н̣ам̣, яаани ваа банан̃н̃ааниби ад̇т̇и бан̣н̣аани бхзсаж̇ж̇аани, нзва каад̣̇анийяз каад̣̇анийяад̇т̇ам̣ паранд̇и, на бхож̇анийяз бхож̇анийяад̇т̇ам̣ паранд̇и…бз….
Tena kho pana samayena gilānānaṃ bhikkhūnaṃ paṇṇehi bhesajjehi attho hoti. Bhagavato etamatthaṃ ārocesuṃ. Anujānāmi, bhikkhave , paṇṇāni bhesajjāni – nimbapaṇṇaṃ, kuṭajapaṇṇaṃ, paṭolapaṇṇaṃ, sulasipaṇṇaṃ, kappāsapaṇṇaṃ, yāni vā panaññānipi atthi paṇṇāni bhesajjāni, neva khādanīye khādanīyatthaṃ pharanti, na bhojanīye bhojanīyatthaṃ pharanti…pe….
д̇зна ко бана самаязна г̇илаанаанам̣ бхигкуунам̣ палзхи бхзсаж̇ж̇зхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, палаани бхзсаж̇ж̇аани – б̣илан̇г̇ам̣, биббалим̣, марижам̣, харийд̇агам̣, вибхийд̇агам̣, аамалагам̣, г̇одтапалам̣ 5, яаани ваа банан̃н̃ааниби ад̇т̇и палаани бхзсаж̇ж̇аани, нзва каад̣̇анийяз каад̣̇анийяад̇т̇ам̣ паранд̇и, на бхож̇анийяз бхож̇анийяад̇т̇ам̣ паранд̇и…бз….
Tena kho pana samayena gilānānaṃ bhikkhūnaṃ phalehi bhesajjehi attho hoti. Bhagavato etamatthaṃ ārocesuṃ. Anujānāmi, bhikkhave, phalāni bhesajjāni – bilaṅgaṃ, pippaliṃ, maricaṃ, harītakaṃ, vibhītakaṃ, āmalakaṃ, goṭṭhaphalaṃ 6, yāni vā panaññānipi atthi phalāni bhesajjāni, neva khādanīye khādanīyatthaṃ pharanti, na bhojanīye bhojanīyatthaṃ pharanti…pe….
д̇зна ко бана самаязна г̇илаанаанам̣ бхигкуунам̣ ж̇ад̇уухи бхзсаж̇ж̇зхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ж̇ад̇ууни бхзсаж̇ж̇аани – хин̇г̇ум̣, хин̇г̇уж̇ад̇ум̣, хин̇г̇усибаадигам̣, д̇агам̣, д̇агабад̇д̇им̣, д̇агабан̣н̣им̣ , саж̇ж̇уласам̣, яаани ваа банан̃н̃ааниби ад̇т̇и ж̇ад̇ууни бхзсаж̇ж̇аани, нзва каад̣̇анийяз каад̣̇анийяад̇т̇ам̣ паранд̇и…бз….
Tena kho pana samayena gilānānaṃ bhikkhūnaṃ jatūhi bhesajjehi attho hoti. Bhagavato etamatthaṃ ārocesuṃ. Anujānāmi, bhikkhave, jatūni bhesajjāni – hiṅguṃ, hiṅgujatuṃ, hiṅgusipāṭikaṃ, takaṃ, takapattiṃ, takapaṇṇiṃ , sajjulasaṃ, yāni vā panaññānipi atthi jatūni bhesajjāni, neva khādanīye khādanīyatthaṃ pharanti…pe….
д̇зна ко бана самаязна г̇илаанаанам̣ бхигкуунам̣ лон̣зхи бхзсаж̇ж̇зхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, лон̣аани бхзсаж̇ж̇аани – саамуд̣̇д̣̇ам̣, гаал̣алон̣ам̣, синд̇хавам̣, уб̣бхид̣̇ам̣ 7, б̣илам̣ 8, яаани ваа банан̃н̃ааниби ад̇т̇и лон̣аани бхзсаж̇ж̇аани, нзва каад̣̇анийяз каад̣̇анийяад̇т̇ам̣ паранд̇и, на бхож̇анийяз бхож̇анийяад̇т̇ам̣ паранд̇и, д̇аани – бадиг̇г̇ахзд̇ваа яааваж̇ийвам̣ барихарид̇ум̣; сад̇и бажжаяз барибхун̃ж̇ид̇ум̣. асад̇и бажжаяз барибхун̃ж̇анд̇асса аабад̇д̇и д̣̇уггадассаад̇и.
Tena kho pana samayena gilānānaṃ bhikkhūnaṃ loṇehi bhesajjehi attho hoti. Bhagavato etamatthaṃ ārocesuṃ. Anujānāmi, bhikkhave, loṇāni bhesajjāni – sāmuddaṃ, kāḷaloṇaṃ, sindhavaṃ, ubbhidaṃ 9, bilaṃ 10, yāni vā panaññānipi atthi loṇāni bhesajjāni, neva khādanīye khādanīyatthaṃ pharanti, na bhojanīye bhojanīyatthaṃ pharanti, tāni – paṭiggahetvā yāvajīvaṃ pariharituṃ; sati paccaye paribhuñjituṃ. Asati paccaye paribhuñjantassa āpatti dukkaṭassāti.
264. д̇зна ко бана самаязна ааяасмад̇о аананд̣̇асса убаж̇жхааяасса ааяасмад̇о б̣зладтасийсасса т̇уллагажчааб̣аад̇хо ход̇и. д̇асса ласигааяа жийвараани гааяз лаг̇г̇анд̇и, д̇аани бхигкуу уд̣̇агзна д̇змзд̇ваа д̇змзд̇ваа абагад̣дханд̇и. ад̣̇д̣̇асаа ко бхаг̇аваа сзнаасанажааригам̣ аахин̣д̣анд̇о д̇з бхигкуу д̇аани жийвараани уд̣̇агзна д̇змзд̇ваа д̇змзд̇ваа абагад̣дханд̇з, д̣̇исваана язна д̇з бхигкуу д̇знубасан̇гами, убасан̇гамид̇ваа д̇з бхигкуу зд̇ад̣̇авожа – ‘‘гим̣ имасса, бхигкавз, бхигкуно ааб̣аад̇хо’’д̇и? ‘‘имасса, бханд̇з, ааяасмад̇о т̇уллагажчааб̣аад̇хо, ласигааяа жийвараани гааяз лаг̇г̇анд̇и, д̇аани маяам̣ уд̣̇агзна д̇змзд̇ваа д̇змзд̇ваа абагад̣дхаамаа’’д̇и . ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, яасса ган̣д̣у ваа, бил̣агаа ваа, ассааво ваа, т̇уллагажчу ваа ааб̣аад̇хо, гааяо ваа д̣̇уг̇г̇анд̇хо, жун̣н̣аани бхзсаж̇ж̇аани; аг̇илаанасса чаган̣ам̣ мад̇д̇игам̣ раж̇ананиббаггам̣. ануж̇аанаами, бхигкавз, уд̣̇угкалам̣ мусала’’нд̇и.
264. Tena kho pana samayena āyasmato ānandassa upajjhāyassa āyasmato belaṭṭhasīsassa thullakacchābādho hoti. Tassa lasikāya cīvarāni kāye lagganti, tāni bhikkhū udakena temetvā temetvā apakaḍḍhanti. Addasā kho bhagavā senāsanacārikaṃ āhiṇḍanto te bhikkhū tāni cīvarāni udakena temetvā temetvā apakaḍḍhante, disvāna yena te bhikkhū tenupasaṅkami, upasaṅkamitvā te bhikkhū etadavoca – ‘‘kiṃ imassa, bhikkhave, bhikkhuno ābādho’’ti? ‘‘Imassa, bhante, āyasmato thullakacchābādho, lasikāya cīvarāni kāye lagganti, tāni mayaṃ udakena temetvā temetvā apakaḍḍhāmā’’ti . Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, yassa kaṇḍu vā, piḷakā vā, assāvo vā, thullakacchu vā ābādho, kāyo vā duggandho, cuṇṇāni bhesajjāni; agilānassa chakaṇaṃ mattikaṃ rajananippakkaṃ. Anujānāmi, bhikkhave, udukkhalaṃ musala’’nti.
д̇зна ко бана самаязна г̇илаанаанам̣ бхигкуунам̣ жун̣н̣зхи бхзсаж̇ж̇зхи жаалид̇зхи ад̇т̇о ход̇и . бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, жун̣н̣ажаалининд̇и. сан̣хзхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̣̇уссажаалининд̇и.
Tena kho pana samayena gilānānaṃ bhikkhūnaṃ cuṇṇehi bhesajjehi cālitehi attho hoti . Bhagavato etamatthaṃ ārocesuṃ. Anujānāmi, bhikkhave, cuṇṇacālininti. Saṇhehi attho hoti. Bhagavato etamatthaṃ ārocesuṃ. Anujānāmi, bhikkhave, dussacālininti.
д̇зна ко бана самаязна ан̃н̃ад̇арасса бхигкуно амануссигааб̣аад̇хо ход̇и. д̇ам̣ аажарияубаж̇жхааяаа убадтаханд̇аа наасагким̣су арог̇ам̣ гаад̇ум̣. со суугарасуунам̣ г̇анд̇ваа аамагамам̣сам̣ каад̣̇и, аамагалохид̇ам̣ биви . д̇асса со амануссигааб̣аад̇хо бадиббассамбхи. бхаг̇авад̇о зд̇амад̇т̇ам̣ аарожзсум̣ . ануж̇аанаами, бхигкавз, амануссигааб̣аад̇хз аамагамам̣сам̣ аамагалохид̇анд̇и.
Tena kho pana samayena aññatarassa bhikkhuno amanussikābādho hoti. Taṃ ācariyupajjhāyā upaṭṭhahantā nāsakkhiṃsu arogaṃ kātuṃ. So sūkarasūnaṃ gantvā āmakamaṃsaṃ khādi, āmakalohitaṃ pivi . Tassa so amanussikābādho paṭippassambhi. Bhagavato etamatthaṃ ārocesuṃ . Anujānāmi, bhikkhave, amanussikābādhe āmakamaṃsaṃ āmakalohitanti.
265. д̇зна ко бана самаязна ан̃н̃ад̇арасса бхигкуно жагкурог̇ааб̣аад̇хо ход̇и. д̇ам̣ бхигкуу бариг̇г̇ахзд̇ваа ужжаарамби бассаавамби нигкаамзнд̇и. ад̣̇д̣̇асаа ко бхаг̇аваа сзнаасанажааригам̣ аахин̣д̣анд̇о д̇з бхигкуу д̇ам̣ бхигкум̣ бариг̇г̇ахзд̇ваа ужжаарамби бассаавамби нигкаамзнд̇з, д̣̇исваана язна д̇з бхигкуу д̇знубасан̇гами, убасан̇гамид̇ваа д̇з бхигкуу зд̇ад̣̇авожа – ‘‘гим̣ имасса, бхигкавз, бхигкуно ааб̣аад̇хо’’д̇и? ‘‘имасса, бханд̇з, ааяасмад̇о жагкурог̇ааб̣аад̇хо. имам̣ маяам̣ бариг̇г̇ахзд̇ваа ужжаарамби бассаавамби нигкаамзмаа’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, ан̃ж̇анам̣ – гаал̣ан̃ж̇анам̣, расан̃ж̇анам̣, сод̇ан̃ж̇анам̣, г̇зругам̣, габалла’’нд̇и. ан̃ж̇ануубабисанзхи ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, жанд̣̇анам̣, д̇аг̇арам̣, гаал̣аанусаарияам̣, д̇аалийсам̣, бхад̣̇д̣̇амуд̇д̇аганд̇и. д̇зна ко бана самаязна бхигкуу бидтаани ан̃ж̇анаани жаругзсуби 11 сараавагзсуби нигкибанд̇и; д̇ин̣ажун̣н̣зхиби бам̣сугзхиби огирияанд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ан̃ж̇анинд̇и.
265. Tena kho pana samayena aññatarassa bhikkhuno cakkhurogābādho hoti. Taṃ bhikkhū pariggahetvā uccārampi passāvampi nikkhāmenti. Addasā kho bhagavā senāsanacārikaṃ āhiṇḍanto te bhikkhū taṃ bhikkhuṃ pariggahetvā uccārampi passāvampi nikkhāmente, disvāna yena te bhikkhū tenupasaṅkami, upasaṅkamitvā te bhikkhū etadavoca – ‘‘kiṃ imassa, bhikkhave, bhikkhuno ābādho’’ti? ‘‘Imassa, bhante, āyasmato cakkhurogābādho. Imaṃ mayaṃ pariggahetvā uccārampi passāvampi nikkhāmemā’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, añjanaṃ – kāḷañjanaṃ, rasañjanaṃ, sotañjanaṃ, gerukaṃ, kapalla’’nti. Añjanūpapisanehi attho hoti. Bhagavato etamatthaṃ ārocesuṃ. Anujānāmi, bhikkhave, candanaṃ, tagaraṃ, kāḷānusāriyaṃ, tālīsaṃ, bhaddamuttakanti. Tena kho pana samayena bhikkhū piṭṭhāni añjanāni carukesupi 12 sarāvakesupi nikkhipanti; tiṇacuṇṇehipi paṃsukehipi okiriyanti. Bhagavato etamatthaṃ ārocesuṃ. Anujānāmi, bhikkhave, añjaninti.
д̇зна ко бана самаязна чаб̣б̣аг̇г̇ияаа бхигкуу ужжааважаа ан̃ж̇анияо д̇хаарзнд̇и – сован̣н̣амаяам̣, руубияамаяам̣. мануссаа уж̇жхааяанд̇и кияяанд̇и вибаажзнд̇и – ‘‘сзяяат̇ааби г̇ихий гаамабхог̇ино’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ужжааважаа ан̃ж̇аний д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадасса. ануж̇аанаами, бхигкавз, адтимаяам̣, д̣̇анд̇амаяам̣, висаан̣амаяам̣, нал̣амаяам̣, взл̣умаяам̣, гадтамаяам̣, ж̇ад̇умаяам̣, паламаяам̣, лохамаяам̣, сан̇канаабхимаяанд̇и.
Tena kho pana samayena chabbaggiyā bhikkhū uccāvacā añjaniyo dhārenti – sovaṇṇamayaṃ, rūpiyamayaṃ. Manussā ujjhāyanti khiyyanti vipācenti – ‘‘seyyathāpi gihī kāmabhogino’’ti. Bhagavato etamatthaṃ ārocesuṃ. Na, bhikkhave, uccāvacā añjanī dhāretabbā. Yo dhāreyya, āpatti dukkaṭassa. Anujānāmi, bhikkhave, aṭṭhimayaṃ, dantamayaṃ, visāṇamayaṃ, naḷamayaṃ, veḷumayaṃ, kaṭṭhamayaṃ, jatumayaṃ, phalamayaṃ, lohamayaṃ, saṅkhanābhimayanti.
д̇зна ко бана самаязна ан̃ж̇анияо абааруд̇аа хонд̇и, д̇ин̣ажун̣н̣зхиби бам̣сугзхиби огирияанд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, абид̇хаананд̇и. абид̇хаанам̣ нибад̇ад̇и . бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, суд̇д̇агзна б̣анд̇хид̇ваа ан̃ж̇анияаа б̣анд̇хид̇унд̇и. ан̃ж̇аний палад̇и 13. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, суд̇д̇агзна сиб̣б̣зд̇унд̇и.
Tena kho pana samayena añjaniyo apārutā honti, tiṇacuṇṇehipi paṃsukehipi okiriyanti. Bhagavato etamatthaṃ ārocesuṃ. Anujānāmi, bhikkhave, apidhānanti. Apidhānaṃ nipatati . Bhagavato etamatthaṃ ārocesuṃ. Anujānāmi, bhikkhave, suttakena bandhitvā añjaniyā bandhitunti. Añjanī phalati 14. Bhagavato etamatthaṃ ārocesuṃ. Anujānāmi, bhikkhave, suttakena sibbetunti.
д̇зна ко бана самаязна бхигкуу ан̇г̇улияаа ан̃ж̇анд̇и, агкийни д̣̇угкаани хонд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ан̃ж̇анисалааганд̇и.
Tena kho pana samayena bhikkhū aṅguliyā añjanti, akkhīni dukkhāni honti. Bhagavato etamatthaṃ ārocesuṃ. Anujānāmi, bhikkhave, añjanisalākanti.
д̇зна ко бана самаязна чаб̣б̣аг̇г̇ияаа бхигкуу ужжааважаа ан̃ж̇анисалаагааяо д̇хаарзнд̇и – сован̣н̣амаяам̣ руубияамаяам̣. мануссаа уж̇жхааяанд̇и кияяанд̇и вибаажзнд̇и, ‘‘сзяяат̇ааби г̇ихий гаамабхог̇ино’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ужжааважаа ан̃ж̇анисалаагаа д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадасса. ануж̇аанаами, бхигкавз, адтимаяам̣…бз… сан̇канаабхимаяанд̇и.
Tena kho pana samayena chabbaggiyā bhikkhū uccāvacā añjanisalākāyo dhārenti – sovaṇṇamayaṃ rūpiyamayaṃ. Manussā ujjhāyanti khiyyanti vipācenti, ‘‘seyyathāpi gihī kāmabhogino’’ti. Bhagavato etamatthaṃ ārocesuṃ. Na, bhikkhave, uccāvacā añjanisalākā dhāretabbā. Yo dhāreyya, āpatti dukkaṭassa. Anujānāmi, bhikkhave, aṭṭhimayaṃ…pe… saṅkhanābhimayanti.
д̇зна ко бана самаязна ан̃ж̇анисалаагаа бхуумияам̣ бад̇ид̇аа парусаа ход̇и. бхаг̇авад̇о зд̇амад̇т̇ам̣ аарожзсум̣ . ануж̇аанаами, бхигкавз, салаагатаанияанд̇и 15.
Tena kho pana samayena añjanisalākā bhūmiyaṃ patitā pharusā hoti. Bhagavato etamatthaṃ ārocesuṃ . Anujānāmi, bhikkhave, salākaṭhāniyanti 16.
д̇зна ко бана самаязна бхигкуу ан̃ж̇анимби ан̃ж̇анисалаагамби хад̇т̇зна барихаранд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ан̃ж̇анид̇т̇авиганд̇и. ам̣саб̣ад̣̇д̇хаго на ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ам̣саб̣ад̣̇д̇хагам̣ б̣анд̇ханасуд̇д̇аганд̇и.
Tena kho pana samayena bhikkhū añjanimpi añjanisalākampi hatthena pariharanti. Bhagavato etamatthaṃ ārocesuṃ. Anujānāmi, bhikkhave, añjanitthavikanti. Aṃsabaddhako na hoti. Bhagavato etamatthaṃ ārocesuṃ. Anujānāmi, bhikkhave, aṃsabaddhakaṃ bandhanasuttakanti.
266. д̇зна ко бана самаязна ааяасмад̇о билинд̣̇аважчасса сийсаабхид̇аабо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, муд̣̇д̇хани д̇злаганд̇и. нагкаманияо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, над̇т̇угамманд̇и. над̇т̇у г̇алад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, над̇т̇угаран̣инд̇и.
266. Tena kho pana samayena āyasmato pilindavacchassa sīsābhitāpo hoti. Bhagavato etamatthaṃ ārocesuṃ. Anujānāmi, bhikkhave, muddhani telakanti. Nakkhamaniyo hoti. Bhagavato etamatthaṃ ārocesuṃ. Anujānāmi, bhikkhave, natthukammanti. Natthu galati. Bhagavato etamatthaṃ ārocesuṃ. Anujānāmi, bhikkhave, natthukaraṇinti.
д̇зна ко бана самаязна чаб̣б̣аг̇г̇ияаа бхигкуу ужжааважаа над̇т̇угаран̣ияо д̇хаарзнд̇и – сован̣н̣амаяам̣ руубияамаяам̣. мануссаа уж̇жхааяанд̇и кияяанд̇и вибаажзнд̇и, ‘‘сзяяат̇ааби г̇ихий гаамабхог̇ино’’д̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ужжааважаа над̇т̇угаран̣ий д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадасса. ануж̇аанаами, бхигкавз, адтимаяам̣…бз… сан̇канаабхимаяанд̇и. над̇т̇ум̣ висамам̣ аасин̃жанд̇и 17. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз , яамаганад̇т̇угаран̣инд̇и. нагкаманияо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇хуумам̣ баад̇унд̇и. д̇ан̃н̃зва ваддим̣ аалимбзд̇ваа биванд̇и , ган̣то д̣̇ахад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇хууманзд̇д̇анд̇и.
Tena kho pana samayena chabbaggiyā bhikkhū uccāvacā natthukaraṇiyo dhārenti – sovaṇṇamayaṃ rūpiyamayaṃ. Manussā ujjhāyanti khiyyanti vipācenti, ‘‘seyyathāpi gihī kāmabhogino’’ti. Bhagavato etamatthaṃ ārocesuṃ. Na, bhikkhave, uccāvacā natthukaraṇī dhāretabbā. Yo dhāreyya, āpatti dukkaṭassa. Anujānāmi, bhikkhave, aṭṭhimayaṃ…pe… saṅkhanābhimayanti. Natthuṃ visamaṃ āsiñcanti 18. Bhagavato etamatthaṃ ārocesuṃ. Anujānāmi, bhikkhave , yamakanatthukaraṇinti. Nakkhamaniyo hoti. Bhagavato etamatthaṃ ārocesuṃ. Anujānāmi, bhikkhave, dhūmaṃ pātunti. Taññeva vaṭṭiṃ ālimpetvā pivanti , kaṇṭho dahati. Bhagavato etamatthaṃ ārocesuṃ. Anujānāmi, bhikkhave, dhūmanettanti.
д̇зна ко бана самаязна чаб̣б̣аг̇г̇ияаа бхигкуу ужжааважаани д̇хууманзд̇д̇аани д̇хаарзнд̇и – сован̣н̣амаяам̣ руубияамаяам̣. мануссаа уж̇жхааяанд̇и кияяанд̇и вибаажзнд̇и – сзяяат̇ааби г̇ихий гаамабхог̇инод̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ужжааважаани д̇хууманзд̇д̇аани д̇хаарзд̇аб̣б̣аани. яо д̇хаарзяяа, аабад̇д̇и д̣̇уггадасса. ануж̇аанаами, бхигкавз, адтимаяам̣…бз… сан̇канаабхимаяанд̇и.
Tena kho pana samayena chabbaggiyā bhikkhū uccāvacāni dhūmanettāni dhārenti – sovaṇṇamayaṃ rūpiyamayaṃ. Manussā ujjhāyanti khiyyanti vipācenti – seyyathāpi gihī kāmabhoginoti. Bhagavato etamatthaṃ ārocesuṃ. Na, bhikkhave, uccāvacāni dhūmanettāni dhāretabbāni. Yo dhāreyya, āpatti dukkaṭassa. Anujānāmi, bhikkhave, aṭṭhimayaṃ…pe… saṅkhanābhimayanti.
д̇зна ко бана самаязна д̇хууманзд̇д̇аани абааруд̇аани хонд̇и, баан̣агаа бависанд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, абид̇хаананд̇и.
Tena kho pana samayena dhūmanettāni apārutāni honti, pāṇakā pavisanti. Bhagavato etamatthaṃ ārocesuṃ. Anujānāmi, bhikkhave, apidhānanti.
д̇зна ко бана самаязна бхигкуу д̇хууманзд̇д̇аани хад̇т̇зна барихаранд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇хууманзд̇д̇ат̇авиганд̇и. згад̇о гхам̣сияанд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, яамагат̇авиганд̇и. ам̣саб̣ад̣̇д̇хаго на ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ам̣саб̣ад̣̇д̇хагам̣ б̣анд̇ханасуд̇д̇аганд̇и.
Tena kho pana samayena bhikkhū dhūmanettāni hatthena pariharanti. Bhagavato etamatthaṃ ārocesuṃ. Anujānāmi, bhikkhave, dhūmanettathavikanti. Ekato ghaṃsiyanti. Bhagavato etamatthaṃ ārocesuṃ. Anujānāmi, bhikkhave, yamakathavikanti. Aṃsabaddhako na hoti. Bhagavato etamatthaṃ ārocesuṃ. Anujānāmi, bhikkhave, aṃsabaddhakaṃ bandhanasuttakanti.
267. д̇зна ко бана самаязна ааяасмад̇о билинд̣̇аважчасса ваад̇ааб̣аад̇хо ход̇и. взж̇ж̇аа звамаахам̣су – ‘‘д̇злам̣ бажид̇аб̣б̣а’’нд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇злабааганд̇и. д̇асмим̣ ко бана д̇злабаагз маж̇ж̇ам̣ багкибид̇аб̣б̣ам̣ ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇злабаагз маж̇ж̇ам̣ багкибид̇унд̇и.
267. Tena kho pana samayena āyasmato pilindavacchassa vātābādho hoti. Vejjā evamāhaṃsu – ‘‘telaṃ pacitabba’’nti. Bhagavato etamatthaṃ ārocesuṃ. Anujānāmi, bhikkhave, telapākanti. Tasmiṃ kho pana telapāke majjaṃ pakkhipitabbaṃ hoti. Bhagavato etamatthaṃ ārocesuṃ. Anujānāmi, bhikkhave, telapāke majjaṃ pakkhipitunti.
д̇зна ко бана самаязна чаб̣б̣аг̇г̇ияаа бхигкуу ад̇ибагкид̇д̇амаж̇ж̇аани 19 д̇злаани бажанд̇и, д̇аани бивид̇ваа маж̇ж̇анд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ад̇ибагкид̇д̇амаж̇ж̇ам̣ д̇злам̣ баад̇аб̣б̣ам̣. яо бивзяяа, яат̇аад̇хаммо гаарзд̇аб̣б̣о. ануж̇аанаами, бхигкавз, яасмим̣ д̇злабаагз маж̇ж̇асса на ван̣н̣о на г̇анд̇хо на расо бан̃н̃ааяад̇и, зваруубам̣ маж̇ж̇абагкид̇д̇ам̣ д̇злам̣ баад̇унд̇и.
Tena kho pana samayena chabbaggiyā bhikkhū atipakkhittamajjāni 20 telāni pacanti, tāni pivitvā majjanti. Bhagavato etamatthaṃ ārocesuṃ. Na, bhikkhave, atipakkhittamajjaṃ telaṃ pātabbaṃ. Yo piveyya, yathādhammo kāretabbo. Anujānāmi, bhikkhave, yasmiṃ telapāke majjassa na vaṇṇo na gandho na raso paññāyati, evarūpaṃ majjapakkhittaṃ telaṃ pātunti.
д̇зна ко бана самаязна бхигкуунам̣ б̣ахум̣ ад̇ибагкид̇д̇амаж̇ж̇ам̣ д̇злам̣ баггам̣ ход̇и. ат̇а ко бхигкуунам̣ зд̇ад̣̇ахоси – ‘‘гат̇ам̣ ну ко ад̇ибагкид̇д̇амаж̇ж̇з д̇злз бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, аб̣бхан̃ж̇анам̣ ад̇хидтаад̇унд̇и.
Tena kho pana samayena bhikkhūnaṃ bahuṃ atipakkhittamajjaṃ telaṃ pakkaṃ hoti. Atha kho bhikkhūnaṃ etadahosi – ‘‘kathaṃ nu kho atipakkhittamajje tele paṭipajjitabba’’nti? Bhagavato etamatthaṃ ārocesuṃ. Anujānāmi, bhikkhave, abbhañjanaṃ adhiṭṭhātunti.
д̇зна ко бана самаязна ааяасмад̇о билинд̣̇аважчасса б̣ахуд̇арам̣ д̇злам̣ баггам̣ ход̇и, д̇злабхааж̇анам̣ на виж̇ж̇ад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇ийн̣и д̇умб̣аани – лохад̇умб̣ам̣, гадтад̇умб̣ам̣, палад̇умб̣анд̇и.
Tena kho pana samayena āyasmato pilindavacchassa bahutaraṃ telaṃ pakkaṃ hoti, telabhājanaṃ na vijjati. Bhagavato etamatthaṃ ārocesuṃ. Anujānāmi, bhikkhave, tīṇi tumbāni – lohatumbaṃ, kaṭṭhatumbaṃ, phalatumbanti.
д̇зна ко бана самаязна ааяасмад̇о билинд̣̇аважчасса ан̇г̇аваад̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сзд̣̇агамманд̇и. нагкаманияо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, самбхаарасзд̣̇анд̇и. нагкаманияо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, махаасзд̣̇анд̇и. нагкаманияо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, бхан̇г̇од̣̇аганд̇и. нагкаманияо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, уд̣̇агагодтаганд̇и.
Tena kho pana samayena āyasmato pilindavacchassa aṅgavāto hoti. Bhagavato etamatthaṃ ārocesuṃ. Anujānāmi, bhikkhave, sedakammanti. Nakkhamaniyo hoti. Bhagavato etamatthaṃ ārocesuṃ. Anujānāmi, bhikkhave, sambhārasedanti. Nakkhamaniyo hoti. Bhagavato etamatthaṃ ārocesuṃ. Anujānāmi, bhikkhave, mahāsedanti. Nakkhamaniyo hoti. Bhagavato etamatthaṃ ārocesuṃ. Anujānāmi, bhikkhave, bhaṅgodakanti. Nakkhamaniyo hoti. Bhagavato etamatthaṃ ārocesuṃ. Anujānāmi, bhikkhave, udakakoṭṭhakanti.
д̇зна ко бана самаязна ааяасмад̇о билинд̣̇аважчасса баб̣б̣аваад̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, лохид̇ам̣ можзд̇унд̇и. нагкаманияо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, лохид̇ам̣ можзд̇ваа висаан̣зна г̇аахзд̇унд̇и 21.
Tena kho pana samayena āyasmato pilindavacchassa pabbavāto hoti. Bhagavato etamatthaṃ ārocesuṃ. Anujānāmi, bhikkhave, lohitaṃ mocetunti. Nakkhamaniyo hoti. Bhagavato etamatthaṃ ārocesuṃ. Anujānāmi, bhikkhave, lohitaṃ mocetvā visāṇena gāhetunti 22.
д̇зна ко бана самаязна ааяасмад̇о билинд̣̇аважчасса баад̣̇аа палид̇аа 23 хонд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, баад̣̇аб̣бхан̃ж̇ананд̇и. нагкаманияо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, баж̇ж̇ам̣ абхисан̇карид̇унд̇и.
Tena kho pana samayena āyasmato pilindavacchassa pādā phalitā 24 honti. Bhagavato etamatthaṃ ārocesuṃ. Anujānāmi, bhikkhave, pādabbhañjananti. Nakkhamaniyo hoti. Bhagavato etamatthaṃ ārocesuṃ. Anujānāmi, bhikkhave, pajjaṃ abhisaṅkharitunti.
д̇зна ко бана самаязна ан̃н̃ад̇арасса бхигкуно г̇ан̣д̣ааб̣аад̇хо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сад̇т̇агамманд̇и. гасаавод̣̇агзна ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, гасаавод̣̇аганд̇и. д̇илагаггзна ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇илагагганд̇и. габ̣ал̣игааяа ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, габ̣ал̣иганд̇и. ван̣аб̣анд̇ханажол̣зна ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ван̣аб̣анд̇ханажол̣анд̇и. ван̣о ган̣д̣увад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, саасабагуддзна 25 посид̇унд̇и. ван̣о гилиж̇ж̇ид̇т̇а. бхаг̇авад̇о зд̇амад̇т̇ам̣ аарожзсум̣. ануж̇аанаами , бхигкавз, д̇хуумам̣ гаад̇унд̇и. вад̣дхамам̣сам̣ вудтаад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, лон̣асагкаригааяа чинд̣̇ид̇унд̇и. ван̣о на рухад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ван̣ад̇зланд̇и. д̇злам̣ г̇алад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами , бхигкавз, вигаасигам̣ саб̣б̣ам̣ ван̣абадигамманд̇и.
Tena kho pana samayena aññatarassa bhikkhuno gaṇḍābādho hoti. Bhagavato etamatthaṃ ārocesuṃ. Anujānāmi, bhikkhave, satthakammanti. Kasāvodakena attho hoti. Bhagavato etamatthaṃ ārocesuṃ. Anujānāmi, bhikkhave, kasāvodakanti. Tilakakkena attho hoti. Bhagavato etamatthaṃ ārocesuṃ. Anujānāmi, bhikkhave, tilakakkanti. Kabaḷikāya attho hoti. Bhagavato etamatthaṃ ārocesuṃ. Anujānāmi, bhikkhave, kabaḷikanti. Vaṇabandhanacoḷena attho hoti. Bhagavato etamatthaṃ ārocesuṃ. Anujānāmi, bhikkhave, vaṇabandhanacoḷanti. Vaṇo kaṇḍuvati. Bhagavato etamatthaṃ ārocesuṃ. Anujānāmi, bhikkhave, sāsapakuṭṭena 26 phositunti. Vaṇo kilijjittha. Bhagavato etamatthaṃ ārocesuṃ. Anujānāmi , bhikkhave, dhūmaṃ kātunti. Vaḍḍhamaṃsaṃ vuṭṭhāti. Bhagavato etamatthaṃ ārocesuṃ. Anujānāmi, bhikkhave, loṇasakkharikāya chinditunti. Vaṇo na ruhati. Bhagavato etamatthaṃ ārocesuṃ. Anujānāmi, bhikkhave, vaṇatelanti. Telaṃ galati. Bhagavato etamatthaṃ ārocesuṃ. Anujānāmi , bhikkhave, vikāsikaṃ sabbaṃ vaṇapaṭikammanti.
268. д̇зна ко бана самаязна ан̃н̃ад̇аро бхигку ахинаа д̣̇адто ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, жад̇д̇аари махаавигадаани д̣̇аад̇ум̣ – г̇уут̇ам̣, муд̇д̇ам̣, чааригам̣, мад̇д̇иганд̇и. ат̇а ко бхигкуунам̣ зд̇ад̣̇ахоси – ‘‘аббадиг̇г̇ахид̇аани ну ко уд̣̇ааху бадиг̇г̇ахзд̇аб̣б̣ааний’’д̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сад̇и габбияагаарагз бадиг̇г̇ахаабзд̇ум̣, асад̇и габбияагаарагз саамам̣ г̇ахзд̇ваа барибхун̃ж̇ид̇унд̇и.
268. Tena kho pana samayena aññataro bhikkhu ahinā daṭṭho hoti. Bhagavato etamatthaṃ ārocesuṃ. Anujānāmi, bhikkhave, cattāri mahāvikaṭāni dātuṃ – gūthaṃ, muttaṃ, chārikaṃ, mattikanti. Atha kho bhikkhūnaṃ etadahosi – ‘‘appaṭiggahitāni nu kho udāhu paṭiggahetabbānī’’ti. Bhagavato etamatthaṃ ārocesuṃ. Anujānāmi, bhikkhave, sati kappiyakārake paṭiggahāpetuṃ, asati kappiyakārake sāmaṃ gahetvā paribhuñjitunti.
д̇зна ко бана самаязна ан̃н̃ад̇арзна бхигкунаа висам̣ бийд̇ам̣ ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами бхигкавз г̇уут̇ам̣ бааязд̇унд̇и. ат̇а ко бхигкуунам̣ зд̇ад̣̇ахоси – ‘‘аббадиг̇г̇ахид̇ам̣ ну ко уд̣̇ааху бадиг̇г̇ахзд̇аб̣б̣о’’д̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, яам̣ гаронд̇о бадиг̇г̇ан̣хаад̇и, свзва бадиг̇г̇ахо гад̇о, на буна 27 бадиг̇г̇ахзд̇аб̣б̣од̇и.
Tena kho pana samayena aññatarena bhikkhunā visaṃ pītaṃ hoti. Bhagavato etamatthaṃ ārocesuṃ. Anujānāmi bhikkhave gūthaṃ pāyetunti. Atha kho bhikkhūnaṃ etadahosi – ‘‘appaṭiggahitaṃ nu kho udāhu paṭiggahetabbo’’ti? Bhagavato etamatthaṃ ārocesuṃ. Anujānāmi, bhikkhave, yaṃ karonto paṭiggaṇhāti, sveva paṭiggaho kato, na puna 28 paṭiggahetabboti.
269. д̇зна ко бана самаязна ан̃н̃ад̇арасса бхигкуно гхарад̣̇иннагааб̣аад̇хо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сийд̇аалол̣им̣ бааязд̇унд̇и.
269. Tena kho pana samayena aññatarassa bhikkhuno gharadinnakābādho hoti. Bhagavato etamatthaṃ ārocesuṃ. Anujānāmi, bhikkhave, sītāloḷiṃ pāyetunti.
д̇зна ко бана самаязна ан̃н̃ад̇аро бхигку д̣̇удтаг̇ахан̣иго ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, аамисакаарам̣ бааязд̇унд̇и.
Tena kho pana samayena aññataro bhikkhu duṭṭhagahaṇiko hoti. Bhagavato etamatthaṃ ārocesuṃ. Anujānāmi, bhikkhave, āmisakhāraṃ pāyetunti.
д̇зна ко бана самаязна ан̃н̃ад̇арасса бхигкуно бан̣д̣урог̇ааб̣аад̇хо ход̇и. бхаг̇авад̇о зд̇амад̇т̇ам̣ аарожзсум̣ . ануж̇аанаами, бхигкавз, муд̇д̇ахарийд̇агам̣ бааязд̇унд̇и.
Tena kho pana samayena aññatarassa bhikkhuno paṇḍurogābādho hoti. Bhagavato etamatthaṃ ārocesuṃ . Anujānāmi, bhikkhave, muttaharītakaṃ pāyetunti.
д̇зна ко бана самаязна ан̃н̃ад̇арасса бхигкуно чавид̣̇осааб̣аад̇хо ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, г̇анд̇хаалзбам̣ гаад̇унд̇и.
Tena kho pana samayena aññatarassa bhikkhuno chavidosābādho hoti. Bhagavato etamatthaṃ ārocesuṃ. Anujānāmi, bhikkhave, gandhālepaṃ kātunti.
д̇зна ко бана самаязна ан̃н̃ад̇аро бхигку абхисаннагааяо ход̇и. бхаг̇авад̇о зд̇амад̇т̇ам̣ аарожзсум̣ . ануж̇аанаами, бхигкавз, вирзжанам̣ баад̇унд̇и. ажчаган̃ж̇ияаа ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, ажчаган̃ж̇инд̇и. агадаяуусзна ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, агадаяуусанд̇и. гадаагадзна ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, гадаагаданд̇и. бадижчаад̣̇анийязна ад̇т̇о ход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, бадижчаад̣̇анийяанд̇и.
Tena kho pana samayena aññataro bhikkhu abhisannakāyo hoti. Bhagavato etamatthaṃ ārocesuṃ . Anujānāmi, bhikkhave, virecanaṃ pātunti. Acchakañjiyā attho hoti. Bhagavato etamatthaṃ ārocesuṃ. Anujānāmi, bhikkhave, acchakañjinti. Akaṭayūsena attho hoti. Bhagavato etamatthaṃ ārocesuṃ. Anujānāmi, bhikkhave, akaṭayūsanti. Kaṭākaṭena attho hoti. Bhagavato etamatthaṃ ārocesuṃ. Anujānāmi, bhikkhave, kaṭākaṭanti. Paṭicchādanīyena attho hoti. Bhagavato etamatthaṃ ārocesuṃ. Anujānāmi, bhikkhave, paṭicchādanīyanti.
муулаад̣̇ибхзсаж̇ж̇агат̇аа нидтид̇аа.
Mūlādibhesajjakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бан̃жабхзсаж̇ж̇аад̣̇игат̇аа • Pañcabhesajjādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бан̃жабхзсаж̇ж̇аад̣̇игат̇ааван̣н̣анаа • Pañcabhesajjādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 161. муулаад̣̇ибхзсаж̇ж̇агат̇аа • 161. Mūlādibhesajjakathā
